| آرتين لتعليم اللغات https://forum.art-en.com/ |
|
| معاناة طلاب اللغة الفرنسية في حمص مستمرة منذ 9سنوات https://forum.art-en.com/viewtopic.php?t=17710 |
صفحة 1 من 1 |
| الكاتب: | l'entrantaumure [ الأحد أغسطس 09, 2009 6:28 pm ] |
| عنوان المشاركة: | معاناة طلاب اللغة الفرنسية في حمص مستمرة منذ 9سنوات |
كان يا ما كان بقديم الزمان و سالف العصر و الأوان لحتى كان كانت جامعة البعث بدون قسم للغة الفرنسية و كان اللي بدو يدرس فرنسي يضطر يسافر عالشام او ع حلب و بيوم من ذات الايام صار فيها قسم لغة فرنسية و بلشت معاناة الطلاب المغضوب عليهم و دخلوا بهالفرع المحدث و صارت ادارة الكلية تجبلهن شوية دكاترة من الشام و شوية من حلب و شوية من اللادقية و الطالب كان اذا ما حضر المحاضرة بوقتها راحت عليه و الدكتور لما بيكون جايي مجبرا لا بطل ليعلم هالطلاب بهالمدينة النائية بيجي يوم واحد و بيرجع متل اللي جاي اجباري عنو فما كان للطلاب اي مصادر مساعدة بهديك الايام لأن الدكتور بيجي بيعطي محاضراتو و بيحشر الطلاب متل الغنم بحصة العملي حتى ما يتأخر عالبيت و حتى كتب لهالقسم بالمكتبة ماكان في و بعد كم سنة عملوا قسم اللغة الفرنسية قسم مستقل بحالو وحطولوا دكتور باللغة العربية رئيسا لهالقسم و كان هالقسم متل الحمام المقطوعة المية فيه و بعد مرور السنين صار لهالقسم رئيس من نفس اللغة وصار عندهم مكتبة مليئة بالمراجع لكن بقيت عقدة الدكاترة من خارج المدينة هي المسيطرة فإلى متى و هل يغيب عن اذهان المعنيين التأثير السلبي لهذه الظاهرة؟ بتمنى من ارتين يكون المنبر اللي منوصل من خلالو صوتنا للعالم |
|
| الكاتب: | سيرين [ الأحد أغسطس 09, 2009 8:40 pm ] |
| عنوان المشاركة: | معاناة طلاب اللغة الفرنسية في حمصمستمرة منذ 9سنوات |
l'entrantaumure , أول شي أهلا و سهلا فيك  تاني شي .... للأسف أخي الكريم ... ساحة حوار هي ليست المكان المناسب لطرح موضوعك  و مشان هيك رح أنقل الموضوع للقسم المناسب و ألي هو ساحات طلاب الفرنسي 
اقتباس:
بتمنى من ارتين يكون المنبر اللي منوصل من خلالو صوتنا للعالم
أكيد هاد واحد من أهداف آرتين القمة بالإضافة إلى تحقيق الفائدة العلمية 
|
|
| الكاتب: | فارس [ الاثنين أغسطس 10, 2009 2:05 am ] |
| عنوان المشاركة: | معاناة طلاب اللغة الفرنسية في حمص مستمرة منذ 9سنوات |
l'entrantaumure بستغرب وجود هي المشكلة بعد كل هالفترة , بس كمان وقت بتطلع ع التالي : 1- قسم الفارسي , اللي كل الدكاترة فيه هنن دكاترة معينين بدوام جزئي " ساعات " 2- كلية كاملة قائمة بحد ذاتها "كلية الآداب بحماه " مفتوحة بدون دكاترة خاصين فيها 3- من كل دفعة بالسنة الرابعة ما عم يقدر يسجل بالدبلوم او الماجستير غير 25 او أقل بسبب رسوب الطلاب بمادة او تنتين لخلل بالتصحيح أو لمحافظة على نسبة نجاح ماتكون عالية 4- و وقت بتشوف انو دكتور بقول لطالب " جحش " بالحديقة و قدام كل الطلاب رفقاتو و بالتالي بيكرّه الطالب انو يصير دكتور اساسا 5- و وقت اللي بتشوف بآداب الشام مثلا كيف المعدلات و الأعداد عند التخرج و الطلاب المسجلين بالدراسات العليا سنويا مقابل الأعداد بجامعة البعث وقتها ... رح تعرف اسباب أكبر المشاكل العجيبة بجامعة البعث و كلية الآداب ع وجه الخصوص !!! .. و بعدها تلقائيا بتقول " انسى " ... لأنو وقت كنا نقول يا شباب ما حدا يحكي ترا الحيطان الها آذان , هلأ صرنا عم نقول ... الآذان صارت حيطان !! متل ما قلتلك .... انسى
|
|
| الكاتب: | Widad [ الاثنين أغسطس 10, 2009 3:18 am ] |
| عنوان المشاركة: | معاناة طلاب اللغة الفرنسية في حمص مستمرة منذ 9سنوات |
اقتباس:
و صارت ادارة الكلية تجبلهن شوية دكاترة من الشام و شوية من حلب و شوية من اللادقية
ولهلئ من حمص مافي دكاترة حتى طلاب الدراسات العليا اختصاص الأدبيات واللغويات بيضروا يروحو عالشام مشان يدروسو ماجستير والأغرب من هيك دبلوم ترجمة مافي و الطالب كان اذا ما حضر المحاضرة بوقتها راحت عليه  حتى نحنا اختصاص ماجستير طرائق التدريس لولا اهتمام ومتابعة الدكتورة نعمت أتاسي ماكنا بنحلم فيه على العلم إنو هي ما إلها أي صلة بكلية الاداب والدكاترة المشرفين علينا كلن من اللادقية أو أغلبن بصراحة أنا أكتر شي مبسوطة فيه إنو اختصاصي ما بمت لكلية الاداب بأي صلة رغم إنو قضينا أيام رائعة فيها بس كمان متل ما ذكر الأخ يا بتحضر المحاضرة يا أما راحت عليك حتى المحاضرة كانت تستمر أقل شي 3ساعات وانت طالع بئا يعني ولا حتى فيك تحلم تحضرا على جزئين يا بتلتزم بالمحاضرة كاملة يا أما اترضى خواطر الناس ليعيروك دفتر أو يادوب تقعد تصحح بمحاضرات المكتبات بس المكتبة بذكر كانت مسؤولة عنها الانسة رندا سلامة وكنا نستعير بس حاليا سمعت انو ماحدا عم يستعير لأنو مركزنا دائما مسكر  بئا بعينكن الله إلا ماتفرج
|
|
| الكاتب: | Maya [ الاثنين أغسطس 10, 2009 6:53 am ] |
| عنوان المشاركة: | معاناة طلاب اللغة الفرنسية في حمص مستمرة منذ 9سنوات |
مشاكل قسم الفرنسي هي هي مارح تتغير لانو عطول معتبرينها أقل من غيرها  مشكلة الدكاترة المقيمين يلي عم يحاولوا يلاقولها حل هي الاساس طبعا بس السؤال انو كيف رح يزبطوها  نفس الشي عم يتكرر من سنة للتانية الدكتور الزائر بيجي يوم بالجمعة من الشام او اللادقية وبيعطي كل النهار موادهم ويلي لظرف معين بيغيب بتروح عليه بالاربع سنين يلي درستهم كانوا دكاترتنا باسثناء 2 كلهم من غير جامعات وهالشي ما سهل حتى المعيدين يلي درسوني كانوا كمان كلهم من برات البعث فمابالك بالدكاترة يلي هني الاهم عم شوف الفرق بين جامعتي يلي اتخرجت منها وجامعة الشام من رفقاتي يلي معي بالماجستير وعنجد شي بيحزن لانو قدام البعث مشوااااااااااااااااااااار طويل لتوصل مع انها الاحدث بكل شي في اختلافات وعطول نحنا على مصغر و بمزايا اقل بمعظم الاحيان بتمنى باستلام الدكتور جوزيف متى رئاسة القسم يكون اتغير الوضع وكمان بانتقال الدكتور الرائع جهاد سلوم للبعث يصير الوضع افضل
|
|
| الكاتب: | l'entrantaumure [ الاثنين أغسطس 10, 2009 9:53 am ] |
| عنوان المشاركة: | معاناة طلاب اللغة الفرنسية في حمص مستمرة منذ 9سنوات |
عنجد المعدلات عنا شي بيخجل و البشع بالدكاترة عندنا انو ما بيقدرو وضع اللغة كيف بيكون بالمدرسة قبل الجامعة و بيجي طالب دارس بلبنان بيخطف الأضواء أو حدا بيكون رايح يدرس هندسة بفرنسا و فشل بيجي بيتفهمن علينا بالفرنسي و أخر شي بتطلع معدلاتكم طالب مقبولة و الباقي بهدلة و الدكتور ما بيستحي انو يعلق اوراق نتائج لمادة اللي بيدرسها و فيها نسبة الرسوب اكتر من النجاح لأن هالشي ما بيدل على ضعف الطلاب قبل مايدل على فشل الدكتور و هالحكي بنطبق على اي دكتور بالعالم و بيقيس مقدار اخلاصو ونجاحو بعملو بس للأسف ادارة التعليم عندنا ما بيفطنو لهالشي و القصة بدها عفو الله 
|
|
| الكاتب: | l'entrantaumure [ الاثنين أغسطس 10, 2009 9:59 am ] |
| عنوان المشاركة: | معاناة طلاب اللغة الفرنسية في حمص مستمرة منذ 9سنوات |
و الله انا الي 9 سنوات بالجامعة و باقيلي 3 مواد بس مو لأني كسول طبعا الظروف اضطرتني اشتغل و الشغل اخد اولوية على دراستي بس و ضع القسم عندنا لازم من لما انفتح ما تكون فيه مشاكل قد اللي بقيت لحد اليوم يعني على مر هالسنين التسعة (بما انني من المؤسسين-أول دفعة-و متلي متايل بالمستنفذين) فينا نلاحظ تطور بسرعة سلحفاة و هو للأسف لازال بعد 9 سنين غير مقبول و دون المستوى و الله انا برأيي لازم يعطوني دكتوراة فخرية لأنني على مر هالسنين التسعة ما قطعت ولا دورة Maya, |
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|