إهداء لجميع أعضاء و فريق آرتين

Ranaa · **مرسل:** الخميس أغسطس 13, 2009 1:56 am

إهداء إلى آرتبن :
قبل كل شيء أتمنى أن تلقى هذه الفقرة إعجابكم مع العلم أني نادرا جدا لحتى اكتب شعر بس لقيت أنو فكرة جديدة خطرت على بالي وحبيت أكتبها و متل ما قلت هذا ليس شعر بس يمكن نوع من السجع و طبعا إهداء إلى آرتين وكل اللي فيه :
[align=center]بين ازدحام وتكاثر المواقع
انهمكت في البحث عن موقع رائع
فتحت صفحة البحث و استذكرت
صديقا لي سألني يوما :أتعرفت ؟!
أجبته: إلام؟؟؟
قال: أنه واحد من الروائع
موقع آرتين و أقسم لك أنه نافع
و بعيد استذكاري تراءت لي صفحة البحث بكل صفاء
و طلبت بحثا عن آرتين ..و بدون عناء
أشرقت آرتين بكل ما فيها من شموخ وكبرياء
و شعارها المرسوم يصرخ :طموحنا القمم
عزف في مسمعي أجمل نغم
و تيقظت حينها أني في بستان
من المعرفة والعلم و كثير من الألوان
فهنا مقابلات جد مفيدة لأساتذة
يجودون بلقاءات و أجوبة لأسئلة عديدة
ثم عائلة تسمي نفسها آرتين
كل أفرادها من الأشخاص المحبين
تليها ساحة للحوار يناقش فيها الأعضاء الأمور الكبار
التي تعيق مسيرة رحلتهم و تجعلهم في حيرة من أخذ القرار
و إذا شغلك أمر من الأمور الجامعية
فسيجيبك عنها الأعضاء بكل دقة و روية
و إياك أن تتجاهل قسما اسمه نظرات نقدية
فهذا سيتعامل مع قراءاتك بصورة جدية
ثم ساحات لأقسام اللغات في الكلية
يتواصل فيها الطلاب بكل عفوية
تليها الأقسام العامة وفيها ذكر في رحاب الله
وموضوع في ناد عام بين الأقسام تاه
و مكتبة للمتفرقات تحوي خيرة الملفات
و إذا أردت اكتساب مهارة فلابد من تطوير الذات
و أن غلبتك أحاسيس الحب
فهاك بوح المشاعر يفتح لك الدرب
و قطوف من نصائح طبية و إرشادات
ستكون عونا للحفاظ على جسدك مدى الحياة
و إن كنت يا صاح من هواة الشبكة والحاسوب
فليس لك من عالم الكمبيوتر من مهروب
و ستجد في آرتين كافيه كل ما تبغاه من سرور
وكل عضو يجود بما لديه من مرح بدون غرور
أما الرياضة فلها مكان لا يخفى في آرتين
فيها أخبار الفرق و كذلك أسماء الأبطال من اللاعبين
أخيرا القسم الإداري لمدير و مشرفين ومشرفات
فيه تحل المشاكل و منه تصدر الإعلانات
و آخر الصفحة فيه ألوان لعدة مجموعات
و أولهم مدير و لون اسمه أحمر بالذات
ثم مراقب عام لطيف و دكاترة قلما يظهرون
و مشرفات و مشرفون في الأقسام متعاونون
و مراسلون يعملون لنقل الأنباء
ثم طلاب دراسات أكفاء و أخيرا آلاف من الأعضاء
ولكم مني فائق الإحترام و الوفاء
يا فريق آرتين لقاء كل عناء[/align]
[align=center]

[/align]
و بتمنى تعجبكم و بالنهاية أكيد وصلكم المعنى و بأسلوب بسيط و هو المطلوب والسلاااام للجميع

خالد الهبل · **مرسل:** الخميس أغسطس 13, 2009 2:13 am

رنوش
كلمات صادقة وبسيطة ومعبرة
بصراحة فرحت كتير بقرائتها
مشكورة على هالكلمات الرائعة وعلى هالإهداء الجميل

لجين · **مرسل:** الخميس أغسطس 13, 2009 2:24 am

ranoo.sh,

اقتباس:

ثم مراقب عام لطيف

عجبتني كتييييييييييييير...الله يعطيكي العافية فعلا كلام حلو..بنبسط لما بشوف انو آرتين صار الو هالشعبية الكبيرة والنجاح يلي كلنا منفتخر فيه ولله الحمد...
بتشكرك رنوش وانا رح انقلك القصيدة تبعيتك لقسم بوح المشاعر ^^

Ranaa · **مرسل:** الخميس أغسطس 13, 2009 2:33 am

خالد الهبل,
شكرا إلك كتيييييييييييييير على مرورك الكريم و لأنك كنت الرد الأول كمان

لجين,
تسلمي حبيبتي عيونك الحلوين و أكيد آرتين بيستاهل كل شي و شكرا عالنقل كمان

ثـــائـــر · **مرسل:** الخميس أغسطس 13, 2009 3:06 am

ranoo.sh,

اي شو هاد و الله حلو كتير كتير ...

الله يسلم ايديكي يار ب فكرة رائعة و ظريفة و حلوة بس في شغلة محيرتني و ما عم اقدر لاقي جواب الها ؟؟

اقتباس:

فليس لك من عالم الكمبيوتر من مهروب

من وين جبتي كلمة ( مهروب )

بس فكرة حلوة ... شكرا الك ...

سيرين · **مرسل:** الخميس أغسطس 13, 2009 6:48 am

ranoo.sh

يعني بأسلوبك البسيط و المعبر عرفتي آرتين بطريقة رائعة و عطيتي فكرة شاملة عن أقسامو بأسلوب كتير محبب

الله يعطيكي ألف عافية رنا و يسلمن يا رب

و الله يزيد محبي و متابعي آرتين كمان و كمان

و منا لألك و لجميع الأعضاء أجمل تحية من :

آرتين قمة القمم

حلواني · **مرسل:** الخميس أغسطس 13, 2009 12:45 pm

شو هاد العمل الرااائع فعلاً.. شكرأص لكي على هذا الابداع

Ranaa · **مرسل:** الخميس أغسطس 13, 2009 1:16 pm

ثـــائـــر,
شكرا كتير عالتشجيع

يا شاعرنا الكبير ثائر

اقتباس:

بس في شغلة محيرتني و ما عم اقدر لاقي جواب الها ؟؟

اقتباس:
فليس لك من عالم الكمبيوتر من مهروب

للضرورة الشعرية والمعنى في قلب الشاعر

سيرين,
الله يسلمك و يخليكي يا سيرين و شكرا كتير لكلماتك المعبرة

حلواني,
تسلم ...و عنجد شكرا كتير عالإطراء يلي كتبتو و شكرا لمرورك وردك كمان

و أنا كتير مبسوطة أنو القصيدة عجبتكم

فارس · **مرسل:** الخميس أغسطس 13, 2009 8:50 pm

دائما ما يكون الكلام العفوي هو ما يميز الجو السائد في المكان , و بهذه الكلمات أتأكد من روح المودة و الأخوة بين أفراد عائلتنا

ranoo.sh, شكراً جزيلاً لك و كم من كلمة كان وطؤها أجمل من قصائد و معلقات , خصوصا إذا كان موضوعها يتكلم عنا جميعا

شكرا لك و لكماتك المميزة التي ستكون ذكرى جميلة دوماً

MÖØÒÕNL!GHT · **مرسل:** الخميس أغسطس 13, 2009 11:25 pm

برافوووووووو رنووووووش بدايتك موفقة بالكتابة
و أحلى شي انو أول كتابة ( على ما اظن ) نزلت كانت لآرتين . .
للأمام

LATEST_POSTS

قوانين المنتدى

إهداء لجميع أعضاء و فريق آرتين

الموجودون الآن