خطر ببالي الموضوع بسبب الفرق الموجود بين البنات والشباب
يعني الله خلقنا مختلفين بالاهتمامات والميول
هناك أمور يكرهها الرجل في المرأه أو لا يستطيع فهمها
هناك أمور تكرهها المرأة في الرجل أو لا تستطيع فهمها

ولنعرف بعضنا اكتر شو رئيكن ننقسم لفريقين فريق
البنات وفريق الشباب

سيقوم فريق الشبـاااب بطرح تساؤل عن أمر معين غامض او لا يعجبه في البنــات


وسيقوم فريق البنااات بالرد وتبرير الموقف


وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب..... وهكذا يستمر الحوار


وانا رح بلش من عندي وكوني بنت لازم الجواب يكون من الشباب

ليش ما بتهتمو بالتفاصيل الرومنسية
متل الهدايا الورود تذكر اعياد الميلاد


بتمنى من كل لي بدن يشاركو يكونو صادقين

LILAC,
فكرة كتير حلوه وانشالله اكون صريح والله بالنسبة الي ما بعرف بس بحس حالي شوي رومنسي ما كتير يعني متل ما بيقولو شي منو ولا كلو
وبرأيي الرجل ما بيهتم بالرومانسية إلا بأول العلاقة وبعدين بس يأمن على البنت بيصيبو نوع من الملل حسب خبرتي
وفي شغلة بالمرأة بموت فيها واللي هي الحب
المرأة لما بتحب بصدق مستحيل تتغير مو متل متل الشب
( ( الواحد مننا كل ما شاف وحدا بتتطلع علي بيعشقها ))
وما بعرف
مشكورة كتير

LILAC,
فكرتك كتير حلوة..وبما اني بحب الصراحة..
الشب اذا حب بنت من كل البو وكان صادق بحبو الها فأكيد رح يتذكر عيد ميلادها أو شو لونها المفضل أو اكلتها المفضلة وهيك.. اما بالنسبة للورود والهدايا ففي شباب مزوقين وفي البعض لاء ..اما بالنسبة للتفاصيل الرومنسية ف لازم يكون الشب حساس ورومنسي..هادا رأي ..

Python
شكرا لمشاركتك ولردك الصريح
عهلحالة دفتر العيلة ما بئديكن


unknown
منور
والله الشب الرومنسي عملة نادرة

شكرا لمرورك




هلا صار دوركن شباب لتحطو سؤال للبنات

الشب يلي بعدي ..انت حط سؤال

يالله ناطرين سؤال من الشباب..

LILAC,

فكرة حلوة ..

طيب رح اطرح نفس سؤالك بس بطريقة معكوسة :

ليش بتهتموا بالتفاصيل "الرومانسية" متل الورود و أعياد الميلاد و ما الى ذلك؟؟

fofo star,

أما شو هالتوقيع الي عندك .. نهفة ..

طيب شو رأيك تطرحيهم بساحة حوار منشان تشوفي شي بيرضيكي عالآخر

شو وينكن يابنات ؟؟؟؟؟
ياللا انا رح جاوب بالنسبة الي
هي القصص بتحسسني انو الطرف التاني مهتم فيني وما بغيب عن بالو
الوردة او الهدية بحسها تعبير عن حكي حلو كان بدو يحكيه بس ما حكاه

اذا تذكر عيد ميلادي كمان بحس اني ببالو دائما ومافي شي بيشغلو وبنسيه مناسبة بتخصني


شو رئيكم بنات كلامي مزبوط
ناطرة مشاركاتكن

هالتفاصيل الصغيرة بتعني كتير شغلات....
وبتخلينا نحس انو نحنا دايما ببال الطرف الاخر....
اما بالنسبة لعيد الميلاد انا عندي ياه شي مقدس...
اذا نسي مصيبة....
واجمالا البنت بتحب ماتغيب عن بال الشب ولا لحظة...

Ala` Al -Ibrahim شكرا هاد من ذوقك.... اذا بدك انت طرحهم مشان تشوف الردود الي رح ترضيك الك عالاخر

هاااي حجاوب انا كمان


انا متل فوفو هيك تفاصيل بترضيني وبحس اني محط اهتمام الانسان اللي بيحبني

واني اهم شي عندو بالوجود لهيك متزكر كل شي بيخصني
وبالمقابل انا بتزكر كل شي بيخصو ........ وبالمناسبة هالشي بيسعدو