وبعديييييييين !!

عبيدة · **مرسل:** الأربعاء سبتمبر 16, 2009 10:16 pm

1- توقفت عن شرب الكولا بعد ان عرفت انه قادر على ازلة بقع الحمامات

2- لم اعد اذهب الى السينما بسبب خوفي من ان اجلس على كرسي فيه ابره تحتوي على فايروس الايدز

3- قمت باعادة ارسال مئات الايميلات طامعا بأن احصل على جهاز كمبيوتر مجاني

4- رائحتي اصبحت تشبه رائحة الميت بعد ان عرفت ان مزيلات العرق تسبب السرطان

5- لم اعد اصف سيارتي في الكراجات و صرت اضطر الى ان امشي احيانا مسافات طويله خوفا من ان يأتي شخص ويرشني بمخدر و يقوم بسرقتي

6- توقفت عن الاجابه على الهاتف خوفا من ان تأتي في فاتورتي مكالمات الى نيجيريا و اوغنده والباكستان

7- توقفت من شرب اي شيء يأتي بعلبه مقفله خوفا من ان تحتوي على بول و فضلات الفئران

8- حتى اني صرفت كل مدخراتي الى حساب الطفله"آمي بروس" و هي طفله مريضه بالسرطان اوشكت ان تموتاكثر من 7000 مره .. مسكينه ما زال عمرها 7 سنين منذ عام 1993 ....

9- واريد ان اعلن اني ما زلت على استعداد ان اساعد اي شخص من نيجريا يريد ان يستخدم حسابي لتحويل املاك عمه او خاله المتوفي و التي تزيد عن 100 مليون دولار.

10- قمت بطلب مئات الأماني قبل ان اقوم باعادة ارسال بعض الكلمات و الصورالمقدسه .. لكن ما زلت على نفس مكتبي و آخذ نفس الراتب لم يتغير شيء

11- قمت بارسال مليون نسخه لمليون شخص حتى لا يتوقف حسابي مع شركة هتميل

12- بطلت اشرب اى نوع من القهوه لانهم يساعدو اسرائيل... وبطلت كل الشوكلاته والعلكه لانها كلها معجونه بدهن الخنزير... وبعت التلفزيون والتلاجه والغسالة والكمبيوتر وكل الاجهزه الامريكة لانهم يساعدو اسرائيل

13- صرت لما اقابل اى شخص لاي سبب كان اسئله عن دينه قبل ما اسئله عن اسمه

14- بسبب ايملاتكم وايمانكم وحلفانكم ورجائكم قمت بارسال الف مليون حديث وخمسين مليار دعاء وانا لا اعلم عن مدى صحتها

وبعدين؟ ! !

أول شي منقول

تاني شي هالشغلات الحمدلله ما عملتا ,, ونزل موضوع حواري مشابه إلو

بس حبيت إطرح هالموضوع لعرف ,, وبعدييين!!

فطوم · **مرسل:** الأربعاء سبتمبر 16, 2009 11:08 pm

احسن شي الواحد ياكل هوا
و ينضب ببيتو

مشكور عبيدة,

عبيدة · **مرسل:** الأربعاء سبتمبر 16, 2009 11:21 pm

أولتك ,,

ورح ضب إيميلي معي بطريئي

ولكم فطوووووم

لجين · **مرسل:** الخميس سبتمبر 17, 2009 3:54 am

عبيدة,
وبعدين ولا شي رح يضل يجينا هيك شي لحتى ربك يفرجها علينا^^
صح مزعجين لأنو بضلوا يجيوا عالايميلات بس ترى بضحكو

تسلم عبيدة

عبيدة · **مرسل:** الخميس سبتمبر 17, 2009 8:24 am

صرت فكر أعملي شي شغلة وأبعتا ,, ومتأكد خلال يومين رح ترجع تصلني ,,

يبئا إزا وصلك شي جديد ,, أو شي فكرة جديدة ,, بجوز تكون مني

وضحكي أد ما بدك

الله يسلمك

نورتي

سمسم · **مرسل:** الخميس سبتمبر 17, 2009 8:55 pm

كتيييييييييييييييير اشياء بنسمع بها مضرة وكل شي بيطلع غير جيد

طبعا هو كله كلام والواحد ما يستطيع التاكد من كل شي يسمع

بس اكيد ياخذ الحذر افضل وربنا يستر علينا ويحفظنا من كل سوء .........ااااااااااااااااااامين يارب

عبيدة, مشكور

عبيدة · **مرسل:** الخميس سبتمبر 17, 2009 9:05 pm

شي بتوصلك إيميلات ,, أستحلفك بالله ,, ليك تراااك حلفت

ولا إزا عندك ضمير ,

ولا ان كنت تؤمن بالله أرسلها

مهزلة نظااامي صارت ,, مشتهي شي طريقة تحجب هالإيميلات ,, بس للأسف

سمسم ,, نورتي ,,

Mohammed · **مرسل:** الجمعة سبتمبر 18, 2009 2:58 am

عبيدة,
والله جبتها عالوجع
بطلنا ناكل اندومي لان بتعمل تسمم
وبطلنا ناكل معلبات لأن فيها مواد حافظة بتعمل جلطة
وبطلنا ناكل وجبات سريعة لأن بتعمل كولسترول
وبطلنا نشرب عصير صناعي لأنو صبغات مسرطنة
وبطلنا نشرب عصير طبيعي لأن فيه هرمونات
وبطلنا نحكي عالموبايل ونحنا ماسكينو بأيد اليمين لأن الذبذبات بتتلف الدماغ
وبطلنا نحكي ونحنا ماسكينو باليسار لأن اليسار قريب عالقلب
وبطلنا نحكي عسماعة البلوتوث ونسمع موسيقى لأن بيعملو طرش
وبطلنا نرد عالأرقام الغريبة لأن بيطلع أصوات غريبة بتعمل صرع
وبطلنا نفوت ع مشفى خاص لأن عم يقتلو المريض ويبيعوه شقف
وبطلنا نفوت عالحكومي لأن عم ينسو موبايلات وشاش وأدوات ببطن المريض
وبطلنا نبعت اولادنا عالمدرسة لحالن لأن في ناس عم تخطف الاولاد ويصدروهن لأوربا
وبطلنا نقعد بالحدايق العامة لأن فيها مدمنين مخدرات وشاذين
وبطلنا نتفرج عالعربية لأن عميلة لأسرائيل
وبطلنا نشتغل عالويندوز لأن بيل غيتس داعم للصهيونية
وما عدنا اشترينا دخان لأن كلو مصدره ومحتواه غير موثوق
وما عدنا قعدنا قدام الكمبيوتر لأن بيعمل عصبي
وما عدنا تنفسنا مشان ما تصيبنا انفلونزا من الانفلونزات
وما عدنا تنفسنا مشان ما يصير معنا ربو من الهواء الملوث
ولا عدنا سبحنا مشان ما تجي شي حشرة مائية وتقرصنا ونموت

وما عدنا تجوزنا من قرايبنا مشان ما يطلعو الاولاد مشوهين
وما عدنا كبرنا العيلة مشان ما نصير فقرا ويموتو ولادنا من الجوع
ولسه ولسه ولسه شغلات كتييييييييرة
بس لهلأ ما لاحظنا أو شكينا انو العطل فينا ؟؟؟
جهل في الدين والعلم
اتكالية على الغير حتى في طعامنا
عدم توكل على الله في أبسط أمور حياتنا

والسؤال اللي بيطرح نفسو
وبعدييييييييييييييييين

فــلـك · **مرسل:** الجمعة سبتمبر 18, 2009 3:43 am

لك ليش كل هاد ياحرام....
والله حرقتو قلبي....
اول شي توكلو على الله....وماحدى بموت ناقص عمر....اسألوني انا...

تاني شي هدول الاميلات الي تحكي عليهم انا برأي نقاطعهم....ومانرد.....
لأنو جد شي بضحك.....
بعدين شبها شوكو تويست ....والفاخر....وشوكولا عمار....والكازوز

ضروري جلاكسي وكوكا كولا؟؟؟

اهم الشي نتوكل على الله بكل شي وانشاء الله مابصير معنا غير كل شي منيح...
عبيدة,
موضوع جميل بتمنى تتقبل مروري....

mohammed,
ياربي والله نشفتلي البحر....
شو بدي اكل؟؟؟

اقتباس:

بس لهلأ ما لاحظنا أو شكينا انو العطل فينا ؟؟؟
جهل في الدين والعلم
اتكالية على الغير حتى في طعامنا
عدم توكل على الله في أبسط أمور حياتنا

Wissam · **مرسل:** الجمعة سبتمبر 18, 2009 4:01 am

اقتباس:

وبعدين؟ ! !

ولا قبلين

الجواب بجملة وحدة: اللي إلو عمر ما بتهينو شدة

واللي كاتبو ربك بدو يصير لو حبست حالك بقلب كرتونة صغيرة

(اعقلها وتوكل)....

عبيدة,

LATEST_POSTS

قوانين المنتدى

وبعديييييييين !!

الموجودون الآن