آرتين لتعليم اللغات :: هل يحق للزوج ضرب زوجته....؟؟

fofo star,
اهلا بزميلتي نجمة ساحة حوار

سلمت يداك على الموضوع الرائع والذي نراه جليا في مجتمعنا الشرقي

اقتباس:

-برايك هل يوجد اسباب يحق فيها للرجل ضرب زوجته؟؟

يجب على الرجل ان يخفف من حدة غضبه ويكبح جماحه وان لا يفجرها بالضرب لأي سب كان اما اذا كان السبب موجبا للضرب فيجب عليه ان يضرب ولكن باصول وروي ويجب الا يكون الضرب الا في الحالات القصوىقال تعالى :
(وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا

واللاتي تخافون نشوزَهن فعظوهن في نشوزهن عليكم. فإن اتعظن فلا سبيل لكم عليهنّ، وإن أبين الأوْبة من نشوزهن فاستوثقوا منهنّ رباطًا في مضاجعهن يعني: في منازلهن وبُيوتهن التي يضطجعن فيها ويُضاجعن فيها أزواجهنّ..)

بوب البخاري في صحيحه في كتاب النكاح باب ما يكره من ضرب النساء وقول الله : واضربوهن : "وقال البخاري أي ضربا غير مبرح

وعن عمرو بن الأحوص : { أنه شهد حجة الوداع مع النبي صلى الله عليه وسلم فحمد الله وأثنى عليه وذكر ووعظ ثم قال : استوصوا بالنساء خيرا ، فإنما هن عندكم عوان ليس تملكون منهن شيئا غير ذلك إلا أن يأتين بفاحشة مبينة فإن فعلن فاهجروهن في المضاجع واضربوهن ضربا غير مبرح ، فإن أطعنكم فلا تبغوا عليهن سبيلا ، إن لكم من نسائكم حقا ، ولنسائكم عليكم حقا فأما حقكم على نسائكم فلا يوطئن فرشكم من تكرهون ، ولا يأذن في بيوتكم لمن تكرهون ؛ ألا وحقهن عليكم أن تحسنوا إليهن في كسوتهن وطعامهن } رواه ابن ماجه والترمذي وصححه

اقتباس:

- ماهو واجب المجتمع والدوله امام هذه المشكله؟

محو الامية للاميين
محو الامية الثقافية
محو الامية الدينية
التوعية والارشاد

اقتباس:

-برأيك اذا الله بلاها للبنت بهيك بلوة...تقول لاهلها؟؟تصبر و تسكت؟؟؟شو تعمل؟؟؟

اذا كان الرجل في حالة متوحشة بالضرب عليها ان تطلب الطلاق او تضطرلاهلها
وارحموا من في الارض يرحمكم من في السماء

الكاتب:	فــلـك [ الاثنين يوليو 27, 2009 11:02 pm ]
عنوان المشاركة:	هل يحق للزوج ضرب زوجته....؟؟
ظاهرة كانت منتشرة بيوم من الايام... بس الحمد الله مع تطور الزمان وزيادة وعي المرأة ورفضها للذل والقهر بدأت تخف... بس للأسف عم نسمع فيها احيانا بوقتنا الحالي.... زوج بيضرب زوجتو على اختلاف الاسباب وبأشكال مختلفة كف بوكس بالعصا والله يستر بعض من اسباب الضرب في نظرهم(يعني الرجالة على قولة المصرين): 1 ـ البعض يريد ان يبرهن لنفسه ولزوجته على انه سيد البيت المطلق والزوجه ليست سوى جاريه تطيع اوامر السيد ولتدرك مدى رجولته. وعدم وجود التفاهم والوعى من قبل بعض الازواج وعدم إدراكة لقيمة زوجتة . 2 ـ البعض يرى ان المراة هي ملجا لفش الخلق للتنفيس عن مشاكلهم وضعفهم في الخارج ولكي يبرهنوا على انهم اقوياء. 3ـ عدم النضج العاطفي والإنساني، مما يجعله جاف الطباع 4- ضعف الوازع الديني أو الجهل بالدين وأحكامه تماماً. 5 - الاضطرابات الجنسية النفسية الشاذة وحب اللسيادة والمثلية وكراهية الحياة الزوجية وما تحمله من مسؤوليات . 6 -الفهم الخاطئ للرجولة على أنها تعني التسلط والغلبة والقهر 7- الإدمان على الكحول والمخدرات 8ـ البطالة والفشل في الحياة مع الجهل وعدم التدين. 9- تفكك الأسرة والنشأة في بيئة يسودها التفكك الأسري. 10 - الصحبة السيئة ورفاق السوء. 11- اعتبار المرأة كوسيلة للترفيه عن الرجل. 12- الغيره الحمقاء وعدم الثقه في الزوجه وباسم التقاليد يستطيع ان يسجنها في المنزل ويحرمها الخصوصيه. وابتعادا عن هذه الاسباب.... 1-برايك هل يوجد اسباب يحق فيها للرجل ضرب زوجته؟؟ 2- ماهو واجب المجتمع والدوله امام هذه المشكله؟ 3-برأيك اذا الله بلاها للبنت بهيك بلوة...تقول لاهلها؟؟تصبر و تسكت؟؟؟شو تعمل؟؟؟ بتمنى يعجبكم الموضوع وتشاركوني بأرائكم....لانها كتير بتهمني....

الكاتب:	خالد الهبل [ الثلاثاء يوليو 28, 2009 1:36 am ]
عنوان المشاركة:	هل يحق للزوج ضرب زوجته....؟؟
fofo star, أول شي وقبل كل شي بحب حييكي من كل قلبي مواضيعك كتير حلوة وأنا من أشد المعجبين فيها ثانياً.... اقتباس: برايك هل يوجد اسباب يحق فيها للرجل ضرب زوجته؟؟ هلأ بشكل عام ولجميع الأسباب اللي حضرتك ذكرتيها أكيد لأ ما في ولا سبب مقنع يسمح للرجل أنو يضرب زوجتو.... ولا في أي دين أو شريعة توافق هالأسباب بس برايي الشخصي أنو أحيانا المرأة تتعدى بعض حدود الأدب مثلاً طبعا عن جهل... أحيانا المرأة تسيء التصرف في بعض المواقف طبعا بشكل كبير جداً هون برأيي ممكن يستخدم الرجل هالوسيلة لحتى بس فينا نقول يأدب مرتو طبعا ما يضربها متل الوصف اللي وصفتيلنا ياه كف بوكس بالعصا لأ طبعا الهدف هون مو الضرب كضرب أو والله لازم تتشوه لأ أنا قصدي الضرب لهدف التربية وما هو مخفي عنكم أصدقائي أنو في كتير نسوان ناقصين تربية متل ما أنو في كتير شباب ورجال يفتقدو التربية كمان... هلأ هاد مجرد رأي.. بس بالمبدأ لأ أكيد أنا ضد الضرب والضرب هوي علاج ولكن أنا شخصيا بفضل أنو يكون بالأخير وللقضايا الخطيرة وبس

الكاتب:	عامر الرشواني [ الثلاثاء يوليو 28, 2009 2:05 am ]
عنوان المشاركة:	هل يحق للزوج ضرب زوجته....؟؟
من دون ما اقرا الموضوع ... بيحقلو

الكاتب:	سليمان الحسن [ الثلاثاء يوليو 28, 2009 4:03 am ]
عنوان المشاركة:	هل يحق للزوج ضرب زوجته....؟؟
fofo star, اهلا بزميلتي نجمة ساحة حوار سلمت يداك على الموضوع الرائع والذي نراه جليا في مجتمعنا الشرقي اقتباس: -برايك هل يوجد اسباب يحق فيها للرجل ضرب زوجته؟؟ يجب على الرجل ان يخفف من حدة غضبه ويكبح جماحه وان لا يفجرها بالضرب لأي سب كان اما اذا كان السبب موجبا للضرب فيجب عليه ان يضرب ولكن باصول وروي ويجب الا يكون الضرب الا في الحالات القصوىقال تعالى : (وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا واللاتي تخافون نشوزَهن فعظوهن في نشوزهن عليكم. فإن اتعظن فلا سبيل لكم عليهنّ، وإن أبين الأوْبة من نشوزهن فاستوثقوا منهنّ رباطًا في مضاجعهن يعني: في منازلهن وبُيوتهن التي يضطجعن فيها ويُضاجعن فيها أزواجهنّ..) بوب البخاري في صحيحه في كتاب النكاح باب ما يكره من ضرب النساء وقول الله : واضربوهن : "وقال البخاري أي ضربا غير مبرح وعن عمرو بن الأحوص : { أنه شهد حجة الوداع مع النبي صلى الله عليه وسلم فحمد الله وأثنى عليه وذكر ووعظ ثم قال : استوصوا بالنساء خيرا ، فإنما هن عندكم عوان ليس تملكون منهن شيئا غير ذلك إلا أن يأتين بفاحشة مبينة فإن فعلن فاهجروهن في المضاجع واضربوهن ضربا غير مبرح ، فإن أطعنكم فلا تبغوا عليهن سبيلا ، إن لكم من نسائكم حقا ، ولنسائكم عليكم حقا فأما حقكم على نسائكم فلا يوطئن فرشكم من تكرهون ، ولا يأذن في بيوتكم لمن تكرهون ؛ ألا وحقهن عليكم أن تحسنوا إليهن في كسوتهن وطعامهن } رواه ابن ماجه والترمذي وصححه اقتباس: - ماهو واجب المجتمع والدوله امام هذه المشكله؟ محو الامية للاميين محو الامية الثقافية محو الامية الدينية التوعية والارشاد اقتباس: -برأيك اذا الله بلاها للبنت بهيك بلوة...تقول لاهلها؟؟تصبر و تسكت؟؟؟شو تعمل؟؟؟ اذا كان الرجل في حالة متوحشة بالضرب عليها ان تطلب الطلاق او تضطرلاهلها وارحموا من في الارض يرحمكم من في السماء

الكاتب:	أنس الدالي [ الثلاثاء يوليو 28, 2009 3:39 pm ]
عنوان المشاركة:	هل يحق للزوج ضرب زوجته....؟؟
fofo star, اقتباس: 1-برايك هل يوجد اسباب يحق فيها للرجل ضرب زوجته؟؟ ما فينا نحكم أنو بحقلوا أو ما بحقلوا لأنو الشغلة بتعود لأمرين.. 1- حسب الزوجة ومقدار وعيها وثقافتها ... 2- حسب السبب الي خلا هالرجل يضربها ... موضوع جميل سلمت يداكي

آرتين لتعليم اللغات https://forum.art-en.com/

هل يحق للزوج ضرب زوجته....؟؟ https://forum.art-en.com/viewtopic.php?t=17567	صفحة 1 من 2

الكاتب:	فــلـك [ الأربعاء يوليو 29, 2009 12:25 am ]
عنوان المشاركة:	هل يحق للزوج ضرب زوجته....؟؟
خالد الهبل, اقتباس: أول شي وقبل كل شي بحب حييكي من كل قلبي مواضيعك كتير حلوة وأنا من أشد المعجبين فيها شكرا الك... وبتمنى تشاركني دايما بردودك... اقتباس: بس برايي الشخصي أنو أحيانا المرأة تتعدى بعض حدود الأدب مثلاً طبعا عن جهل... أحيانا المرأة تسيء التصرف في بعض المواقف طبعا بشكل كبير جداً هون برأيي ممكن يستخدم الرجل هالوسيلة لحتى بس فينا نقول يأدب مرتو انا معك بهالحكي.... احيانا في نساء بيهينو كرامة الرجل....وهدول بيستحقوا الضرب بس متل ماقلت (ضرب تأديبي) عامر الرشواني, اقتباس: من دون ما اقرا الموضوع ... بيحقلو على فكرة انا منزلة الموضوع للقراءة.... على كل حال شكرا ع ردك... sleman alhasan, اقتباس: اهلا بزميلتي نجمة ساحة حوار سلمت يداك على الموضوع الرائع والذي نراه جليا في مجتمعنا الشرقي شكرا الك... خجلتني والله وشكرا كتير عالشواهد الي ضفتها عالموضوع والي زادت من غناه.... أنس الدالي, اقتباس: 1- حسب الزوجة ومقدار وعيها وثقافتها ... 2- حسب السبب الي خلا هالرجل يضربها ... شكرا كتير على مرورك....

الكاتب:	بانة [ الأربعاء يوليو 29, 2009 12:28 am ]
عنوان المشاركة:	هل يحق للزوج ضرب زوجته....؟؟
موضوع حلو ورائع كتير ... لدرجة إنه استفزني صدقيني .. اقتباس: 1-برايك هل يوجد اسباب يحق فيها للرجل ضرب زوجته؟؟ برأي الأسباب اللي بحق للرجل ضرب زوجته فيها هي نفس الأسباب اللي بحق للمرأة ما رح قول تضرب زوجها بل هي نفس الأسباب اللي بحقلها فيها تهجره وتتركه وتطلب الطلاق .. وأكيد هالكلام مو من عندي .... اقتباس: - ماهو واجب المجتمع والدوله امام هذه المشكله؟ أولا دور المجتمع : برأي هو إنه يوعي الرجل من وقت يكون طفل صغير (صبي)... يعني الرجال مو بعضلاته ولا بالبوكس اللي بيضربه ولا بالكف واللي بيعمل هيك أو بالأحرى اللي بفكر بهي الطريقة إنه والله أنا رجل وانا بحقلي أضرب للأسف بكون في شي بتفكيره غلط ويمكن بناء على تجربة عم يقول هالحكي أما واجب الدولة : إنها تمنع هالشي وتحط قوانين رادعة لهالأمر .. بالإضافة لتوفير برامج التوعية والإرشاد رغم إنه البعض بكون التعامل معهم على مبدأ دق المي وهي مي اقتباس: 3-برأيك اذا الله بلاها للبنت بهيك بلوة...تقول لاهلها؟؟تصبر و تسكت؟؟؟شو تعمل؟؟؟ إذا ما بدها تعمل مشكلة فما تحكي ولا كلمة ويتدخلو أهلها ويصير جق ولوص , بالأخص إذا كان بعض الأهل عقلية متحجرة لسة على أضرب من الزوج .. بداية بتحكي مع زوجها حكي عادي بتوصله فيها فكرة إنه أنا تضايقت أكيد وهيك إنت هنتني وهنت كرامتي لا بل هنت حالك كمان ... وبعدين ما عليها غير إنها تروح على دكتور لو كان زوجها سببلها إنشالله جرح أصغر من الصغير ... وتحط التقرير الطبي عندها ... وإذا تكرر الأمر وأكيد رح يتكرر ورح يكون الضرب أقسى تعمل تقرير تاني .... وهكذا ووقت بتحس حالها خلص ما عاد تقدر تضل معه وتستمر ببساطة فيها تطلب الطلاق وإذا ما مشي الحال صار بإيدها في أدلة وتقارير من طبيب واحد أو عدة أطباء هيك بكون انتهيت من ردي على أسئلتك .... بس في عندي بعض الأسئلة على بعض الأعضاء اللي سبقوني بالرد : خالد الهبل, اقتباس: بس برايي الشخصي أنو أحيانا المرأة تتعدى بعض حدود الأدب مثلاً طبعا عن جهل... أحيانا المرأة تسيء التصرف في بعض المواقف طبعا بشكل كبير جداً هون برأيي ممكن يستخدم الرجل هالوسيلة لحتى بس فينا نقول يأدب مرتو والرجل بيتعدى حدود الأدب عن جهل وبدون جهل ... والرجل يسئ التصرف ببعض المواقف كمان هي إذا ما كان أغلبها ... عامر الرشواني, اقتباس: بيحقلو ما أظن في كلمة بحقله مطلقة , لأنه لو كانت مطلقة فهي كارثة عظمى لذلك : إيمت ؟ sleman alhasan, ياريت الرجل بهي الأيام يطبق الآية الكريمة بالمعنى الحرفي لتفسيرها واللي كنت عم بقراه وبحثت عنه مطولا ........ وإذا بتجي بتشكي زوجي ضربني أنا رح أضربها أولا التنبيه تانيا الهجر تالتا الضرب .. الضرب بالإسلام هم ضرب غير مبرح لا يسبب أذى أبدا وعلى فكرة وللمفارقة أيضا ... كما مذكور نشوز المرأة ... في نشوز الرجل يحق للمرأة فيه ترك الرجل متل ما قلت بأول ردي وكمان قال تعالى : " وعاملوهن بالمعروف " بعتذر عالإطالة ... بس حز بقلبي بعض الشيء إني إقرأ هيك أجوبة .. بتشكرك مرة تانية عالموضوع

الكاتب:	خالد الهبل [ الأربعاء يوليو 29, 2009 1:21 am ]
عنوان المشاركة:	هل يحق للزوج ضرب زوجته....؟؟
fofo star, بتشكر رأيك وكلامك الحلو بانة, أخت بانة يبدو أنو حضرتك ما قرأتي ردي كاملاً.. أنا كتبت بنفس الرد: اقتباس: وما هو مخفي عنكم أصدقائي أنو في كتير نسوان ناقصين تربية متل ما أنو في كتير شباب ورجال يفتقدو التربية كمان... مشكورة عالتعليق...

الكاتب:	بانة [ الأربعاء يوليو 29, 2009 1:31 am ]
عنوان المشاركة:	هل يحق للزوج ضرب زوجته....؟؟
شكرا على تعليقك وتوضيحك بس أنا كان تعليقي تحديدا على هي الجملة : اقتباس: هون برأيي ممكن يستخدم الرجل هالوسيلة لحتى بس فينا نقول يأدب مرتو

الكاتب:	فــلـك [ الأربعاء يوليو 29, 2009 1:44 am ]
عنوان المشاركة:	هل يحق للزوج ضرب زوجته....؟؟
بانة, اقتباس: وبعدين ما عليها غير إنها تروح على دكتور لو كان زوجها سببلها إنشالله جرح أصغر من الصغير ... وتحط التقرير الطبي عندها ... وإذا تكرر الأمر وأكيد رح يتكرر ورح يكون الضرب أقسى تعمل تقرير تاني .... وهكذا ووقت بتحس حالها خلص ما عاد تقدر تضل معه وتستمر ببساطة فيها تطلب الطلاق وإذا ما مشي الحال صار بإيدها في أدلة وتقارير من طبيب واحد أو عدة أطباء والله فكرة.... هيك البنت بتضمن حقها كامل مع المقدم والمأخر.. رأيك كتييير حلو وكتيير عجبني... اقتباس: ما أظن في كلمة بحقله مطلقة , لأنه لو كانت مطلقة فهي كارثة عظمى لذلك : إيمت ؟ شكرا كتير على مرورك وبتمنى تشاركيني دايما... وناطرين موضوع جديد ومميز كالعادة منك... تقبلي مني..

صفحة 1 من 2	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/