آرتين لتعليم اللغات
https://forum.art-en.com/

قوانين عامة
https://forum.art-en.com/viewtopic.php?t=18217		 صفحة 1 من 2
الكاتب:  عصام [ الخميس سبتمبر 24, 2009 12:18 am ]
عنوان المشاركة:  قوانين عامة
مابعرف اذا هالموضوع نازل من قبل بهالساحة او لا *ممم
بس انو قريتو وقلت لحطو لانو عالاغلب بيصير هيك :mrgreen:


قانون الاصطفاف

إذا أنت صاف في طابور بطيء وغيرته
الطابور اللي تركته فجأة بصير يمشي أسرع من اللي أنت فيه


قانون التلفون

مستحيل تتصل على رقم غلط ويطلع مشغول


قانون التصليح

إذا كنت تشتغل وايديك مليانه زيت وشحم .. تأكد إن انفك رح يحكك


قانون الأعذار

إذا تأخرت عن الدوام وقلت لرئيسك أنه بنشرت سيارتك ،تأكد إنك بكرا رح تبنشر عن جد


قانون الالكترونيات

إذا أخذت جهاز عند مصلح وبتحكيله انه ما بيشتغل .. لحظتها بيشتغل ولا كأن أي شي صار


قانون الشاي

أول ما بتعمل لك كاس شاي .. تأكد إن رئيسك بيجي وبيعطيك شغله ما بتخلص إلا لما يبرد الشاي


قانون المصادفات

إذا كنت ما بدك حدا يشوفك .. فجأة كل اللي بتعرفهم بيطلعوا بوجهك
الكاتب:  Hiba [ الخميس سبتمبر 24, 2009 1:12 am ]
عنوان المشاركة:  قوانين عامة
[align=center][quote]
قانون المصادفات

إذا كنت ما بدك حدا يشوفك .. فجأة كل اللي بتعرفهم بيطلعوا بوجهك
[/quote]

يا محاسن هل الصدف؟؟؟[/align][/font]
الكاتب:  #هبة# [ الخميس سبتمبر 24, 2009 2:46 am ]
عنوان المشاركة:  قوانين عامة
[align=center]واذا بدك شغلة ما بتلاقيها......وقت ما بدك ياها بضل دائما بوجهك[/align]

:mrgreen: :mrgreen:
الكاتب:  عبيدة [ الخميس سبتمبر 24, 2009 9:05 am ]
عنوان المشاركة:  قوانين عامة
اقتباس:
قانون الاصطفاف
:evil:
بدي إلغي هالقانون من كتر مانو لئيم :mrgreen:
اقتباس:
قانون التلفون
بتعرف ,, مرة زبطت معي ,, ودئيت على رقم غلط ,, وطلعلي مغلق ,, ومرة تلفون تاني طلعلي مشغول :mrgreen:
اقتباس:
قانون التصليح
سئااااااااال مجرب
اقتباس:
قانون المصادفات
هاد انا عايش في :mrgreen:

بائي القوانين غير سارية المفعول عندي :mrgreen:

سلمون خيوووو *1
الكاتب:  Wissam [ الخميس سبتمبر 24, 2009 1:28 pm ]
عنوان المشاركة:  قوانين عامة
عصام,
قانون الزنقات :evil:
إذا كنت عم تشتغل بشي مدور ووقع من إيدك بيضل عم يكرج قدام عينك لحتى يفوت بشي زاوية ضيقة ما تعود تقدر تطولو :mrgreen:

ولسا في غيرن كتييييير
عصام, *ورود *ورود
الكاتب:  mohammeddali [ الخميس سبتمبر 24, 2009 2:17 pm ]
عنوان المشاركة:  قوانين عامة
عصام ،
اقتباس:
قانون الأعذار

إذا تأخرت عن الدوام وقلت لرئيسك أنه بنشرت سيارتك ،تأكد إنك بكرا رح تبنشر عن جد
100%رح تبنشر
يسلمووووووون... *1
الكاتب:  Mohammed [ الجمعة سبتمبر 25, 2009 3:19 am ]
عنوان المشاركة:  قوانين عامة
عصام,
:mrgreen: ولسه دستور كامل من هالتكويمات
قانون الاصطفاف 2:
ازا فقت من الخمسة الصبح ورحت تعمل شي معاملة بدائرة حكومية وحجزت دور من قبل ما يفيقو الموظفين ........... بيكونو مخبيلك مفاجئة أنو في ورقة لسه مانك مطلعها

قانون التلفون 2 :
وقت بتكون منفق وحدات ومضطر تحكي عالأرضي كون من بين العيلة كلها ما حدا بينتخي ويرد عليك غير ابوها :mrgreen: قصدي ابوه لرفيقك يعني

قانون الشراء :
بعد ما بتبرم السوق وما تلاقي شي كنزة او بنطلون يعجبك بتفوت ع محل بتلاقي اللي حاطو ببالك بس ما بتلاقي المقاس

قانون الشراء 2 :
بعد ما بتاخد البنطلون الواسع عليك بنمرة اللي حكينا عنو من شوي ... بتضل تناقرو لصاحب المحل ساعة وبتطلع مبسوط انك غلبتو فبتلاقي نفسو عند المحل اللي بعدو بس بنص السعر

قانون الوقت :
بتضل قاعد شهر وما عم تلاقي شغلة ولا عملة تسويها ومقضيها نايم
بعدين بتفيق في احد الصباحات ومطلوب منك تخلص مية شغلة وتفتل البلد كلها خلال يومين

قانون الحب :
بتضل معجب ببنت سنتين تلاتة وكل يوم بتشوفها وما عم تتلحلح وتحاكيها.. ووقت بتقرر انو اليوم رايح صارحها وأسألها عن عنوان بيتها ما بتلاقيها ولما بتسأل رفيقتها اللي صرلها سنتين عم تزاورك بتكتشف انو انخطبت قبل بيوم :shock:

يتبع
الكاتب:  عصام [ الجمعة سبتمبر 25, 2009 4:21 am ]
عنوان المشاركة:  قوانين عامة
Hiba,
مين محاسن *ممم
ومين صدف *ممم
ياعمي بيقولو حمص مرصودة ومابتمشي مترين الا وبيطلع الف حدن بتعرفيه :mrgreen:

#هبة#,
هيد اهم قانون
بس انتي اسلبيها عحالك شوي انو معد بدك هالغرض وشوفي كيف بينط قدامك نط :wink:


عبيدة,
اقتباس:
بتعرف ,, مرة زبطت معي ,, ودئيت على رقم غلط ,, وطلعلي مغلق ,, ومرة تلفون تاني طلعلي مشغول
اي هي مو بالغلط بيكونو :wink:

Wissamo,
اي اذا هيك زنفة فشغتلها فاضية بالي زنقة تانية :mrgreen:

mohammeddali,
لك مو ليكون عنا سيارة بالاول :lol:

mohammed,
اقتباس:
قانون الاصطفاف 2:
ازا فقت من الخمسة الصبح ورحت تعمل شي معاملة بدائرة حكومية وحجزت دور من قبل ما يفيقو الموظفين ........... بيكونو مخبيلك مفاجئة أنو في ورقة لسه مانك مطلعها
لا في شغلة احلى من هيك
اليوم وانا راجع عالبيت كانت معي مراة بالسرفيس ولما سالها الشوفير لوين قالتلو رايحة عالسرايا وععلمك السرايا مسكرة كل هالاسبوع :mrgreen:
اقتباس:
قانون التلفون 2 :
وقت بتكون منفق وحدات ومضطر تحكي عالأرضي كون من بين العيلة كلها ما حدا بينتخي ويرد عليك غير ابوها قصدي ابوه لرفيقك يعني
انا بيكون بدي دق تلفون واحكي مايكون حدا بالغرفة مابتزبط وبيصير البيت كلو بدو غراض من الغرفة :?
اقتباس:
قانون الشراء :
بعد ما بتبرم السوق وما تلاقي شي كنزة او بنطلون يعجبك بتفوت ع محل بتلاقي اللي حاطو ببالك بس ما بتلاقي المقاس
فتقتلي المواجع لانو شفت خفافة طيرتلي عقلي بس مالقيت عمقاسي والله :roll:
اقتباس:
بتضل قاعد شهر وما عم تلاقي شغلة ولا عملة تسويها ومقضيها نايم
لك شو شهور
اي انا هالاسبوع حسيتو اطول اسبوع من سنين لانو قاعد بالبيت من دون شغل ومن دون جامعة
بس الله يخلي الصياعة معم ارجع عالبيت صاير قبل ال3 :mrgreen:
اقتباس:
يتبع
ناطر :wink:
الكاتب:  تاج [ الجمعة سبتمبر 25, 2009 2:12 pm ]
عنوان المشاركة:  قوانين عامة
عصام,
:lol: :lol: :lol:
اقتباس:
قانون الشاي

أول ما بتعمل لك كاس شاي .. تأكد إن رئيسك بيجي وبيعطيك شغله ما بتخلص إلا لما يبرد الشاي


قانون المصادفات

إذا كنت ما بدك حدا يشوفك .. فجأة كل اللي بتعرفهم بيطلعوا بوجهك
هالقانونين بشعيييييين كتير ودائما بصيرو معي ؟؟
هلأ شغلة الشاي (هي من دور الماما) وقت بكون حاطة كاسة شاي ومروقة الا ماتقلي قومي اشتغلي وبس ارجع بلاقيها اسودت و بردت :lol:
وقاننون المصادفات : شتهيت شي مرة اطلع عالشارع وقول يارب ماشوف فلانة ما :mrgreen: ومالاقيها بخلقتي :lol:
موضوع حلو كتير وبيضرب عالوتر تمام :mrgreen:
الكاتب:  ..nano.. [ الجمعة سبتمبر 25, 2009 4:14 pm ]
عنوان المشاركة:  قوانين عامة
قانون الحب :
بتضل معجب ببنت سنتين تلاتة وكل يوم بتشوفها وما عم تتلحلح وتحاكيها.. ووقت بتقرر انو اليوم رايح صارحها وأسألها عن عنوان بيتها ما بتلاقيها ولما بتسأل رفيقتها اللي صرلها سنتين عم تزاورك بتكتشف انو انخطبت قبل بيوم


قانون الشاي

أول ما بتعمل لك كاس شاي .. تأكد إن رئيسك بيجي وبيعطيك شغله ما بتخلص إلا لما يبرد الشاي

والله الموضوع نهفة وحلو كتير وصحيح مية ميه هههه ..

عصام.. *1 *ورود
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/