| آرتين لتعليم اللغات https://forum.art-en.com/ |
|
| سؤال ضروري جدا https://forum.art-en.com/viewtopic.php?t=17614 |
صفحة 1 من 3 |
| الكاتب: | Amer18 [ السبت أغسطس 01, 2009 3:48 am ] |
| عنوان المشاركة: | سؤال ضروري جدا |
بس ممكن سؤال انا بالشام وبدي أقدم على الدبلومات و الماجستيرات كلها وما بعرف ايمتى بدي انزل على حمص يعني ايمتى ببلش التسجيل فاذا حدا بيعرف اذا بلش التسجيل او ايمتى ببلش يخبرنا وبكون مشكور وسؤال تاني هلق لسا لهلق في دبلوم دراسات عليا ولا صار دغري الواحد بقدم على الماجستير واذا الواحد فيو يقدم على الماجستيرات باكتر من جامعة انا بتمنى حدى يجاوبنب على هاي الاسئلة ويكتر خيرو لانو صرلي كتير بسال عن هاي المواضيع وما حدا عم يعطي اجابة كافية وشكرا سلفا على المساعدة |
|
| الكاتب: | ميمي-انكليزي [ الأحد أغسطس 02, 2009 10:57 pm ] |
| عنوان المشاركة: | سؤال ضروري جدا |
بصراحة انا عم دور متلك ع اجابة لأنو عم بسمع انو ما بحقلك تقدم ع الماجستير بأكتر من جامعة وهي مشكلة بالنسبة الي لأنو ممكن تقدم بالمكان الغلط وما تنقبل في حين انك ممكن تنقبل بجامعة تاخد معدل اقل وبالتالي بتخسر يا ريت من الموجودين اذا بقلنا حسنة عن عيلتكن جامعتنا فوضى بدك تسبح بهالجامعات وتعاني حتى توصل لأجابة يعني كل جامعة الها استقلالية 
|
|
| الكاتب: | A..R..W..A [ الاثنين أغسطس 03, 2009 12:46 am ] |
| عنوان المشاركة: | سؤال ضروري جدا |
أهلين Amer18, و ميمي-انكليزي, بتمنى يكون عندي معلومات أكتر لحتى أقدر أفيدكن بس اللي بعرفو انو التسجيل بحمص للماجيستيرات و الدبلومات بعد شي أسبوع بالنسبة للدبلومات فهيي كالتالي: دبلوم الترجمة و هاد اللي درستو أنا و هوي دبلوم دراسات عليا حلو و سهل و بنصح الكل فيه و ما بدو امتحان قبول و لا شي بس المفاضلة دبلوم التأهيل التربوي و هاد معروف دبلوم التأهيل و التخصص و هاد بيتقدملوا بكلية العمارة و في إلو ماجستير كمان بيتقدم عليه بمفاضلة خاصة بكلية العمارة و في الو امتحانين شفهي و كتابي و بالنسبة لماجستير الدراسات العليا .. إذا المعدلات مو عالية بنصحكن بلاه .. لأنو بالنهاية ما بيدخلة الا المعدلات العالية يعني بالسبعين إذا في أي استفسارات تانية أنا جاهزة و انشالله اقدر افيدكن أكتر موفقين 
|
|
| الكاتب: | Amer18 [ الاثنين أغسطس 03, 2009 1:52 am ] |
| عنوان المشاركة: | سؤال ضروري جدا |
يعني انا معدلي حوالي 68 فشو بتنصحني اقدم وايمتى انزل على حمص اذا بدي اسال وشو مشان الماجستير اللي بكلية العمارء هو ماجستير شو وليش عاملينو بالعمارة مو بالاداب وشكرا كتير لالك |
|
| الكاتب: | Python [ الاثنين أغسطس 03, 2009 2:42 am ] |
| عنوان المشاركة: | سؤال ضروري جدا |
A..R..W..A,  الله يعطيك الف عافية بس في عندي سؤال صغير ازا مافيها سقلة  ادي طلبوا معدل مشان دبلوم الترجمة والتعريب السنة الماضية مشكورة
|
|
| الكاتب: | Tami [ الاثنين أغسطس 03, 2009 3:05 am ] |
| عنوان المشاركة: | سؤال ضروري جدا |
A..R..W..A, الله يجزيكي الخير...و انا عندي نفس السؤال اقتباس:
ادي طلبوا معدل مشان دبلوم الترجمة والتعريب السنة الماضية
؟؟؟
|
|
| الكاتب: | A..R..W..A [ الاثنين أغسطس 03, 2009 7:43 am ] |
| عنوان المشاركة: | سؤال ضروري جدا |
Amer18, ما شاء الله انت معدلك كتير منيح و بيطلعلك دبلوم ترجمة ركض  بالنسبة لشو بنصحك تدرس فهي رغبتك انت .. أنا ما فيي الك شي بس فيي الك: دبلوم الترجمة بفيد للعمل بالشركات و ممكن اذا الواحد اشتغل ع حالو يستفيد منو كتير و هاد الدبلوم في الو ماجستير بس مو بحمص بالشام دبلوم التأهيل التربوي مالو علاقة بالانكليزي و هوي بيعملوا بس مشان وظائف التربية .. لأنو اللي عامل هاد الدبلوم الو أفضلية بالوظيفة عغيرو بالنسبة لدبلوم التأهيل و التخصص اللي بالعمارة فهوي جديد بس من السنة الماضية و هاد بيعلم طرق التدريس و الماجستير تبعو نفس الشي بس مالو دكتوراه يعني بس سنتين و بخلص الواحد و عفكرة في ناس بعرفن معدلاتن 61 و دخلوا عليه نظامي لأنو هاد الماجستير و الدبلوم بيعتمدوا بس على امتحاني القبول و عاملينو بالعمارة لأنو تابع لمركز اللغات اللي بالعمارة .. و عفكرة ما في بالآداب دبلومات الا الترجمة و مشان النزلة عحمص بس يبلش التسجيل أنا رح أرجع أفتح الموضوع تبعك و أذكر الكل انشالله لأني كمان بدي أسجل معكن و فيك تعتمد انشالله عليي Python و Tami يعني كان تقريبا 64 نظامي بس عالموازي دخلوا عا59 و في ناس أقل كمان ..
|
|
| الكاتب: | Python [ الاثنين أغسطس 03, 2009 10:36 am ] |
| عنوان المشاركة: | سؤال ضروري جدا |
A..R..W..A, لك روحي الله يفتحها بوجهك وما بتشوفي إلا الخير بحياتك وانشالله مو بس الدبلوم الدكتوراة كمان صارلي أسبوع داير من محل لمحل ومن شخص لشخص وما حدا رد علي  بس انا قريت بالمنتدى أنو الموزي كان 54 ما بعرف هاشي مزبوط ولا لأ ياريت توضحينا أكتر ازا بتعرفي وتأكدي متل ما إنت بتساعدي ناس الله رح يساعدك كمان مشكوورة كتير 
|
|
| الكاتب: | A..R..W..A [ الاثنين أغسطس 03, 2009 11:54 pm ] |
| عنوان المشاركة: | سؤال ضروري جدا |
Python, شكرا كتير الك بس بصراحة ما بعرف و انشالله بيطلعلك الشي اللي انت بدك ياه و موفق
|
|
| الكاتب: | Amer18 [ الأربعاء أغسطس 05, 2009 11:41 pm ] |
| عنوان المشاركة: | سؤال ضروري جدا |
اول شي شكرا كتير لالك على ردك و تاني شي انا بالشام وما بعرف انو في ماجستير ترجمة تابع للاداب في عنا ماجستيرات ترجمة تابعة لكلية الهمك للمعهد العالي للترجمة الفورية وهي الدبلوم ما الو علاقة فيها يعني فيك تفوتها بعد الليسنس ادب انكليزي وفي عنا كمان ماجستير ترجمة تابع لمعهد اللغات بس لكلية الاداب ما في بس سؤال تاني شو الماجستيرات الموجودة بكلية الاداب بس مو ماجستيرات التاهل والتخصص بدي الماجستيرات الاكاديمية متل ماجستير ادبيات لانو انو نفسي افوت ادبيات والترجمة هي الخيار التاني فاذا بتريد شو هي الماجستيرات الاكاديمية كلها اللي بحمص واديش طلبو معدلات السنة الماضية يعني ممكن يطلعلي ولا لا وشكرا |
|
| صفحة 1 من 3 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|