آرتين لتعليم اللغات :: زوايـــــــــــــــا::::: بــــدو يطيـــر صاحبنـــا::::

الموتور كما هو معروف بأنه أداة لتلبية الاحتياجات البسيطة
فهو وسيلة نقل تحقق المطلوب وبسرعة وتكلفة يقبلها العقل وترفضها الحقيقة...
والآن هو أداة شعبية ترفيهية شبابية وكأنه جوال ذو نغمات صاخبة وذو صور عتيقة...

سائقه طائش و ذروة الثقافة عنده هي السرعة و التشبيب
ذوقه عالي ورفيع فدراجته تحتوي على كل الألوان وزمور له من الألحان ما تشفيه من علله التي يعجز عنها الطبيب
همّه الوحيد, كم من الأمتار يستطيع أن يمشي على دولاب واحد ؟وكم نقطة يحرز ويجبيب..؟
طموحه أن يسابق بعنّاته النجوم ولا يرضى أن تدوبله أية سيارة, مارسيدس كانت أم جيب..

أحيانا يمشي عالهدا
لأنه يقود الموتور بيد واحدة
وهذه الحركة تعتبر احترافية وجكارة في العدا

فجأة تأتيه من الخلف سيارة وبدون تفكير منه يصيبه الجنون اللعين
وكأنك حقنته بإبرة من الأدرينالين
فتتحول سرعته من العشرة إلى المئة والعشرين
في الأرياف يكون واحدا مما يفعله الكثيرين
فلا رقابة عليه ولا يفكر لا بمخالفة ولا بشرطي ينتظر الخمسة والعشرين
وعندما يدخل المدينة كأنه فات في عالم آخر وأصبح مخترقا لسور الصين

يبحث عن أي دورية لتداهمه ليثبت دائما أنه هو الفائز عليهم وأنه على حق ويقين
ماضيه مليء بالمغامرات والحوادث ..ودراجته البارت الانتحارية هي أغلى من روحه وبدونها يشعر بأنه محكوم وسجين

يصرف عليها الكثير من المال لتبقيه في ذروة السعادة
يخشى التراجع في قيادته لذلك فهو دائما يختبر نفسه باستمرار التدريب لتصبح عنده المهارة بحكم العادة
في نومه يردد عبارته المعتادة وكأنه عاشق لمحبوبة يخشى أن تفارقه في دقيقة واحدة

يردد هلوسة تقول ((طير وعلي يا موتور))
ولكنه في الحقيقة لايدري أن من صنع هذه الآلة ,
صنعها على أنغام خفية
وهي عبارة تترد على أسماعه وتقول

مووووووت يا توووووور

الكاتب:	أحمد الدالي [ السبت أغسطس 22, 2009 2:27 am ]
عنوان المشاركة:	زوايـــــــــــــــا::::: بــــدو يطيـــر صاحبنـــا::::
إعداد وتقديم: أحمد الدالي فكرة : أكروبات لمحة عن الموضوع: ناقد يتحدث عن طيش الشباب العربي من ناحية قيادة الدراجة النارية... بالأإضافة للمسات كوميدية ,,,أتمنى أن تنال اعجابكم... الموتور كما هو معروف بأنه أداة لتلبية الاحتياجات البسيطة فهو وسيلة نقل تحقق المطلوب وبسرعة وتكلفة يقبلها العقل وترفضها الحقيقة... والآن هو أداة شعبية ترفيهية شبابية وكأنه جوال ذو نغمات صاخبة وذو صور عتيقة... سائقه طائش و ذروة الثقافة عنده هي السرعة و التشبيب ذوقه عالي ورفيع فدراجته تحتوي على كل الألوان وزمور له من الألحان ما تشفيه من علله التي يعجز عنها الطبيب همّه الوحيد, كم من الأمتار يستطيع أن يمشي على دولاب واحد ؟وكم نقطة يحرز ويجبيب..؟ طموحه أن يسابق بعنّاته النجوم ولا يرضى أن تدوبله أية سيارة, مارسيدس كانت أم جيب.. أحيانا يمشي عالهدا لأنه يقود الموتور بيد واحدة وهذه الحركة تعتبر احترافية وجكارة في العدا فجأة تأتيه من الخلف سيارة وبدون تفكير منه يصيبه الجنون اللعين وكأنك حقنته بإبرة من الأدرينالين فتتحول سرعته من العشرة إلى المئة والعشرين في الأرياف يكون واحدا مما يفعله الكثيرين فلا رقابة عليه ولا يفكر لا بمخالفة ولا بشرطي ينتظر الخمسة والعشرين وعندما يدخل المدينة كأنه فات في عالم آخر وأصبح مخترقا لسور الصين يبحث عن أي دورية لتداهمه ليثبت دائما أنه هو الفائز عليهم وأنه على حق ويقين ماضيه مليء بالمغامرات والحوادث ..ودراجته البارت الانتحارية هي أغلى من روحه وبدونها يشعر بأنه محكوم وسجين يصرف عليها الكثير من المال لتبقيه في ذروة السعادة يخشى التراجع في قيادته لذلك فهو دائما يختبر نفسه باستمرار التدريب لتصبح عنده المهارة بحكم العادة في نومه يردد عبارته المعتادة وكأنه عاشق لمحبوبة يخشى أن تفارقه في دقيقة واحدة يردد هلوسة تقول ((طير وعلي يا موتور)) ولكنه في الحقيقة لايدري أن من صنع هذه الآلة , صنعها على أنغام خفية وهي عبارة تترد على أسماعه وتقول مووووووت يا توووووور شـــــــــرح المفــــــــردات: الموتور: الدراجة النارية التشبيب: هي جعل الدراجة النارية تمشي على دولاب واحد جيب: نوع من أنواع السيارت عالية السرعة عنّاته: هي زيادة سرعة الدراجة وانقاصها بشكل متتالي الأدرينالين: هرمون الغضب والهيجان البارت: دراجة صينية الصنع موت يا تور: سر تسمية كلمة موتور. إلى اللقاء في زاوية أخرى أكروبات

الكاتب:	عامر الرشواني [ السبت أغسطس 22, 2009 2:42 am ]
عنوان المشاركة:	زوايـــــــــــــــا::::: بــــدو يطيـــر صاحبنـــا::::
أحمد الدالي, أول زاوية جبت الجوووووووووووول فيها بالزاوية يعني فعلاً قصة الموتورات شغلة و مصيبة بدها حل بس لا حياة لمن تنادي أنا صار معي مشكلتين بحياتي من ورا الموتور ( مرة كنت راكب عليه و مرة كنت بسيارة ) أول مرة كنت عم سوق السيارة و عم لف الإشارة و إجا متور طاير عليه 2 و عم يحكو مع بعض و ما لحق الفهمان و فات فيي و طار شي 20 متر ... عادي ما صار شي بس انكسر حوض الشوفير و صار معو عاهة مستديمة و أنا نمت بالسجن 8 أيام تاني مرة قال يا بعدي كنا طالعين سيران على القصير لعند شب رفيقنا و قعدنا عندو بالبستان و بالصدفة كان في موتور قمت من كتر مو حظي عاطل طلعت مع رفيقي و هو عم يسوق ... ما في شي الزلمي مشي بس 120 و أنا قلو هدي و هو يقلي أنا معلم ... ضل يقلي أنا معلم حتى طرنا شي 20 متر أنا و هو ... أنا ما صرلي شي غير شوية جروح و رضوض و هو طارت جلدة راسو و شي 36 قطبة و غيبوبة و يومين بالعناية المشددة و من بعد هالحادثين حلفت يمين عظيم على الموتور لا بسوقو ولا بركب عليه الله يجيرنا من الموتورات و من صحابها و من فنونهم و صوت متوراتهم مشكور أبو حميد

الكاتب:	سيرين [ السبت أغسطس 22, 2009 4:55 am ]
عنوان المشاركة:	زوايـــــــــــــــا::::: بــــدو يطيـــر صاحبنـــا::::
أحمد الدالي , فينا نقول أنك لامست الواقع تماماً باختيارك لهي الزاوية لأنو فعلاً صار " الموتور " بهي الأيام المسبب الرئيسي للكتير من المصائب بالإضافة لطيش و تهور بعض الشباب ألي لولا طيشهن أكيد كان بقي الموتور عين الله عليه بذكر بالصيفية الماضية أنو أكتر من 3 شباب لاقوا ربن و السبب هو حوادث موتور .... و من هداك اليوم صاروا الأهل كتير يخافوا على أولادن من الموتور حتى أنو البعض باعو على مبدأ " بعيد عن الشر و غنيلو " . بس أنو يعتبرو الشباب من هاد الشي ... عبث . بالعكس بصيرو يعملو بعكس نصائح الأهل و على قولة " ما بموت غير ألي خالص عمرو " ... طيب إذا كانت روحكن رخيصة كل هاد الشي , شو ذنب الناس ألي رح تضرر بسبب طيشكن و لا مبالاتكن ؟؟؟؟ الله يهدي شابنا و يحمين من حالن و من أفكارن و خاصة المتهورة منها مشكور كتير أخ أحمد و بالتوفيق انشاء الله بالزوايا القادمة

الكاتب:	Ranaa [ السبت أغسطس 22, 2009 6:23 am ]
عنوان المشاركة:	زوايـــــــــــــــا::::: بــــدو يطيـــر صاحبنـــا::::
أحمد الدالي, ناقشت الموضوع بطريقة ناقدة و ساخرة بس بنفس الوقت ممتعة جدا و الموضوع يلي عم بتناقشو هو موضوع عم يعيشو الشباب بهالأيام لدرجة أنو صار ركبة الموتو و التسابق شكل تحدي بيناتهم ...و كتير حوادث عم نسمعها بسبب هالشغلة و شباب عم بتموت لهادا السبب كمان .. ..أول فقرة من زوايا ممتازة و إنشالله موفق بالباقي ومشكوووور ...متابعين

الكاتب:	Mazen Aloush [ السبت أغسطس 22, 2009 2:42 pm ]
عنوان المشاركة:	زوايـــــــــــــــا::::: بــــدو يطيـــر صاحبنـــا::::
أحمد الدالي موضوع رائع جداً أنا واحد من الناس اللي عندي موتور وعننا بمنطقتنا يكاد لا يخلو أي بيت فيه موتور أو أكثر ومو بس البارت لا تنسى البطح يعني نحن بالبيت مثلاً عننا 3 مواتير كل فرد من العائلة ما بنحسن نستغني عننو بنوب لأنو بأمنلنا كل احتياجاتنا اليومية حتى كلياتنا منروح على شغلنا عالموتور يعني نحن عمنستفيد مننو بس في كتير شباب بسب طلع عالماتور بفكر حالو يا أرض اشتدي ما حدا قدي وعالسريع بطب خامس وبطير وما بتحسو غير عامل حادث نحن بفصل الربيع خصوصاً كل يوم في حادث وكل يوم في متوفي من ورا الموتور ليش ؟ لأنو في كتير شباب طايشين الله يعطيك العافية على هالزاوية وأكيد متابعين

آرتين لتعليم اللغات https://forum.art-en.com/

زوايـــــــــــــــا::::: بــــدو يطيـــر صاحبنـــا:::: https://forum.art-en.com/viewtopic.php?t=17837	صفحة 1 من 3

الكاتب:	أحمد الدالي [ الأحد أغسطس 23, 2009 4:27 am ]
عنوان المشاركة:	زوايـــــــــــــــا::::: بــــدو يطيـــر صاحبنـــا::::
عامر الرشواني, مشكلة الموتورات الرئيسية انها عمتضر مو بس يلي عميركبها..عمتضر يلي عما يسوقو سيارة من خلال طلعاتهن الفجائية بوجه الشوفير.. يا زلمي ما بيتقيدو لا بغماز ولا بيمين ولا بشمال..الهن عقلية لحالن.. أنا لما بسوق السيارة وبشوف موتور بقول بعد عن الشر وغنيلو وببعد عن أو بعطيه طريق اقتباس: تاني مرة قال يا بعدي كنا طالعين سيران على القصير لعند شب رفيقنا و قعدنا عندو بالبستان و بالصدفة كان في موتور قمت من كتر مو حظي عاطل طلعت مع رفيقي و هو عم يسوق ... ما في شي الزلمي مشي بس 120 و أنا قلو هدي و هو يقلي أنا معلم ... ضل يقلي أنا معلم حتى طرنا شي 20 متر أنا و هو ... أنا ما صرلي شي غير شوية جروح و رضوض و هو طارت جلدة راسو و شي 36 قطبة و غيبوبة و يومين بالعناية المشددة أنا رمة صار معي هيك شي...كنت عمبتمشى عالهدا قام وقف جنبي موتور طلع رفيقي.. قال وين رايح قلتلو عمبتمشى...قال طلاع ومن جدبنتي طلعت...ما شفت حالي الا صرت ابكي مو من شي بس لأنو سرعتو صارت اكتر من 100 والهوا ضرب بعيوني ودمعني عيوني..أنا هون خريطت ...فما حكيت معو شي...قلت الله يستر أحسن شي ...ولو إني محاكيه طول بالك ومدري شو كان رح يزيد السرعة ويقلي لا تخاف انا معلم قلة خليه على راحتو بينما يفرجها الله.. بعد ما وقف بلشت فيه مسبات وأخدت راحتي بالحكي... وبعدها ما بقى اطلع معو واذا بشوفو بهرب نورت حبيب وهاي سيرين, والله متل ما قلتي حوادث دائمة وطيش الشباب وتخلفهن عما يزيد هالشي.. الله يهديهن وان شاء الله بلاقو حل لهالمشكلة... ناطر مشاركتك بزاوية تانية: نورتي ranoo.sh, يسعدني وجودك ومتابعتك للموضوع.... ناطر رأيك بالزاوية القادمة اذا الله راد Mazen Aloush, أهلا أخي مازن... متل ما قلت انك بتستخدم الموتور لتلبية أغراضطك الشخصية وهدا هو الشي من هدف الموترو بالدرجة الأولى.. لأنو مو كل العالم الها قدرة تشتري سيارة.. وهو أحيانا بلبي احتياجاتنا أكتر ن السيارة.. الله يحميك ويحمي كل من أمثالك بإستعمال الموتور... نورت بس ما قلتنا شو نوع الموتور

الكاتب:	فارس [ الأحد أغسطس 23, 2009 6:12 am ]
عنوان المشاركة:	زوايـــــــــــــــا::::: بــــدو يطيـــر صاحبنـــا::::
أحمد الدالي, حلوووو ... يا سيدي فعلا هاد اللي عم يصير ... بس بيني و بينك و بصراحة مدري ليش خفو الميتورات .... يا أما لأنو فعلا صارت الرقابة عليهم قوية خصوصا عنا بحماه .... يا أما لأنك نزلت هاد الموضوع عنن فعلا الميتورات عند الغير دارسين من الشباب خاصةً صارت موضة و منافسة و أحسن من الجوال ... بس برأيي عم تنقص كمالها و شبه عم تنقرض ... كمان مثلا عامل جديدبساعد على انقراضها هي الدراجات الكهربائية اللي انتشرت ... متابع معك بالزوايا أكيد ... و برأيي انو الموضوع بيستاهل يكون حواري اكتر و يكون بساحة حوار سلامات

الكاتب:	Python [ الأحد أغسطس 23, 2009 3:56 pm ]
عنوان المشاركة:	زوايـــــــــــــــا::::: بــــدو يطيـــر صاحبنـــا::::
السلام عليكم موضوع حلو بحب ضيف أنو ببلدنا الموتور صار شي اساسي ومابنحسن نعيش بدونو بس للأسف المشاكل عم تجي ما رح قول من ورا الشباب بس من ورا الأولاد أو الأطفال هداك النهار بحارتنا في زلمة مطالع مرتو الحامل يتمشو المغرب فما حسوا الا واجاهن متور من وراهن ماشي 70 راكبين عليه 3 اكبر واحد يمكن عمره 14 فضربو الزلمة ومات بمحلو وعلقت تياب المرا بالميتور وشحطوها شي 10 امتار ومات الجنين ياحرام وهي بالمشفى لهلأ وهي قصة من كتير قصص ... شو ذنب هي الأسرة فياريت من الأهل ينتبهوا لمين يعطوا الموتور ولمين ما يعطوا مشكورين

الكاتب:	RAWIA.M [ الأحد أغسطس 23, 2009 4:43 pm ]
عنوان المشاركة:	زوايـــــــــــــــا::::: بــــدو يطيـــر صاحبنـــا::::
مشكوور كتير كتير أحمدالدالي الزاوية اللي طرحتها عم نشوفها كل يوم اذا مو كل دقيقة والله يسترها معنا نحن اللي منكون عالطريق وبيطلع ملك زمانو هو وموتورو مبارحة نحن وراجعين من اللادقية عالطريق العام اربع شباب حبوا يفرجونا عضلاتن وبلشو استعراض فرحان بحالو ورفقاتو عم يصوروه يعني لو سحب عن الموتور ووقع بضل قطعة صاغ بجسمو الله يهديهم بس الاكيد انو هالحكي ما بينطبق عالجميع في كتير ناس بحاجة الموتور

الكاتب:	أحمد الدالي [ الاثنين أغسطس 24, 2009 2:05 am ]
عنوان المشاركة:	زوايـــــــــــــــا::::: بــــدو يطيـــر صاحبنـــا::::
فارس, هلا فيك اقتباس: يا سيدي فعلا هاد اللي عم يصير ... بس بيني و بينك و بصراحة مدري ليش خفو الميتورات .... يا أما لأنو فعلا صارت الرقابة عليهم قوية خصوصا عنا بحماه .... يا أما لأنك نزلت هاد الموضوع عنن أكيد ما عندك شك بأنو أنا مفعول موضوعي أقوى من مفعول الدوريات كلها اقتباس: فعلا الميتورات عند الغير دارسين من الشباب خاصةً صارت موضة و منافسة و أحسن من الجوال ... بس برأيي عم تنقص كمالها و شبه عم تنقرض ... كمان مثلا عامل جديدبساعد على انقراضها هي الدراجات الكهربائية اللي انتشرت حلو ذكر الدراجة الكهربائية بهالموضوع..لأنو مهم... هلق الدراجة ممتازة جدا وحلاوتها انها صديقة البيئة بالدرجة الأولى..وكمان غير قابلة للتشبيب..وكمان إنو سرعتها ما بتتجاوز ال30 كيلو متر بالساعة.. بس الشي يلي بخلينا نقلق إنو هالدارجة عمتتطور وزادو سرعتها وصار الدفعة الجديدة سرعتها 60..يعني عمنرجع لنفس القصة بس أخف من البارت اقتباس: متابع معك بالزوايا أكيد ... و برأيي انو الموضوع بيستاهل يكون حواري اكتر و يكون بساحة حوار ما كنت متصور إنو الموضوع رح ياخد نقاش..لذلك تم الطلب من لجين لنقلو.. وسلامات Python, اقتباس: بحب ضيف أنو ببلدنا الموتور صار شي اساسي ومابنحسن نعيش بدونو بس للأسف المشاكل عم تجي ما رح قول من ورا الشباب بس من ورا الأولاد أو الأطفال هداك النهار بحارتنا في زلمة مطالع مرتو الحامل يتمشو المغرب فما حسوا الا واجاهن متور من وراهن ماشي 70 راكبين عليه 3 اكبر واحد يمكن عمره 14 فضربو الزلمة ومات بمحلو وعلقت تياب المرا بالميتور وشحطوها شي 10 امتار ومات الجنين ياحرام وهي بالمشفى لهلأ وهي قصة من كتير قصص ... شو ذنب هي الأسرة فياريت من الأهل ينتبهوا لمين يعطوا الموتور ولمين ما يعطوا معك بأنو الموتر ضروري وذكرنا هالشي مسبقا بأنو مو الكل عندن القدرة على شراء السيارة...بس ضروري مو لتشبيب والسرعة وما شابه ذلك... والمشكلة الكبيرة هي متل ما قلت الجيل الجديد يلي عميتربى على قيادة الدراجة... مشكور لمرورك ..تابعنا RAWIA.M, اقتباس: مبارحة نحن وراجعين من اللادقية عالطريق العام اربع شباب حبوا يفرجونا عضلاتن وبلشو استعراض فرحان بحالو ورفقاتو عم يصوروه يعني لو سحب عن الموتور ووقع بضل قطعة صاغ بجسمو الله يهديهم بس الاكيد انو هالحكي ما بينطبق عالجميع في كتير ناس بحاجة الموتور المآسي يلي من هالنوع كتيرة..يعني دراجة مخصصة ل2 بيركبو عليها 10 ليش والله شي بخلي الواحد يقرف والله يحمي الجميع من يلي بيستخدمو للضرورة الملحة نورتي ..وتابعينا

صفحة 1 من 3	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/