إبــراهــيــم مـــحــمــد ( شكسبيريان) كل عام و انت بألف خير

ثـــائـــر · **مرسل:** الأحد سبتمبر 13, 2009 7:04 am

تتوالى الأيام و تتعاقب السنوات لتمسي القلوب غرفا مصفوفة كأنها مجرات تدور في فضاء الكون الواسع

بين كل فترة و اخرى يرحل منها زائرون و يأتي إليها كتعاقب الفصول على مر الأعوام و لكن هناك من جاء و مكث فيها

و جعل من نفسه نورا يشع ليحول ظلام الدجى إلى إشراقة شمس لتنير الكواكب و المجرات ....

و هنا في منتدى آرتين ... منتدى المبدعين و الشعراء و المميزين .... عرفنا قلبا ليس له مثيل ... قلبا احتمل

ما احتمل و ما لا يحتمل من هذه الحياة حتى كاد يلفظ الأنفاس و لكن قوة الإرادة و الطموح الكبير الذي امتاز به

جعله كبستان من الورود و مهما اشتدت عواصف الدهر و جاءت عليه مصائب القدر ... كان كالشجرة اللينة التي

تتمايل ليعشقها الهواء و تغرم بها الأمطار .... دعونا نقول لشاعر آرتين المميز ..

للقلب الرائع الطيب .. لعنوان المحبة لابن حوران ... لعاشق حمص ... كل عام و هو بألف خير ....

إبــــراهـــــيـــــم مـــــحـــــمــــــد

Shakespearean

كـــــــل عــــــاام و أنــــــت بــــــــألــــــف خــــــيـــــر

مهما قدمنا لك من الورود لن نستطيع أن نوفيك قدر طيبتك و محبتك فأنت مثالا لطيبة القلب و كرم الأخلاق و التميز

دعني أخبرك يا صديقي أن الحزن مهما اشتد على الإنسان و مهما تأصل في العروق ..يبقى الإيمان بالله و الأمل

سلاحان صلبان ... لنبعد الأحزان عن عالمنا و لنواجه كل ما هو مستحيل .. فكلمة المستحيل ليست موجودة

في قاموس من يحمل قلبا كقلبك .... كل عام و أنت ذخر لآرتين و ذخر لنا ... كل عام و أنت أخي من غير أمي وأبي

كل الشكر للصديق الغالي أحمد الدالي على تزويد الموضوع بالصور

أحمد الدالي · **مرسل:** الأحد سبتمبر 13, 2009 7:13 am

هذا صديقي وحبيبي وبه لم تخب الظنون

هذا صديقي وعندما يغيب يراودني طيفه الحنون

على غيابه يسألوني جميعا ما حالك لماذا أنت محزون

أقول لهم هذا صديقي مازال وسيبقى ولو نامت للأبد العيون

إياكم أن تسألوني عن حبي له كي لا أقول أنكم أصبتم بالجنون

هدا يلي طلع معي حبيب قلبي ..
رووووووح كل سنة وانت سالم يا رب...وان شاء الله بشوفك بأعلى المراتب وبأعلى القمم..أخ وعزيز وغالي
غالي على الكل ورح تضل غالي وساكن بالعلالي..وشيكسبيريان يا حبي ويا ساكن بقلبي ...وشيلي

خالد الهبل · **مرسل:** الأحد سبتمبر 13, 2009 7:40 am

كل سنة وأنت سالم يا أخ ابراهيم وعقبال المية سنة يا رب وتحقق كل أمنياتك

ËVË · **مرسل:** الأحد سبتمبر 13, 2009 7:49 am

انشالله يارب عقبال المية سنه .. والله الشباب ما قصرو وما خلولنا شي
و الله يخليكم لبعض وما يحرمكم هالجمعه..
وبالنسبه للشباب ما حلوه تمرقوها صور و عالناشف.. بدنا نحلي ضراسنا

ولو هادا شكسبيريان
الله يجعلا سنة خير عليك اخ ابراهيم

Odysseus · **مرسل:** الأحد سبتمبر 13, 2009 12:20 pm

صديقي ابراهيم

كل عام وانت بألف ألف خير .. ان شاء الله السنة الجاي بتكون سنة خير عليك وعلى كل حبايبك .. و ان شاء الله العمر كلو فرح وهناء .. و ما تشوف فيه الشقاء و البلاء .. و لل100 سنة ان شاء الله

ما بعرف شو بدي قول .. انت صديق غالي علي كتير و انت بتعرف هالشي .. الله يوفقك بكل أمر بتعملو يا رب

Wissam · **مرسل:** الأحد سبتمبر 13, 2009 1:35 pm

برهووووووووم الغالي....كل عام وإنت بألف ألف خير
وانشالله بينعاد عليك بالصحة والعافية وبأحسن حال يا رب

( أما الصورة اللي عالشجرة طالعة زابطة تمام

)
لك عراسي أحلا ابراهيم والله.....أخ غالي وصديق عزيز

Mohammed · **مرسل:** الأحد سبتمبر 13, 2009 1:47 pm

عقبال المية يا غالي وانشالله كل امانيك تتحقق ويجعلها سنة خير عليك وعالجميع

ابراهيم محمد · **مرسل:** الأحد سبتمبر 13, 2009 3:17 pm

لك شو بدي أحكي والله ما بعرف

عن جد خجلتوني وكنت رح أبكي إلا شوي

ثـــائـــر,

لك والله اللي سماك عميد ما غلط ولكن انت مو بس عميدها انت الملك المتوج فوق راسها وراس سكانها

يسلمو ايديك على التهنئة والموضوع اللي بجد بفتخر انو هيك كان وتطمن الحكي اللي صار بيني وبينك على قاسيون لساتني بفكر فيه

انشا الله رح الغي المستحيل من قاموسي متلك تماماً ,,,,,,

صداقتي الك شغلة بعتز فيها كتير بحياتي وبفتخر وبجاكر الناس انو انت صديقي يا أحلى عميد بالدنيا

أحمد الدالي,

انت شو بدي احكي لأحكي عنك وليش حتى اتشكرك اساساً

قسما بالله يا أحمد أنا يمكن لو عيش عمري كلو ما بوفيك شوي من اللي عملتو معي ووقفاتك الكتيرة معي بكل لحظة وبكل هم وبكل مشكلة وبكل تفصيل من حياتي

ربي يخليلي اياك يا رب وما يحرمني من وجودك ويديمك غالي ومتربع على عرش قلبي يا بعد عمري انت

خالد الهبل,
أهلين بالشاعر خالد وانت سالم يا غالي
تسلم يا حبيب

ËVË,
آمين الله يسمع منك يا رب ويخليكي لأهلك انتي كمان ومحبينك

اي لكان شلون انشا الله التحلاية جاية ع الطريق ولا يهمك

Ala Al-Ibrahim,
أهلين صديقي علاء الله يخليك ويحميك يا غالي

وأنا ما بعرف شو بدي رد عليك المحبة اللي بقلبي الك ما فيني أوصفها وبرضو انت بتعرف هالشي

Wissamo,
اي وسام الحبيب لك ربي يسلمك يا غالي وينعاد عليك انت التاني بالصحة والعافية
وحظي حلو انو أنا وانت عيد ميلادنا بيوم واحد

اي الصورة ما اشبا شي بس عيونك الحلوين

حبيبي الله يخليك ويسلمك الهي

mohammed,
الله يسلمك يا غالي وانت سالم يا رب

يسلمو كتير الكون كلكون ولآرتين الغالي اللي جمعنا وعرفنا على أطيب الناس

تحياتي

سيرين · **مرسل:** الأحد سبتمبر 13, 2009 4:06 pm

كل عام و أنت بألف ألف خير

و العمر كلو انشاء الله

و انشاء الله بتكون هالسنة هي سنة نجاح و تفوق بالنسبة لألك و تحقيق لأكبر الإنجازات

بحياتك

سحر · **مرسل:** الأحد سبتمبر 13, 2009 4:35 pm

كل سنة وانت بالف خير وتحقق كل الي ببالك

LATEST_POSTS

قوانين المنتدى

إبــراهــيــم مـــحــمــد ( شكسبيريان) كل عام و انت بألف خير

الموجودون الآن