الاسم,
يا اهلا وسهلا فيك ...ان شا الله تعجبك الدراسة بحمص وماتندم لأنك نقلت ^^
بالنسبة للمواد ماتاكل هم أبدا بكرة كلو ببين معك كل دكتور وكيف اسلوبو وشو بدو من المادة واهم شي الحضور..بس يبلش الدوام بأول الشهر العاشر بتنزل عالجامعة وبتاخد برنامج المحاضرات وبتنسق جدول الحضور وبتحضر ووقتا كلو ببين معك ماتحط ببالك انو الدراسة هون صعبة وانك مابتعرف شي بحمص لأ أبدا الجامعة هون متل اي جامعة تانية بس البناء والدكاترة بيختلفو
علم اللغة للسنة التالتة على دوري كان يعطيها الدكتور طلال والحمد لله كان اسلوبو بجنن والمادة كنت شوفها سهلة لانو كانت تجي اتمتة هلأ مابعرف مين رح يعطي بس ان شا الله يكون الدكتور طلال نفسو ...وبالنسبة للترجمة ماذكرت انت شو هي الترجمة لأي سنة وفصل بس رح يبقى نفس الشي والترجمة بشكل عام سهلة اكترية الدكاترة بيعطو نصوص خلال المحاضرات والطلاب بيشتغلوا عليها مع واجبات واكيد بنزلو نوط بكوة التصوير يلي هي المكتبة الموجودة بكلية الاداب عنا بالطابق التاني ^^
والمقررات مافيك تجيبها هلأ لحتى تحضر المحاضرات وتعرف كل دكتور شو بدو لأنو يمكن يكونوا تغيروا عن السنة الماضية...طبعا الكتب بتجيبها اما من المكاتب الموجودة بالنفق او بكوة التصوير يلي بالكلية
موفق ان شا الله واي سؤال انا والكل جاهزة

الاسم,
لجين ^^
هلأ خدا مني في مواد بدا حضور متل علم اللغة ضروري مشان تقدر تفهم المادة بشكل أوسع..وبشكل عام بالنسبة إلنا كطلاب انجليزي يفضل انو نحضر كل المحاضرات مو بس مشان ننجح بالمواد..لأ ...مشان تقوى لغتنا من محادثة واكتساب مفردات جديدة بتفيدنا بعد التخرج..لهيك أنا بفضل حضور كل المحاضرات ولو ماكانت مهمة بس مشان تقوى لغتي...المحاضرات جيبها من مكتبة زيوس يلي قدام نفق الجامعة مكتبة معروفة مين ماسألت عنا بدلوك..في دكاترة بتطلب انو نجيب المحاضرات والنوط المطلوبة من كوة التصوير عنا بالكلية لانو هني بكونو منزلينها
الله يوفقك وأي مساعدة أو سؤال أنا جاهزة ^^