تذكرني دائما

البنفسج · **مرسل:** الجمعة أغسطس 07, 2009 3:24 am

تذكرني أيها الحبيب على طول الأيام
حين يسود الليل و يحل الظلام
تذكرني حين تنظر للسماء
و ترى القمر و النجوم و الضياء
تذكرني حين تجلس مع الأحباب
و كلما سهرت مع القمر
و كلما رأيت وردا و شجر
و كلما وقفت متأملا تحت المطر
لأني سأكون في الليل ساهرة
و في المطر ستكون عيني باكية
أرجوك اسمع رجائي
بأن لا تنساني
فبدونك يمحى عمري و زماني
مهما حصل فأنا لن أنساك
و لن أمحو من قلبي ذكراك
لذا إن كنت مؤمنا فلا تظلمني
و إن كنت قادرا فلا تجبرني
على أن أنساك
فأنا أعيش على حسك و أتنفس هواك
لذا أدعو ربي المجيب
أن تبقى لي شمسا لا تغيب

Python · **مرسل:** الجمعة أغسطس 07, 2009 8:01 am

البنفسج,
للأفضل انشالله
عجبتني هي

اقتباس:

أرجوك اسمع رجائي
بأن لا تنساني
فبدونك يمحى عمري و زماني

Soledad · **مرسل:** الجمعة أغسطس 07, 2009 11:42 am

اقتباس:

فأنا أعيش على حسك و أتنفس هواك
لذا أدعو ربي المجيب
أن تبقى لي شمسا لا تغيب

حلوة كتير هالخاطرة وعم تزدادي تألق يعطيكي العافية ..
تقبلي مروري

البنفسج · **مرسل:** السبت أغسطس 08, 2009 9:58 pm

soledad
شكرا كتير عالرد انا كل ما بتردوا علي بيزداد تألقي أكتر

عـــلاء · **مرسل:** الاثنين أغسطس 10, 2009 3:58 pm

أول شي آمين
تانيا هالخاطرة عم بفوح منها ريحة البنفسج
تالتا أنا مابقدر قول عم تتحسني لإن بصراحة هاي أول مرّة بقرالك بس الظاهر إنك موهوبة وأنا بحب تابع كتابات الموهوبين
وإنشالله تكون المرة القادمة قصيدة ما خاطرة

سليمان الحسن · **مرسل:** الاثنين أغسطس 10, 2009 10:36 pm

رقة تهطل من غيم مشاعرك تغزل احلى المفردات المخضلة بعبق انثوي لا يعلى عليه بجماله..........

اتمنى لك المزيد من التقدم والنجاح

ثـــائـــر · **مرسل:** الثلاثاء أغسطس 11, 2009 9:23 pm

البنفسج,

لاحظت من خواطرك أنو عم تتبعي نظام واحد و طريقة وحدة و هي أنو تخلي القافية تتحكم فيكي و بالكلام يلي بدك تقوليه ...

ما بقدر قول انو ما عندك موهبة بس بدها صقل و بدك وقت كبير و لازم تقرأي كتير لحتى يصير عندك ذخيرة صور و ذخيرة مفردات تستغليها بكل خاطرة بتكتبيها ...

لا صور ولا تشابيه و لا حتى كلمات جزلة و مفردات و تراكيب جديدة ....بس الموهبة موجودة و بشرفنا انو نكون معك بطريقك نحو التميز و الإبداع ...

البنفسج · **مرسل:** الأربعاء أغسطس 12, 2009 12:41 am

علاء
بتمنى يعجبك كلشي بنزلو بعدين
عجبتني هي آمين اول شي
شكرا الك
عم استنى رأيك بكل شي جديد بنزلو

البنفسج · **مرسل:** الأربعاء أغسطس 12, 2009 1:32 am

لغة الياسمين
انت دائما بتشجعني عالكتابة اكتر بكلامك الحلو
عم انتظر ردك دائما
شكرا الك

البنفسج · **مرسل:** الأربعاء أغسطس 12, 2009 1:45 am

ثائر
اول شي شكرا عالرد و النقد
بتعرف هي اول مرة حدا بقدملي نقد من اول ما شاركت بالموقع
بس طبعا بشكرك عالنقد لان هاد الشي بشجعني اني اقرأ اكتر و بساعدني على تحسين كتاباتي دائما

LATEST_POSTS

قوانين المنتدى

تذكرني دائما

الموجودون الآن