آرتين لتعليم اللغات
https://forum.art-en.com/

هااااي آداااب
https://forum.art-en.com/viewtopic.php?t=18472		 صفحة 1 من 2
الكاتب:  Naroshka [ الأربعاء أكتوبر 14, 2009 8:00 pm ]
عنوان المشاركة:  هااااي آداااب
مرحبا ياطلاب وطالبات
من بعد طول هالغيبة رجعت وكلي شوق اليكم
واعذروني لانه غبت لاسباب خارجة عن ارادتي
وهلاء ياريت تقبلو غلاظتي لانو عندي سؤال كتيرررررررررررررمهم ومصيري بالنسبة الي
هلا انا برا البلد وماني عاملة وكالة لحدا بالجامعة ويمكن اضطر ماقدم الفصل الجاي
انا سنة رابعة راسبة
بقدر اعمل عن طريق الفاكس وكالة لرفيقتي منشان توقفلي تسجيلي بالجامعة مشان ماتروح عليي دورة...لانو بصراحة موناقصني انا هيك ويمكن استنفزت :cry:
على كل حال ناطرة الجواب الشافي والف شكر عزبتكن معي
وبفرد مرة بدي اسال جد الدكتورة سلوى استقالت واستلمت بدالها باللغة دكتورة مها؟؟
هلاء انا حاملة8مواد
3 من التالتة لساتن معي تاريخ ادب وترجمة5 ونقد<<يعدمني ياه>>
وحاملة من الرابعة لغة ونثر وعالمي واميركي وطرائق
انا بعرف انو يلي بدو يوقف تسجيله لازم يقدم بس مواد الفصل التاني <<بس يمكن هادا حال المستجد>> ف شو بالنسبة الي
الف شكر الكن وآآآآسفة كتير عالاطالة
الكاتب:  Safwat [ الأربعاء أكتوبر 14, 2009 8:20 pm ]
عنوان المشاركة:  هااااي آداااب
برأي تبعتي هويتك بشركة نقل لحدن بتوثقي في لانو بدونا ما رح فيكي تعملي شي
و بعدها بينحل كل شي

هاي معلووماتي
يمكن غيري بيقدر يفيد
الكاتب:  آرتينيه مغتربه [ الأربعاء أكتوبر 14, 2009 9:44 pm ]
عنوان المشاركة:  هااااي آداااب
اختي متل ما عم يصير معي لازم وضروري تعملي وكالة خاصة او عامه لحدا بتوثقييييييييييي فيه وهوي بوقف التسجيل __لان صارت معي واول طلب طلبوا هوي الوكاله __وكون حذره لاترسلي اي شي الا عن طريق البريد الموثوق وانشاء الله كون قدرت افيدك بهالموضوع
الكاتب:  Naroshka [ الأربعاء أكتوبر 14, 2009 10:58 pm ]
عنوان المشاركة:  هااااي آداااب
طيب شكرا كتير وماتواخزوني
هلاء انا هويتي تاركتا بسوريا وفيني وكل رفيقتي بهالشي بس من زمان بعرف انه حتى بالهوية يمكن مايمشي الحال حصرا لازم صاحب العلاقة او شخص موكل عنه يعني رفيقتي لسا مامعها وكالة لتقدم طلب الوكالة نفسها
ومشكورين لحملكن تقالة دمي :oops:
الكاتب:  ميرا [ الخميس أكتوبر 15, 2009 10:58 pm ]
عنوان المشاركة:  هااااي آداااب
معقولة انو ما بيصير الا بوكالة انا عرفت من المنتدى وعصام خبرني انو بيصير اذا الهوية موجودة مع الشخص ال بدو يطلبلي ايقاف تسجيل اذا عرفتو شي خبرونا الله يوفقكن
*ورود
الكاتب:  Naroshka [ السبت أكتوبر 17, 2009 8:52 pm ]
عنوان المشاركة:  هااااي آداااب
شكرا كتير لكل يلي رد عليي
جزاكم الله كل خير
الكاتب:  عـلاء [ الاثنين أكتوبر 19, 2009 4:08 am ]
عنوان المشاركة:  هااااي آداااب
الأمر بسيط جدا :

* جربي هذه الفكرة أولاً :
ليقوم بالمعاملة وحدة بتشبهك :shock: ،،، بقصد إذا كانت الصورة بالهوية بالحجاب تقوم بالمعاملة وحدة متحجبة ،،، وإذا غير متحجبة تقوم بها غير متحجبة ،،، وانتهت الشغلة :wink:
مهم جدا جدا : أن لا تذكر التي ستقوم بالمعاملة أن المعاملة ليست لها ، ويجب أن تتصرف وكأن المعاملة لها .
وأمر آخر : أن يكون من سيقوم بالمعاملة حافظ كل معلوماتك على الغيب :idea:

* الفكرة الثانية :
إذا ما زبطت الطريقة الأولى اعملي وكالة وبعينك الله .

وللعلم : بعرف شخص قام بمعاملات لأصحابه تتطلب صاحب العلاقة شخصيا أو وكالة وانتهت معه الأمور بنجاح لأن عمل حالو أنو هو صاحب الهوية !!!

بالتوفيق
الكاتب:  Naroshka [ الثلاثاء أكتوبر 20, 2009 3:13 am ]
عنوان المشاركة:  هااااي آداااب
مشكور اخي علاء المشكلة ماحدا فهم عليي انا قصدي عن الوكالة حصرا قبلما اقصد عن ايقاف التسجيل يلي بيهمني هو تدبير امور الوكالة انه بيمشي الحال اعمل لرفيقتي وتروح ماماومعها دفتر العائلة وهويتي لحتى تعملها الوكالة لرفيقتي؟؟؟ هاد اولآ
ثانيا بس تظبط امور الوكالة معناتها ماعندي مشكلة وكالة وفي بقي بس التوقيف وشغلته سهلة
شكرا كتير عزبتكن معي
*1 *1 *1
الكاتب:  العربية [ الثلاثاء أكتوبر 20, 2009 3:33 am ]
عنوان المشاركة:  هااااي آداااب
Naroshka,
انا كمان مغتربة وماني عاملة وكالة لحدا
وكل مرة بيسجلولي من دون وكالة عن طريق الهوية بس
مرة سجلي والدي مرة اختي مرة سلفي
جربي ومابتخسري شي بالتوفيق حبيبتي *1
الكاتب:  عـلاء [ الثلاثاء أكتوبر 20, 2009 3:42 am ]
عنوان المشاركة:  هااااي آداااب
بتمنى أنو كان ردي الأول واضح ..... أنا بقصد سهل عليكي الأمر ،،،،،

على كلن أنا فهمت من البداية عن شو بتسألي ،،، ومازالك مصرة رح قلك يلي بعرفو :
1- بتروحي أنتي شخصيا للمحكمة أو للمكان الذي يصدر الوكالات الشخصية ومعك أوراقك الثبوتية الشخصية ( جواز سفر ) .
2- بتصدقي الوكالة من مكتب وزارة الخارجية .
3- أرسلي النسخة الأصلية عن طريق البريد المضمون أو بشركة شحن أو أي أحد تعرفيه قادم إلى سورية .
4- الذي سيستلم الوكالة : يضعها في البريد لإرسالها لمكتب الخارجية في الشام للتصديق .
5- بعد ما توصل الوكالة مصدقة يأخذها الوكيل إلى المحكمة لعمل التصديقات اللازمة .... طبعا تأخذ المحكمة النسخة الأصلية ويعطون بدلا عنها نسخة عن الوكالة صادرة من المحكمة .
6- يبدأ الوكيل بعمل المعاملة لك في الجامعة .

شوية ملاحظات :
* الهوية الشخصية للوكيل يجب أن تكون معه في أي معاملة .
* هذه المعاملة تكلف طوابع ،، وخصوصا في المحكمة .
* يجب الإسراع لأن هكذا معاملات تأخذ وقتا طويلا ،، يمكن شهر ، ويمكن أكتر ...

هذا ما أعرفه والله أعلم .... وبتمنى أنك تتأكدي أكتر ... إذا في حدا هون في سورية يسأل لك عن طريقة عمل الوكالة ....

بأمان الله
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/