| آرتين لتعليم اللغات https://forum.art-en.com/ |
|
| هم (الطالب) بالتعليم المفتوح!! https://forum.art-en.com/viewtopic.php?t=18330 |
صفحة 1 من 1 |
| الكاتب: | vladimir yacoub [ السبت أكتوبر 03, 2009 7:49 pm ] |
| عنوان المشاركة: | هم (الطالب) بالتعليم المفتوح!! |
مرحبا حابب قول عن شغلة يمكن مو أنا بس عم عاني منها وهالشغلة هيي إنو يا جماعة نحنا عم منتسمى طلاب جامعة بس مع هيك ما بشعر إني طالب بهالجامعة. يعني: أنا وغيري كمان كل يوم جمعة وسبت منحمل حالنا ومنروح للجامعة وين ما كنا ,ولا تخلوني قلكن عن مصاعب السفر لأنو هاد هم لحالو. و بس نوصل...يعني ما تصدقوا شو بيخطر على بالي إعمل... إذا المحاضرة الساعة 08 لل 10 لازم كون مصحصح الساعة خمسه الصبح لحتى أوصل سبعة و نص و أحيان كتيرة! ما بوصل للتمانة إلا هه وبركض للمدرج ياللي فيه المحاضرة وهيييييييييييك لحتى يخلص يوم الجمعة وبعدو السبت نفس الشي بيتكرر !! بينما (طالب الجامعة) ياللي بذهني!! ما بدو يتعتر ويشوف المأساة اللي عم تصير معنا.. ما هوي (طالب) يعني بيكفي إنو شغلتو طالب. أما أنا ف ما معروف شو شغلتي... للموضوع تتمة طوييييييييييييييييييييييلة... ما بتساعها صفحات المنتدى كلها... شاركوني همي الله لا يحملكم هم... منيحة!! |
|
| الكاتب: | زمردة [ الخميس أكتوبر 08, 2009 9:58 am ] |
| عنوان المشاركة: | هم (الطالب) بالتعليم المفتوح!! |
 بصراحة أخي الكريم مامنقدر نقول عن الشي اللي طرحته (هم) ... الموضوع بكل بساطة إنه هاد هوي نظام التعليم المفتوح و حضرتك لما سجلت المفروض بتعرف هالشي و تكون مُهيأ لهالمرحلة ... مافي عنا نظام محاضرات اللي عنا نظام لقاءات (أسئلة و أجوبة) مرة بالأسبوع ... طبعا بعض الدكاترة بيتجاوزوا هالنقطة لصالحنا و بيشرحوا  أهم شي تكون حريص على الحصول على معدل إجمالي عند التخرج يكون عالي و إلا فعلا رح تبدأ المعاناة و الهم متل ماكتير طلاب عم يصير فيهم بعد التخرج بالتوفيق |
|
| الكاتب: | vladimir yacoub [ الخميس أكتوبر 08, 2009 6:09 pm ] |
| عنوان المشاركة: | هم (الطالب) بالتعليم المفتوح!! |
مشكورة عبير على الرد على الموضوع بس القصد يعني ما بعرف إذا سمعتي باللي صار من حوالي السنة بالندة مع مدير مركز التعليم المفتوح آنذاك واقترحنا بإنو بعد ما تبعونا بكلية الآداب يعني بالقليلة يحسنو شوي من مستوى المنهاج مثلاًز يعني عنجد المنهاج المصري شي قرف. بس على كلن أنا باقي لي هالسنة بس العترة على اللي بالسنة الأولى مبسوطين إنن صاروا بالجامعة بس لسه ما بيعرفوا شو ناطرهن.. شاركونا |
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|