من المواضيع الهامة و التي باتت تشكل حيزاً واسعاً في حديث الناس " زواج الأقارب " ..
و هذا الموضوع شأنه شأن العديد من المواضيع التي تحاكيه في الأهمية , حصد أصواتاً متباينة عبرت عن وجهات نظر أصحابها ...

_فريق وجد في هذا الزواج السبيل الأمثل للحفاظ على روابط القرابة و بالتالي ضمان استمرار المودة و الألفة ضمن العائلة الواحدة...

_و فريق نادى بالزواج من أناس لا تربطنا بهم صلة القرابى و حجتهم في ذلك تتمثل في أن زواج الأقارب من شأنه أن يكون السبب الرئيسي في النزاعات و الخلافات ضمن العائلة الواحدة
و التي قد تنتج عن عدم قدرة الزوجين على التفاهم و استمرار العلاقة الزوجية بينهم ...

_الفريق الثالت شدد على حجة الفريق الثاني و أضاف " عامل الوراثة " كواحد من أهم العوامل التي تحول دون زواج الأقارب
و ذلك حفاظاً على سلامة النسل ...

_و بين هؤلاء و هؤلاء يرتفع صوت فريق رابع ينفي وضع " عامل الوراثة " كواحد من العوامل التي تحول دون زواج الأقارب و يستندون في هذا على أمثلة شتى من حياة أزواج لا تربطهم صلة القرابة ...

هنا و في ساحة حوار أتوجه للأعضاء الكرام بالسؤال التالي :

مرحبا سيرين,
[align=center]كل هالوردات خص نص لإلك لإنك بصراحة إنتي مواضيعك هيك بحسها أكثر من أن يقال عليها رائعة طبعاً لإن كاتبتها أكتر من رائعة
في الحقيقة موضوعك جاء في القت المناسب دعيني أقول بالنسبة لي شخصياً لان واقع في حيرة ومرض ويمكن رأيتي في توقعي كلمة (أكبر كذبة هي كلمة أحبك " وأضن كفيلة لتعرفي المعاناة المهم نأتي إلى الطرح الذ1ي بدأتي به[/align] [align=center]في الحقيقة هذا من زمااان يعني قبل يمكن هيك بيفكرو أما هلأ وبسبب الخلافات الحادة خلينا نقول بين أغلب الأسر فإنهم يرفضون رفضاً قاطعاً لمثل هذا الزواج أل اوهو وكما أشرتي زواج بين بنت العم وإبنت العم وهلمَ جراً...[/align] [align=center] جيد جداً عامل الوراثة له دور كبير قي نقل الكثير من الامرراض بين الاحبة دعينا نقول والاقارب وخذي مثلاً بنت عمتي تزوجت ابن عمها والنتيجة أطفالها الثلالث مصابين بالتهاب الكبد مع العلم إن الاب سليم والام سليمة ولكن سبحان الله عامل الوراثة من الجد الأكبر أدى وسبب هذا المرض الكبير [/align]

[align=center]أانا مع وضد ...
مع عندما يكون هناك ما يسمى أو يسمونه الحب.. فإذا وجد الحب فوالله أقسم لكي انه سوف يتم الزواج رغماً عن كل الاهل ..
ضد: إذا كان هناك حساسيات بين الاهل ... كما هو حالي الآن بصراحة أقولها لكي ... وأصرح عنها رسمياً في آرتين .. رغم كال الخلافات الموجودة لا أخفيك أبداً اني أرغب ولكن درء للمشاكل التي سوف تحصل ,, رافض للفكرة .. أبداً مع علمي يقينياً أنه من الصعب جداً المفارقة ,,
فيما يخص زواج الاقارب بشكل عام أنا لا أنصح به أبداً... وذلك بسبب الامور التي قلتها والتي هي , عامل الوراثة الوخلافات الحادة..


شكراً لكي سيرين على طرحك الاكثر من جميل
[/align]

انا مع رأي جديد رابع
أنو الواحد يمشي مع قدره ويحب و يتزوج سواءً كانت قريبته أو غريبة عن العيلة .. ما بيهم
الا في حال اثبت التحليل الطبي وجود مرض احتمال ظهوره بالأولاد كبير وقتها لازم يفكر الواحد مية مرة قبل اتخاذ القرار
سيرين,
مشكورة للطرح المفيد دايما

زواج الأقارب ما بيخلق مشاكل مالا أساس ..
ولا بينهي مشاكل موجودة ..
طالما في وعي من الطرفين..
أنا ضد انو ينجبرو الأقرب ببعضن .. ومافي داعي لهيك قصص ..
انو مثلاً الأب يزوج بنتو لابن أخوه مشان الميراث!
كتير ناس ( أقارب) تزوجو وانفصلو ولسا في روابط حلوة بين العيلتين ..
لإنو في ( وعي) ..
مشان عامل الوراثة ..
اللي بعرفو والله تعالى أعلم .. انو لما يكون في كتير زيجات بين القرايبين من نفس العيلة ممكن تتواجد هيك مشاكل ..
متل مثلاً .. خالتي متزوجة ابن خالتها ( ابن خالة أمي)
هيك أنا ما بقدر اتزوج ابنها! لإنو ابنها بيقربني من جهتين
أما يلي ما في بيناتهن زيجات كتير .. بظن انو ما في مشكلة ..
والناس اللي بقولو انو حتى اللي ما بيقربو بعضن ممكن يجيبو ولاد معاقين ومشوهين ..
بدي قلن هالكلام صحيح ..
بس العلم أثبت انو نسبة هالمشاكل أكبر بين الأزواج الأقارب ..
بقا واجب علينا نجتنب الشبهات ولاااا نلقي بأيدينا إلى التهلكة

سيرين,
يسلم ايديكي ... موضوع مهم

حلواني,


مشي الحال ... فهمنا شو الحكاي

اوركيدا
أحسن شي أبعد عن الشر وغنولو
ههه

أول شي بدي اتشكرك على موضوعك لرائع
بالنسبة لهذا الموضوع انا لا اجد مشكلة في زواج الاقارب بل احفذ عليه لان من شانه ان يزيد في اواصر القربة والالفة بين العائلة
ولكن هذا لا يعني الالاتزام بالزواج من الاقارب فزوجتي من طائفة غير طائفتي وانا منسجم معها تماما ومتل ما بقولوا ما ببدلها بكنوز الدنيا
بس بيبقى زواج الاقارب له طعم خاص
كما انه يخفف بعض الشيْ من ازمة المهر التي يعاني منها معظم شباب اليوم حيث يبقى الاقرباء على اطلاع على وضع قريبهم المتقدم لابنتهم
وهذه ايجابية يجب الا ننساها
اما بالنسبة لموضوع المشاكل فليس لها علاقة سواء اكانت الزوجة قريبة ام غريبة سيَان فالمشاكل هي هي
ولا يوجد بيت يخلو من بعض المناغشات التي قد تطفي طابعا جميلاً على الحياة الاسرية
تقبلي مروري
وشكراً لك ثانيةً
أبو عطاء
وإن شئت أن تحيا بعيداً عن الأذى ودينك موفور وعرضك صيَن
لسانك لا تذكر به عورات امرىٍْ فكلك عورات وللناس ألسن
وعينك إن ابدت لك معايباً فد0000000000عها وقل يا عين للناس أعين
وعاشر بمعروف وسامح من اعتدى وفارق ولكن بالتي هي أحسن

حلواني ,

مرحبا سيرين,

كل هالوردات خص نص لإلك لإنك بصراحة إنتي مواضيعك هيك بحسها أكثر من أن يقال عليها رائعة طبعاً لإن كاتبتها أكتر من رائعة
مرحبتين فادي و شكراً كتير ألك هاد من ذوقك

جد في شيء بهيك مواضيع ممكن يترك آثار سلبية كتيرة ع الأشخاص المعنيين ..
و ممكن كتير الأشخاص يدفعوا ثمن شي اتسبب بوجودو الآباء ...
و بهيك حالة بكونو الأهل السبب في كسر شيء جميل ممكن أنو يحصل ..
بظن بمتل حالتك فادي أنو أفضل وسيلة هي الانسحاب و التسليم بالواقع ... يعني شو ممكن الواحد يتوقع من قيام علاقات زوجية أساسها المشاكل و الخلافات بين الأهل ؟؟؟
ع الأغلب ما حدا رح يكون مرتاح ....
و الدنيا قسمة و نصيب
و ما حدا بياخد أو بحقق شي بهالدنيا ألا و بكون مقدّر و مكتوب... و كل شخص مكتوبلو شي أكيد رح يحصل عليه

و لألك و لجميع الآرتينيين فادي بتمنالكن حياة سعيدة بعيدة عن الخلافات و المشاكل و أكيد بتمنالكن الحظ الحلو و راحة البال

Mohammed ,

أنو الواحد يمشي مع قدره ويحب و يتزوج سواءً كانت قريبته أو غريبة عن العيلة .. ما بيهم
الا في حال اثبت التحليل الطبي وجود مرض احتمال ظهوره بالأولاد كبير وقتها لازم يفكر الواحد مية مرة قبل اتخاذ القرار

رأيك سليم و بمكانو محمد و أكيد " لن يصيبنا إلا ما كتب الله لنا " ..
و شو ما كان نوع العلاقة و قد ما كانت قوية ... و جد و هاد ما نو تنظير أبداً ما لازم نكون أنانيين و نحب حالنا لدرجة تنسينا أنو ممكن كتير نظلم أطفال ما ألهن ذنب بنوب و يا ريت ما تكون سعادتنا مبنية على تعاستن بالمستقبل و ألي أكيد رح تنعكس علينا سلباً ..

و الشكر الكبير ألك محمد على مرورك و مشاركتك معنا بالموضوع و نورت

أوركيدا ,

زواج الأقارب ما بيخلق مشاكل مالا أساس ..

ممكن أوركيدا تنوجد المشاكل بعد الزواج و ما يصير تفاهم بين الزوجين .... و في حال وجود الوعي متل ما قلتي أوركيدا فأكيد أكيد رح يتم الود و الألفة موجودين بين العيلتين ... بس في حال عدم وجود الوعي المطلوب رح يكون الانفصال بداية لمرحلة خلافات الله وحدو بيعلم إيمتا رح تنتهي ..
بقا واجب علينا نجتنب الشبهات ولاااا نلقي بأيدينا إلى التهلكة
و هاد حكينا

شكراً كتير ع مرورك و مشاركتك أوركيدا و تسلميلي يا رب و نورتي

شكرا سيرين عردك الجميل في الحقيقة يا سيرين الحسد والغيره هما السببين الرأيسيين في متل هيك خلافات ..يعني متل ما تفضلتي حضرتك انه من الصعب جدا ان يتم زواج بين اسرتين تحدث فيها مشاكل كثيرة وغالبا لاتفه الاسباب ممكن ان يقال عنها .ولكن انا لم أخفيكي حقيقة اني احببت شخصا ومابعرف اذا هي حست بهالشي او قالولها مابعرف بس لتعرف يقينا انو فادي مايقبل الغلط ابدا ابدا , وشغله النصيب بامن فيه بس ليش دايما لما بدنا شي هيك مابيتحقق ويصير العكس دوما دوما.والله ياسيرين موضوعك جذبني كتير ويدفعني لاقول كل شيى على صفحات المنتدى بدون اي احراج..هل تعلمين اني الان في فراغ عاطفي حاد..مابعرف كيف اخرج منه بصراحة ياسيرين لما تحبي شخص وتكتشفي انو يريد واحد تاني بدك تنهاري..بس حاليا جاري البحث على ذات الخلق.وأكيد ماراح اخذ غير من عندكن..لان أنتي متال عن الاخلاق الحسنة والرائعة..المهم الاهل دوما لا يشعرون بما يشعره الابناء والتي دايما ما نتحمل اخطائن
اعذريني عالاطاله ولكن موضوعك يجعلن اسرد كتيرا
شكرا لكي

شكرا سيرين عردك الجميل في الحقيقة يا سيرين الحسد والغيره هما السببين الرأيسيين في متل هيك خلافات ..يعني متل ما تفضلتي حضرتك انه من الصعب جدا ان يتم زواج بين اسرتين تحدث فيها مشاكل كثيرة وغالبا لاتفه الاسباب ممكن ان يقال عنها .ولكن انا لم أخفيكي حقيقة اني احببت شخصا ومابعرف اذا هي حست بهالشي او قالولها مابعرف بس لتعرف يقينا انو فادي مايقبل الغلط ابدا ابدا , وشغله النصيب بامن فيه بس ليش دايما لما بدنا شي هيك مابيتحقق ويصير العكس دوما دوما.والله ياسيرين موضوعك جذبني كتير ويدفعني لاقول كل شيى على صفحات المنتدى بدون اي احراج..هل تعلمين اني الان في فراغ عاطفي حاد..مابعرف كيف اخرج منه بصراحة ياسيرين لما تحبي شخص وتكتشفي انو يريد واحد تاني بدك تنهاري..بس حاليا جاري البحث على ذات الخلق.وأكيد ماراح اخذ غير من عندكن..لان أنتي متال عن الاخلاق الحسنة والرائعة..المهم الاهل دوما لا يشعرون بما يشعره الابناء والتي دايما ما نتحمل اخطائن
اعذريني عالاطاله ولكن موضوعك يجعلن اسرد كتيرا
شكرا لكي