| آرتين لتعليم اللغات https://forum.art-en.com/ |
|
| شو الفرق بين ماجستير التأهيل والتخصص و الماجستير العادي؟؟؟؟ https://forum.art-en.com/viewtopic.php?t=17895 |
صفحة 1 من 2 |
| الكاتب: | Mahmoud [ الجمعة أغسطس 28, 2009 2:52 am ] |
| عنوان المشاركة: | شو الفرق بين ماجستير التأهيل والتخصص و الماجستير العادي؟؟؟؟ |
بحب أول شي أشكر المشرفين كلهون على تعبهون معنا وبدي أسألكون اذا حدا بيقدر يعطينا أي تفاصيل عن هالموضوع لأنو بصراحه هذا السؤال عميطرح نفسه بشده بين أوساط الطلاب وخاصه طلاب السنه الرابعه وسؤالي بيتضمن النقاط التاليه:-المنهاج -امكانيه إكمال الدكتوراه بعد الماجستير -قوه الشهاده -شو بتنصحونا السؤال موجه للجميع بدون استثناء والفائده للجميع انشاءلله 
|
|
| الكاتب: | زمردة [ الجمعة أغسطس 28, 2009 4:43 am ] |
| عنوان المشاركة: | شو الفرق بين ماجستير التأهيل والتخصص و الماجستير العادي؟؟؟؟ |
mhmood, أهلا فيك أخي الكريم حسب معلوماتي الفرق بين ماجستير الدراسات العليا و ماجستير التأهيل و التخصص التالي: رح نوه عن الاختصاصات الموجودة بجامعة البعث للحاملين إجازة باللغة الانكليزية لأن ماعندي فكرة عن الاختصاصات لطلاب الآداب بباقي الجامعات ماجستير الدراسات العليا عبارة عن اختصاصين للأدب الانكليزي: دراسات أدبية و دراسات لغوية ... بكون في دوام سنة و امتحان بآخر السنة و بعدها بيختار الطالب رسالة الماجستير و بيبدأ بالبحث و الدراسة حول الموضوع اللي اختاره لحوالي سنتين أو 3 مو متأكدة قديه معه وقت بالزبط ... و بيقدر يكمل بعدها دكتوراه أما ماجستير التأهيل و التخصص الاختصاص الموجود بجامعة البعث هو ماجستير تأهيل و تخصص في تعليم اللغة الانكليزية ... مدة الدراسة سنتين و لايوجد رسالة و إنما مشروع تخرج يعتبر من بين المواد اللي عم يقدمها ... و لازم يتحقق نسبة دوام 90% ... و فيه شغل عملي كتير ماعندي معلومات دقيقة إذا بحق للطالب يتابع دكتوراه بالوقت الحالي أو إذا بيقدر يتابع دراسة بالخارج بالنسبة لقوة الشهادة ... منين إجى هالمصطلح  كله علم  برأيي الشغلة مو شغلة قوة الشهادة أو ضعفها ... الطالب بحدد هالشي من خلال اتقانه للماجستير اللي عم يدرسه مهما كان و إبداعه في مجاله بعد التخرج النصيحة إنه تختار الشي اللي بناسب قدراتك و ميولك بالدرجة الأولى ... بالإضافة إنك تحط بعين الاعتبار أي أكتر اختصاص مطلوب و نادر و تفكر شو ممكن تعمل بالمستقبل في حال انقبلت و درست الماجستير إذا أخطأت بشي حول الفرق بين الماجستيرين صححولي  بالتوفيق |
|
| الكاتب: | Amer18 [ الجمعة أغسطس 28, 2009 5:52 pm ] |
| عنوان المشاركة: | شو الفرق بين ماجستير التأهيل والتخصص و الماجستير العادي؟؟؟؟ |
شكرا كتير الك ممكن اعرف شو في كمان دبلومات اكاديمية ودبلومات تاهل وتخصص موجودة بجامعة البعث ممكن طالب الانكليزي يقدم عليها ومشان التاهل والتخصص ما فيو الواحد يقدم بعدو على الدكتوراه لانو بعتبرو ماجستير مهني وشكرا |
|
| الكاتب: | Mokhlef [ الجمعة أغسطس 28, 2009 6:28 pm ] |
| عنوان المشاركة: | شو الفرق بين ماجستير التأهيل والتخصص و الماجستير العادي؟؟؟؟ |
الفرق على الشكل التالي وهو فرق كبير ويجب التمييز ماجستير التأهيل والتخصص هو ماجستير مهني فقط لا يستطيع حامله متابعة رسالة الدكتوراه وهو عبارة عن مواد دراسية فقط يقدمها الدارس خلال سنولت الدراسة وعلى الاغلب اربع فصول دراسية ماجستير الدراسات العليا هو دراسة اكاديمية يستطيع الدارس متابعة دراسة الدكتوراه بعد الماستر وهو يتضمن اطروحة ماجستير يدافع عنها الطالب امام لجنة مؤلفة من ثلاثة اعضار على الاقل ارجو الافادة للجميع مع خلص تحياتي |
|
| الكاتب: | Widad [ السبت أغسطس 29, 2009 1:44 am ] |
| عنوان المشاركة: | شو الفرق بين ماجستير التأهيل والتخصص و الماجستير العادي؟؟؟؟ |
أهلين محمد راح حاول ساعدك قدر الإمكان بالموضوع ماجستير التأهيل والتخصص بيتضمن (طرائق تدريس اللغة الأجنبية )بالإضافة لتحليل المناهج الدرسية وممكن حتى المشاركة في وضعا للمدارس ومافيك تكفي دكتوراه فيا إلا في حالة اطلعت لبرا على حسابك الخاص ووافقت الجامعة برا بتئدري تكفي فيها دكتوراه  وهادا الماجستير مهني مافيو اطروحة فيو مشروع وعملي كتير كتير وكتعب بصراحة متعب اكتر من الاطروحة لأنو بدك تتفرغلو تفرغ تااااااااااااااااااااام بس رائع بكل معنى الكلمة لأنو بعد ما بتدخلو بتحس حالك يلي كلشي اتعلمتو بأربع سنين ما كان الو أي قيمة وعم احكي بكل موضوعية  ماجستير التأهيل والتخصص إلو قيمتو بصراحة برا أكتر من عنا وهو بأهلك إذا حبيت تدرس انك تدرس بالطريقة الصحيحة اللغة الاحنبية للناطقين بها بس هو يعتبر شهادة عالية ونظامو انو بحقلك تحمل مواد باعتبار راح تداوم بالسنتين ,والامتحانات فصلية تتم خلال 10 أيام بالكتير ,على عكس ماجستير الادبيات واللغويات (ما بحقلك تحمل ولامادة فيه )لأنو حتى تتفرغ للأطروحة لازم تكون ماعندك ولا مادة المنهاج بصراحة متعب كتييييييييييييييير بس حلو وقوي وتابع لجامعات عالمية يعني مثلا يلي عم ندرسو نحنا كطلاب فرنسي هو نفسو يلي عم يدرسوه طلاب جامعة غرنوبل يلي عم يدرسوا نفس الاختصاص حتى الانكليزي مناهجن قوية ورائعة والاعتماد الكبير على الكومبيوتر والأهم من هيك في اعتمااااااااد كبيركتير على جهدك الشخصي بالبحث يعني ما بتعتمد بس عالمنهاج لازم تتوسع بالبحث لحالك بالنسبة لقوة الشهادة مهنيا (التأهيل والتخصص )أما ماجستير الادبيات واللغويات بيعتمد على قوة الأطروحة يلي اخترتا ومتل ما قلتلك بتئدر اذا طلعت من الأوائل بالادبيات واللغويات تكفي دكتوراه حاولت اعطيك فكرة عن كلشي بعرفه والله يخترلكن يلي فيه الخير  يعني متل ما قال الأخ ماستر مهني يعني إذا حابب تمارس مهنة التدريس في المخابر والكليات والمدارس بتختار ماستر التأهيل والتخصص بس هو ما بيقل أهمية عن ماستر الأدبيات واللغويات من حيث الفائدة الجوهرية يعني إذا كانت ميولك نظرية كنقد وشعر وغيره هالشي مانو موجود أبدا بماستر التأهيل والتخصص بتمنالكن التوفيق جميعا
|
|
| الكاتب: | Mahmoud [ الأحد أغسطس 30, 2009 1:02 am ] |
| عنوان المشاركة: | شو الفرق بين ماجستير التأهيل والتخصص و الماجستير العادي؟؟؟؟ |
يا جماعه عنجد ما بعرف كيف بدي أشكركن بصراححه ما كنت متوقع هالردود الحلوه وميرسي ل عبير و widad بشكل خاص لأنكون شجعتوني بتمنى التوفيق للجميع |
|
| الكاتب: | Odysseus [ الأحد أغسطس 30, 2009 4:15 am ] |
| عنوان المشاركة: | شو الفرق بين ماجستير التأهيل والتخصص و الماجستير العادي؟؟؟؟ |
عبير, Widad, شكرا كتير كتير الكن على تنويرنا .. الله يجزيكم الخير يا رب
|
|
| الكاتب: | زمردة [ الثلاثاء سبتمبر 01, 2009 2:56 pm ] |
| عنوان المشاركة: | شو الفرق بين ماجستير التأهيل والتخصص و الماجستير العادي؟؟؟؟ |
Amer18, اقتباس: ممكن اعرف شو في كمان دبلومات اكاديمية ودبلومات تاهل وتخصص موجودة بجامعة البعث ممكن طالب الانكليزي يقدم عليها
دبلوم دراسات عليا دبلوم تأهيل و تخصص بتعليم اللغة الانكليزية دبلوم ترجمة و تعريب دبلوم تأهيل تربوي mhmood, على الرحب و السعة Ala Al-Ibrahim, جزاكَ و إيانا خيرا إن شاء الله بالتوفيق للجميع
|
|
| الكاتب: | كلمات [ الجمعة أغسطس 13, 2010 1:48 am ] |
| عنوان المشاركة: | شو الفرق بين ماجستير التأهيل والتخصص و الماجستير العادي؟؟؟؟ |
اشكركم على هذا الموضوع المفيد
|
|
| الكاتب: | Dewdrop [ الثلاثاء سبتمبر 21, 2010 2:23 pm ] |
| عنوان المشاركة: | شو الفرق بين ماجستير التأهيل والتخصص و الماجستير العادي؟؟؟؟ |
شكرا كتير عالتوضيح الله يجزيكن الخير
|
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|