| آرتين لتعليم اللغات https://forum.art-en.com/ |
|
| سؤال بسيط لو سمحتو https://forum.art-en.com/viewtopic.php?t=19084 |
صفحة 1 من 1 |
| الكاتب: | Raghoudi [ الثلاثاء ديسمبر 01, 2009 6:41 pm ] |
| عنوان المشاركة: | سؤال بسيط لو سمحتو |
مسا الخير ياجماعة انا طبعا عم عاني متل كل طلاب السنة الاولى ضايعين وبدنا نصيحة حتى نعرف كيف ندرس بس انا مشكلتي اني رح سافر وما رح اقدر احضر المحاضرات يعني بس بجي بوقت الامتحانات وانا عم شوف انو الكل عم ينصحو بحضور المحاضرات وانو كل الاسئلة اجوبتها موجودة بكلام الدكتور طيب انا متأكدة انو الحضور افضل وبجيب نتائج وفهم أكتر بس انا سؤالي انو دراستي من خلال المحاضرات الي بجبيها من المكتبة بتفيدني وبتأمنلي نجاح بعلامة معقولة(مارح قول عالية لأنو اكيد الحضور مهم وهو الأساس)؟؟؟ شكرا لجهودكن 
|
|
| الكاتب: | shazaaa [ الأربعاء ديسمبر 02, 2009 12:47 am ] |
| عنوان المشاركة: | سؤال بسيط لو سمحتو |
السلام عليكم ارجوكم لو احد عندو اسئلة نقد 1 بس تكون اسئلة الدورة التكملية الماضية ارجوكم 
|
|
| الكاتب: | Raghad [ الأربعاء ديسمبر 02, 2009 1:22 am ] |
| عنوان المشاركة: | سؤال بسيط لو سمحتو |
Raghoudi, يا مية أهلا وسهلا فيكي  نوّر المنتدى بوجودك رغودة  كتير عاجبني اسمك مدري ليش حبيبتي ما تاكلي همّ في كتييييير طلاب ما بيحضروا محاضرات لنفس أسبابك يعني مشكلة السفر مشكلة وأكيد صعبة عليكي تجي تحضري .. أهم نقطة أنو يكون عندك إرادة وتصميم أنو انتي لازم تجتازي هالمرحلة على خير يعني اذا كان عندك إرادة ممكن تجيبي علامات أكتر من الي عم يحضروا وما عندك إرادة وتصميم  المحاضرات الي عم تجيبيهم كتير رح يحلولك مشكلة لأنو عم ينزّلو نفس ما حكا الدكتور يعني أكيد فيكي تعتمدي عليهم بدراستك وما تاكلي همّ النقطة التانية أنو انتي حاولي تطوّري حالك by yourself يعني The most important things for improving yourself are reading and practicing وكمان فيكي تتصفحي ساحة السنة الأولى هون فيها كتير مواضيع ونقاط ممكن تفيدك ونحنا هون بالمنتدى هدفنا الأساسي هو مساعدة الطلاب فإذا كان عندك اي سؤال أو استفسار حول أي نقطة نحنا جاهزين بتمنالك التوفيق
|
|
| الكاتب: | لجين [ الأربعاء ديسمبر 02, 2009 1:29 am ] |
| عنوان المشاركة: | سؤال بسيط لو سمحتو |
shazaaa,
وعليكم السلام حبيبتي اهلين فيكي.. ياريت توجهي سؤالك لطلاب السنة الرابعة بساحة طلاب السنة الرابعة وان شا الله بتلاقي مين يساعدك بإذن الله موفقة يارب |
|
| الكاتب: | عصام [ الأربعاء ديسمبر 02, 2009 1:56 am ] |
| عنوان المشاركة: | سؤال بسيط لو سمحتو |
shazaaa,  شو عم تعملي هون لله يخلصك من هالمادة ويخلصني منها ياااااااااااااااااااااارب
|
|
| الكاتب: | shazaaa [ الأربعاء ديسمبر 02, 2009 2:05 am ] |
| عنوان المشاركة: | سؤال بسيط لو سمحتو |
الدكتور طلب مني حل اسئلة التكملية وفتلت الجامعة والامتحانات وما وجدتها قلت ما في الا هون |
|
| الكاتب: | محمد الحسين [ الأربعاء ديسمبر 02, 2009 2:13 am ] |
| عنوان المشاركة: | سؤال بسيط لو سمحتو |
Raghoudi, مشان موضوع الدوام بالجامعة فاطمني انا بشوف انو مو كتير مهم انا ما كنت أحضر كل المواد بالأخص السنة الرابعة على سبيل انا لحد هل لحظة مابعرف شكل الدكتور فؤاد عبدالمطلب المرة الوحيدة الي رحت أحظرلو محاضرة مشان شوفو ما اجا فيها بهداك اليوم و الحمدلله نجحنا ومن أحلى ما يكون ومواد تانية كتيرة ما حضرت فيها ولا محاضرة وكانت تنجح معي من أول دورة بس هون في شغلة كتير مهمة لازم تنتبهي عليها لازم يظل فكرك بالمنهاج وتعرفي شو عم يصير سواء عن طريق شي حدا بيحضر أو انا بنصحك تابعي هون بالمنتدى متل ماكنت انا سوي شوف المواضيع الي عم تتناقش عن المنهاج وحلقات البحث واذا عندي سؤال اسال الشباب هون ومحدى كان يقصر بأي معلومة وفيكي كمان تعتمدي على المحاضرات بس (مو أي محاضرات ) لأنو في مكتبات أحياناً بينقصو أو بيزيدو فا لازم تنتبهي من هل الموضوع وعلى كلا الأمور كتير بسيطة وما بتخوف بس الواحد يركز ويتعب على حالو باللغة والقواعد مافي خوف اشاء الله بالتوفيق 
|
|
| الكاتب: | Raghoudi [ الأربعاء ديسمبر 02, 2009 3:07 am ] |
| عنوان المشاركة: | سؤال بسيط لو سمحتو |
اي انا كمان رغد كتير حبيت اسمك مع انو أبدا ما بيشبه اسمي شكرا كتير طمنتوني وبالنسبة للمحاضرات أنا اكيد رح ابقى متابعة والمنتدى أنا كتير حبيتو وما كنت متوقعة انو يكون بهالمستوى بصراحة وانشالله كتير رح اعتمد عليه وقت سافر |
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|