no name,
اهلا فيكي و بتمنالك النجاح بالمادة !
اقتباس:
اذا سمحتو بدي اسأل اذا انطلب نكتب عن التراجيديا بأوديب ايمت لازم نكتب خصائص التراجيديا الخمسة بأي صيغة أو بس اذا كان مطلوب تراجيديا أوديب نكتب الخصائص ونناقشا
ممكن تكتبي عن خصائص التراجيديا بالمقدمة .. بس بشكل مختصر جدا جدا ..
و اذا انطلب انو تحكي عن التراجيديا بأوديب فلازم تحكي عن الأسباب الي خلت هي المسرحية تراجيديا .. يعني بتكتبي عن معاناتو مع القدر و الإنتهاء بجعله يعمي نفسه ...
اقتباس:
سؤال تاني اذا اجا سؤال Ur ATTITUDE OR RESPONSE TO AGAMEMNON OR OEDIPUS عن شو لازم نكتب
عن أغاميمنون ممكن تكتبي عن الصفاة السلبية الي فيه .. يعني فيكي تحطي عنوان :
Agamemnon as a Negative Character
و بتحكي عن صفاته السلبية .. من انانية و جبن و قلة اخلاق .. و سهولة خداعو .. و تسبيبو لخسارة الإغريق بسبب مصالحو الشخصية و صراعو مع أخيل .. الخ ..
أما عن أوديب .. فلازم تكتبي رأيك عنو انو يلام او لا .. و فيكي تعملي متلي .. أنا بالإمتحان ناقشت الرأيين و كان عنواني:
Oedipus is Half to Blame
و كانت مقالتي مؤلفة من 4 مقاطع ... مقدمة و خاتمة .. و مقطعين عرض .. واحد بناقش فيه الأسباب الي بتخلينا نلومو .. و واحد بناقش فيه الأسباب الي ما الو علاقة فيها و القدر هو المسؤول عن مأساتو
اقتباس:
رسبت مرتين عال 20 بلكي ماعم اعرف اكتب شو بدو الدكتور وشكرا سلفا
طب خدي هالمعلومة مني .. مرة في شخص دخل لعند الدكتور عالمكتب .. فقلو الدكتور انو انا آخر شي بطلع عليه هو الأفكار .. و أول شي بطلع عليه هو شكل المقال و عدم وجود أخطاء ..
مقالك لازم يكون بلغتك الخاصة .. يعني جمل بسيطة .. و اي شي ناقلتيه او حافظتيه مو صعب على الدكتور انو يعرفو .. و شكل المقال لازم يكون من 3 او 4 مقاطع .. مقدمة و خاتمة و عرض يتألف من مقطع او 2 .. حسب مقدمتك طبعا ..
بتمنالك التوفيق
