shamya,
اهلا وسهلا فيكي
ممكن يكون الي ذكرتيه سبب من الأسباب لأنو الحضور بيلعب دور كبير بدراسة الطالب وجني ثمار ما درسو .. بس بعتقد بمادة الإنشاء حصراً الحضور ما مهم متل المواد الباقية لأنو هاد بيعتمد على كتابة مواضيع وهالمواضيع هي مو شرط يكون الدكتور ذاكرها بالمحاضرة او بتتعلق بالمنهاج 
هالمادة بتعتمد على خلق أفكار جديدة من عقل الطالب وكتابتا بالشكل السليم مع مراعاة القواعد والأخطاء الإملائية الي للأسف كتير من الاطلاب بيخطئوا فيها من دون ما يعرفوا 
لذلك بعتقد اذا كانت المشكلة عدم توفر الأفكار والمعلومات اللازمة للموضوع المطلوب الحل انو نضل نقرا مواضيع (عالنت مثلاً) وقراءة افكار ومعلومات عن اي قصة او موضوع او فكرة وهالشي ممكن يفيدنا بالامتحان وناخد جزء كبير منو .. واذا كانت المشكلة قواعدية فالحل هوة مراجعة بعض دروس القواعد للتقوية وتجنب الوقوع بأخطاء مميتة 
وأي مساعدة بتحتاجيها نحنا جاهزين
