آرتين لتعليم اللغات
https://forum.art-en.com/

غالب حوارة ...تحية شكر و عرفان و فتح باب الحوار عنه
https://forum.art-en.com/viewtopic.php?t=18236		 صفحة 1 من 2
الكاتب:  Safwat [ الأحد سبتمبر 27, 2009 1:28 am ]
عنوان المشاركة:  غالب حوارة ...تحية شكر و عرفان و فتح باب الحوار عنه


[rainbow=0,360,255,50,18]غالب حوارة[/rainbow]
أستاذ أجيال و اجيال و أجيال .... عُرف بأسلوبه خفيف الظل في شرح القواعد الأساسية للغة الانكليزية للمرحلتين الإعدادية و الثانوية ....درسه فريد من نوعه رغم انه يتكرر كل سنة ....إنسان محبوب و قوي البنية و نشيط الحركة .
سيكون آرتين السبّاق من بين المواقع إذا قرر تكريم هذا المدّرس القدير ...و في معهده الذي تفّوق على كل المعاهد الأخرى بالديكور و الأسلوب و التقنية و حتّى السعر ...طبعاً الذي يستحق هذا الارتفاع .....

للمرّة الأولى في حياتي منذ افتتاح آرتين ....أضع هذا الموضوع كتحية ود و حب و تكريم و تقدير و شكر و عرفان بالجميل في هذا القسم .....لذا فالأسئلة :
1- هل درّسك غالب حوّارة ؟؟؟ متى و أين في المعهد الجديد أم القديم ...أي في أي طابق و كيف كانت أدواته ؟
2- هل استمتعت في حصّته و قمت بتغير في الجو الذي أحياك به ؟
3- ما رأيك به ؟؟ و هو أستاذ قدير و كبير في السن لكنه رشيق جداً؟
4- بماذا تصف هذا النبع ؟؟؟
5- ما رأيك بقوانينه ؟؟ كمنع ارتداء الثياب السافرة للفتيات و إكسسوارات الايمو للشباب ؟
6- كلمة تقولها ؟؟؟
الكاتب:  Safwat [ الأحد سبتمبر 27, 2009 1:59 am ]
عنوان المشاركة:  غالب حوارة ...تحية شكر و عرفان و فتح باب الحوار عنه
[quote]
هل درّسك غالب حوّارة ؟؟؟ متى و أين في المعهد الجديد أم القديم ...أي في أي طابق و كيف كانت أدواته ؟
[/quote]
الحمد لله مرتين
اول سنة ب2002 وقتها كان يعطينا بلوحات هوي طابعة و مكبرا طبعا من غير كراسة الصاروخ ....بالطابق الاخير من معهد عمر
[quote]
هل استمتعت في حصّته و قمت بتغير في الجو الذي أحياك به ؟
[/quote]
اي و الله و اذا ما ضحكت عضحكة العالم اضحك
[quote]
ما رأيك به ؟؟ و هو أستاذ قدير و كبير في السن لكنه رشيق جداً؟
[/quote]
الله يتممها عليه ...انا كل اسبوع بشوفو لان هوي ساكن بحرة قريبة من حارتنا و صاير الجامع بالنص .....ما شا الله بشوفو كيف بيقطع الطريق هرولة
[quote]
بماذا تصف هذا النبع
[/quote]
بالنسر او الجبل
[quote]
ما رأيك بقوانينه ؟؟ كمنع ارتداء الثياب السافرة للفتيات و إكسسوارات الايمو للشباب ؟
[/quote]
مع قوانينه
[quote]
كلمة تقولها
[/quote]
الله يطول عمرك و ما رح انسى كرمك و لطفك
و هي صورتنا من 3 سنين

صورة
الكاتب:  فــلـك [ الأحد سبتمبر 27, 2009 2:13 am ]
عنوان المشاركة:  غالب حوارة ...تحية شكر و عرفان و فتح باب الحوار عنه
اقتباس:
1- هل درّسك غالب حوّارة ؟؟؟ متى و أين في المعهد الجديد أم القديم ...أي في أي طابق و كيف كانت أدواته ؟
اي والله درسني..
بالباكالوريا...2007م
بتزكر انو ب ابن خلدون...
بالطابق الارضي...
ادواتو كومبيوتر وشاشات تلفزيون...
اقتباس:
2- هل استمتعت في حصّته و قمت بتغير في الجو الذي أحياك به ؟
اي والله كتيييييييير كنت غير جو....
اقتباس:
3- ما رأيك به ؟؟ و هو أستاذ قدير و كبير في السن لكنه رشيق جداً؟
4- بماذا تصف هذا النبع ؟؟؟
5- ما رأيك بقوانينه ؟؟ كمنع ارتداء الثياب السافرة للفتيات و إكسسوارات الايمو للشباب ؟
استاذ بكل معنى الكلمة ...بساعد الفقراء...
انا بعرف كتير بنات ما اخد منهم مصاري عالدورة ....بسبب حالتهم المادية...
قوانينو كتيير ظريفة...
اسلوبو بخلي الطالب يحفظ...وهوي عم يضحك....
وخصوصا حروف الجر والافعال التركيبية....
بحس انو بخلي الطالب يبصم....مو يفهم...
صاروخ...وميكي ماوس...وسندريلا.... :mrgreen:
الله يخلي بهمتو ويخلي ل اهلو...
الكاتب:  فارس [ الأحد سبتمبر 27, 2009 3:06 am ]
عنوان المشاركة:  غالب حوارة ...تحية شكر و عرفان و فتح باب الحوار عنه
لمجرد أن الاستاذ يقوم بوضع قوانين توجب الاحترام و الأدب
اقتباس:
ما رأيك بقوانينه ؟؟ كمنع ارتداء الثياب السافرة للفتيات و إكسسوارات الايمو للشباب ؟
فبكل أكيد يستحق أن ننحني احتراماً له , هذا دون معرفتي بأداءه و اسلوبه و خبرته التي تتضح أنها غنية كثيفة تكاد ان تكون عيناً تنضح .
*1
الكاتب:  سيرين [ الأحد سبتمبر 27, 2009 9:44 am ]
عنوان المشاركة:  غالب حوارة ...تحية شكر و عرفان و فتح باب الحوار عنه
غالب حوارة ,

المربي الفاضل .. باسم فريق عمل موقع آرتين نتوجه إليك بأجمل و أرقى كلمات الشكر و الامتنان سائلين المولى عز و جل أن يطيل بعمرك و أن يلبسك ثوب الصحة و العافية ... و دمت بكل خير *1

و كتحية منا لهذا المربي الفاضل , الموضوع مثبت *ورود
الكاتب:  أوركيدا [ الاثنين سبتمبر 28, 2009 1:56 am ]
عنوان المشاركة:  غالب حوارة ...تحية شكر و عرفان و فتح باب الحوار عنه
صفوة *1
ما شاء الله .. واضح انو اللي بيعمل معك خير ما بتنسالو ياه..
ما في أجمل من انو الإنسان يعترف بفضل أساتذتو والناس اللي درسوه ..
بالوقت اللي غالباً منسمع فيه الشكاوي والدعاوي ع المدرسين والدكاترة..
اقتباس:
1- هل درّسك غالب حوّارة ؟؟؟ متى و أين في المعهد الجديد أم القديم ...أي في أي طابق و كيف كانت أدواته ؟

اي درسني.. بسنة 2007.. وقت كنت بكالوريا سنة أولى وجبت بالانكليزي 29 بالسنة الأولى والتانية بكالوريا .. اي بس أنا كمان شطورة *sla
مابعرف شو قصدك ب قديم وجديد .. درسني بمدرسة عمر بن الخطاب ( بالقبو) بس والله كان يغط ع قلبي ما بحب تحت الأرض أنا :roll:
أدواتو كومبيوتر وشاشات تلفزيون ونوتات ملونة وصواريخ :mrgreen:
اقتباس:
- هل استمتعت في حصّته و قمت بتغير في الجو الذي أحياك به ؟

اي والله استمتعت كتير.. *sla أنا خلقة الله بضحك كتير .. ع طول بحصتو كنت اضحك..
اقتباس:
3- ما رأيك به ؟؟ و هو أستاذ قدير و كبير في السن لكنه رشيق جداً؟

إزا بدي احكي عن رأيي بإعطاؤو *ممم
ترا أنا ما كتير حبيت تعاملو مع المادة ... يعني أنا بحب افهم وبس ... والحفظ بصم ممنوع .. وهوي طريقتو كتير تبصيمية ... لدرجة مرة استغربت انو عم يحفظنا انو إزا اجتكن كلمة ( عالمة أحياء) بالجملة ... بتستخدمو الزمن الفلاني :shock:
قلتلو انو شو مشان ؟؟ قلت يمكن في قاعدة خطيرة وأنا ما بعرفا .. لعالمين الأحياء بالانكليزي ... طلع بكل بساطة عم يبصمنا التمرين :shock:
بس الحق يقال انو لو الواحد اتبع أسلوبو بيجيب علامات .. بس أنا شخصياً ما هيك طريقتي بالدراسة!
ومشان رشاقتو .. الله يديم عليه الصحة والعافية ويبقى عم يدرس ويعطي ويفيد *1
اقتباس:
5- ما رأيك بقوانينه ؟؟ كمنع ارتداء الثياب السافرة للفتيات و إكسسوارات الايمو للشباب ؟

أنا من لما عطوني القوانين بورقة .. قلت هالإنسان عظمة.. بالعادة أساتذة الدورات ما بيحكوا شي عن اللباس.. وبتصيرو تشوفو المناظر... بس الأستاذ غالب درسو محترم والناس اللي فيه محترمة حالا بسبب قوانينو.
اقتباس:
6- كلمة تقولها ؟؟؟

بدي اشكرو من قلبي مو بس ع المعلومات الحلوة .. وكمان ع الكوميديا أيام القطع والهم.. :mrgreen:
وبدي قول انو كل طالب يحاول يشوف ايجابيات أساتذتو بيرتاح كتير..
شكراً صفوة *ورود
الكاتب:  زمردة [ الاثنين سبتمبر 28, 2009 5:20 am ]
عنوان المشاركة:  غالب حوارة ...تحية شكر و عرفان و فتح باب الحوار عنه
1-هل درّسك غالب حوّارة ؟؟؟ متى و أين في المعهد الجديد أم القديم ...أي في أي طابق و كيف كانت أدواته ؟
نعم ... درسني الأستاذ غالب سنة 2003 بالدورة الشتوية بالطابق الأخير و بدورة المراجعة و المتعارف عليها بـ الصاروخ بالصف الجديد تحت ... بذكر كان على دورنا أول افتتاح الصف الجديد كان بيتميز بلوحاته التوضيحية الكبيرة و التلفزيون و الإضاءة ... بالإضافة للنوطة المميزة الملونة و هي عبارة عن تلخيص لكل الكتاب
2-هل استمتعت في حصّته و قمت بتغير في الجو الذي أحياك به ؟
نعم ... روحه مرحه جدا و كان يقلنا أهلا و سهلا فيكم معنا مع عمو غالب ساعة و نصف من الضحك المتواصل :mrgreen: ... بس سمعت من أخي إنه كان يكون قاسي مع الشباب على عكس معاملته للبنات :P
3-ما رأيك به ؟؟ و هو أستاذ قدير و كبير في السن لكنه رشيق جداً؟
الله يطول عمره و يديمه ذخر للطلاب ... متل ماتفضلت أوركيدا الاعتماد الأكبر على الحفظ البصم كان ... طبعاً بالأول يشرحلنا القاعدة و حتى كل قاعدة إلها لحن و أغنية *sla
بس البصم الطريقة المختصرة للي بده يجيب علامات بالبكالوريا عنا ... طبعاً مابوافقها 100% بس بتفيد ... لهلأ عالقة بذهني كتير أشياء و حتى دلائل الأزمنة اللي بالكتاب كان عاملهم بترتيب و نغمة بحيث ماينتسوا

5-ما رأيك بقوانينه ؟؟ كمنع ارتداء الثياب السافرة للفتيات و إكسسوارات الايمو للشباب ؟
ممتازة طبعاً و هيك المفروض ... بحب ضيفها هون لتآخدوا فكرة
Warning
كل طالب/ة يخالف التعليمات التالية يفقد حقه في متابعة الدورة:
1.تفعيل (الجوال) إلى قاعة المحاضرات.
2. الالتفات إلى الجوار أو الحديث معه.
3. إدخال أي جهاز صوتي أو ضوئي.
4. الحركات المقرفة (أصابع في الفم أو الأنف).
5. تزين الشباب بالسلسلة أو البلاك.
6. العطور و المكياج الصارخ للبنات و اللباس الغير محتشم للطرفين.
7. إدخال كافة أنواع الأطعمة و المشروبات و العلكة.
8. التعليق على أي شيء أثناء شرح الدرس.
9. عدم تنفيذ خطة المراجعة و عدم الالتزام بالدوام و الواجبات.
10. الكتابة على المقاعد و الجدران.
11. العبث بأجهزة القاعة(الشاشات, الصوتيات, الإنارة, المكيفات, الكميرات الخ )
12. الغياب أكثر من ثلاث جلسات.

6- كلمة تقولها ؟؟؟
الله يعطيك العافية يا أستاذ على الساعات المفيدة و الممتعة اللي قضيناها بالدورة ... و الله يسعدك على قد ماضحكتنا و نسيتنا هم البكالوريا *1 *1 و ياريت نشوفك بيوم من الأيام بآرتين
الكاتب:  Safwat [ الاثنين سبتمبر 28, 2009 11:20 pm ]
عنوان المشاركة:  غالب حوارة ...تحية شكر و عرفان و فتح باب الحوار عنه
fofo star, [quote]
استاذ بكل معنى الكلمة ...بساعد الفقراء...
انا بعرف كتير بنات ما اخد منهم مصاري عالدورة ....بسبب حالتهم المادية...
قوانينو كتيير ظريفة...
اسلوبو بخلي الطالب يحفظ...وهوي عم يضحك....
وخصوصا حروف الجر والافعال التركيبية....
[/quote]
شهادة حلوة منك .الف شكر لمشاركتك
فارس,
شكرا لمرورك و رأيك
سيرين, [quote]
و كتحية منا لهذا المربي الفاضل , الموضوع مثبت
[/quote]
خطوة و موقف حلو .جزاكي الله خيرا
أوركيدا, [quote]
بدي اشكرو من قلبي مو بس ع المعلومات الحلوة .. وكمان ع الكوميديا أيام القطع والهم..
وبدي قول انو كل طالب يحاول يشوف ايجابيات أساتذتو بيرتاح كتير..
[/quote]
و انا متلك
عبير, [quote]

كل طالب/ة يخالف التعليمات التالية يفقد حقه في متابعة الدورة:
1.تفعيل (الجوال) إلى قاعة المحاضرات.
2. الالتفات إلى الجوار أو الحديث معه.
3. إدخال أي جهاز صوتي أو ضوئي.
4. الحركات المقرفة (أصابع في الفم أو الأنف).
5. تزين الشباب بالسلسلة أو البلاك.
6. العطور و المكياج الصارخ للبنات و اللباس الغير محتشم للطرفين.
7. إدخال كافة أنواع الأطعمة و المشروبات و العلكة.
8. التعليق على أي شيء أثناء شرح الدرس.
9. عدم تنفيذ خطة المراجعة و عدم الالتزام بالدوام و الواجبات.
10. الكتابة على المقاعد و الجدران.
11. العبث بأجهزة القاعة(الشاشات, الصوتيات, الإنارة, المكيفات, الكميرات الخ )
12. الغياب أكثر من ثلاث جلسات.
[/quote]
الف شكر لتزويدنا فيهن


شكرا الكم
الكاتب:  عمار السرحان [ الثلاثاء سبتمبر 29, 2009 10:34 pm ]
عنوان المشاركة:  غالب حوارة ...تحية شكر و عرفان و فتح باب الحوار عنه
ما شاء الله
هالاستاذ درس رجال لما كانوا شباب و دجس ولادهم و ان شاء الله احفادهم و محترم كتير
الكاتب:  Hiba [ الأربعاء سبتمبر 30, 2009 1:55 am ]
عنوان المشاركة:  غالب حوارة ...تحية شكر و عرفان و فتح باب الحوار عنه
[align=center]غالب حوراة

والله ضربت ع الوتر يا صفوة لانو مافي كلام يوصف هل الانسان

درسني تاسع وبكالوريا وصاروخ ماشاء الله الله يخلينا ياه واظن انو استاذ بارع

لانو كون لنفسه طريقة مغايرة لاي استاذ بقطرنا واساليب توصل المعلومة معنا لكل من الكسلان والشاطر انا هيك براي

كان يشرح القاعدة او الزمن وبعدها يحكي طريقة للي ما حسن يفهم يعني طريقة ابصم انجح :wink: :wink: :wink:
انا براي الشاطر والقوي كقواعد بالاصل بجيب كامل
ع فكرة كنت كتير مشاكسة بحصته بس بهضامة يعني ما يدايق مني :mrgreen: :mrgreen: :mrgreen:

صفوة مشكور كتير ع الموضوع وانا من زمان كنت حابة اطرح فكرة عليكم
انو يروح وفد من اريتن ويكرموا هل الاستاذا العملاق ويعملوا مقابلة معه لانو بيستحق جد وبجدارة عالية

بالتوفيق وان شاء الله نكون اساتذة ناجحة بالمستقبل متله[/align][/font][/color]
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/