هل يزعجك هذا التصرف

paradise · **مرسل:** الجمعة سبتمبر 18, 2009 5:21 pm

عدة اشياء بتزعجني واكتر شئ هو عندما اكون عم اتصفح الويب وبيجي حدا بدو يشوف شو عم اتصفح او شو الموضوع او التعليق اللي عم اكتبو لانو احيانا بيوصل لحد المسخرة او التعليق السخيف على اللي عم اكتبو فهل هالشي بيزعجكم

فــلـك · **مرسل:** الجمعة سبتمبر 18, 2009 9:15 pm

paradise,
اكيد كتير بصير معنا متل هيك مواقف.....
بس انا بالنسبة ل الي مابيزعجني كتير....
والي عم يجي ليشوف شو عم تعملي...انتي سبقي عليه وقوليلو تعا شوف عطيني رأيك....
هيك....بالاخر بصيروا بقولولك....مشان الله حلي عنا

لذلك لاتنزعجي ولا على بالك..

تقبلي مروري...

فطوم · **مرسل:** الأحد سبتمبر 20, 2009 5:31 pm

paradise,
هههههههه
فكرة حلوة fofo star,
و انا كمان ما كتير بيزعجني
ما عندي مانع يجو و يقفوا جنبي و يقروا بس بحدود مو يزيدوها
كل ما بدي اكتب رد بدن يكونو لازقين فيني

Safwat · **مرسل:** الأحد سبتمبر 20, 2009 5:41 pm

متل ما قالت فوفو..............
اصلا 3/4 من البنات بيفتحوا عمواقع معينة .........و ما بتخجل باستثناء الخارج عن المألوف
و
اصلا 3/4 من الشباب بيفتحوا عمواقع معينة .........و ما بتخجل باستثناء الخارج عن المألوف

صحي ببرنامج حلو الكلام لابو صياح قال ..بالكافيه .كل مين ايدو الو .....بفارتو و شاشتو.و الحمد لله سواء كانت الاجهزة بالنت مكشوفة او مغلقة عندي واحد

Hiba · **مرسل:** الاثنين سبتمبر 21, 2009 5:29 pm

[align=center][quote]
فهل هالشي بيزعجكم
[/quote]

مادام معم تساوي شي غلط فبرايك وين الغلط[/align][/font]

تاج · **مرسل:** الاثنين سبتمبر 21, 2009 11:58 pm

بصراحة أنا مابنزعج من هالشغلة بس بنزعج من شغلة معينة هي
وأت بكون عم بقرا شي موضوع بهمني وبدي ركز وحدى يلزق فيني بئا هيك بكل بساطة بقوم وبقعدوا مكاني

بانة · **اشترك في:** الخميس مايو 08, 2008 5:44 pm

paradise,
الشي اللي كتبتي إنتي عنه صحيح وموجود وفعلا أحيانا بيزعج

بصير معنا و يمكن نحن منساويه مع غيرنا

وفي فكرة حابة قولها , إنه بتزعجني الفكرة مو لأنه والله فاتحة موقع عالنت مابدي حدا يشوفني فاتحته ...
الفكرة اللي طرحتها paradise, ما أظن إنها طارحة فيها فكرة إني انا واثقة من الموضوع اللي فاتحته والموقع اللي فاتحته وما عم ساوي شي غلط واللي بده يجي يشوف ..

الفكرة هي وإنت مثلا عم تعطي رأيك بموضوع فرضا نازل بآرتين وليكن مثلا " ما رأيك بالساعة "

وإنت قاعد وعم تكتب رأيك .. بيجي أو بتتفاجئ إنه في حدا وراك وبيبلش مناقشتك بالموضوع أو السخرية من بعض العبارات اللي إنت كاتبها ..
مثلا, انا كاتبة " والساعة إلها عقارب بتدور

"
بيجي بقللي بسخرية : " هههههه والعقارب بتقرص كمان "

إي بمتل هيك موقف ممكن إتحمل أول شي وآخد وأعطي وإمزح .. بس إذا دائما هيك , فكل شي زاد عن حده انقلب ضده , بنزعج ويمكن يتزعزع شي جواتي وشك بالكلام اللي انا كاتبته ويمكن بطل رد أساسا ..

حاولت أعطي مثال لقرب الفكرة بس ...

وشكرا

سهوان السهوان · **مرسل:** الأربعاء سبتمبر 23, 2009 12:42 am

اقتباس:

بنزعج من شغلة معينة هي
وأت بكون عم بقرا شي موضوع بهمني وبدي ركز وحدى يلزق فيني بئا هيك بكل بساطة بقوم وبقعدوا مكاني

فعلا كلامك صحيح

paradise · **مرسل:** الاثنين سبتمبر 28, 2009 5:38 pm

اولا شكرا لكل اللي اضاف رأيه

اقتباس:

مادام معم تساوي شي غلط فبرايك وين الغلط

انا مو قصدي انو النا او اي حدا بينزعج بيكون عم يعمل غلط يا اخت HIBA الامورة بس الفكرة مثل ما قالت الاخت بانة الحبابة

اقتباس:

لفكرة هي وإنت مثلا عم تعطي رأيك بموضوع فرضا نازل بآرتين وليكن مثلا " ما رأيك بالساعة "

وإنت قاعد وعم تكتب رأيك .. بيجي أو بتتفاجئ إنه في حدا وراك وبيبلش مناقشتك بالموضوع أو السخرية من بعض العبارات اللي إنت كاتبها ..
مثلا, انا كاتبة " والساعة إلها عقارب بتدور

"
بيجي بقللي بسخرية : " هههههه والعقارب بتقرص كمان "

لاني بطبعي ما بحب حدا يتمسخر على اللي عم اعملو
و شكرا للجميع

حلواني · **مرسل:** الاثنين سبتمبر 28, 2009 6:27 pm

يعني بصراحة انا بنزعج ومابتحمل أبدا يعني شو هالحشرية الزايدة يعني كل واحد الو خصوصية مابحب حدا يشوفوا او حتى بيعلق

LATEST_POSTS

قوانين المنتدى

هل يزعجك هذا التصرف

الموجودون الآن