آرتين لتعليم اللغات
https://forum.art-en.com/

مساعدة بالأدب الأمريكي رابعة
https://forum.art-en.com/viewtopic.php?t=17871		 صفحة 1 من 1
الكاتب:  نور الهدى [ الاثنين أغسطس 24, 2009 11:56 pm ]
عنوان المشاركة:  مساعدة بالأدب الأمريكي رابعة
السلام عليكم

ياريت يلي نجح بالأدب الأمريكي بالسنة الرابعة يدلنا ع طريقة دراستا
وكيف كتب التعليق :?:

وكيف حلل أفكار الموضوع وهل سند الموضوع بكوتيشن من الروايات :?:

لو سمحتو تساعدونا هي آخر فرصة النا بالتكميلية ومافي هلوقت *خوف :arrow: :arrow:
الكاتب:  Odysseus [ الثلاثاء أغسطس 25, 2009 12:54 am ]
عنوان المشاركة:  مساعدة بالأدب الأمريكي رابعة
no-na,

أول شي حابب اتمنى التوفيق لكل مين عندو مواد بالتكميلية ..
تانيا ..

بالنسبة للمادة .. أول شي بالنسبة للتعليق .. انحكى كتير بهالموضوع .. و انا ذكرت بمواضيع تانية انو لازم ينحكى عن اللغة بالتعليق ..

مثلا التعليق الأول الي أجانا هي السنة ... أنا كان تعليقي مؤلف من مقطعين ..
المقطع الأول حكيت فيه عن الأفكار الموجودة بالمقطع .. و انا ركزت بحكي عن طبيعة شخصية تشيلنغ ورث المحبة للشر و العقاب .. و عن طبيعة شخصية هيستر الطالبة للرأفة و الرحمة ..
و بالمقطع التاني حكيت عن اللغة و طبقت الحكي على أفكار المقطع .. يعني قلت انو بما انو تشيلنغ ورث قلبو "أسود" و ملئ بالحقد فكان على الكاتب انو يوظف فرداتو لدعم هالفكرة .. و هيك اختار مفردات متل "gloomy" و "evil" و " maze" و "guilt" .. الخ .. للتعبير عن شخصية تشيلنغورث .. و بعدين حكيت عن نوعية الجمل .. الي هية جمل معقدة مانا بسيطة .. و هالشي عطا فرصة للكاتب للوصف أكتر و صارت الجمل بتحمل معاني أبعد ...

هلق بالموضوع أنا كان عندي شوية أخطاء بالأفكار .. لأن ما كنت عرفان شو المطلوب بالظبط .. بس المهم انو حكيت من عندي .. يعني انا شو بشوف .. و دعمت أفكاري بإقتباسات من ديزي ملر .. و الحمد لله كانت النتيجة مرضية الى حد ما ..


هلق نصيحتي .. كتبوا من عندكن .. بس تكونوا فهمانين الكلام الي عم تكتبوه .. و طبعا بدون أخطاء .. و الدكتور أكيد رح ينجحكن . . و بعلامات كمان *ورود

بتمنالكم التوفيق يا رب .. مادة الأمريكي هي السنة من أحلى المواد الي بدرسا بالجامعة *1 *1 *1 *1 *1 *1
الكاتب:  نور الهدى [ الثلاثاء أغسطس 25, 2009 2:45 am ]
عنوان المشاركة:  مساعدة بالأدب الأمريكي رابعة
تشكرااااااااااااااااااات علاء

الله يطمنك

بس بصراحة بعرف كتير من رفقاتي كتبو بصيغة التعليق القديمة بدون الحكي عن اللغة وما الى ذلك ونجحو ومنن بعلامات عالية نسبياً

وشكرا مرة تانية *1 *ورود *1

وبالنسبة للموضوع يعني لو مافهمت الفكرة منيح ممكن اشرح من فهمي الخاص ؟؟؟؟؟؟
هل هلشي بينقبل؟ :?: :?: :arrow:
الكاتب:  Odysseus [ الثلاثاء أغسطس 25, 2009 4:15 am ]
عنوان المشاركة:  مساعدة بالأدب الأمريكي رابعة
no-na,
اقتباس:
وبالنسبة للموضوع يعني لو مافهمت الفكرة منيح ممكن اشرح من فهمي الخاص ؟؟؟؟؟؟
هل هلشي بينقبل؟

طالما عم تدعمي كلامك بشي من الرواية .. فكلامك ان شاء الله مقبول :wink: *1
طبعا عم قلك هيك لأني بعرف انو بالأدب مافي شي اسمو 1+1=2 :wink:
كل كلمة مدعومة بشواهد (مباشرة او غير مباشرة) فهي مقبولة *1
اقتباس:
بس بصراحة بعرف كتير من رفقاتي كتبو بصيغة التعليق القديمة بدون الحكي عن اللغة وما الى ذلك ونجحو ومنن بعلامات عالية نسبياً

حلو هالحكي .. و هاد ببين شقد الدكتور متساهل :wink: و بصراحة انا مرة كنت عندو بالمكتب و قلي انو اهم شي عندو انو ما يكون في اخطاء .. لأنو نحنا سنة رابعة على أساس .. و ان شاء الله خير

بالتوفيق ان شاء الله .. الك و لكل الباقيين *1 *1 *1
الكاتب:  نور الهدى [ الجمعة أغسطس 28, 2009 1:32 am ]
عنوان المشاركة:  مساعدة بالأدب الأمريكي رابعة
طيب علاء انت كيف درستا للمادة

والله الوقت قليل وهلكت

حاسة اني بكتب الها أول ومالها نهاية
الكاتب:  Odysseus [ الجمعة أغسطس 28, 2009 4:47 am ]
عنوان المشاركة:  مساعدة بالأدب الأمريكي رابعة
no-na,
اقتباس:
طيب علاء انت كيف درستا للمادة

والله الوقت قليل وهلكت

حاسة اني بكتب الها أول ومالها نهاية

:roll: :roll:

أنا بصراحة المواد الأدبية بعاملا معاملة تانية . . يعني انا بقرا الرواية منيح .. بتركيز يعني و مو هات ايدك و لحقني .. و اذا حسيت حالي مو مستوعب الرواية 100 بالمية برجع بقراها مرة تانية (متل ما صار بقلب الظلام) .. و وقتا أكيد بصير متمكن من الأحداث و بضمن الكوتيشن الي رح يجي بالفحص . .
بعدين بقرا كل شي بتوقع عيني عليه من مقالات و نقد عن الرواية او المسرحية .. و بالإمتحان بكتب الأفكار الي انا كونتا عن الرواية .. دون ما يكوني حافظ اي شي ...
يعني متل ما قلتلك بالمواد الأدبية مافي شي اسمو صح و غلط .. في رأي .. و هد الرأي ممكن يكون قوي أو ضعيف .. طبعا حسب دعمنا الو باقتباس معين من الرواية و توظيف هالإقتباس لصالح رأينا . . لذلك أهم شي بالرواية انو نكون متمكنين من الأحداث منيح منيح .. و بالإمتحان أهم شي على الإطلاق انو ما يكون في أخطاء قاتلة .. أنا ما بعتقد انو في طالب انكليزي بيرسب بمادة اذا كانت لغته سليمة 100 المية . .
بس المشكلة انو كل واحد بقول انو هو لغتو قوية و ما عندو أخطاء .. و تعي راجعي ورقتو بتلاقيها مليانة أخطاء .. و قاتلة كمان .. و هالأخطاء هي مانا نتيجة ضعف لغة طبعا .. هي بتكون سهوا على الغالب نتيجة الضغط الإمتحاني ..
و انا عندي نصيحة بهالخصوص .. أنا بشوف انو الأخطاء السهوا عم تجي نتيجة ضياع تفكيرنا وقت يكونا عم نكتب بين انو نكتب لغة سليمة و انو نكتب أفكار سليمة .. و دماغ معظمنا غير قادر على السيطرة التامة عالوظيفتين 100 بالمية بنفس الوقت .. و هالشي كونا عرب و لغتنا مو انكليزية .. و لهيك لما بنركزا بلحظة ما اثناء الكتابة على الفكرة بنرتكب خطأ املائي او قواعدي .. دون ما نشعر لأن تفكيرنا بكون بمكان تاني .. و لما بنركزا على اللغة الفكرة بتكون ضعيفة نوعا ما ..
ولذلك نصيحتي هي انو كل واحد يراجع ورقتوا مرتين بعد ما يخلص .. مرة يركز فيها عاللغة و يهمل الأفكار نهائيا .. و بالمرة التانية براجع الأفكار و يهمل اللغة نهائيا كونوا راجعا و تأكد من خلوها من الأخطاء ..

طولت عليكي .. بتمنالك تخلصي من هالمادة هي و من موادك التانية اذا عندك بأعلى العلامات .. *1 *1 *1
الكاتب:  Saher [ الأحد أغسطس 30, 2009 4:12 pm ]
عنوان المشاركة:  مساعدة بالأدب الأمريكي رابعة
مرحبا شباب وصبايا .. *Hi *Hi .موفقين ...اسف عل تأخير...بس هلق لصرلي ...المهم
راجعو ردي بهاد الموضوع يمكن تستفيدو شوي بأفكار التعليق اللي اجا بالفحص واللي عندو سؤال انا جاهز
viewtopic.php?f=57&t=17109&start=40" onclick="window.open(this.href);return false;
الكاتب:  نور الهدى [ الأحد أغسطس 30, 2009 6:22 pm ]
عنوان المشاركة:  مساعدة بالأدب الأمريكي رابعة
اقتباس:
مرحبا شباب وصبايا .. *Hi *Hi .موفقين ...اسف عل تأخير...بس هلق لصرلي ...المهم
راجعو ردي بهاد الموضوع يمكن تستفيدو شوي بأفكار التعليق اللي اجا بالفحص واللي عندو سؤال انا جاهز
viewtopic.php?f=57&t=17109&start=40" onclick="window.open(this.href);return false;


الله يجزيك الخير

يلي بدي اسألو هو كيف وظفتو لغة المقطع بالتعليق

وكيف قسمت التعليق هل عملتو عشكل أكتر من مقطع؟!!!!!!!!!!!!!!!!

وبالنسبة للموضوع دغري دخلت بالفكرة ؟؟بدون مقدمة وخاتمة

وشكرا

تشكرات علاء & ساهر *ورود *1 *ورود
الكاتب:  Saher [ الاثنين أغسطس 31, 2009 2:21 am ]
عنوان المشاركة:  مساعدة بالأدب الأمريكي رابعة
اقتباس:
هو كيف وظفتو لغة المقطع بالتعليق
هي انت وشطارتك ...اصلا انا ما بتذكر شو كتبت ...اسف
اقتباس:
وكيف قسمت التعليق هل عملتو عشكل أكتر من مقطع؟
اي مو ضروري عدد المقاطع هي شغلات ثانوية بالنهاية
اقتباس:
وبالنسبة للموضوع دغري دخلت بالفكرة ؟؟
اجل ...لازم انت تكتبي انو المقطع بيحكي عن كذا ومدري شو وبعدين من خلالو بتذكري انو مين اللي عم يحكي و المتلقي و بتشرحي الافكار...بعدا الدراسة اللغوية .......موفقين
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/