آرتين لتعليم اللغات :: نهضـــــــــــــة آرتيــــــــــن

أحمد الدالي,

بصراحة ومن دون اي زعل أنا بحط الحق الاساسي والاول عليكن أنت المشرفين
والحق التاني على الادارة
لأنو بصراحة نحنا الاعضاء مافينا نجرح أي عضو جديد من الي غيروا مسار أرتين
بأي كلمة بس أنتو فيكن تعطوا حد لأي شي غلط

اقتباس:

والمشرفين همتهن عالية...
ومستعدين بكل ما بيستطيعو...لذلك لازم الأعضاء يساعدونا بهالشي.....

أرتين مو متل أي موقع تاني وبيستاهل منا كتير وشو ما عملنا منبقى مقصرين
وان شاء الله منقدر جميعآ يدآ بيد لنحقق طموح أرتين
طـــــموحنااااا الــــقـــمم
شكرآ لك صديقي على الهمة العالية وناطرين الشي الملموس بفارغ الصبر

الكاتب:	أحمد الدالي [ الخميس أغسطس 06, 2009 3:09 am ]
عنوان المشاركة:	نهضـــــــــــــة آرتيــــــــــن
[align=center]السلام عليكم ورحمة الله وبركاته... سمعت انكن اشتقتولي... ....تشتاق لقلبكن العافية... ما علينا خلونا بالمفيد...... من فترة تعرض موقعنا المحبوب آرتين لعدة صفعات... خلتوا يتراجع.. من هالصفعات الرئيسية.. هو العطل يلي تعرضلو الموقع لفترة قصيرة... وكمان شغلة خروج بعض المشرفين وترك الاشراف... ومن جهة تانية هو الانحطاط من بعد الأمسية الشعرية الثانية ودخول بعض الأعضاء يلي ما بيعرفوا شو هو آرتين بالأساس.. شغلة الشعراء انحلت شوي شوي..بس ضل الموقع متل ما هو.. مافي شي جديد..مافي شي مهم...مافي شي مشجع... يعني بالفترة الأخيرة صرنا نحس حالنا غرباء بآرتين... صرنا نفوت زائرين وماعاد فتنا بإسمنا... كمان تعدد العضويات لتفعيل المواضيع أثر كتير وهالشي معيب جدا... وين آرتين يلي منعرفو...وين النمواضيع القوية والمشاركات العملاقة.. معقول صرنا نشوف ردود بلا طعمة وبس.... يمكن البعض يقول اني عمبالغ...بس يلي بيعرف آرتين بيعرفوا ويلي ما بيعرفو بقول برميل عدس... الأحاديث الجانبية عن الموقع كتيرة..بس هالشي مانو مفيد.. الكل عميتذمر والمشكلة ما حدا عميتحرك..وهالشي غلط كبير آرتين مسؤولية الكل ..العضاء قبل المشرفين..والمشرفين قبل الإدارة... .... لذلك لازم نعمل شي جماعي ولازم يرجع آرتين أفضل مما كان..وما الزم يتوقف عند نقطة معينة... الشي الوحيد يلي بخلينا نتفائل هو إنو آرتين مازل محتفظ على الدور التعليمي الفريد... حكيننا مع بعض كتير بالنسبة لهالوضع..والكل بدو يشتغل والمشرفين همتهن عالية... ومستعدين بكل ما بيستطيعو...لذلك لازم الأعضاء يساعدونا بهالشي..... =================== على صعيد أكروبات..... عندي كتير محاولات ان شاء الله رح تكون مفيدة للجميع....بس هالشي بدو شغلة 10 أيام بسبب الضغط من الشغل والدوام الصعب...وكمان النت الزفت يلي رح ينحل ان شاء الله عند الكل.... رح كمل مشروع آلام من مطرقة الزمن.... وكمان في موضوع تحت عنوان((صناعة العقل)) هدا يمكن ياخد شغلة شهر لأنو الموضع بعتبروا قوي جدا.وهو بدون حلقات..حلقة وحدة فقط... الموضوع ما فيني نزلو بغير آرتين...لأنو مو مين ما كان فيه يشارك فيه..وهون الحمد لله كادر من المثقفين والواعييين ويلي بناسبهن هيك موضوع...الموضوع ناقد وهادف جدا.. بيتميز فيه أكرروبات بالبساطة وبالصراحة وحب الحياة كما يجب أن تكون.... وكمان رح كمل دوري بصورة وتعليق ومطلوب منكن شي وحيد وهو الدعم المعنوي... ................................... خليني احكي بصراحة شوي: عنجد آرتين محبب الي كتير...وغالي عليي كتير..والو ذكريات حلوة وما بتتنسى.. بس بالفترة الأخيرة صرت فوت ما لاقي شي رد عليه...يعني معقول آرتين كافي ياخد نسبة 90 بالمية من المشاركات...شي غريب.. آرتين لازم تكون المواضيع الاجتماعية هي الأساس...مع حبي لأرتين..بس زاد الموضوع عن حدودو..... ما أعرف على شو بدي رد...وشو بدي اكتب...ثبات عميق للأسف.... معقول فوت قضيها على موضوع شو مشتهي تاكل ليوم..... لذلك بعتذر عن هالغياب ....ويلي رح داويه بأفضل ما يمكن إنو قدمو.... .... أخيرا من شوي فتت على المواضيع النشطة..وطلع معي مايلي: *???What's on your mind* Aujourd'hui,qu'est ce que vous avez fait? تعلم عن طريق الصور ... اعضاء الانسان .. متجدد * الأندروفين * MHD كــل عــام و أنـــت بـــألـــف خـــيـــر اهدي ثلاث وردات لثلاث اعضاء يوميآ Écrivez ici les chansons que vous aimez Parle- nous de ce que tu sens maintenant هدف ............. مو هدف شـــــــــــــــــــــــــــــو بيقربك صاحب هالاسم ؟؟؟؟؟؟!! Oxford University نصائح لمن يريد التعلم على الفوتوشوب سؤال ضروري جدا كل واحد يكتب جملة للشخص يلي يحبو :: تفضل لهون يمكن إلك رساله خاصه :: من تتمنى ان ترى الان ؟؟وماتقول له ماذا تتمنى في هذه اللحظة ؟؟ Les "Jeanne D'Arc étrangères " ما هو شعورك هذه اللحظة ?? غـــانـــم كــل عــام و أنــت بـألــف خــيـــر النتائج الامتحانية الصادرة حتى الاثنين 3\ 8في كلية الاداب وبعدين مع ......... طــيــب لخريجي الترجمة اللي عم يدرسوا ديلوم ترجمة وتغريب مواعيد التسجيل للتكميلية و النقل و تسجيل المستنفذين تـــصــويـــت كــرســي الاعـــتـــراف شو مشتهي تاكل اليوم أنا بقول حرفين وأنت بتكمل الكلمة أكتب نصيحة للي بعدك.... الاستغفارالكبير ما هي حكمتك لليوم؟؟ [/align]

الكاتب:	عامر الرشواني [ الخميس أغسطس 06, 2009 3:18 am ]
عنوان المشاركة:	نهضـــــــــــــة آرتيــــــــــن
أحمد الدالي, معك 100% بكل شي قلتو ... و متل ما قلت هالحكي عم نحكيه بين بعضنا بس للآسف كل واحد ناطر التاني و الكل عم يزت على التاني ( مني و جرّ ) ... آرتين كافيه صار الملجأ الأخير اللي ممكن نلاقي فيه بهجة آرتين القديمة ... الحل ما بعرف شو هوي بس إن شاء الله يكون في حل و يرجع الوضع متل ما كان و احسن و نخلص من بعض السخافة و التفاهة اللي كانت ( متل ما بعتبرها ) ضريبة النجاح .... مشكور أبو حميد ... و الشكر لجهود كل الأشخاص اللي عم يحاولو يرجعو آرتين متل ما كان

الكاتب:	Ranaa [ الخميس أغسطس 06, 2009 3:48 am ]
عنوان المشاركة:	نهضـــــــــــــة آرتيــــــــــن
أحمد الدالي, عنجد حطيت إيدك عالجرح ..... و أنا من الناس يلي إنجذبو ولا زالو منجذبين لآرتين بقوة و فيك تسميه هوس و عنجد دخلت لكتير منتديات بس ما لقيت متل آرتين لأنو موقع محتوم و راقي و ممتع ...ودائما مدمنة بالدخول عالموقع .. اقتباس: لذلك لازم نعمل شي جماعي ولازم يرجع آرتين أفضل مما كان..وما الزم يتوقف عند نقطة معينة... الشي الوحيد يلي بخلينا نتفائل هو إنو آرتين مازل محتفظ على الدور التعليمي الفريد... حكيننا مع بعض كتير بالنسبة لهالوضع..والكل بدو يشتغل والمشرفين همتهن عالية... ومستعدين بكل ما بيستطيعو...لذلك لازم الأعضاء يساعدونا بهالشي..... و الله ياريت بس كيف اقتباس: عنجد آرتين محبب الي كتير...وغالي عليي كتير مو بس أنت و الكل كمان و عنجد أي شي ممكن يخلي آرتين متألق على طول لازم نعملو و شعار طموحنا القمم لازم يكون واقع بس بنفس الوقت آرتين كان أله إنجازات هالسنة متل الأمسية الشعرية التانية اللي عطت صدى قوي و مجلة لآرتين يلي فعلا أنا اعتبرته إنجاز كبير و رفعت إسم آرتين بشكل ملحوظ ...و أنشالله آرتين و بكل الفريق يلي فيه يعلى أسمو مشكور جدا عالموضوع

الكاتب:	أنس الدالي [ الجمعة أغسطس 07, 2009 2:40 am ]
عنوان المشاركة:	نهضـــــــــــــة آرتيــــــــــن
أحمد الدالي, بصراحة ومن دون اي زعل أنا بحط الحق الاساسي والاول عليكن أنت المشرفين والحق التاني على الادارة لأنو بصراحة نحنا الاعضاء مافينا نجرح أي عضو جديد من الي غيروا مسار أرتين بأي كلمة بس أنتو فيكن تعطوا حد لأي شي غلط اقتباس: والمشرفين همتهن عالية... ومستعدين بكل ما بيستطيعو...لذلك لازم الأعضاء يساعدونا بهالشي..... أرتين مو متل أي موقع تاني وبيستاهل منا كتير وشو ما عملنا منبقى مقصرين وان شاء الله منقدر جميعآ يدآ بيد لنحقق طموح أرتين طـــــموحنااااا الــــقـــمم شكرآ لك صديقي على الهمة العالية وناطرين الشي الملموس بفارغ الصبر

الكاتب:	عاشقة العربية [ الجمعة أغسطس 07, 2009 4:32 am ]
عنوان المشاركة:	نهضـــــــــــــة آرتيــــــــــن
أنس الدالي, اقتباس: بصراحة ومن دون اي زعل أنا بحط الحق الاساسي والاول عليكن أنت المشرفين والحق التاني على الادارة وصل البل لدقننا خلونا نحكي بصراحة .. المشرف مالو أي علاقة بعضو نزّل رد او موضوع بأي ساحة هاد شي بإيد العضو نفسو المهم ما يكون مخالف او بيخالف قوانين هالساحة منجي لتراجع آرتين اللي عم تحكي عنو أحمد .. ممكن يكون آرتين تراجع بمستواه بعض الشيء، بس بالمقابل كان في إنجازات قوية على أرض الواقع بين التعليمي وهي مجلة آرتين والترفيهي الثقافي واللي هي الأمسية اللي ما بعتبرا صفعة أو انحطاط بالعكس قمة .. بس للأسف أخدت شوي شوي وجه تاني بسبب تصرفات وأفكار أعضاء غريبة وطبعا ما عم نكتفي بهالقمم عم ندرس شغلات جديدة رح تظهر قريبا ع آرتين بس كلو قيد الدراسة والتطبيق بمنتدى آرتين ما فينا نقول عضو ومشرف وإداري وووو، لأنو بالنهاية كلنا اعضاء وإلنا الأحقية بالمشاركة، ما بس لنستفيد ولنفيد كمان ومتل ما عم آخد لازم أعطي وفيد واتعاون وما استنى المشرف ليفيد هالعضو اللي عم يسأل او يرد عليه المنتدى لكل عضو بآرتين وارتقاؤو بارتقاء أعضاؤو وتعاونن وبحب أكّد ع شغلة كتير مهمة انو هدف الموقع أولا وأخيرا : تعليمي ثقافي ترفيهي .. ع الترتيب بس للأسف أغلب الأعضاء اللي عم يكونو سنة تانية انجليزي أو تالتة عربي او او عم يتجهو للترفيهي بالمشاركة ويتركو التعليمي ويكتفو بالقراءة بس فهون عند مين المشكلة ؟!! لازم ما نكون أشخاص مستهلكين للعلم او ناشر زيادة للترفيه ، بالعكس الأفضل أنو نكون مقدمّين للعلم ومفيدين لغيرنا من خبرتنا وعلمنا اللي الله وهبنا اياه بتمنى من كل شخص يراجع حالو ليقدر يرقى بالموقع اللي بحبو اشترك فيه ونحن مع أي فكرة تتطور المنتدى وتسمو فيه وأكيد لو بدنا مصلحة المنتدى ما نكتفي بقراءة هالموضوع بس، خلينا نحط أفكار جديدة أحمد الدالي, بتوقع كان لازم ينزل هيك موضوع بقسم تاني أنسب .. ما هيك ؟

آرتين لتعليم اللغات https://forum.art-en.com/

نهضـــــــــــــة آرتيــــــــــن https://forum.art-en.com/viewtopic.php?t=17669	صفحة 1 من 3

الكاتب:	Python [ الجمعة أغسطس 07, 2009 8:51 am ]
عنوان المشاركة:	نهضـــــــــــــة آرتيــــــــــن
أحمد الدالي, الله يعطيك العافية بصراحة وبصراحة جدا أنا معك بقصة ارتين كافية والشي الوحيد اللي عم نستفيد منو هلق هو النتايج الامتحانية اقتباس: وين آرتين يلي منعرفو...وين النمواضيع القوية والمشاركات العملاقة.. معقول صرنا نشوف ردود بلا طعمة وبس.... لسه انا معك بس في نقطة ممكن أنو الأعضاء طالعين من امتحان يعني ما مشكلة ازا انخفض معدل المشاركات بالمواضيع العلمية لأنو كل شي بوقتو حلو يعني متل ما بتعرف الناس مستنين الترفع وكل همهن انو يروحو عن بالهن شوي وعلى فكرة ارتين بوقت الدوام عن جد غير اقتباس: لذلك لازم نعمل شي جماعي ولازم يرجع آرتين أفضل مما كان..وما الزم يتوقف عند نقطة معينة انا وكل الأعضاء جاهزين لأي فكرة أو طرح جديد ومتل ما قلتلك هي مسألة وقت وبكرة بس ببلش الدوام بيرجع ارتين متل ما كان وأحلى كمان تقبل مروري ومشكور على طرحك الجريء art-en forever

الكاتب:	A..R..W..A [ الجمعة أغسطس 07, 2009 1:02 pm ]
عنوان المشاركة:	نهضـــــــــــــة آرتيــــــــــن
أحمد الدالي, أول شي شكراً عالموضوع نبهنا ع كتير امور أنا و غيري كنا غافلين عنا .. بس حابة أقول انو انشالله هالموضوع رح يكون فعلا نهضة و قمة أخرى لآرتين و هالشي ما رح يكون الا باجتماع جهود الكل المشرفين و الأعضاء .. لأنو آرتين الحبيب مسؤولية الجميع مو شخص واحد أو اتنين

الكاتب:	باسل العمروش [ الجمعة أغسطس 07, 2009 4:23 pm ]
عنوان المشاركة:	نهضـــــــــــــة آرتيــــــــــن
احمد الغالي كمان انا معك بالحكي يلي حكيتو, ظهر حتى بالآونة الاخيرة اعضاء باسماء غريبة و ما بتلاقين غير بآرتين كافيه او حتى ببوح المشاعر, و ما بتلاقين غير عم ينزلو قصائد, و عم يتسابقو مين بجمع مشاركات اكتر و كأنو العضو بعدد مشاركتو من جهة تانية, انا برأي القوانين واضحة, بس كتير ناس ما عم يشتغلو عليها, متل عدم تنزيل مواضيع كتيرة مشان الخلق تلحق تقرا و يصير عندها وقت لحتى تقرا و تحط رأيها, بعض المشرفين في عندن خيار و فقوس و هون عم تقع بعض المشاكل كمااان.. و انا متلك عديت علي ايام كتييرة ادخل عالمنتدى ك زائر لأنو ما ناقصني مشاكل و مشان شغلات تافهة احياناً... بتمنى يرجع المنتدى متل ما كان فعلاً و شكرا ألك احمد على اهتمامك

الكاتب:	حلواني [ الجمعة أغسطس 07, 2009 9:13 pm ]
عنوان المشاركة:	نهضـــــــــــــة آرتيــــــــــن
بصراحة أخي انا معاك بهذه النقطة بالتحديد أرتين لم يعد كما كان منذي قبل يعني متل ما حكيت التراجع الحاد بالمواضيع التعليمية والتي كان أرتين مشهوراً بها يعني ألأنا الان ولبعض الظروف لم أدخل على ارتين ولكن أرتين يبقى دوماً في بالي ودائماً أحاول قدر الإمكان الدخول إله وتفح المواضيع حتى من الجوال مع العلم إني تركت جامعة البعث وانتقلت لجامعة الفرات ولكن آرتين دائماً في البال حتى إن سيرة موقع آرتين أنتشرت كثيراً في جامعة الفرات وأغلب الطلاب بجامعة الفرات يعرفةن الموقع ويدخلون عليه فقط واانا أقول اصراحة لأخذ المواضيع فقط وليس للردود لذلك أقترح تصفية هؤلاء الاعضاء الذين يدخلون فقط لمشاهدة الماوضيع وليس للرد عليها أو حتى إبداء رئيهم بها بالنسبة لي أنا عضو قديم بآرتين يعني أول ما افتتح المنتدى كنت ي اول يا 2 الي سجلو فيه وطبعاص ما تركتو بنوب متل ما بتعفوا بس أحياناً الظروف تحكم على الشخص أن ما يدخل على النت...

الكاتب:	فارس [ السبت أغسطس 08, 2009 5:13 pm ]
عنوان المشاركة:	نهضـــــــــــــة آرتيــــــــــن
السلاااااااام عليكم آسف ع التأخير كل الشكر لكلشي شارك بهالموضوع لأنو بدل ع اهتمامو بالموقع , و خصوصا أحمد أكيد قصة العقبات اللي واجهها آرتين متل ما قال أحمد كانت متعددة , أهمها برأيي هي مشكلة السيرفر اللي مرينا فيها , هيك مشكلة هي من أحد أو المشكلة الوحيدة اللي ما بقدر سيطر عليها مع الأسف , طبعا كلكم بتعرفو انو نقلت منتدى آرتين ع سيرفر لحالو خاص بالمنتدى , و صارت المشكلة بسبب عطل عند شركة السيرفرات بالشبكة , مما اضطرني الى انو انقل السيرفر ع مكان تاني بالشركة مشان شبكة تانية فعالة . طبعا هيك مشكلة رح تأثر و الحمدلله انو قدرنا نتخطاها بأقل أضرار ممكنة , و هي بكل الأحوال ما دامت اكتر من اسبوع تحسن فيها الوضع شوي شوي . مالنا فيها , لأنو خارجة عن السيطرة . الجزء التاني هو جو آرتين . أكتر شي مهم بالمكان اللي نتواجد فيه هو روح الإلفة و المحبة بين الكل , و هاد شي بهمنا كإدارة و كأعضاء أكيد . بس هالشي و بعد تجربة , تبين انو شبه مستحيل , كمثال : وقت منكون بصف , بإيام الثانوي مثلا , منكون كلنا منعرف بعض لأنو العدد ما بيتجاوز الخمسين , و بآرتين كنا هيك و حتى لبعد ما صار في اكتر من الفين . بس وقت بزيد العدد بشكل أكبر متل كوني واحد بالدفعة بالجامعة من أصل الف واحد , ما رح لاقي هالجو متل ما كان بالثانوي , رح يكون في الي اكيد كتير اصدقاء , بس بالآخر مو كل الدفعة ولا نصها , لأنو اعداد كبيرة . فما بالكم بمنتدى عم يجمع كل الطلاب بمختلف السنوات و الأقسام و حتى من برا الجامعة ؟ و مع هيك نحن كإدارة متابعين بأنو حافظ على أكبر قدر ممكن من الجو العائلي بآرتين , مثلا بالرغم من انو شريط آخر المشاركات صار شريط الأقسام العلمية فقط , مع هيك خلينا المشاركات من قسم "عائلة آرتين " تبقى عم تظهر فيه الجدير بالذكر انو اهتمامنا بآرتين أو نهضة آرتين ولا نجاحو أو فشلو , هو ما بالمنتدى فقط . الموقع بتم تقييمو بخدماتو بشكل عام . اللي لازم يصير انو ع الأقل نذكر و نفتخر بالايجابيات اللي عملناها , متل مجلة آرتين , اللي ما صار متلها ع مستوى الوطن العربي كلو لحد هلأ !! مع هيك , المشاريع و الخدمات الجديدة جاية أكيد و رح تكون ع العام الدراسي الجديد و بوعد انو في خدمات ما رح تلاقو متلها ولا بموقع عربي , طبعا كخدمات تعليمية . بالإضافة لمجلة آرتين الاصدار التاني العملاقة !! و لازم اعترف انو في تقصير مني سببو خط الانترنت مع الأسف , عنا بمقسم الهاتف التخديم سيء جدا و عم حاول اتلافي هالشي قدر الامكان . آخر شي حلو انو نناقش امور الموقع كعيلة وحدة , و انا بيسعدني هالشي , ع شرط طريقة النقاش تكون صحيحة و مستوفية جميع المؤهلات اللي بتجعلها نقاش مفيد مع نتائج و حلول ناجحة . لهيك برجع بذكر أنو المجال مفتوح لأي شخص عندو رأي أو فكرة لتطوير المنتدى بأي من الاشكال , حتى بالقوانين الرئيسية , منحكي و منشوف و منتفاهم و اكيد ما رح نصل لنتيجة غير بالآراء و التفاهم .

صفحة 1 من 3	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/