السلام عليكم جميعا.
بما إنها لساتها فكرة فحبيت اطرحها قبل ما حدا يسبقني.
الحمدلله بفضل الله تعالى, موقع أرتين من نجاح لأخر, و بفضل جهود الجميع عم يقدر يتطور و يصل للأعالي.
فكرتي هي إنه كل واحد بمكتبته الشخصية في كتب, يمكن قراها يمكن لأز كتب عليها غبار من قلة إستعمالها و كتب هرت وراقها من كتر استعمالها. كتب تخصصية بالأداب, بالعلوم, بالثقافة و ..الخ. أو يمكن كتب الجامعة بس.
شو رأيكن يصير إلنا -الأرتينين- معرض للكتاب المستعمل, يعني كل واحد بيحط كتبه اللي عنده و بسجلها عند المسؤلين عن المعرض, و بعدين المسؤلين بيقدمو قائمة بأسماء و أنواع الكتب لإدارة الجامعة, و الي بتتم الموافقة عليه بينزل بالمعرض.
أسعار الكتب رمزية جدا رح تكون -بما إنه الكتب مستعملة و بما إنه نحنا مالنا دار نشر- يعني بتتراوح من 25 إل 100 ليرة أو 150-كحد أقصى- حسب تاريخ صدور الكتاب و قيمته الأدبية و حالته.
بعدين كل كتاب بينباع بيكون في نسبة من الأرباح لصاحبوا و نسبة بيروح لصندوق أرتين اللي ممكن بعدين نعمل فيه مشاريع أخرى منبقى منفكر فيها.
شو رأيكن؟؟؟
و بفضل نوعية الكتب الي لون ورقا أصفر .. القديمة يعني .. بستمتع بقرائة هيك كتب 
