اذا حدا بيحب يذكرنا بشي برنامج حلو تاني او شي دعاية مميزة مشان نحس بقيمة الأم بي سي واخواتها
| آرتين لتعليم اللغات https://forum.art-en.com/ |
|
| ذكريات الطفولة https://forum.art-en.com/viewtopic.php?t=18271 |
صفحة 1 من 1 |
| الكاتب: | Mohammed [ الثلاثاء سبتمبر 29, 2009 2:43 am ] |
| عنوان المشاركة: | ذكريات الطفولة |
صحيح مئت هالموضوع بس والله بضحك بزكرنا وقت كنا صغار قديش كنا نتعذب وصابريييييين حياتنا قبل (الدش) القناة السورية الأولى و الثانية … -أرضنا الخضراء:ناس عم تفلح و تزرع و شو ذنبنا نشوفن؟ما بعرف! و بيصورولك الزراعة كأنها شي صناعة ذرية تقولها!!!ولهلأ بتذكر اسم مقدم البرنامج:بشار مصري زاده-قدس الله سرو (بس والله ما بيقربني هه) -الايدي الماهرة: من اعداد و تقديم الشب نفسو(لعما واسطو شو قوية),كمان وين في واحد عم ينكش بوابير,واحد عم يركب حداوي,واحد عم يقص تنك...بيجيبوه بيعملوه عماد الاقتصاد الوطني!بحيث بتبين جمبو صناعة الصواريخ شغلة تافهةةةةةة! مع العمال: وين رحنا ووين جينا نحن العمال و شو عم يسوو بفرع الحسكة و درعا بنادي العمال للدحل,و وين عم يتسيرنو العمال بادلب,و شو عم يساوو مشان الباص الواقف بمعمل العلك بحلب,و صفقة الطواقي البحرية لعمال المرفأ اللي بيكنسو الارض باللادقية وكم علبة محارم بيأنتج معمل المحارم بحمص وشو السر العظيم وراء عدم طعوجة المحرمة بعد التغليف !!!!.... فعلا سحر !! خزيت العين عنا صرنا نعرف نصنع محارم - نحن الطلبة:كلو رقص و دبك و انشطة اجتماعية و محاضرات مهممممة و سيارين و شك نصبات شجر....بس شو لاعن نفس الطالب,وين عم يتشرد الطالب ايام الدراسة و ما بعد التخرج؟؟؟هاي كلها شغلات ثانوية..ولحق على مهرجانات خطابية!! - أطفال هواة: يااااي ماما فاتنة لعما مأهبلني وقت كنت تابعها لك ومن وين بيجيبو هالعباقرة ما بعرف!! هاد شخوطلو شخطين بتلوين تبع ال5 ليرات صار السعدان رسام!و هادا سجل جمعتين و نص بنادي كارتيه بس ابوه جارو للمخرج جابوه ينط بخلقتنا!!وهادا جايب شطرنج البابا يفرجينا عليه,بس شو دور الولد ما بعرف!! - الطلائع: برنامجي المفضل حاليا مو بس وقت كنت صغير ها!!!بس موت و أعرف مين كان يشوفو من الاولاد!!! "الرفيق الطليعي خلف الجاسم الرائد عمستوى القطر بالفيزياء"خزية العين!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!"... اسم الرب عليه!!بدو طابة زرقا مو خرزة ..... شلون كنا متحملين كل هالعذاب بس بدي أعرف! |
|
| الكاتب: | Mohammed [ السبت أكتوبر 03, 2009 4:39 pm ] |
| عنوان المشاركة: | ذكريات الطفولة |
اذا حدا بيحب يذكرنا بشي برنامج حلو تاني او شي دعاية مميزة مشان نحس بقيمة الأم بي سي واخواتها
|
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|