اقتباس:
1- الانتباه... هل تعير الآخرين انتباهك ؟؟؟
إذا كان قصدك , بهل تعير الآخرين انتباهك بسماع قصصن اللي عم يحكولي ياها أو مشاكلن أو أي شي ومشاركتن بالتفكير ..
فقدر المستطاع وحسب أهمية المشكلة بقللك إي بعيرهم كتير اهتمام .
أما إذا كانت القصة بايخة و سخيفة فما كتير بهتم , ببين إني مهتمة بس انا بالحقيقة لأ .... لدرجة إني بسأل سؤال للمشاركة و ما بهتم شو رح يكون الجواب 
اقتباس:
2- التقدير ... هل تقدّر الآخرين كما يجب ؟؟؟
انشالله يكون الجواب " إي "
في أشخاص جد بيستحقوا تقدريهم , وفي أشخاص ما بيستحقوا أبدا هالشي , بيبقى المهم إنك تعرفي مين بيستحق التقدير الحقيقي لأنه بالفعل بيستحق 
اقتباس:
3- النقد ... هل تنقد الآخرين في غيابهم و أمام عامة الناس ؟؟
الخيارين موجودين عندي :
أنا بنقد الناس بوجودهم , وبنقدهم بغيابهم كمان .
اقتباس:
4- الاحترام ... هل تحرص على احترام كل ما يتعلق بالآخرين ؟؟؟
إذا شي بيستحق الاحترام , فليش لأ أكيد رح إحترمه .
أما إذا شي بيتعلق بالآخرين وما بيستحق الإحترام , ما بقدر منشان جامل بين محترمة هالشي وانا بالحقيقة لأ ..
بستثني بالاحترام هون احترام الآراء ببعض المواضيع 
"لأنه رح قول بالنهاية : هدا رايك وانا بحترمه "
اقتباس:
5-التردد... هل تتردد عندما يتعلق الأمر باتخاذ قرار بشأنهم ؟؟؟
بعمري ما أخدت قرار عن حدا , منشان ما يكون هالحدا إتكالي ولا سمح الله إذا صار شي سيء بالقرار اللي اتخذته , وبإتكاليته يحملني المسؤولية ..
أنا بعطي خيارات إن وجدت عندي , بس اتخاذ قرارات لأ , ومو من باب التردد
اقتباس:
6- الخصوصية ... هل يدفعك الفضول إلى التعمق بخصوصيات الآخرين ؟؟؟
لا فضول ولا تعمق بالخصوصيات ..
بس أكيد و طبعاً إذا حدا سألني بخصوص مشكلة و طلب مني حلول أو رأي , فبحب أعرف شو صار فيها بعدين , لعدة أسباب , ممكن يكون الأول وبدون ترتيب : لأعرف إذا كان تفكيري صح أو خطأ , والتاني : أعرف شو صار بالشخص بعد ومع هالقصة..
وأحيانا لحتى تعرفي كيف تتعاملي مع شخص معين لازم تعرفي بعض الأمور عنه حتى ولو كانت خاصة شوي ..
اقتباس:
7- التأجيل ... هل تعمد إلى التأجيل إذا تعلق الأمر بمناقشة مشاكل الآخرين ؟؟؟
صارت معي بصراحة مرتين هالشهر , وطلبت التأجيل بالتفكير , لأن عقلي مشلوش كتير ..
التأجيل ما بياخد أكتر من يوم بالكتير أو بالأحرى (ساعات) , منشان أعرف ركز وحط حالي بالموقف وشوف شو ممكن فكر..
اقتباس:
أضع هذه الحواجز السبعة أمامكم , و معكم نبتدي المشوار الذي يبدأ بالانتباه و ينتهي بالتأجيل ...
حاولت إقفز وإجتاز هالحواجز بالصراحة قدر الإمكان , وحاولت ما أوقع 
حبيت موضوعك كتير 
|
إنما أفضل ان تقوم الطرف الآخر بسرد ما يود من خصوصياته لأضمن وجود الثقة بي 
أم انني حقاً لم أفهم شيء منه 
