آرتين لتعليم اللغات
https://forum.art-en.com/

العلكة & الزئبق السام
https://forum.art-en.com/viewtopic.php?t=18243		 صفحة 1 من 3
الكاتب:  سيرين [ الأحد سبتمبر 27, 2009 2:54 pm ]
عنوان المشاركة:  العلكة & الزئبق السام
حذر علماء في مشفى السويد , من أن مضغ العلكة و الإكثار منها يسبب تحطم و تكسر المزيج الموجود في حشوات الأسنان و هذا يؤدي إلى انطلاق كمية كبيرة من الزئبق السام إلى الدم و البول مسبباً التسمم الزئبقي . و يعد الزئبق عنصراً ساماً يؤثر في الدماغ و الجهاز العصبي و الكلى و يتلف الأنسجة و الخلايا الحساسة .
و للعلكة آثار سلبية على الفك نتيجة الكز على الأسنان و هذا يؤدي إلى حدوث نوبات صداع و آلام في منطقة العنق و ضغط على الأذن ..
الكاتب:  فارس [ الأحد سبتمبر 27, 2009 5:32 pm ]
عنوان المشاركة:  العلكة & الزئبق السام
ليش لهلأ ما انقرضت العلكة ؟ الشرابة من شو بتشكي ؟ *ممم
الكاتب:  Odysseus [ الأحد سبتمبر 27, 2009 7:07 pm ]
عنوان المشاركة:  العلكة & الزئبق السام
سيرين,

مشكورة عالموضوع .. بس بالنهاية هاد مجرد وجهة نظر من فريق عمل بحث .. و ما بدنا ننسى انو دايما بيطلع أبحاث و نتائج شكل ..

مرة عملوا بحث و طلع معون انو الطلاب لازم يمضغوا علكة أثناء المحاضرة او الدرس .. لأنو بزيد من تركيز الذهن :mrgreen:

*1
الكاتب:  سيرين [ الأحد سبتمبر 27, 2009 7:26 pm ]
عنوان المشاركة:  العلكة & الزئبق السام
فارس ,
اقتباس:
ليش لهلأ ما انقرضت العلكة ؟ الشرابة من شو بتشكي ؟
إذا أجيت للصراحة الشرابة أفضل بكتير و ع القليلة ما بتحس بصداع ألي بتسببو العلكة و غير هيك ما حلو منظر العلكة و لا شو ؟؟؟
*ممم
*1 *ورود *1 *ورود

Ala Al-Ibrahim
اقتباس:
بالنهاية هاد مجرد وجهة نظر من فريق عمل بحث .. و ما بدنا ننسى انو دايما بيطلع أبحاث و نتائج شكل ..
ما اختلفنا علاء .. بس جد بالنسبة ألي وقت بتخطرعلى بالي العلكة هيك بصير فيني:
اقتباس:
هذا يؤدي إلى حدوث نوبات صداع و آلام في منطقة العنق و ضغط على الأذن ..

*1 *ورود *1 *ورود
الكاتب:  باسل العمروش [ الأحد سبتمبر 27, 2009 7:46 pm ]
عنوان المشاركة:  العلكة & الزئبق السام
شو هي الشرابة؟ :roll: كلمة حموية يعني؟ :mrgreen:
اقتباس:
يؤدي إلى انطلاق كمية كبيرة من الزئبق السام إلى الدم و البول
من وين بدو يجي الزئبق اصلاً؟؟ الموجود بالجسم يعني؟ *ممم
*1
الكاتب:  سيرين [ الأحد سبتمبر 27, 2009 10:34 pm ]
عنوان المشاركة:  العلكة & الزئبق السام
باسل العمروش ,
اقتباس:
شو هي الشرابة؟ كلمة حموية يعني؟
يمكن أنتو بتسموها " مرباي " :roll: و شو ما كانت تسميتها فهي نوع من السكاكر *sla .
اقتباس:
من وين بدو يجي الزئبق اصلاً؟؟ الموجود بالجسم يعني؟
الجواب :
اقتباس:
أن مضغ العلكة و الإكثار منها يسبب تحطم و تكسر المزيج الموجود في حشوات الأسنان و هذا يؤدي إلى انطلاق كمية كبيرة من الزئبق السام إلى الدم و البول مسبباً التسمم الزئبقي
*1 *ورود *1 *ورود
الكاتب:  عصام [ الاثنين سبتمبر 28, 2009 12:59 am ]
عنوان المشاركة:  العلكة & الزئبق السام
سيرين, *1
عالذمة مرباية مو احلى من شرابي :mrgreen:
بس انو متل ماقال علاء كلها دراسات وكل نهار بيطلع الف وحدة لانو اللي بعرفو انو بتخفف ضغط ولهيك بتلاقي المدربين عطول بتمن العلكة *sla
الكاتب:  Wissam [ الاثنين سبتمبر 28, 2009 1:13 am ]
عنوان المشاركة:  العلكة & الزئبق السام
اقتباس:
عالذمة مرباية مو احلى من شرابي
إي والله أحلى :mrgreen:

سيرين,
والله يعني هي فيا وجهة نظر القصة.......بس كمان متل ما قال عصام وعلاء إنو في باحثين قالو إنو إلها فايدة *sla
عكل مشكورة عالموضوع المهم *ورود *1 *ورود *1
الكاتب:  باسل العمروش [ الاثنين سبتمبر 28, 2009 1:42 am ]
عنوان المشاركة:  العلكة & الزئبق السام
سيرين,
اقتباس:
يمكن أنتو بتسموها " مرباي "
في شي اسمو "المربى" مو "مرباي" :roll: يا اما انا ما عرفتو :cry:
اقتباس:
المزيج الموجود في حشوات الأسنان
أيون أيون
شكرا للتوضيح انسة سيرين *1
الكاتب:  أوركيدا [ الاثنين سبتمبر 28, 2009 2:09 am ]
عنوان المشاركة:  العلكة & الزئبق السام
باسل العمروش,
المربى هوي المعئود :mrgreen: .. يعني أي نوع من الفاكهة يطبخ مع السكر ثم يوضع تحت الشمس.. ثم يوضع في القطرميــز :mrgreen:
الوالدة ما بتعملكون مونة معئود *sla :mrgreen:
المرباي .. أو الشرابي .. هي عبارة عن قطعة صلبة بحجم عقلة الاصبع .. طعمها حلو.. وبنكهات وأصبغة مختلفة ... وبضيفو منها بالعيد وبتكون مغلفة بورق حلو .. وملفوفة من الطرفين..
مشاااااااااااااااااان الله قلي انك عرفتها .. أحسن ما يصرلي شي ها :mrgreen:
منرجع للموضوع الأساسي..
العـــــــــــــــــــــلكة..
أنا بموت بالعلوك ... وخصوصاً ( شعراوي) هاي دعاي *sla
أحياناً بتوجعلي حنكي ..
بس والله مو ناوية بطلها شو ما صار ..
أحسن ما دخن سيكارة ها :mrgreen:
سيرين *1 يسلموووووووو *ورود
صفحة 1 من 3 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/