في هذه الدنيا التي تجري كباخرة في عرض البحر , نحتاج من يشاركنا رحلتنا هذه التي قد تطول لتشمل أعواماً وحده الخالق يعلم عددها, و قد تحط الباخرة رحالها بعد فترة وجيزة من انطلاقها معلنة نهاية الرحلة ....
و في كلتا الحالتين أحوج ما نكون إلى من يؤنس وحدتنا و يشاطرنا حياتنا بحلوها و مرها و نفضي إليه بما أثقل كاهلنا , و ما قد أدخل الفرح و السرور إلى قلوبنا ..

و لتحقيق ما سبق ذكره ... لابد من اجتياز حواجز شتى , و ربما يختار البعض التنحي جانباً و الخروج من هذا الامتحان ....

إليكم أهم الحواجز , و تبقى لكم الحرية المطلقة في اجتيازها أو اختيار التنحي جانباً :

1- الانتباه... هل تعير الآخرين انتباهك ؟؟؟

2- التقدير ... هل تقدّر الآخرين كما يجب ؟؟؟

3- النقد ... هل تنقد الآخرين في غيابهم و أمام عامة الناس ؟؟

4- الاحترام ... هل تحرص على احترام كل ما يتعلق بالآخرين ؟؟؟

5-التردد... هل تتردد عندما يتعلق الأمر باتخاذ قرار بشأنهم ؟؟؟
6- الخصوصية ... هل يدفعك الفضول إلى التعمق بخصوصيات الآخرين ؟؟؟

7- التأجيل ... هل تعمد إلى التأجيل إذا تعلق الأمر بمناقشة مشاكل الآخرين ؟؟؟

أضع هذه الحواجز السبعة أمامكم , و معكم نبتدي المشوار الذي يبدأ بالانتباه و ينتهي بالتأجيل ...

قدر المستطاع لمن يحتاجه

أظن ذلك
ممكن, أحيانا, ليس بقصد الغيبة والنميمة

بكل تأكيد

لا يمكنني تخذ قرار عن أحد إنما كون موقفي حيادي ولست من يحتاج للقرار فبإمكاني التجرأ أكثر مما اكون عليه عندما يتعلق الامر بي

أبدا

الفضول موجود طبعا إنما أفضل ان تقوم الطرف الآخر بسرد ما يود من خصوصياته لأضمن وجود الثقة بي

حسب الموقف

أما الآن

عزيزتي سيرين شاركت باجتياز الحواجز إنما لم أفهم قصدك من هكذا موضوع؟ هل له تتمة أم انه جرد استطلاع أم انني حقاً لم أفهم شيء منه

سيرين, حسب الأشخاص.. في اشخاص مابقدر عيرهم اهتمامي ابدا...
وهدول هنن الي بكون ماعندهم اهتمام...وبالتالي مستحيل اعطيهم اهتمامي..
اذا شخص ماحبيتو مابقدر اعطيه اي اهتمام...صفة مابحبها بحالي..بس موجودة.. اي طبعا...الإنسان اللي مقّدر حالو...اكيد بقدروا وبحترموا...
بس اذا شخص مو مقدر حالو..مابقدر شيلو من ارضوا.. اول شي انا اي كلمة بحكيها...بكون قدّها ومو خيفانة منها..
اذا شي كان كتير غلط...وصار قدامي...مابقدر اسكت...
بحكي سواء اذا كان الشخص موجود او غير موجود...
بس طبعا مو امام عامة الناس...
بحكي امام رفقاتي المقربين فقط..
بس انا عاملة حدود لحالي..يعني بحكي عن الناس الي بهموني فقط..
واللي مابهموني...(فخار يكسّر بعضو).. طبعا...
بس كل شي الو حدود...
يعني مو معقول شوف شي مو معقول...ومو منطقي...وحرام...وقول والله حرية شخصية... انا بعطي رأيي...وهنن فيهم عقل..بيقدروا يفكروا ويعرفوا الخطأ من الصح... لاء ابدا..
الا اذا الأشخاص هنن اجو وحكولي...
لأني انا مابسمح لأي حدى يتعمق بخصوصياتي...
طبعا انا ماعم احكي عن ماما وبابا... لاء..
بس بفضل يكون النقاش مباشر..
يعني وجها لوجه..
ممكن أجل اذا كان هالشكل كتير معصب ومتوتر...
كرمال مايغلط بحقي..وبحق المشكلة الي واقع فيها..

سيرين,
مواضيعك دائما مميزة..
تقبلي مروري..

Golden RoSe ,

عزيزتي سيرين شاركت باجتياز الحواجز إنما لم أفهم قصدك من هكذا موضوع؟ هل له تتمة أم انه جرد استطلاع أم انني حقاً لم أفهم شيء منه

أول شي .. أسعدتني مشاركتك بالموضوع عزيزتي
و تاني شي .. الموضوع ما لو تتمة ... و إنما كان بمثابة استطلاع , نتبين من خلاله الأسس التي ننطلق منها في مسيرتنا في هذه الدنيا و ذلك لبناء أفضل العلاقات مع الآخرين ....
من الناس من يأخذ هذه الحواجز بعين الاعتبار , و منهم من لا يكترث بوجودها
مع العلم أنها بشكل أو بآخر تُعتبر المفتاح الأساسي للتعمق في ذات الآخرين كل حسب اختياره للطريقة التي سيتخطى بها الحواجز السابقة الذكر

أشكر مشاركتك و اجتيازك لهذه الحواجز و لكِ مني

فلك ,

بدي أشكرك كتير فلك على شفافيتك و مشاركتك في اجتياز الحواجز

مواضيعك دائما مميزة..

تسلميلي فلك هاد من ذوقك و المميز هو تواجدك الدائم معنا بساحة حوار نورتي و تقبلي مني

بالبداية توصلت من خلال طرحك للموضوع بأن الألم الذي تتحدثين عنه هم ألم الوحدة..
الذي قرات عنه الكثير وكان أحد المواضيع التي أضعها في مدونتي للنشر في وقت لاحق...

الوحدة معضلة تعترض الإنسان وتوصله لحدود لا يمكن توقعها من اليأس والفشل..
وخاصة اذا كانت أسباب هذه الوحدة هي أشخاص نعيش مآسيها لأجلهم...
نضحي لأجلهم ونذوق كأس الحنظل فداءا لهم...
أما بالنسبة للإنتباه..فهي أحد الصروح التي ينهض بها الإنسان لإثبات وجوده وذاته.
ولكن هذا الانتباه يستند لمقومات توصلنا للهدف إذا أتقنا طريقها ...وتضّل طريقنا إذا أخطأنا في التعبير عنها....
التقدير: أحد أهم سمات الإنسان العاقل التي يتحلى بها..وهنا يجب التنويه أنها هي التي تحدد شخصه بالنسبة لجميع الناس فلا يوجد طرق لإستخدامها...
اما عن النقد...فهذا أمر يتحلى بالإبداع...فعندما أنقد يجب أن أكون نبيها ولا أنقد عن جهل وإنما على مبادء وملامس فلا يحبذ التخمين أبدا...وإلا أصبحنا في لعبة اليانصيب..
ومن جهة الإحترام .فهذا يندرج تحت التقدير...فكلاهما يتمم الآخر,,,وأن أكون محترما فهذا يعني أنني أقدّر الآخرين.....
ومن ناحية التردد...فلا أحبذ هذا الشي فإذا أكثرنا من الحلول ضاعت نتائجها وبقيت في شك من أمرها....لذا يجب أن أتدبر الموقف في حينه..إما بمعرفة أو إستخدام الذكاء للخروج من الموقف....

والخصوصية..كما تفضلتي من الواجب معرفتها ..لكن دون أن يعلم الآخر..فيجب أن تكون حبيسة بين الشخص وذاته...فالفضول له أبواب تخترقها الرياح حتى وإن أُغلقت بإحكام....
وأخيرا: التأجيل...إذا كان الغاية منه الدراسة للوضع فهو محبّذ...أما إذا كان هدفه التأجيل بمعناه فهو خاطأ بسبب تأنيب الضمير الذي سيلحق بنا وعدم الراحة التي سنظل غارقين فيها ريثما يتم الإفصاح عن ملا نريد قوله...

بالنهاية:: كتبت على حسب فهمي للموضوع وأتمنى أن يكون فهمي له على صواب.. وللتنويه الموضوع ليس سهلا أبدا وانما يحتاج لكثير من التفكير فهو يعيدنا لجميع ما مضى ولما سيأتي...ولك من التحية

أنس الدالي,
مية مرحبا يا هلا أنس ...و شكراً كتير ألك كلك ذوق و الله يديم عليك أنت كمان الصحة و العافية لفتت انتباهي هون إجابتك أنس ... و بدي أسألك ليش انتباهك بعيد عن الأشخاص الآخرين ؟؟
يعني شفنا أنو Golden RoSe , قالت: و بمشاركة فــلـك , شفنا تعليقها التالي: المقصود أنو الاهتمام كان موجود , بس مقدار هالاهتمام إذا صح التعبير توقف عند روز على حسب الاستطاعة و لأصحاب الحاجة للاهتمام ...
و عند فلك الانتباه توقف على الأشخاص أنفسهم ...
بس مع أنس كان الجواب : طبعاً بتمنى أني أسمع تعليقك على خروج الكل من دائرة اهتمامك ... و هاد طبعاً بيرجع ألك إذا حبيت تكون معنا بمشاركة تانية بالموضوع

بدي أشكر مرورك و اختيارك اجتياز الحواجز نورت الموضوع أنس و يا هلا فيك

أحمد الدالي,

استنتاجك نوعاً ما صحيح أحمد , و هاد الشي كان واضح من خلال مقدمة الموضوع: كتير أشخاص بتحسن بحبو الانعزال و بفضلو عدم مخالطة الآخرين إما لأنن بالفطرة مو اجتماعيين ,أو لأنن شافو أو سمعو شو ممكن يسببلن الاختلاط مع الآخرين و لهيك قررو أنو يبقو بعيدين عن الناس ...
بس بالمقابل في ناس بتقول أنو لأ الدنيا قائمة على الأخذ و العطاء و العلاقات الاجتماعية ... و هالناس ممكن أنو ينقسمو لمجموعتين ...
المجموعة الأولى : و هي ألي ما بتحط أي حواجز بينها و بين الآخرين و بتنطلق في تعاملها مع الآخرين من هاد الأساس ... يعني ما بفكرو كتير بطريقة التعامل مع الناس و ما بحطو لحالن خطوط وقت بيبنو علاقة مع فلان من الناس ...
المجموعة التانية : بترسم لحالها الطريق ألي رح يحدد علاقتها مع الناس ... بمعنى أنن بفكرو كتير منيح وقت بدن يتعاملو مع الناس و بيعطو كل شخص القدر ألي بيستحقو من الانتباه , التقدير , النقد , الاحترام , التردد , الخصوصية , التأجيل ... و هاد بيعتمد بالدرجة الأولى على قرب أو بعد الشخص بالنسبة لألن و أكيد على شخصيتو . تعبير حلو أحمد
بس أحياناً منشوف ناس متل ما بقولو " بيقتلها الفضول و لازم يعرفو الشاردة و الوارة و كل كبيرة و صغيرة " و هاد برأيي مانو محبذ بنوب و بنفر الناس من صاحب الفضول ...

أسعدتني مشاركتك أحمد و شكراً كتير لمرورك و مشاركتك نورت و يا مية هلا فيك

إذا كان قصدك , بهل تعير الآخرين انتباهك بسماع قصصن اللي عم يحكولي ياها أو مشاكلن أو أي شي ومشاركتن بالتفكير ..
فقدر المستطاع وحسب أهمية المشكلة بقللك إي بعيرهم كتير اهتمام .
أما إذا كانت القصة بايخة و سخيفة فما كتير بهتم , ببين إني مهتمة بس انا بالحقيقة لأ .... لدرجة إني بسأل سؤال للمشاركة و ما بهتم شو رح يكون الجواب

انشالله يكون الجواب " إي "
في أشخاص جد بيستحقوا تقدريهم , وفي أشخاص ما بيستحقوا أبدا هالشي , بيبقى المهم إنك تعرفي مين بيستحق التقدير الحقيقي لأنه بالفعل بيستحق

الخيارين موجودين عندي :
أنا بنقد الناس بوجودهم , وبنقدهم بغيابهم كمان .

إذا شي بيستحق الاحترام , فليش لأ أكيد رح إحترمه .
أما إذا شي بيتعلق بالآخرين وما بيستحق الإحترام , ما بقدر منشان جامل بين محترمة هالشي وانا بالحقيقة لأ ..
بستثني بالاحترام هون احترام الآراء ببعض المواضيع
"لأنه رح قول بالنهاية : هدا رايك وانا بحترمه "

بعمري ما أخدت قرار عن حدا , منشان ما يكون هالحدا إتكالي ولا سمح الله إذا صار شي سيء بالقرار اللي اتخذته , وبإتكاليته يحملني المسؤولية ..
أنا بعطي خيارات إن وجدت عندي , بس اتخاذ قرارات لأ , ومو من باب التردد

لا فضول ولا تعمق بالخصوصيات ..
بس أكيد و طبعاً إذا حدا سألني بخصوص مشكلة و طلب مني حلول أو رأي , فبحب أعرف شو صار فيها بعدين , لعدة أسباب , ممكن يكون الأول وبدون ترتيب : لأعرف إذا كان تفكيري صح أو خطأ , والتاني : أعرف شو صار بالشخص بعد ومع هالقصة..
وأحيانا لحتى تعرفي كيف تتعاملي مع شخص معين لازم تعرفي بعض الأمور عنه حتى ولو كانت خاصة شوي ..

صارت معي بصراحة مرتين هالشهر , وطلبت التأجيل بالتفكير , لأن عقلي مشلوش كتير ..
التأجيل ما بياخد أكتر من يوم بالكتير أو بالأحرى (ساعات) , منشان أعرف ركز وحط حالي بالموقف وشوف شو ممكن فكر..

حاولت إقفز وإجتاز هالحواجز بالصراحة قدر الإمكان , وحاولت ما أوقع

حبيت موضوعك كتير

بانة ,

المقصود بالانتباه بانا أنك ما تطنشي الناس الآخرين و تتصرفي و كأنن مو موجودين قد يكون بسبب أو بدون سبب . إضافة لما ذكرتيه حول سماع مشاكل و أخبار الآخرين .

و محاولتك لاجتياز الحواجز بما أمكن من الصراحة تستحقين عليها الشكر بانة ,
و إن شاء الله بتتخطي حواجز الدنيا كلها بنجاح wink

نورتي بانا و شكراً كتير لمشاركتك معنا