السلام عليكم يا آرتينيين
اسعفوني
بدي أسألكم شغلة بالفرمتة ...وهو انو الفرمتة هلق تتم على مرحلتين:
الأولى تقطيع الأقراص : وهي المرحلة انا ما بعرف شو صار و شو ساويت فيها ...بس المهم مرقت على خير
و التانية هيي الفورمات و هون سؤالي ...( السؤال عن الفورمات يعني قبل تنصيب النظام )
انو انا اخترت القرص c و بعدين حددت ال partition type وقلتلو NTFS ثم قلتلو format و بعدين ok و بعد هيك بيطلع رسالة من تحت انو
1 operation pending
من ناحيتي انا هون ما عرفت شو بدي أعمل ..انو بعد بعد ما عطيتو ال ok بدي استنى ؟؟؟؟ مع انو ما في إشارة انو عم يصير شي
و إذا لازم استنى قديش الفترة المقدرة اللي رح تاخدها الفرمتة ....
و إذا خلص الفرمتة رح يعيد التشغيل من جديد لحالو ولا كيف ؟؟
إذا في إمكانية يكون التوضيح بشيء من التفصيل لحتى أعرف شو أعمل . ..
و تاني شي : انو هلق الفرمتة ممكن تتساوى لحالها بس بدون تقطيع الأقراص و لا لأ؟

هلق أكيد رح تقولو لشو الفرمتة ؟ ...بسبب رسالة عم تطلعلي بعد الإتصال بالشبكة و الرسالة هيي :
صادف Generic Host Process for win32 services مشكلة و يجب إغلاقه
وبعد إغلاق هي الرسالة عم حاول انو اطلب الإتصال من جديد ..فبتطلعلي الرسالة التانية وهيي:
لا يمكن تحميل دفتر الملف
خطأ 1737: فشل استدعاء الإجراء البعيد ولم يتم تنقيذه
أو the system could not open the phone book file يعني الخطأ صاير بالنظام أو بسبب فيروس ....

يعني عم تسببلي مشكلة كبيرة بالإتصال انو بطالعلي رسالة الخطأ وغير هيك ما عم أقدر أطلب الإتصال إلا بعد إعادة التشغيل من جديد ..و طبعا هالمشكلة كتير مزعجة انو عيد التشغيل كل ما انقطع الإتصال..
و شكرا لألكم كـــــــــــتــــــــــــيـــــــــــر كــــــــــــــــــتــــــــــــــــــــــــــيـــــــــــــــــــر

سلاااااام


هلق بالنسبة للمشكلة يلي عم تصير بالاتصال ما بعرف بالضبط شو السبب ممكن فيروس ممكن ملفات النظام التالفة و غيرها


بس بالنسبة للفرمتة فالموضوع كالتالي:

اولا : تقطيع الاقراص مو ضروري يعني بامكاننا نفرمت بلا تقطيع اقراص
و اذا كان و لا بد من التقطيع فانا بنصح باستخدام برنامج للتقطيع مع بدء الاقلاع اسمه partition magic بس متل ما قلت مو ضروري التقطيع الا اذا الواحد حابب يوسع الاقراص او يقلل مساحتها

ثانيا : نختار القرص c كمكان لتنصيب النظام و الافضل انو نعمل حذف بالاول del و بعدين بيظهر القرص غير مقسم فنحنا منحدد عليه و ننقر instal لتنصيب ملفات النظام

ثالثا : بعد الموافقة على تنصيب النظام يسألنا الكمبيوتر عن نظام الملفات
اذا كان عندك نظام الملفات بالاقراص الاخرى ntfs يفضل ان يكون النظام كذلك و هذا يعود للرغبة المستخدم

رابعا : من بعد الموافقة يقوم ويندوز بعمليتين الاولى formating و الثانية installing setup و تستغرق حوالي عشر دقائق ليعيد الاقلاع من بعدها بشكل اوتو ماتيكي

خامسا : بعد ان يعيد الاقلاع سيأخذ بشكل تلقائي الاقلاع من السيدي و يبللش بتزيل ملفات النظام و تكون الشاشة بمظهر جديد لون ازرق و كتابات عن مواصفات النظام و العمليات الحالية و المدة الزمنية حتى الانتهاء و هذه العملية تستغرق حوالي 20 دقيقة على معالج 3000 و ذواكر 1 غيغا
ضمن هذه المدة يطلب و يندوز تخصيص الاعدادات و ادخال مفتاح المنتج يعني الرقم السري او السيريال يلي بيجي مع السيدي

سادسا : بعد الانتهاء يعيد اقلاع تلقائيا و يدخل بواجهة ويندوز المعروفة


نشالله كون افدتك بالشرح و نحنا جاهزين لأي استفسار

nedalo

nedalo
شكرا كتير لألك عالتوضيح و الشرح استفدت منو بجد..
هلق بالنسبة للتقطيع كتير منيح انو مو ضروري مع انو السي دي partition magic موجود عندي بس هالشغلة ما حبيتها
و نظام الملفات اللي عندي هو بالفعل nfts
بس اللي عاملي مشكلة عملية الفرمتة بس ... انو انا اللي رح اعمل فرمتة هالمرة لأنو صرت آخدتو على كذا محل يعملو فرمتةولما برجعو لازم يكون عاملين لي مشكلة جديدة فيو
لهيك انا جبت كتاب للفرمتة و لقيت انو مانها صعبة متل ما كنت متخيلة بس حابة أسال عن الطريقة و الطريقة اللي موجودة هي كالتالي:
1- تحديد القرص و هو بالطبع c
2- الأمر format
3- تحديد نوع الملفات و اللي عندي هو nfts
4-و بالأخير بكبس ok
هلق هون قديش formating بدها وقت ؟
و انو بعد ال ok بعيد الإقلاع و هيك بكون خلص الفرمتة ...
و قال بعدين حسب الكتاب نضع قرص windows xp و من ثم نضغط alt+ctrl+del و بعدين بعيد الإقلاع و منبدا بتنصيب النظام الجديد
و حسب ما فهمت انو التنصيب بياخد وقت بس منو صعب يعني كل المراحل لبعدين فهمتا تمام
يعني هالطريقة صح و لا شو ؟ لأنو إذا خربطت مارح أعرف شو ممكن أعمل بهيك حالة و يمكن كون بشي وصير بشي تاني
و مشكووووووووووووور جدااااااااااا

بارك الله فيك اخ ابراهيم على الشرح الكافي و الوافي


ranaa

الصورة 5 و 6 يعني formating and install تستغرق عشر دقائق تقريبا و اذا زادت المدة كثيرا قد يكون هناك عطب بالسيدي او تعليق بالجهاز

و الفرمتة سهلة فقط اتبعي تعليمات النظام


nedalo

ابراهيم محمد,
جد الله يعطيك ألف ألف عافية و شكرا عالشرح الممتاز و إذا بعد يومين فتحت آرتين بكون الشغل زبط عالتمام و الكتاب اللي عندي اسمو format
يسلمو مرة تانية
ومتل ما قلت كأنو لبكة عالفاضي لأنو عنجد ضعت شوي لما وصلت لهالمرحلة
nedalo,
شكرا لألك كمان والله يعطيك ألف عافية