آرتين لتعليم اللغات
https://forum.art-en.com/

أخبار السنة الرابعة لليوم (الأحد)
https://forum.art-en.com/viewtopic.php?t=18446		 صفحة 1 من 2
الكاتب:  Obada Arwany [ الاثنين أكتوبر 12, 2009 12:30 am ]
عنوان المشاركة:  أخبار السنة الرابعة لليوم (الأحد)
السلام عليكم
سنة مباركة للجميع و انا جاهز لجاوبكم ان شاء الله و خبركم شو صار
هلق بالنسبة للمواد :
الأدب الكلاسيكي : الدكتور محمد حاج محمد هو اللي استلمها
و قرر علينا مبدئيا 4 مسرحيات
اول وحدة فين الملك اوديب و بلشلنا فيها
طبعا بالنسبة للمحاضرة تبعيتو ما بعرف كيف كانت
محاضرتين ورا بعض مع شوية غموض بالكلام طبعا حكينا شوي عن حبكة المسرحية
و كتبنا كم صفحة طبعا على حكي الكل انوا الكل متلي ما حدا لحق نقل وراه
للأسف و ان شاء الله الأربعاء الجاي منتفاهم معو و يا رب نوصل لشي

بالنسبة لمادة النثر : للدكتور محمد نهار المزعل الغالي علينا بصراحة
و قرر الروايات التالية :
قلب الظلام و نساء في الحب و بكرة رح يبلش بأول وحدة

بالنسبة لمادة علم اللغة فأبشروا
لانوا الدكتورة مها اللي استلمتنا :>
و ان شاء الله اول محاضرة بكتب شو صار

بالنسبة لمادة النقد : الدكتور محمد العلي هو اللي استلمها
و قرر كتاب جديد
An Introduction to Literature, Theory and Practice
يمكن هيك كان اسمو
هو الدكتور يوم الأحد عطا محاضرة بس ماس بسبب الخربطة بالبرنامج ما حضرتها و ان شاء الله باللأعادة رح احضرها و انقلكم شو صار

بالنسبة لمادة الأدب المقارن الدكتور عبد المجيد جانسيز هو اللي استلمها
طبعا قرر علينا نفس الكتاب Comparative Literature
و عطى مقدمة عن المادة و ان شاء الله المحاضرة الجاي بقلكن شو صار

مادة الشعر بصراحة لهلق ما شفنا حدا بس على هوى البرنامج مستلمنا الدكتور مؤيد :>

و ان شاء الله كل شي بيصير رح بكونو هون
و انا جاهز لاي استفسار
و بعتذر عن تنسيق النص بسبب ضيق الوقت
السلام عليكم
الكاتب:  lili. [ الاثنين أكتوبر 12, 2009 3:08 am ]
عنوان المشاركة:  أخبار السنة الرابعة لليوم (الأحد)
Obada Arwany,
الله يعطيك العافية اخي
ومشكور ع جهدك *ورود

*1 *1 *1
الكاتب:  nano [ الاثنين أكتوبر 12, 2009 2:50 pm ]
عنوان المشاركة:  أخبار السنة الرابعة لليوم (الأحد)
Obada Arwany
شكرااااااا كتير الك وعنجد لفتة حلوة منك مشان تساعد الطلاب المغتربين ويلي مابيقدروو يحضرو :roll: :roll: الله يقويك يارب ويجزيك الخير *ورود *ورود *ورود بس اذا في مجال تقلي شو هنن الأعمال ال3 غير الملك أوديب بالكلاسيكي *ممم *ممم *ممم ومشكوووووور سلفا
الكاتب:  Obada Arwany [ الاثنين أكتوبر 12, 2009 11:10 pm ]
عنوان المشاركة:  أخبار السنة الرابعة لليوم (الأحد)
nano,
اقتباس:
بس اذا في مجال تقلي شو هنن الأعمال ال3 غير الملك أوديب بالكلاسيكي
و لله لسا ما حدد شي الدكتور بس اللقاء الجاي منعرف
و انا رح صير نزل متل الشباب كل مادة الها موضوع
القصة اني جديد على المراسلة
*Hi
الكاتب:  nano [ الاثنين أكتوبر 12, 2009 11:31 pm ]
عنوان المشاركة:  أخبار السنة الرابعة لليوم (الأحد)
Obada Arwany
شكراااااااااااااا كتير إالك والله يقويك *ورود
الكاتب:  dat-cw [ الثلاثاء أكتوبر 13, 2009 7:21 pm ]
عنوان المشاركة:  أخبار السنة الرابعة لليوم (الأحد)
السلام عليكم ورحمة الله وبركاته مشكور كتير على الجهد والله يعطيك الف عافية
بس ممكن طلب انا طالب سنة رابعةراسب ومعي مواد من السنة التالتة والرابعة
بس ممكن اعرف شو هي المواد يلي عليها حلقات بحث للسنة التالثة والرابعة الفصل الاول ومين عم يعمل حلقات البحث و باي قاعة وبكون الك من الشاكرين
والله يوقنا اجمعين
الكاتب:  lili. [ الثلاثاء أكتوبر 13, 2009 8:08 pm ]
عنوان المشاركة:  أخبار السنة الرابعة لليوم (الأحد)
dat-cw,
المواد اللي فيهن حلقات بحث بالسنة التالتة هنن الأدب الأميركي وعلم اللغة 1
وبالسنة الرابعة بعتقد انو مادة النقد الأدبي بس
اما مين المعيدين اللي عم يعطوهن والقاعات هي بدك تنطر لينزل البرنامج النظامي

*1 *1 *1
الكاتب:  nano [ الأربعاء أكتوبر 14, 2009 6:11 pm ]
عنوان المشاركة:  أخبار السنة الرابعة لليوم (الأحد)
Obada Arwany,
وينك مختفي عبادة مو عأساس بدك تحكيلنا كل يوم شو أخبار السنة الرابعة *ممم *ممم عحكل حال أكيد بتكون مشغول الله يعطيك العافية *good *good عمم ننتظرك *ورود *ورود
الكاتب:  Nawwar [ الاثنين أكتوبر 19, 2009 11:47 pm ]
عنوان المشاركة:  أخبار السنة الرابعة لليوم (الأحد)
مشكور أخي عبادة والله يعطيك ألف عافية
وأنا أكيد رح تابع كل الأخبار من مواضيعك
الكاتب:  Obada Arwany [ الثلاثاء أكتوبر 20, 2009 12:31 am ]
عنوان المشاركة:  أخبار السنة الرابعة لليوم (الأحد)
nano,
اخبار كل مادة صارت بموضوع مستقل ان شاء لله
Nawwar,
هلا نوار الله يوفقك و ان شاء الله كون عم فيدك
و اي استفسار او خدمة بالجامعة انا جاهز تكرم عينك
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/