آزاد,
الموضوع عجبني كتير .. لأني متأثر من هالموضوع كتير ..
أنا ما بتعامل مع "أصدقائي" إلا بطيبة و حسن نية .. بس فعلا الي عم يصير انو عم يستغلو هاد الشي و عم تبدر منون تصرفات أنا شخصيا بعتبرا قلة احترام الي ..
اقتباس:
او اسمع فلان طيب وينضحك عليه هل الطيبه اصبحت غباء بزمننا؟
الطيبة أبدا مانا غباء .. لأني أنا مثلا .. بكوني عرفان شو عم يدور حوالي بكل التفاصيل الصغيرة و الكبيرة .. بس لأني ما بدي اخسر حدا ما بحكي بالمواضيع الي زاعجتني و بخليها بقلبي .. بزعل من الشخص لفترة .. بس كمان لحالي بروق .. و بنسى كل الموضوع من أصلو
اقتباس:
او فلان طيب ومايزعل هل الطيبه تجر على صاحبها من يستغلها ؟
نعم .. تجر على أصحابها من يستغل هذه الخصلة فيهم .. و يمكن الأشخاص التانيين بيستغلو هي الخصلة حتى بشكل لا شعوري .. و بيعتبرو الموضوع أقل من عادي .. و ما بفكرو مجرد التفكير فيه .. بينما في الواقع بكون نفس الموضوع كتير زاعج الشخص الطيب!!!
اقتباس:
هل الطيبه وتسامح اصبحت ضعف شخصيه وعيب لصاحبها ؟
هلق فعلا ما بعرف شو بدي قول .. بس أنا بعتبر الطيبة مو ضعف شخصية أبدا . . أنا بعتبرا كرم أخلاق
تمعن فيها منيح بتلاقيها فعلا كرم أخلاق .. أنك تسامح و ما تطلع على الأشياء الي ممكن تزعلك بس مشان ما تخسر الشخص .. أنا بعتبر هالشي كرم أخلاق
مشكور/ ة جدا عالموضوع الحلو
