تنظيم النسل أم تحديده ؟؟

سيرين · **مرسل:** الثلاثاء أكتوبر 27, 2009 9:25 pm

أنا : ثبت علميا أن استخدام أي نوع من وسائل تحديد النسل يعود بآثار وخيمة على الحالة الصحية للأم ..

الآخر : لا تنس أن تزايد عدد السكان بات يشكل أزمة اقتصادية و اجتماعية ..

أنا : و أنا لم أقل أنه ينبغي على الأسرة أن تستضيف فرداً جديداً كل عام ...

الآخر : ما الذي ترمي إليه من خلال كلامك هذا ؟؟

أنا : لو تأملنا الهدى النبوى لوجدنا المسافة بين الحمل والآخر تستغرق ثلاث سنوات .. ولا سيما إذا رجعنا لقوله تعالى(وَالْوَالِدَاتُ يُرْضِعْنَ أَوْلاَدَهُنَّ حَوْلَيْنِ كَامِلَيْنِ لِمَنْ أَرَادَ أَن يُتِمَّ الرَّضَاعَة) سورة البقرة: 223 ومن ذلك نجد أن تنظيم النسل وإعطاء الفرصة للأم لاستعادة صحتها، أمر يدعو إليه الدين، وهذا بخلاف منع الحمل بصورة مطلقة ..

الآخر : الآن قد فهمت و استوعبت الفرق بين " تنظيم النسل " و " تحديد النسل " .

و لكن يبقى أن أتوجه إليكم بما يلي ::

هل أنتم مع " تحديد النسل " أم مع " تنظيم النسل " ؟؟

أين الحالة الاقتصادية , الوضع المادي للعائلة , صحة الأم من اختياركم للتحديد أو التنظيم ؟؟

و بين الأنا و الآخر يبقى أنتم

ميرا · **اشترك في:** الخميس مايو 07, 2009 7:33 pm

اقتباس:

لو تأملنا الهدى النبوى لوجدنا المسافة بين الحمل والآخر تستغرق ثلاث سنوات .. ولا سيما إذا رجعنا لقوله تعالى(وَالْوَالِدَاتُ يُرْضِعْنَ أَوْلاَدَهُنَّ حَوْلَيْنِ كَامِلَيْنِ لِمَنْ أَرَادَ أَن يُتِمَّ الرَّضَاعَة) سورة البقرة: 223 ومن ذلك نجد أن تنظيم النسل وإعطاء الفرصة للأم لاستعادة صحتها، أمر يدعو إليه الدين، وهذا بخلاف منع الحمل بصورة مطلقة ..

انا مع هالكلام تنظيم النسل لانو كل شي ورد بالقران الكريم ما ورد عن عبث واذا فكرنا فيا يعني منطقيا مظبوط لانو بهل الفترة بتكون الام استطاعت انا تربي الطفل الصغير وتمنحو الحنان والرضاعة الطبيعية
انا برايي تنظيم النسل كتير مهم وشكرا سيرين لانك وعيتنا شو تحديد النسل وشو تنظيم النسل
تقبلي مروري

سيرين · **مرسل:** الثلاثاء أكتوبر 27, 2009 10:16 pm

مبرا ,

اقتباس:

وشكرا سيرين لانك وعيتنا شو تحديد النسل وشو تنظيم النسل

الشكر ألك ميرا لمتابعتك و لمشاركتك و يا هلا فيكي

فــلـك · **مرسل:** الأربعاء أكتوبر 28, 2009 12:59 am

سيرين,
الموضوع كتيير رائع...ومهم...
من زمان كان النسل عم يتزايد اكتر من هلأ...
كان اقل عيلة فيها شي عشر اولاد...هاد غير الي بموتو وهنن صغار بسبب المرض...عدم الوعي..الخ..
هلأ الوضع اختلف...وخصوصا بعد تعلم المرأة وزيادة وعيها ودخولها لمجال العمل...
وزيادة الغلاء...ا(أكل..شرب...سكن..لبس..موبايلات...مدارس..جامعات...الخ....)
صارت المرأة تعرف انو الانجاب المتكرر خلال فترات متقاربة..عم يأثر عليها سلبا..
هلأ اذا شلنا هالقصص على جنب..
في عنا موضوع التربية...
لما بكون عند الام اولاد متقاربين بالعمر...بصير كتير صعب او (مستحيل) تلحق للكل..

التدريس...التربية.....لك حتى النظافة...
واخر شي بدها تضطر تهمل حالها وزوجها...وكمان مارح تلحق..

انا مع تنظيم النسل بالبداية.....وبعدها لما بصير عدد الاطفال مناسب..ومع اتفاق الزوجين على هذه النقاط....انا مع تحديده....
تقبلي مروري...

أنس الدالي · **اشترك في:** السبت مارس 22, 2008 5:47 am

سيرين,

هلأ الموضوع مفيد ورائع ما أختلفنا بس شو مشان أنو خاص للنساء
بس يالله أنا رح أحكي عن مشكلة الكثافة السكانية بشكل عام
لأنو هيك موضوع حلو بساحة حوار مو معقول ما رد عليه
طبعآ الحمد لله الكل بلاحظ الوعي الي صار بالمجتمع وتخفيض عدد الأولاد بأي طريقة كانت
رح أذكر السبب المباشر الذي ربما يغفله الكثيرون عن سبب زيادة نسبة النسل بالماضي طبعآ اضافة لعدم الوعي لمشاكل المجتمع وهمومه وضعف بالطب هناك
الزواج المبكر وعدم التوقف أو الترتيب للنسل
يعني بنت تتزوج عمرها 16 سنة حكمآ حتى ولو كانت تتبع الطريقة المذكورة بالقرآن الكريم رح تخلفلنا 12 ولد

اقتباس:

هل أنتم مع " تحديد النسل " أم مع " تنظيم النسل " ؟؟

مو لالي هاد السؤال بالرغم من أنو بمثل لب الموضوع

كل الشكر لك سيرين على تميزك لك مني

سيرين · **مرسل:** الأربعاء أكتوبر 28, 2009 12:32 pm

fofo star ,

اقتباس:

الموضوع كتيير رائع...ومهم...

تسلمي فوفو و هاد من ذوقك

اقتباس:

انا مع تنظيم النسل بالبداية.....وبعدها لما بصير عدد الاطفال مناسب..ومع اتفاق الزوجين على هذه النقاط....انا مع تحديده....

شكراً لرأيك فوفو و شكر اً لمشاركتك بالموضوع و متابعتك نورتي و يا هلا فيكي

أنس الدالي ,

اقتباس:

هلأ الموضوع مفيد ورائع ما أختلفنا بس شو مشان أنو خاص للنساء

مين قال هاد الكلام

أول شي أهلا و سهلا فيك أنس و شكراً كتير ألك و منور

تاني شي ...

اقتباس:

بس يالله أنا رح أحكي عن مشكلة الكثافة السكانية بشكل عام
لأنو هيك موضوع حلو بساحة حوار مو معقول ما رد عليه

في شغلة أنس بحب أذكرها بهاد الخصوص ... طبعاً النساء مو لحالن المعنيين بهاد الأمر لأنو بناء على رغبة الرجال في كتير من الأحيان عم يتم إما تنظيم أو على الأغلب تحديد النسل طبعاً هاد بيتوقف على ظروف الأشخاص أنفسهم و طريقة تعاطيهم لهاد الموضوع و نظرتهم لألو ..

اقتباس:

الزواج المبكر وعدم التوقف أو الترتيب للنسل

نقطة كتير مهمة أنس ... بس للأسف لحد هلأ عم نشوف هي الظاهرة ..
يعني لحتى البنت تصير بالعشرينات خلينا نقول , يعني الوقت الأنسب للزواج , بكونو ولادها صارو بالمدارس ... و الأهم أنو سلبيات هاد الشي رح تظهر عليها بوقت مبكر ..

اقتباس:

مو لالي هاد السؤال بالرغم من أنو بمثل لب الموضوع

هاد السؤال للشباب و للبنات و أكيد كل شخص ألو رأي معين و وجهة نظر تختلف أو ربما تتفق مع وجهات نظر غيره من الأشخاص ..

اقتباس:

كل الشكر لك سيرين على تميزك لك مني

تسلم أنس و الشكر ألك مرة تاني على مشاركتك و متابعتك نورت الموضوع و يا هلا فيك

إهاب · **مرسل:** الخميس أكتوبر 29, 2009 10:44 pm

الحقيقة إذا كان التنظيم يهدف إلى تحقيق توازن بين الموارد الإقتصادية والإجتماعية وحتى الفكرية و التربوية و عدد الوافدين الجدد إلى هذه الدنيا فهو عين المطلوب
و أيضاً حتى يتمكن المجتمع على الأقل من تأمين الإحتياجات لا أقول الأساسية و بل و الكمالية لهؤلاء ......
فترك المجتمع للحاجات الكمالية و لهثه وراء زيادة الطاقة البشرية و العددية بحجة أنها قوة لا تدانيها قوة أوقعنا في الكثير من المشاكل حتّى انتهاينا إلى أعداد هائلة من البشر ولكن مع الأسف يمتلكون من البشرية أوصافها الأساسية فقط أو لا يمتلكون إلّأ شكلها !!
أمّا عن التحديد فإن كان هناك موارد تسمح لأعداد أخرى بالقدوم فهو خاطئ حكماً
أمّا إن كان المجتمع يغص بأفراده الذي أصبح أكثرهم عالة على القلة القليلة
فالتحديد ولفترة أو حقبة معينة وجيزة مطلوب في هذه الحالة

نهاية أنا مع التنظيم وإن كنت من الأشخاص الذي لا يفضلون الإنجاب و لا يستسيغون الأولاد مطلقاً .............

أشكر لك ِ موضوعك ِ هنا
و أقول بأنَّ أسلوبية الطرح التي انتهجتها جميلة و فيها نوع من الجدة

وتقبلي مروري السريع

سيرين · **مرسل:** الجمعة أكتوبر 30, 2009 4:05 pm

حورس ,

اقتباس:

نهاية أنا مع التنظيم وإن كنت من الأشخاص الذي لا يفضلون الإنجاب و لا يستسيغون الأولاد مطلقاً

أشكرك كثيراً على مرورك و مشاركتك في هذا الموضوع

و ما تنسى أنو الأولاد أغلى هدية بيوهبا رب العالمين للبشر و لو كانو أحياناً بجننو بسبب بعض تصرفاتن

اقتباس:

أشكر لك ِ موضوعك ِ هنا
و أقول بأنَّ أسلوبية الطرح التي انتهجتها جميلة و فيها نوع من الجدة
وتقبلي مروري السريع

أشكر لك رأيك و أتمنى أن أرى مشاركاتك دائماً بساحة حوار
نورت الموضوع و يا هلا فيك

Hidding Rose · **مرسل:** الجمعة أكتوبر 30, 2009 10:29 pm

سيرين,
موضوع راائع ... وبيستحق المناقشة

انا مع تنطيم النسل وتحديده بوقت لاحق ... يعني بس يكتفوا الاباء ذاتيا بعدد الاولاد

عن جد صار زيادة عدد افراد العائلة امر متعب ويلقي باعباء كبيرة على الوالدين بسبب غلاء المعيشة وكثرة المشاغل

والمزعج أكتر ان بعض الوالدين عليهما الانجاب والشارع عليه التربية والتنشئة الشارعيّة

تنظيم النسل امر ضروري و مهم جدا .... ومن مصلحة الام والطفل ايضا, ويدل على وعي الوالدين .... وبرأيي تحديد النسل بعد عدد معين من الاطفال ليس غلطا ..

فما الفائدة من الاستمرار بالانجاب اذا لم يكن الوالدين قادرين على تقديم كل متطلبات ابنائهم .... فمتطلبات الابناء ليس فقط انجابهم وتوفير الاكل والشراب واللباس لهم ...

طول ما انا عم اكتب ردي وانا خاطرة ع بالي شغلة

السنة الماضية كنا رايحين نعمل الهوية بالامارات ... وكان في عيلة مكونة من تسع اشخاص وشخصات جايين يعملوا الهوايا سوا

من اول ما دخلت انا واخي صرت اضحك .. اضحك من ألبي على منظرن

... عن جد الحكي غير الشوف

ألف شكر لالك سيرين

...مواضيعك رائع

سيرين · **مرسل:** الجمعة أكتوبر 30, 2009 11:40 pm

Hidding Rose ,

اقتباس:

موضوع راائع ... وبيستحق المناقشة

تسلميلي هاد من ذوقك

اقتباس:

انا مع تنطيم النسل وتحديده بوقت لاحق ... يعني بس يكتفوا الاباء ذاتيا بعدد الاولاد

و أنا رأيي من رأيك

اقتباس:

والمزعج أكتر ان بعض الوالدين عليهما الانجاب والشارع عليه التربية والتنشئة الشارعيّة

كتير عم نشوف هي الظاهرة للأسف

اقتباس:

فما الفائدة من الاستمرار بالانجاب اذا لم يكن الوالدين قادرين على تقديم كل متطلبات ابنائهم .... فمتطلبات الابناء ليس فقط انجابهم وتوفير الاكل والشراب واللباس لهم

جد صرنا بهي الأيام نسمع أولاد عم يقولو لأهلن " ليش جبتونا ع الدنيا إذا ما فيكن تعيشونا متل مو عايشين باقي الناس "

بس هون الأولاد بكونو مزودينها حبتين و بينزلو تجريح بأهلن

اقتباس:

صرت اضحك .. اضحك من ألبي

إن شاء الله الضحكة ما بتفارقك أبداً

اقتباس:

ألف شكر لالك سيرين ...مواضيعك رائع

و الشكر الألف و واحد

لألك انبسطت كتير بمشاركتك الحلوة

نورتي الموضوع و يا هلا فيكي

LATEST_POSTS

قوانين المنتدى

تنظيم النسل أم تحديده ؟؟

الموجودون الآن