سيرين,
موضوع جميل جدآ والفكرة مسروقة مني بس بطريقة تانية
أنا كنت ناوي نزل موضوع عن أطفال الشوارع وأحكي عنهن وعن همومهن وأسبابهن
وان شاء الله رح نزلو بالرغم من انك انت تكلمتي عن هيك موضوع بس بشكل مختلف وأسئلة مختلفة
فترقبوه قريبآ
أها منبدا بالموقف طبعآ ضد مية بالمية لأنهن بالنهاية هدول أطفال براءة الطفولة موجودة بعيونهن وعم يعرضهن المجتمع للوسط الفاسد الذي قادر على أن يقضي على هذه البراءة كلها
رأي بكل بساطة ما بقول الا يا حراااااااااااام يا حرااااااااااام
وعلى شو عم تذكري الاسباب أي سبب بالكون بخلينا نحمل الطفل البريء مسؤولية مبكرة لوقتها ليش لنخلي الطفل يحمل هم هو جايه بالمستقبل
أنا مع أنو الطفل يطلع على الشغل مع أبو بحيث فقط مشان يتعلم المصلحة ان كان يعمل بالحدادة أو النجارة أو ... وبس مشان التعلم مو مشان مردود مادي
بس ضد مية بالمية أنو يطلع على شغل عند شخص غريب أو ينزل على الشارع يبيع علكة أو دخان أو ....
أنو هون نحنا بكل بساطة قضينا على الطفل وعلى براءتو وبحياتو الشارع ما بربي أجيال
أما أقتراحي فهو أنو بحب وجه بطاقة بهدلة ومذمة لكل أب بكون سبب بخلفة طفل هو مو قادر انو يعيشو عيشة كريمة
الحل مافي حل لأنو تفهيم الي ما بيفهم صعب
وهيك أباء جهلة تفهيمهن صعب كتير
والله أنه ليحزنني وجود مثل هؤلاء الأطفال الأبرياء بالشوارع منتشرين وبشكل متزايد مع مرور الزمن

fofo star, كتبت
ليش شي بطعمة وبلا طعمة اذا بعتنا الطفل يتعلم القرآن الكريم بشي دورة مو أفضل وأحسن
أو بعتنا يتعلم موسيقا أو دورات لغة
طبعآ هون هاد الشي بعود على الحالة المادية للأب
يعني بالنهاية هو ما جابو على هالحياة مشان يزلوا البشر ويستعبدو المجتمع
أطفالنا هم فلذة أكبادنا فلنحافظ عليهم من الضياع
تقبلي أختي رأي الشخصي ولكن أحببت أن أناقشك طمعآ بسداد رأيك
أشكرك سيرين على هالطرح الرائع وتقبلي مروري ومشاركتي وتقبلي مني

,والله موضوع حلو ومميز وجدير بالمناقشه ميرسي لألك : الموقف هو ضد هالشي ميه بالميه لأنو والله هيدا ظلم أنو تشوفي طفل عمروا عشر سنين عم يدور من شارع لشارع ليبيع علكه أو دخان أو......
بس ماباليد حيله لأنو المرأه لما بتخلف طبعآ هي والزوج شو بقولوا
والله شو رزقتوا بتيجي معوا طبعآ بعد مايكونوا مخلفين ستين ولد
والمقصود أنو بتجي رزقتوا معوا هو أنو رزقتوا من الهم والتعتير والزل وبيع العلكي بس متل ماقلت ماباليد حيلي على الله أحسن شي
أما بالنسبه لقتراحي هو أنو مقولة رزقتوا بتجي معوا تبطل لأنو والله عيب

شكراً لألك و تقبلي مروري

سيرين, صحيح كلامك بس أنا كتبت هالجملة من باب المزح مو أكتر وبين أسلوب المزح فيها
بس ما بعرف ليش أنت أختيها بكل جدية
على كل حال بعتزر
لا ما عاد أكتبوا عشان ما تقوليلي سرقت الفكرة مني لاني أنا الي كتبتها
مو بكير لأنو نهيأ لحمل هيك مسؤولية ليش لحتى ما نأجل هالموضوع ليصير شب عمرو لا يقل على 18 مو أفضل ...؟
ركزي اني قلت مع والده فقط عشان ما تدخل المادة بحياتو وحبو للمال يطغى على أفكاروا وحياتو وانما لأجل أن يتقن هذه المصلحة فقط
ومن يملك مفاتيح الحل برأيك ..؟ أليس هم الأباء والأمهات الجاهلون ...؟ أنا الي بتشكرك على مناقشتك الرائعة وابداء أرائك النيرة
وتقبلي مروري على موضوعك ثانية وتقبلي مني