آرتين لتعليم اللغات :: الا تخجل من هذا؟؟؟

اقتباس:

كولا ....وعلب....وعصائر....عم تكرج بهالشوارع ....
طيب ليش؟؟؟

بلاها ,, مشان القوانين

اقتباس:

شو السر الي بخلي ام بقيت يوم كامل عم تنظف بيتها ....تكب وسخها من البلكون لنص الشارع؟؟؟

لأنو البيت من جوا نفس الشي ,, بس مشان ما تحس بالفرق لما تطلع لبرا

اقتباس:

شو السر الي بخلي انسان يروح لعند حاوية الزبالة ....ويرمي وسخو جنبها؟؟؟؟

مشان ما يحن

,,

بس لما يكون النظام (بح)

ومحد عاد سئل ,, كلللللللو بيفلت

وللأسف حتى نحنا ,, صرنا نؤول ,, لك اي شو فيهااااا

ولما تسئلي إيمت منصير ,, منؤول بالأحلام

بالأحلام ما عاد يصير هيك

بئا بعيييييييييييين الله

تقبلي مرووري

الكاتب:	فــلـك [ الخميس سبتمبر 17, 2009 9:14 pm ]
عنوان المشاركة:	الا تخجل من هذا؟؟؟
كتير فكرت بالمكان الي بدي نزل فيه هالموضوع.... وحسيت انو افضل مكان الو هون....ساحة حوار....الساحة الي منقدر فيها نتواصل ونتحاور ونبين افكارنا... بصراحة... عن جد وضع محزن....وببكي كمان.... لما تكون ماشي والوسخ والزبالة بكل مكان حواليك.... اوراق....ومحارم....وجرايد عم تطير.... كولا ....وعلب....وعصائر....عم تكرج بهالشوارع .... طيب ليش؟؟؟ كتير بسأل حالي....معقول هالناس عاجبهم هالمنظر؟؟ شو السر الي بخلي الانسان يفتح شباك سيارتو ويرمي وسخو بهالشارع.... شو السر الي بخلي ام بقيت يوم كامل عم تنظف بيتها ....تكب وسخها من البلكون لنص الشارع؟؟؟ شو السر الي بخلي انسان يروح لعند حاوية الزبالة ....ويرمي وسخو جنبها؟؟؟؟ والله عيب... عيب مننا نحنا كمسلمين.... يقول الرسول صلى الله عليه وسلم:أماطة الاذى عن الطريق صدقه" ... و "النظافه من الايمان" و "لا ضرر ولا ضرار" واجب علينا كمسلمين نحافظ على نظافة بلدنا... شوارعنا... لك حتى جامعاتنا.... جامعة البعث كتير حلوة.....بس شي مرة حدى لاحظ الوسخ الي عم يطير فيها...؟ والله حرام... يعني في كتير اماكن مخصصة لرمي القمامة....ليش نحنا هالجيل الواعي والمثقف والمتعلم نكون هيك؟؟ انا كتير حابة نتساعد.... حابة نعمل شي.... لازم نبدا من عنا ....من عندي انا....ومن عند كل انسان.... لازم اول شي نحنا انطبق....وننصح....ونتساعد.... لازم نحاول.... نعلم اقربائنا....اخواتنا.....رفقاتنا....زملائنا..... لازم نحاول... والسؤال الي حابة اسألو: الا تخجل من هذا المنظر....امام الله ....امام الرسول....امام نفسك.. بتمنى تشاركوني بأرائكم وتعطوني رأيكم لحلول لنتساعد كلنا....لنحقق شي....يخلي رسول الله (ص) يفتخر فينا...ويقول هذه امتي.....

الكاتب:	عبيدة [ الخميس سبتمبر 17, 2009 10:34 pm ]
عنوان المشاركة:	الا تخجل من هذا؟؟؟
اقتباس: كولا ....وعلب....وعصائر....عم تكرج بهالشوارع .... طيب ليش؟؟؟ بلاها ,, مشان القوانين اقتباس: شو السر الي بخلي ام بقيت يوم كامل عم تنظف بيتها ....تكب وسخها من البلكون لنص الشارع؟؟؟ لأنو البيت من جوا نفس الشي ,, بس مشان ما تحس بالفرق لما تطلع لبرا اقتباس: شو السر الي بخلي انسان يروح لعند حاوية الزبالة ....ويرمي وسخو جنبها؟؟؟؟ مشان ما يحن ,, بس لما يكون النظام (بح) ومحد عاد سئل ,, كلللللللو بيفلت وللأسف حتى نحنا ,, صرنا نؤول ,, لك اي شو فيهااااا ولما تسئلي إيمت منصير ,, منؤول بالأحلام بالأحلام ما عاد يصير هيك بئا بعيييييييييييين الله تقبلي مرووري

الكاتب:	عاشقة العربية [ السبت سبتمبر 19, 2009 1:15 am ]
عنوان المشاركة:	الا تخجل من هذا؟؟؟
fofo star, لما بتجي سيرة هالموضوع انا بصير هيك لأ وللأسف بيجو بيحكو انو هني ريحة التظافة طالعة منبيتن، والوحدة فين وقت بتمشي ما بتستنى لتوصل لسلة الزبالة لتحط المحرمة .. لالا أبدا، بتستقرب وبترميا ع الأرض بس ترى هي ببيتا نضيفة ها سبحان الله .. أي شي بكون نظيف فهو يسبح الخالق تعالى، فإن زالت نظافته وقف تسبيحه قدي منكون عم نكسب أجر وقت منخبي أي ورقة لوقت نلاقي سلة مهملات او ناخد معنا كيس لهيك شي ولو كل الواحد عمل هيك بدون ما يتطلع على غيرو كنا بألف خير حطيتي إيدك ع الجرح .. شكرا

الكاتب:	خالد الهبل [ السبت سبتمبر 19, 2009 1:32 am ]
عنوان المشاركة:	الا تخجل من هذا؟؟؟
fofo star, والله موضوع مميز جداً متل كل المواضيع اللي تبدعيها...... بصراحة وانا كمان من هالناس اللي برمي من السيارة علبة الكولا بس والله خلاص من هاللحظة ما عاد أتصرف هالتصرفات لأنو فعلاً شي بيخجل بدي أحكي شغلة... في عندي قريب إجا من أمريكا صارلو 25 سنة هنيك يجي بس بالمناسبات المهم أنا وهوي بالسيارة نزلنا عالسيتي سنتر اشترينا أغراض ونحنا طالعين اشترينا كولا... وعالاستراد ونحنا راجعين في حاوية زبالة عاليمين.. فتحت الشباك وكبيت علبة الكولا بس إجت جنب الحاوية... والله بهدلني بهدلة كبيرة وقاللي كلمة مهمة قاللي انت لو كنت تحترم حالك أو اهلك أو بلدك أو دينك ما كنت بتتصرف متل هيك تصرف للأسف ومعو حق بصراحة مشكورة فوفو

الكاتب:	Odysseus [ السبت سبتمبر 19, 2009 1:33 am ]
عنوان المشاركة:	الا تخجل من هذا؟؟؟
fofo star, لك آآخ آخ من هالموضوع .. يا ريت كل العالم يفكرو متل ما بتفكري انتي .. الي بحب بلدو لازم يعمل جهدو انو يخليه بأحلى صورة .. بس شايفلك ما حدا سائل .. أنا من ناحيتي دايما بحاول اعمل جهدي و اقنع الي معي برمي هالأوساخ بمكانا المناسب .. و لازم كل شخص يعمل هيك .. أنا ما بحط الحق على الناس فقط .. لا .. كمان البلديات بتلعب دور كبير بهالموضوع .. مرة كنت ماشي أنا و رفيقي بالشارع .. و عم ناكل سندويش و نحنا ماشين .. ولما خلصنا هو فورا كب الورقة .. طبعا أنا عملتلو هيك و عطيتو هديك المحاضرة .. فهو قلي "حاجة عاد . . هلق بنشوفك بدك تكبا أو لا" .. و انو كنت لاقي حاوية أو سلة بطريقي عبث .. و مع ذلك ما كبيت الورقة بالشارع .. الي بدي قولو انو لازم على البلديات تزيد عدد الحاويات و السلات بالشوارع أكتر من هيك بكتير .. و لما أي واحد بشوف السلة أمامو أكيد رح يرمي الي معو فيها .. إلا الشواذ طبعا .. و برأي لازم تصير برامج تلفزيونية بهاد الموضوع .. ولازم تصير حملات توعية كبيرة .. لك العالم وين وصلوا ونحنا لسانا عم نفكر كيف بدنا نقنع الناس انو ما يرمو الوسخ بالشارع فعلا شي مخزي جدا fofo star, موضوع رائع جدا . . و أنا مافيني شوف موضوع رائع و ما شارك فيه !! فشكرا جزيلا لإهتمامك بأمور "أساسية" في حياتنا ... و كتري منون هدول المواضيع .. و خليها تكون دعوة من آرتين .. كل آرتيني يلتزم انو يرمي الأوساخ بمكانا .. خلينا نبلش من حالنا .. و كل آرتيني يقنع أصدقاؤو و أقاربو يعملو هيك .. و هنن بدورون بيقنعو معارفون .. و هيك بتكبر الدائرة و بتعم الفائدة .. لازم نبلش نطبق هالحكي هاد و ما بيكفي أبدا انو ننقد بالحكي و بس .. fofo star, شكرا من جديد

آرتين لتعليم اللغات https://forum.art-en.com/

الا تخجل من هذا؟؟؟ https://forum.art-en.com/viewtopic.php?t=18150	صفحة 1 من 5

الكاتب:	فــلـك [ السبت سبتمبر 19, 2009 1:57 am ]
عنوان المشاركة:	الا تخجل من هذا؟؟؟
عبيدة, اقتباس: ومحد عاد سئل ,, كلللللللو بيفلت وللأسف حتى نحنا ,, صرنا نؤول ,, لك اي شو فيهااااا ولما تسئلي إيمت منصير ,, منؤول بالأحلام بالأحلام ما عاد يصير هيك بئا بعيييييييييييين الله يالله والله مالازم هيك نحكي... لازم يكون عنا ارادة...وتصميم.... يعني نحاول نيبس راسنا على هيك شغلات... وما بظن انو كل الحق على النظام.... لانو كل انسان بيقدر يعمل لحالو نظام ويمشي عليه... الشعب اول شي هوي الي لازم يتغير....لا الانظمة ولا القوانين بتقدر تعمل شي جنب الارداة.... اذا بتلاحظ انو هلأ صار في غرامة للي بسوقو بدون حزام امان... بتلاقي اغلب الناس مابحطوهم لما مابكون في شرطة... ولما بلاقو شي شرطي بيتبربعوا...وبحطو الحزام..... متل الي عم يضحك على حالو.... بتمنى نحاول... شكرا كتير على مرورك الظريف... هدى, اقتباس: لما بتجي سيرة هالموضوع انا بصير هيك الحمد الله لقيت في ناس متلي خلص لازم نتعاون انا وانت....والي منشوفو عم يكب وسخة بالطريق...بدنا نشيلو وبكبو بسلة المهملات.. اقتباس: بس ترى هي ببيتا نضيفة ها اي كتيييييير اقتباس: ولو كل الواحد عمل هيك بدون ما يتطلع على غيرو كنا بألف خير هي هيي ....مشكلتنا انو عم انطبق مثل....اذا جن ربعك(اهلك) عقلك مابينفعك.... شكرا كتيييير لمرورك... نورتي...

الكاتب:	عبيدة [ السبت سبتمبر 19, 2009 2:07 am ]
عنوان المشاركة:	الا تخجل من هذا؟؟؟
fofo star, فهمان عليكي ,, بس هلأ إزا هالكم واحد مشيوا صح رح يأثروا على دولة ,, أو مجتمع ,, صعب اقتباس: ولما بلاقو شي شرطي بيتبربعوا...وبحطو الحزام..... متل الي عم يضحك على حالو.... هي لحالا بتفتح موضوع مشان شغلة بيرتعبوا ,, مو هيك بس مشان ما يدفعوا شي مية ليرة للشرطي هي إزا رضي , لأنو صار بدو خمسمية إزا مو ألف بعييين الله ,, شو بدك تعملي بس تقبلي مروري مرة تانية

الكاتب:	Raghad [ السبت سبتمبر 19, 2009 2:13 am ]
عنوان المشاركة:	الا تخجل من هذا؟؟؟
fofo star, والله انو هالموضوع كنت عم فكر فيه من كم يوم وعم أتحسر على حالة الأمة العربية يعني والله العظيم أنو حل هالمشكلة مانو صعب القصة بس بدها شوية توعية وللكبار قبل الصغار لأنو لما بيكونو الأب والأم فهمانين وواعيين ومثقفين ما بيسمحوا لولادن يزتوا بالطريق يعني متل ما قال الأخ علاء زيادة عدد سلات المهملات بكل شارع ووضع الإعلانات بالطريق على نظافة البلد ما بتخسر شي وأهم شي توعية الآباء لأولادن والمدرسين لطلابن ... والله لما بشوف القوانين والأنظمة بالبلدان الأجنبية على نظافة بلدن بقول نحنا شو ناقصنا لنصير متلن ؟ المشكلة انو مو بس هاد الموضوع الي هو السبب بعدم نهضة شعبنا للأسف في عدة مواضيع مشابهة وان شاء الله منعيش لوقت ما تنحل شكراً عالموضوع فوفو

الكاتب:	أوركيدا [ السبت سبتمبر 19, 2009 2:24 am ]
عنوان المشاركة:	الا تخجل من هذا؟؟؟
fofo star, والله لفتة ظريفة منك بس أكيد ذكرك فيها برنامج خواطر 5 لأحمد الشنقيري الحقيقة انو......................... يا جماعة اللي عم يفكر يسرق جزداني من ايدي .. يشيل الفكرة من راسو.. ليش؟ لإنو نصو زبالة محارم وورق وووو.... المشكلة انو لو إجينا نكب الزبالة بمحلا ... فعلاً نادرا لتلاقي حاوية بعض الزبايل بتنضب بالجزدان بس غيرا لاء... والله مرات بضطر احمل قنينة أو ورقة سندويشة مسافة كبيرة .. وبالآخر يا بلاقي محل كبا يا لاء بصراحة عيلتنا كلها متعودين أي حديقة نروح عليها .. أو البحر .. مناخد معنا أكياس ومنضب فيها الزبالة ... وصار شي مفروغ منو .. وقت بشوف حدا قاعد بمحل وبيترك وراه المناظر بقول لحالي الله ميّز الإنسان عن الحيوان بالعقل الحل ببلش من تربية الأهل للطفل .. لازم يقرنو محبة النظافة بمحبة الله والطهارة.. ( إن الله يحب التوابين ويحب المتطهرين).. وتنمية دور النظافة بمناهج المدرسة .. وخليها شي عملي .. يعني بحصة فراغ .. يطلعو هالطلاب ويلمو ... ويعرفو انو أسهل لو كل واحد كب اللي بإيدو أول بأول.. هادا بالنسبة للأطفال.. بس بالنسبة للكبار بعين الله .. يمكن مافي حل غير انو نكتر الحاويات.. يسلمو ايديكي ع الموضوع

صفحة 1 من 5	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/