لي تعليق كبيييييييييييييييييير
موضوع مميز جدا.......
فعلا انت و فوفو ستار نجوم ه القسم ..بس فوفو أسلس شوي

Safwat,

السلام عليكم
الموضوع فعلا ساخن و موجود بمجتمعنا بكثرة
أنا مع ما يقوله الدين في هذا الشأن فأذا كانت الفتاة متزوجة فيقام عليها الحد بالقتل هي والرجل إذا عرف
أما إذا كانت عذراء فيفضل تزويجها للرجل تحت التهديد
لكن دعني اتكلم مجازيا لاقدر الله دعونا نضع انفسنا في موقف مماثل لا قدر الله
أقول نعم واقول لا
ولكن هل يفيد القتل في شيء ما حصل قد حصل أؤيد حكم الأديان بالطبع أما الحكم الفوري فلا أساس له أظن أنها ضرورية إذا كانت مثبتة ((وجعلنا لكم في القصاص حياة يا أولي الألباب)) برأيي يقتل زجرا لغيره

ومشكور أخي sleman alhasan, مجددا وفعلا موضوع محير وكبير وبظن انو الموضوع اكبر من انو نفتي فيه فتوات ولكن أنا أشجع النقاش بهيك مواضيع
مشكور

sleman alhasan,
كأنو انا اول بنت بدها تبدي رأيها بالموضوع...
الموضوع كتير جميل وجدير بالنقاش...
ومواضيعك دايما مميزة....
وبتستحق انا مع الدين وحكمه...
بس الدين طالب اول الشي التأكد من صحة الامر....
وبعدها بيجي القصاص حسب وضع البنت....متزوجة....او غير متزوجة هلا بالنسبة لديني والي هوي الاسلام فأنا اكيد بأيدو....
وطبعا ضد القتل الفوري...
بس بالنسبة لحكم باقي الاديان فأنا مابعرفها...واذا في حا بيعرفها بتمنى يزكرها لنضيف للحوار شوية معلومات زيادة... هلأ اذا البنت بتستاهل وكان في شهود على هالشي فالشرع لازم يطبق
وبعدين في بنات بيستاهلو العقوبة... انا بشوف انو لازم ينقتل....
واذا ما انقتل رح يعيش طول حياتو ندم بندم ورح يتحاسب بالاخرة... احيانا بيقدروا يتلاعبو عالقانون وبخلو القانون يصير لصالحهم....
وبالنسبة للشطر التاني من السؤال
Safwat, شكرا كتير اخي صفوة....
يمكن انا اسلوبي اسلس...
بس اسلوب اخي سليمان ادبي اكتر(انا هيك بشوف)
وبالاخر كل شخص الو طريقتو بطرح الموضوع.....

sleman alhasan,
مشكور اخي الموضوع رائع جدا
وصار عم ينطرح كتير بالفترة الأخيرة طبعا ضد مية بالمية لأنها جريمة قتل
والقانون وحدو بيعاقب المجرم بالأعدام او الحبس ومو اي شخص بيقدر يصدر قرار من عندو وبيقتل تحت اسم الشرف
والشرف مو متعلق بالمراة بس.....يعني هالرجل اللي بدو يدافع عن شرفو ويقتل اختو وهو بيكون عامل العمايل هاد ما اسمو تلطيخ للشرف
هاد غير انو صار الشرف ذريعة لبعض ضعفاء النفوس اللي الغضب بيسيطر على تفكيرن وتصرفاتن.....يعني كتير سمعت انو في شباب قتلو اخواتن البنات لأنو شافوهون ماشين مع شب بس يعني ماعاد فقدان العذرية او الزنى هو الدافع الرئيسي للدفاع عن الشرف
اكيد ما بايد القتل الفوري
وبالدين اليهودي متل ما معروف عقاب الزانية هو الرجم
وباحكام الكنسية المسيحية المراة الزانية تُطلق فورا
اما الفتاة الغير المتزوجة فلا يوجد نص في الشريعة المسيحية يدينها باي عقاب
لأنو بالشريعة المسيحية الخاطئ عقابه من الله لا من البشر
وبحادثة مشهورة لما طُلب من السيد المسيح ان يحكم على امراة زانية قال"من كان منكم بلا خطيئة فليرجمها بحجر"
انا براي هاد اسمو قتل عن سبق الأصرار والترصد
وبالتاااااااالي عقوبة الأعدام

اما بالنسبة للقضاء فهو اكيد مو عادل بهالموضوع لأنو لما الواحد بيعرف حالو رح ينحبس تلت او ست شهور ما رح تفرء معو وبيقتلا بدون ما برفلو جفن
اما لما بتكون العقوبة هي السجن عشر سنين او اكتر رح يفكر مية مرة قبل ما يقتلا(حتى لو كان الغضب ماثر ع تفكيرو)

الموضوع مميز وفي الو تفرعات عديدة بيطول النقاش فيها
مشكور مرة تانية اخي

يعتبر قتل النساء على خلفية الشرف أحد أشكال التمييز وانتهاك حقوق الإنسان ضد المرأة بشكل خاص، فهي ظاهرة موجودة في العديد من المجتمعات منها المجتمع العربي. وهي لا تعدو كونها ردة فعل لعدة عوامل اجتماعية ونفسية وبيئية وتربوية واقتصادية وثقافية وغيرها. فقيمة الإنسان رجلا أو امرأة تتحدد حسب قدرته على العمل الخلاق والحب الحقيقي وليس حسب ما يملك من ثروة أو سلطة أو انتمائه الطبقي. علاوة على ذلك فدور الإنسان في المجتمع يتحدد حسب قدراته الفكرية وكونه عنصرا فاعلا ومؤثرا وليس حسب كونه ذكرا أو أنثى، وبذلك تكون قدرة الإنسان القادر على تطوير مجتمعه والوصول به إلى الأفضل هي التي تحدد قيمته وقتل النساء على خلفية الشرف هو جريمة يرتكبها رجل بحق امرأة تربطه بها صلة قرابة من الدرجة الأولى، ويكون الدافع للجريمة كما تعرفه المفاهيم الاجتماعية سواء كانت قتلا أو إيذاء الدفاع عن الشرف. أما السلوك الذي يعتبر ماسا بالشرف فهو ينطوي على اتصال جنسي غير مشروع يجلب العار على العائلة وفقا للعادات والتقاليد في المجتمع

http://www.phrmg.org/arabic/monitor2002/Aug2002-2.htm" onclick="window.open(this.href);return false;