آرتين لتعليم اللغات :: الفشل .... مقبرة الطموحات

سيرين,

أول شي حابب هنيكي على الموضوع يلي فعلا لفت نظري من بين مواضيع هالساحة يلي متابعها أول بأول كقراءة بس هادا الموضوع شدني و حابب اني أعطي رأي فيه بس بدك تسمحيلي انو ما جاوب على أسئلتك .. رح اعطي رأي بشكل عام و أكتب آرائي عن هالموضوع ..

اسمحيلي اني افتتح ردي بكم مقولة عن الفشل :

إذا لم تفشل ، فلن تعمل بجد .
ما الفشل إلا هزيمة مؤقتة تخلق لك فرص النجاح

الفشل هو بداية طريق النجاح و الفخر مو هو بالنجاح فحسب .. الفخر هو انو نفشل و نصمم على النجاح ... و هون بتكمن حلاوة و عذوبة النجاح
لولا مرارة الفشل ما كان للنجاح عذوبة و طعم بالنسبة للبشر ... الإنسان لما بيفشل بتجربة شيء ما بيتكون بدماغو مسارات تجريبية عن الموضوع يلي فشل فيه و الإنسان القوي الإرادة هو يلي بيقدر يستغل هالمسارات هاي بأنو يجرب مرة تانية وتالتة و رابعة لحتى يلاقي النجاح لأنو الرد الوحيد على الهزيمة هو الانتصار و أحيانا ما بنقدر نطلق على إنجاز و نقول عنو ناجح إذا ما كان صاحبو مارق بمراحل فشل عديدة و هي يلي خليتو يصمم و ينجح بعملو أما انو نقول انو الفشل مقبرة الطموحات فهادا شي غلط كبير ...

بالنسبة للشخصية و علاقتها بنجاح الفرد فهادا الشي نسبي و بيتراوح و بيختلف بين إنسان و آخر ... يعني مو ضروري الإنسان الناجح يكون قوي الشخصية لأنو النجاح الو فروع عديدة و في علماء بقولو أنو الوحدة هي أم الإبداع و طبعا الإنسان يلي بكون عندو وحدة ( كمرض)رح تكون شخصيتو ضعيفة و ما رح يكون اجتماعي بين البشر متل الإنسان القوي الشخصية يعني قوة الشخصية غير مرتبطة بنجاح الإنسان ... الإنسان الناجح هو يلي بيتوقع حل لكل مشكلة و لما بواجه مشكلة ما أول جملة بقولها هي أنو الحل صعب لكنه ممكن خلافا للفاشل يلي لما بواجه مشكلة رح يقول الحل ممكن لكنه صعب ..

الناجح بيتطلع نحو المستقبل و بيتعلم من الماضي بعكس الفاشل يلي بحول الماضي إلى قيود و عوائق بتقيده و بتحدد طريقو ...

و أما بالنسبة لمصطلح صناع الفشل فهو غير موجود بقاموس النجاح لأنو الإنسان لما بكون أمامو هدف و بدو يوصلو فمن المستحيل أنو يجي حدا و يكون عائق في طريق تحقيق هالهدف و الإنسان يلي بيتأثر بالناس يلي بتبني شخصيتها على إضعاف الآخرين بهادا الشخص لسه ما وصل لمرحلة النجاح و بس يوصل ما رح يتأثر فيهم و طعم النجاح كفيل انو ينسيه كل شي ذاقو قبل ...

بتمنى ماكون طولت بالرد و رح اختتم كلامي بكم مقولة عن الإنسان الناجح ..

الناجح يتمسك بالقيم ويتنازل عن الصغائر والفاشل
يتشبث بالصغائر ويتنازل عن القيم

الناجح يصنع الأحداث والفاشل تصنعه الأحداث

الناجح دائماَ يعرف مايريد وأين هدفه والفاشل لايعرف الا شيء واحد يريد النجاح أن يكون بين يديه بدون تعب

الكاتب:	سيرين [ الاثنين أغسطس 10, 2009 11:00 pm ]
عنوان المشاركة:	الفشل .... مقبرة الطموحات
يقول ( دينس ويتلي ) : "الفشل ينبغي أن يكون معلماً و ليس مقبرة لطموحاتنا , و الفشل ما هو إلا حالة تأخير و ليس هزيمة , إنه تحول مؤقت عن الوصول إلى الهدف و ليس نهاية مميتة , و هو شيء يمكننا تجنبه فقط بأن لا نقول بل نفعل " . فالحياة عبارة عن سلسلة من التجارب و الخبرات , بعضها جيد و الآخر سيء , و كل واحدة من هذه الخبرات تجعلك أكثر قوة على الرغم من أنه غالباً ما تغفل عن إدراك ذلك ! فكما يقول المثل : ( الضربات التي لا تقصم الظهر تزيده قوة ) . في ضوء ما ذُكر أتوجه للأعضاء الكرام بما يلي : 1_ لو سألتكم تعريف الفشل من وجهة نظركم .... ماذا تقولون ؟؟ 2_من هم صُنّاع الفشل ؟؟ 3_ هل ثمة ارتباط بين الفشل و ضعف الشخصية ؟؟ بانتظار آرائكم و مشاركاتكم

الكاتب:	LILAC [ الثلاثاء أغسطس 11, 2009 12:19 am ]
عنوان المشاركة:	الفشل .... مقبرة الطموحات
سمحيلي اولا اني هنيكي على الموضوع اقتباس: "الفشل ينبغي أن يكون معلماً و ليس مقبرة لطموحاتنا , و الفشل ما هو إلا حالة تأخير و ليس هزيمة , إنه تحول مؤقت عن الوصول إلى الهدف و ليس نهاية مميتة , و هو شيء يمكننا تجنبه فقط بأن لا نقول بل نفعل " . مقولة رائعة اقتباس: 1_ لو سألتكم تعريف الفشل من وجهة نظركم .... ماذا تقولون ؟؟ الفشل ممكن يكون صدمة او خيبة امل بتأدي لحالة نفسية من الحزن والاكتئاب والجمود اقتباس: 2_من هم صُنّاع الفشل ؟؟ اهم صانع هو 1 -ضعف الارادة لي بيتضمن -هدر الوقت (تاجيل عمل اليوم لبكرا) -الاستهتار 2-المحيطين :الاشخاص المحيطين بياثرو باغلب الناس اذا كانو من النوع المكتئب (لان الاكتئاب مرض سريع العدوى) في نوع تاني من الناس لي هني بيحبو احباط الهمم ليظهرو انن الافضل على حساب الشخص لي قدامن اقتباس: 3_ هل ثمة ارتباط بين الفشل و ضعف الشخصية ؟؟ اكيد مية بالمية لان قوة الشخصية وحدها هي لي بتصنع من الفشل نجاح وقوي الشخصية وحدو هو لي بيتجنب صناع الفشل سيرين

الكاتب:	فــلـك [ الثلاثاء أغسطس 11, 2009 1:06 am ]
عنوان المشاركة:	الفشل .... مقبرة الطموحات
سيرين, كالعادة موضوع مميز بينضاف لمواضيعك... اقتباس: 1_ لو سألتكم تعريف الفشل من وجهة نظركم .... ماذا تقولون ؟؟ الفشل:هوعدم قدرة الانسان على تحقيق الشيء المراد الحصول عليه ثم اليأس والاحباط وعدم المحاولة مرة تانية وثالثة وعاشرة....الخ اقتباس: 2_من هم صُنّاع الفشل ؟؟ اولا الاشخاص انفسهم لما بكون ماعدهم امل وضعيفين الارادة... ثانيا البيئة لما انسان يفشل شي مرة وكل الناس الي حواليه يزكروا ويهتو بفشلو اقتباس: 3_ هل ثمة ارتباط بين الفشل و ضعف الشخصية ؟؟ اكيد ....انا برأي مافي انسان فاشل.... في انسان قليل الحيلة... انسان جبان غير قادر على المغامرة بعد اول تجربة غير ناجحة...

الكاتب:	ثـــائـــر [ الخميس أغسطس 13, 2009 2:38 am ]
عنوان المشاركة:	الفشل .... مقبرة الطموحات
سيرين, أول شي حابب هنيكي على الموضوع يلي فعلا لفت نظري من بين مواضيع هالساحة يلي متابعها أول بأول كقراءة بس هادا الموضوع شدني و حابب اني أعطي رأي فيه بس بدك تسمحيلي انو ما جاوب على أسئلتك .. رح اعطي رأي بشكل عام و أكتب آرائي عن هالموضوع .. اسمحيلي اني افتتح ردي بكم مقولة عن الفشل : إذا لم تفشل ، فلن تعمل بجد . ما الفشل إلا هزيمة مؤقتة تخلق لك فرص النجاح الفشل هو بداية طريق النجاح و الفخر مو هو بالنجاح فحسب .. الفخر هو انو نفشل و نصمم على النجاح ... و هون بتكمن حلاوة و عذوبة النجاح لولا مرارة الفشل ما كان للنجاح عذوبة و طعم بالنسبة للبشر ... الإنسان لما بيفشل بتجربة شيء ما بيتكون بدماغو مسارات تجريبية عن الموضوع يلي فشل فيه و الإنسان القوي الإرادة هو يلي بيقدر يستغل هالمسارات هاي بأنو يجرب مرة تانية وتالتة و رابعة لحتى يلاقي النجاح لأنو الرد الوحيد على الهزيمة هو الانتصار و أحيانا ما بنقدر نطلق على إنجاز و نقول عنو ناجح إذا ما كان صاحبو مارق بمراحل فشل عديدة و هي يلي خليتو يصمم و ينجح بعملو أما انو نقول انو الفشل مقبرة الطموحات فهادا شي غلط كبير ... بالنسبة للشخصية و علاقتها بنجاح الفرد فهادا الشي نسبي و بيتراوح و بيختلف بين إنسان و آخر ... يعني مو ضروري الإنسان الناجح يكون قوي الشخصية لأنو النجاح الو فروع عديدة و في علماء بقولو أنو الوحدة هي أم الإبداع و طبعا الإنسان يلي بكون عندو وحدة ( كمرض)رح تكون شخصيتو ضعيفة و ما رح يكون اجتماعي بين البشر متل الإنسان القوي الشخصية يعني قوة الشخصية غير مرتبطة بنجاح الإنسان ... الإنسان الناجح هو يلي بيتوقع حل لكل مشكلة و لما بواجه مشكلة ما أول جملة بقولها هي أنو الحل صعب لكنه ممكن خلافا للفاشل يلي لما بواجه مشكلة رح يقول الحل ممكن لكنه صعب .. الناجح بيتطلع نحو المستقبل و بيتعلم من الماضي بعكس الفاشل يلي بحول الماضي إلى قيود و عوائق بتقيده و بتحدد طريقو ... و أما بالنسبة لمصطلح صناع الفشل فهو غير موجود بقاموس النجاح لأنو الإنسان لما بكون أمامو هدف و بدو يوصلو فمن المستحيل أنو يجي حدا و يكون عائق في طريق تحقيق هالهدف و الإنسان يلي بيتأثر بالناس يلي بتبني شخصيتها على إضعاف الآخرين بهادا الشخص لسه ما وصل لمرحلة النجاح و بس يوصل ما رح يتأثر فيهم و طعم النجاح كفيل انو ينسيه كل شي ذاقو قبل ... بتمنى ماكون طولت بالرد و رح اختتم كلامي بكم مقولة عن الإنسان الناجح .. الناجح يتمسك بالقيم ويتنازل عن الصغائر والفاشل يتشبث بالصغائر ويتنازل عن القيم الناجح يصنع الأحداث والفاشل تصنعه الأحداث الناجح دائماَ يعرف مايريد وأين هدفه والفاشل لايعرف الا شيء واحد يريد النجاح أن يكون بين يديه بدون تعب

الكاتب:	سيرين [ الجمعة أغسطس 14, 2009 9:31 am ]
عنوان المشاركة:	الفشل .... مقبرة الطموحات
LILAC, اقتباس: سمحيلي اولا اني هنيكي على الموضوع تسلمي يا ليلك هاد من ذوقك اقتباس: اهم صانع هو 1 -ضعف الارادة لي بيتضمن -هدر الوقت (تاجيل عمل اليوم لبكرا) -الاستهتار 2-المحيطين :الاشخاص المحيطين بياثرو باغلب الناس اذا كانو من النوع المكتئب (لان الاكتئاب مرض سريع العدوى) في نوع تاني من الناس لي هني بيحبو احباط الهمم ليظهرو انن الافضل على حساب الشخص لي قدامن نورتي ليلك و شكراً كتير على مشاركتك المميزة و يا هلا فيكي دائماً و كتير أسعدني مرورك fofo star , اقتباس: كالعادة موضوع مميز بينضاف لمواضيعك... هاد من ذوقك فوفو و المميز هو حضورك و تواجدك الدائم بساحة حوار اقتباس: ثانيا البيئة لما انسان يفشل شي مرة وكل الناس الي حواليه يزكروا ويهتو بفشلو هاد الشي كان الحافز و المحرض لكتير من الأشخاص ألي قدرو بعدين أن يتغلبو على هاد الشي و يثبتوا ذاتن .. يعني صار نوع من التحدي . اقتباس: اكيد ....انا برأي مافي انسان فاشل.... في انسان قليل الحيلة... انسان جبان غير قادر على المغامرة بعد اول تجربة غير ناجحة... نورتي الموضوع فوفو و شكراً كتير على مشاركتك و بانتظار كل شي جديد منك

آرتين لتعليم اللغات https://forum.art-en.com/

الفشل .... مقبرة الطموحات https://forum.art-en.com/viewtopic.php?t=17721	صفحة 1 من 1

الكاتب:	سيرين [ الجمعة أغسطس 14, 2009 9:42 am ]
عنوان المشاركة:	الفشل .... مقبرة الطموحات
ثائر , اقتباس: سيرين, أول شي حابب هنيكي على الموضوع يلي فعلا لفت نظري من بين مواضيع هالساحة يلي متابعها أول بأول كقراءة شكراً كتير ألك أخ ثائر هاد من ذوقك و متابعتك لمواضيع ساحة حوار بتسعدنا و بيسعدنا أكتر مشاركتك بالمواضيع المطروحة . اقتباس: بس هادا الموضوع شدني و حابب اني أعطي رأي فيه بس بدك تسمحيلي انو ما جاوب على أسئلتك .. رح اعطي رأي بشكل عام و أكتب آرائي عن هالموضوع .. رأيك بهمنا أخ ثائر , و عموماً الأسئلة عم تنطرح لحتى الأعضاء ألي بدن يشاركوا يعرفوا من وين بدن يبلشو بالإضافة لأنها بتساعد في اكتشاف وجهات النظر المختلفة للأعضاء من خلال الرد على الأسئلة المتعلقة بالموضوع اقتباس: أما انو نقول انو الفشل مقبرة الطموحات فهادا شي غلط كبير ... للأسف أخ ثائر في أشخاص كتير الفشل بالنسبة لألن مقبرة لطموحاتن ... خلينا نحكي على صعيد الدراسة ... في كتير شباب و صبايا ما تابعو دراستن و السبب هو عدم محبتن للدراسة بشكل عام و بالإضافة للتقصير في المتابعة و الفهم و غيرو , هالأشخاص أول ما دخلو المدرسة كل واحد فين اختار مهنة المستقبل بين مدرس و طبيب و مهندس و غيرو .... بس فشلن بعدين بالدراسة كان السبب في عدم تحقيق طموحاتن .. طبعاً عم نقول فشلن بالدراسة فقط, لأنن يمكن يكونو بالمقابل أشخاص ناجحين بالحياة العملية ... و أنا أبداً مو مع أن يكون الفشل مقبرة للطموحات , بالعكس تماماً و أني أفشل مرة و مرتين و حتى أكتر مو مهم المهم أني أتخطى هاد الفشل و غير هيك يكون الفشل دافعي لإثبات ذاتي وأني شخص قادر على الانجاز و التقدم . اقتباس: يعني قوة الشخصية غير مرتبطة بنجاح الإنسان ... هلق بالنسبة لقوة الشخصية , ما فينا نقول أنو الفشل مانو مرتبط بضعف الشخصية ... لأنو ضعيف الشخصية بكون عندو خوف دائماً من تحقيق أي خطوة في مسيرتو الحياتية و خوفو هاد رح يخلي دائماً متأخر عن غيرو و يمكن كمان يكون السبب الأساسي لفشلو في الحياة و قت بيقعد و بصير يقول على ما فيني , و صعب كتير , و مستحيل .و هون بصير شخص باني حياتو على مبداً الفشل بامتياز و ألي هو : ما فيني , صعب كتي , و مستحيل . و قوة الشخصية مطلوبة كجزء أساسي من أساسيات النجاح , لأنو النجاح بأي مجال هو انتصار و لحتى حقق هالانتصار في مرحلة لازم اجتازها و هي مرحلة الفشل و مجرد اجتياز هي المرحلة هو انتصار بحد ذاتو و الشخص الضعيف الشخصية أكيد ما رح يكلف حالو هالعناء هاد . اقتباس: . الإنسان الناجح هو يلي بيتوقع حل لكل مشكلة و لما بواجه مشكلة ما أول جملة بقولها هي أنو الحل صعب لكنه ممكن هاد الرد ما بقولو غير شخص قوي الإرادة و لاحظ ذكرك لكلمتين أساسيتين في الشخص صاحب الشخصية القوية : " صعب " و لكن " ممكن " يعني ما عندو شي مستحيل على عكس الشخص الفاشل تماماً . اقتباس: الناجح بيتطلع نحو المستقبل و بيتعلم من الماضي بعكس الفاشل يلي بحول الماضي إلى قيود و عوائق بتقيده و بتحدد طريقو ... كلام جميل جداً اقتباس: و أما بالنسبة لمصطلح صناع الفشل فهو غير موجود بقاموس النجاح لأنو الإنسان لما بكون أمامو هدف و بدو يوصلو فمن المستحيل أنو يجي حدا و يكون عائق في طريق تحقيق هالهدف و ألا ما يكون في عوائق على اختلاف أشكالها بطريق النجاح , بس بالتصميم و الإرادة القوية أكيد ما بعود ألها وجود . اقتباس: بتمنى ماكون طولت بالرد لا بالعكس أخ ثائر , و أنا كتير انبسطت بمناقشتك بدي أشكرك كتير على مشاركتك المميزة و أكيد نورت الموضوع و بتمنى أسمع آراءك دائماً بساحة حوار و تقبل مني

الكاتب:	Maya [ السبت أغسطس 15, 2009 2:54 am ]
عنوان المشاركة:	الفشل .... مقبرة الطموحات
اقتباس: "الفشل ينبغي أن يكون معلماً و ليس مقبرة لطموحاتنا , و الفشل ما هو إلا حالة تأخير و ليس هزيمة , إنه تحول مؤقت عن الوصول إلى الهدف و ليس نهاية مميتة , و هو شيء يمكننا تجنبه فقط بأن لا نقول بل نفعل " كلام حلو كتير بس شوي نظري الفشل اكيد حالة تاخير والفشل فشل بس مانو هزيمة حسب الشخص وهوي تحول مؤقت عن الوصول للهدف بس مافينا ننكر انو احيانا بكون دافع لترك الهدف متل ما بيكون احيانا دافع للشغل من جديد للوصول برأيي كل الكلام عن الفشل نسبي يعني حسب درجة هالفشل وباية مجال بحياتنا يعني الفشل باشيا ومواضيع مصيرية مابينطبق عليه هالتهاون بتعريف الفشل اذا مدرس فاشل بايصال المعلومة هوي فاشل واذا اب ما بيعرف يزرع بولادو الاخلاق الطيبة والتريبة الحسنة هوي فاشل بدورو بالحياة واذا طالبة دريسة وحفيظة وشاطرة بالرياضيات وطلعلها طب بس بتخاف من شي اسمو دم وتشريح هي بفشل كبير وهالشي موجود عنجد بين طلابنا يعني برايي هالمواضيع مانها عقبات سهلة ليرجع الواحد يقدر يصلح فيها يعني المدرس يا بيخلق وعند حب للاعطاء وايصال المعلومة بصورة واضحة يا بلا ..حتى ولو اتعلم مية وسيلة ايضاح بدبلوم او غيرو ونفس الشي الاب يلي مانو قادر يكون لولادو القدوة ويعلمهم الصح من الغلط ..مافينو يصلح شي الو وقت معين بحياة وتربية الولد فينا بامتحان نفشل ونعيدو ننجح وفينا نكون ضعاف بنواحي معينة ونركز عليها ونرجع نقوى فيها كلو حسب نوع الفشل وباية مجال بحياتنا سيرين تقبلي مروري مع اني ما جاوبت ع الاسئلة

الكاتب:	سيرين [ السبت أغسطس 15, 2009 10:06 am ]
عنوان المشاركة:	الفشل .... مقبرة الطموحات
Maya , اقتباس: بس مافينا ننكر انو احيانا بكون دافع لترك الهدف متل ما بيكون احيانا دافع للشغل من جديد للوصول كلامك صحيح مايا و هاد متل ما سبق و قلنا بيتبع قوة و ضعف الشخصية و ما بدنا ننسى الإرادة و الرغبة بتحقيق شيء ما أو لا ... يعني في ناس ما عندها رغبة لأنها تحاول و لو مجرد محاولة أولية للقيام بعمل ما و السبب هو عدم الرغبة عندن ببلوغ شيء ما , و كتير منشوف أنن بيرمو السبب على الظروف و الأساليب المتبعة حالياً و هاد بكون عذرن و تفسيرن لفشلن و غياب الرغبة بالانجاز لديهم . اقتباس: اذا مدرس فاشل بايصال المعلومة هوي فاشل قد يكون فاشل بإيصال المعلومة لكنه بالمقابل ممكن يكون مدرس فهمان كتير منيح بمجال دراستو و لكن ينقصه الأسلوب و طريقة إيصال المعلومة للطلاب . اقتباس: واذا طالبة دريسة وحفيظة وشاطرة بالرياضيات وطلعلها طب بس بتخاف من شي اسمو دم وتشريح هي بفشل كبير وهالشي موجود عنجد بين طلابنا أنا معك بهي النقطة ... بس ما بدنا ننسى أنو كثرة الممارسة مع وجود الإرادة بالتغلب على هاد الشي ممكن تلعب دور كبير في تخطي الطلاب لهي المرحلة . اقتباس: فينا بامتحان نفشل ونعيدو ننجح وفينا نكون ضعاف بنواحي معينة ونركز عليها ونرجع نقوى فيها كلو حسب نوع الفشل وباية مجال بحياتنا اقتباس: سيرين تقبلي مروري مع اني ما جاوبت ع الاسئلة مجرد أنك تشاركي معنا هاد لوحدو بيسعدنا مايا شكراً كتير ألك على مشاركتك المميزة و يا هلا فيكي دائماً بساحة حوار و نورتي الموضوع

الكاتب:	Ranaa [ الثلاثاء أغسطس 18, 2009 4:50 pm ]
عنوان المشاركة:	الفشل .... مقبرة الطموحات
سيرين, ولو إني جيت متأخرة ..... أول شي سيرين بدك تسمحيلي أنو قول أنو في موضوع غير قابل للمناقشة و هو إنك صاحبة مواضيع راااااائعة و الأسئلة يلي بدور حولنا غالبا عم تطرحيها للمناقشة ... بالنسبة لموضوع الفشل ..بعد اللي قالو كل الزملاء وما شاء الله ما قصرو ..موضوع ملازم لحياة البشر و لا يمكن نشوف إنسان وصل للقمة إلا بعد سلسلة من الفشل و الإحباطات ولحد هلق ما سمعنا عن إنسان ناجح نجح بدون أي عقبات وبالمناسبة هناك مقولة لأحد العظماء عندما أخبره بعض الناس أن إبنه تعثر ووقع أثناء صعود إحدى الجبال ..فقال لهم : هل وقع و بقي على الأرض أم حاول من جديد ؟؟؟فقالو له: بل حاول من جديد ...فقال : فلا داعي للخوف إذا .. وبالنسبة لتعريف الفشل ..عادة ينصح بعدم تسمية الفشل بهذا الإسم و إنما هو إخفاق في تجربة ما و الفشل الإيجابي هو الفشل الذي يعطي صاحبه حافزا للتقدم على عكس الفشل السلبي وصناع الفشل هم (بالإضافة لكل الذي قاله الزملاء ) :هناك المجتمع لأن مجتمعنا محكوم بطبيعته لعادات و تقاليد ترسم حياة الإنسان منذ ولادته أي التعليم ثم العمل فالزواج ثم الأولاد ....إلخ و لاتترك فرصة للإبداع و الدليل على هذا رفض المجتمع لأي تغيير في حياة أفرادها و هذا المكون الأساسي الذي يعيق التقدم في حياة الإنسان و هناك أيضا المقارنة و التي تعد عامل مهم من عوامل الفشل و تسمى أيضا قاتل النجاح فمن الطبيعي أن لكل إنسان ظروف و طبيعة مختلفة عن انسان آخر لذا كل واحد يجب أن يبرمج حياته بشكل يتلائم مع الهدف الذي يريد تحقيقه مع الأخذ بعين الإعتبار أنه كلما كانت الظروف أقسى كلما كانت المعوقات و إحتمالات الفشل أكبر إن الرابط بين الفشل و ضعف الشخصية رابط قوي لأن الإنسان ذو الشخصية الضعيفة يصبح كالريشة في مهب الريح لذا فلا يكون له هدف محدد و يهتز عند أول نسمة أما الشخصية القوية تتجه نحو هدفها بغض النظر عن قبول الناس أو رفضهم وهذا رأيي المتواضع و مشكورة عالموضوع يا سيرين

الكاتب:	سيرين [ الأربعاء أغسطس 19, 2009 9:22 am ]
عنوان المشاركة:	الفشل .... مقبرة الطموحات
ranoo.sh , اقتباس: ولو إني جيت متأخرة ..... أول شي سيرين بدك تسمحيلي أنو قول أنو في موضوع غير قابل للمناقشة و هو إنك صاحبة مواضيع راااااائعة و الأسئلة يلي بدور حولنا غالبا عم تطرحيها للمناقشة ... المهم أنك نورتي الموضوع و لو كنتي متأخرة و الرائع هو حضورك و آرائك المميزة دائماً يا رنا اقتباس: و لا يمكن نشوف إنسان وصل للقمة إلا بعد سلسلة من الفشل و الإحباطات ولحد هلق ما سمعنا عن إنسان ناجح نجح بدون أي عقبات هاد الشي أكيد كلنا منتفق عليه , بس المهم هو وجود الإرادة و التصميم على المتابعة و ليس الاستسلام أمام أول عائق . اقتباس: و الفشل الإيجابي هو الفشل الذي يعطي صاحبه حافزا للتقدم على عكس الفشل السلبي برأيي الفشل فشل رنا و ما فينا نقول فشل سلبي و فشل إيجابي , متل ما الشر شر و كمان ما فينا نقول أنو شر أبيض أ و إيجابي , سببو الظروف المحيطة من ظلم و غيرو , و شر سلبي أو أسود . بس في فشل يمكن تجاوزه و تخطيه بأقل قدر ممكن من الخسائر المادية و المعنوية , و هناك فشل قد يؤدي بصاحبه الى الزوال و الاضمحلال . و هذا بالمجمل يتوقف على طبيعة الأشخاص و على نوع الفشل و مدى تأثيره بالدرجة الثانية . بدي أتشكرك كتير رنا على مشاركتك الحلوة معنا و انبسطت بمناقشتك و انشاء الله بشوف مشاركاتك على طول بساحة حوار و يا هلا فيكي

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/