يقال ..
عندما تغار المرأة .. تبكي
وعندما يغار الرجل .. يصمت

عندما تغار المرأة ,تكره الرجل
وعندما يغار الرجل ,يكره نفسه

ودون التعرض لاسباب هذه الغيرة حبيت أسأل كم سؤال
1- ياترى شو رأيك بهالمقولات هاي ..؟
2- هل تعتقد بأن الغيرة هاي تقوي العلاقة الزوجية أو أي علاقة تربط بين تنين..ولا يا ترى بدمرها..؟
3- برأيك هل الغيرة تسعد الطرف الآخر أم يعتبرها بابآ من أبواب النكد والقهر والمحاسبة..؟
4- أخيرآ .. الرجل يغار على من تخصه عندما ينظر لها رجل غريب وذلك حرصآ منه على شرفه
ولكن ياترى لماذا تغار المرأة على الرجل اذا نظرت عليه فتاة غريبة ..؟
هل يعقل لنفس السبب

fofo star, حتى ولو ناتجة عن حب بس رح يكون الها علاقة بالشك والشك رح يولد الاحساس بالخيانة حتى ولو لم تكن هناك خيانة
والخيانة رح تولد الكره
وهون بصير الفرق بين شعور الرجل وشعور المرأة
وباعتبار الرجل ما بحب الاتهام والحكم على الشي بدون ما يتأكد فبصير يكره نفسوا لأنو صارت تشك فيها
أما المرأة ما بتقدر تسيطر على عواطفها وظنونها فرح تكره الرجل
شو رأيك بهالتفسير ..؟ لا هون انا مو معك بهاي النقطة أبدآ لأنو بتغار علي حتى ولو ما عم ينظر عليها هو أو مو حاسس بانو في بنت عم تطلع علي
حتى يمكن تروح تضربها للبنت الي عم تعمل هيك هلأ الرجال عقلهن قليل والنساء عقلهن ما شاء الله عنو
هو أنا معك بعض الرجال هيك بس بيبقوا قلال وباللذات الرجال الي متهني بعيشتوا بقول أنا مو مضطر جيب النكد والقهر لحالي أنا بوحدة مو عرفان خلص
أنا بعتبر كل واحد بخلي على زمتو نسوان تنتين هايدا مجنون والله يصبروا ويعينوا
على حياتو
أشكر مرورك وابداء رأيك وتقبلي مني


LILAC, مابعرف كيف فسرتي انت هايدا الشي بس حسب معرفتي بالرجال وبشعورهن بقلك انت غلطانة برأيك
لأنو الشب ما بيعمل خناقة عشان حدا نظر للبنت الي جنبو بس بعصب
وما بيعلق خناقة الا اذا زاد الشي عن حدو بحيث أنو صارت الشغلة دفاعآ عن شرفو وعرضو
ما بعرف ليش أنت فكرتي بالغيرة وما فكرتي بهاد الشي أو انك متجاهلة هالموضوع ومعتبرتي عادي
هلأ هيك بتنصرف بس شو مشان أنو يمكن عم تحكي عن نسبة بالمجتمع قليلة جدآ أو يمكن معدومة وهنو بس الي ماعندهن ثقة وبظنهن قلال كتير كتير
بس شو مشان حماية العرض والشرف والخوف عليهن مو منهن ..؟
أختي الغيرة على البنت مردها الوحيد هو الدفاع عنها وعن شرفو ومالها مرد تاني أو تفكير آخر وبصراحة كل كلمة قلتيها كنت حابب اقتبسها وعلق عليها بس لقيت أنو نفس الكلام رح أكتبوا
والدفاع عن هاد الشي مارح يكون بس اذا حصلت خيانة لا أبدآ
ورح وضحلك هاد الشي بمثال بسيط أنو غيرة الشاب أو الرجل على أختو أو بنت عمو فيكي تقولي يا ترى أنو هاي غيرة متل غيرة الولد الصغير أو تشبيها الها ..؟

نورتي الموضوع وبتمنى تعيدي النظر بالتفكير للموضوع وتقبلي مني

LILAC,
أهلا ومية سهلا فيكي مرة تانية وتالتة ورابعة كمان نورتي الموضوع بنقاشك الحلو بالحالة اللي عم نحكي عنها وقت بيلاحظ انو في نظرات غريبة وزايدة عن الحد عم تتوجه للي جنبو مابعرف كيف رح تكون الزوجة مسؤولة عن هالشي مالقيت أي مبرر لالها
وكيف لازم تدافع عن زوجها واللي اعتبرتي انت شرفها عن طريق الغيرة ما بعرف ليش أنت ظانة حمايتها وصونها يعتبر ذنب عم يقترف بحقها ..؟
مو هو حماية لالها عشان ما يصير مجتمعنا متل المجتمع الغربي أنا الي بدي أتشكرك على اسلوبك الرائع بالمناقشة وبتمنى تتقبلي مني


Safa alaasi, أهلا وسهلا والموضوع زاد جمالو بوجودك هون
أي تكرم عيونك وحقك علينا اعتبري العنوان أتغير منيح هيك
ما اقتنعت ولك له الله يسامحك بالعكس تمامآ استمتعت بمشاركتك المميزة