لغـــــــــز ياكوف بيرلمان

أوركيدا · **مرسل:** الاثنين سبتمبر 28, 2009 1:34 am

لغز ياكوف بيرلمان

قد يعد هذا السؤال من الأسئلة السهلة الممتنعة ... وهو كذلك ، لان حوالي 95% من الأشخاص الذين عرض عليهم لم يستطيعوا حله، والذي أوجد هذا اللغز هو العالم ياكوف بيرلمان ( في منتدى العلماء

يقول اللغز: في ظهر كل يوم يقوم قطار من لندن متجهًا إلى مانشستر، ويصل إليها بعد 10 أيام، ونفس الشئ يحدث بالعكس حيث يقوم ظهر كل يوم قطار من مانشستر متجهًا إلى لندن ويصل أيضًا بعد 10 أيام، والسؤال: كم عدد القطارات التي يقابلها المسافر من لندن إلى مانشستر في طريقه؟
فرجوني رح تغلطوا نفس غلطتي .. ولا انتو أزكى مني

باسل العمروش · **مرسل:** الاثنين سبتمبر 28, 2009 2:09 am

الامر كتير محير...
بعتقد تسعة او عشرة

unknown · **مرسل:** الاثنين سبتمبر 28, 2009 2:14 am

أوركيدا,

اقتباس:

والسؤال: كم عدد القطارات التي يقابلها المسافر من لندن إلى مانشستر في طريقه؟

أنا بحب كتير الألغاز..فريتون يسلمو أوركيدا ..واذا عندك اي تحدي تاني انا جاهز..

الجواب..

يتبع بعد 24 ساعة من تنزيل الموضوع..

ابراهيم محمد · **مرسل:** الاثنين سبتمبر 28, 2009 2:19 am

انا بقول 20 قطااااااااار

وبس واذا بدكون التفسير خبروني

معناتو فيني قول عن حالي اني ذكي

يسلمو أوركيدا على اللغز

تحياتي

ابراهيم محمد · **مرسل:** الاثنين سبتمبر 28, 2009 2:20 am

بس ولي ما يكون الجواب خطأ

أوركيدا · **مرسل:** الاثنين سبتمبر 28, 2009 2:32 am

لك يا عيني عليكون نواااااااااااااااااااااابغ

بس ما رح قول الجواب الصحيح والتفسير الصحيح إلا لحتى تمر 24 ساعة على تنزيل الموضوع ..
ولا تصيرو نقاقين ترا بزود المدة ها

كل واحد بيقول الجواب مع التفسير

ابراهيم محمد · **مرسل:** الاثنين سبتمبر 28, 2009 2:50 am

طيب رح فسرلك التفسير اللي وصلتلو أنا ( ال على كتر ما أنا ذكي )

رح نحط بدل لندن الشام وبدل مانشستر حمص مشان ما ضيع

أنا هل بالشام ورايح على حمص وقبل ما روح انا كان في 10 قطارات طلعت قبل من حمص ع الشام مزبوط ؟
وهن جايين ع الشام واول قطار منهن رح يوصل هلأ لأنو طلع قبل 10 أيام

يعني هيك أنا رح لاقي ال 10 قطارات اللي طلعو بال 10 أيام اللي راحو مزبوط ؟

معي لهون خايف أنا اللي يتشتت تفكيري

وهال 10 قطارات اللي طلعت من حمص أنا رح التقي فيها خلال 5 ايام لأنو أنا ماشي بسرعة 10 ايام وهي كمان نفس الشي يعني بمعدل قطارين كل يوم

هلأ هون بلشت خربط بس روقوا علي حتى احسب

اي كنا نحكي عن ال 10 قطارات اللي طلعو قبل ما أطلع انا وهلأ رح نحكي عن القطارات اللي طلعت بنفس الوقت اللي انا طلعت فيه

خلال 10 ايام رح ينطلق 10 قطارات من حمص للشام ومن الشام لحمص فمعناتو أنا برضو رح أرجع شوف هالقطارات الجديدة يعني رح ألتقي فيهن كلهن لأنو أنا وهن ماشيين بعكس بعض وبنفس السرعة فاكيد رح نلتقي

كان أولشي 10 قطارات اللي طلعو قبل ما انا أطلع وهلأ 10 قطارات اللي طلعو معي فكم بكون المجموع ؟؟؟؟

أكيد 20 قطار آه يا أنا ما احلاني وقت كون مصحصح مع انو من شوي ضارب النفس العجيب

انشاا لله يكون الجواب صح وبانتظار التحيلي يا عبقرية

أوركيدا · **مرسل:** الاثنين سبتمبر 28, 2009 3:10 am

ابراهيموفيتش
عليّ ما عليّ فرطتني من الضحك

لك شو هاد

والله حسيت حدا ماسكني من ايدي ويفوتن راسي بحيط ويطالعو من حيط

اقتباس:

آه يا أنا ما احلاني وقت كون مصحصح

ممكن اوصفك بكل شي إلا الصحصحة..
لنشوف يمكن صح ويمكن لاء

ابراهيم محمد · **مرسل:** الاثنين سبتمبر 28, 2009 3:49 am

أوركيدا,

اقتباس:

ابراهيموفيتش
عليّ ما عليّ فرطتني من الضحك
لك شو هاد
والله حسيت حدا ماسكني من ايدي ويفوتن راسي بحيط ويطالعو من حيط

لا شو يفوت راسك بالحيط ما يفوتو سلامة الحيط انشاا لله قصدي سلامة راسك

اقتباس:

ممكن اوصفك بكل شي إلا الصحصحة..
لنشوف يمكن صح ويمكن لاء

اي هاد رأيك بس عن جد وقت تشوفيني وانا مع هالنفس العجيب بتقولي يا روح ما بعدك روح

وناطر الاجابة

AMD · **مرسل:** الاثنين سبتمبر 28, 2009 4:07 am

[align=center]السلام عليكم ورحمة الله وبركاته[/align][/b]

هلأ والله أعلم رح يتلاقى على الطريق قطارين والمسافر رح يكون بقطار فرح يمر بالقطار التاني !!!!!!

فالجواب هوي قطار واحد

LATEST_POSTS

لغـــــــــز ياكوف بيرلمان

الموجودون الآن