آرتين لتعليم اللغات :: ضبّـــــي غراضــــك ويلا علــــى بــــــيت أهلــــــك!!!!!

أحمد الدالي,

هلق قبل ما أحكي عن هاي المشكلة وناقش فيها بحب قول
انك بجد عطيت الموضوع سلاسة غريبة
بالنسبة لهاد الموضوع ما بظن أنو في حدا بقي بهالتخلف العقلي هاد
بس ممكن الرجال اذا كان من الي بيحملوا نص عقل واللي بأمنوا بالحظ
ممكن يصير هيك شي بس بالتعداد يعني مثلا تولد المرأة أربع بنات ورا بعض
هون الرجال بولع

وبقلها أنا بكرا حتجوز عليكي وممكن يأدي هاد الشي للطلاق
بس أنو من أول مرة ما بظن في بشر هيك الا المتخلفين واللي مو سمعانين أبدآ بالطب
وبالنسبة لموضوع عدم الرضا فما شرط تكون قناعتهن صحيحة
والحمد لله صرنا بزمن أنو الأهل بيتعذبوا على الشب وبعلموا وبزوجوا بالنهاية شو
بيعطوا لبيت الأحمي مقدم جاهز
وبالمقابل البنت بتجبلهن ابن جديد بضموا للعيلة الكريمة
يعني يمكن صارت البنت أفضل من الولد بهيك مجتمع ..

بس المشكلة بولادة البنت هو حمل همها للمات والخوف عليها والقلق الدائم
ولهيك الأزواج معظمهن بفضلوا الولد على البنت
موضوع جميل سلمت يداك وهدول كلهن عشانك

الكاتب:	أحمد الدالي [ السبت يوليو 11, 2009 3:10 am ]
عنوان المشاركة:	ضبّـــــي غراضــــك ويلا علــــى بــــــيت أهلــــــك!!!!!
بالبدايّة عنجد عنجد اشتقتلكن فردا فردا ظاهرة اجتماعية وحقيقية منشوفغها بالمجتمع...وهالظاهرة الها تشعبات كتيرة والحديث عنها ما بينتهي....لخصتها بحوار بسيط..ان شاء الله يعجبكن.. ++++++++++++++++++++ الزوجبيفتح الباب ويدخل البيت)..حبيبتي وينك الزوجة: أنا هون حبيبي بالمطبخ.. الزوج: الله يعطيكي العافية وولا يحرمني منك..شايف ليوم عاملة سفرة بتشهي خير شو المناسبة الزوجة: مفاجأة خليها لبعد ما ناكل بتكون هديت أعصابك لأنك جاي تعبان من الشغل الزوج: متل مابدك حبيبتي... ((((((((بعد الطعام)))))))))) الزوج: اي هاتي لشوف شو المفاجأة.؟؟ الزوجة: أنا حامل!!!!! الزوج: عنجد عمتحكي... الزوجة: اي عنجد ليش هيك موضوع في مزح... الزوج: هدا أحلى خبر بسمعمو ...ان شاء الله يكون صبي الزوجة: ان شاء الله يا رب الزوج: من أولها بدي سميه صبري على اسم الوالد الله يرحمو... الزوجة: ان شاءالله يا رب... الزوج: من هون ورايح ما بتمدي ايدك على شي..خليك مريحة حالك مشان صبري..وانا بخدامتك وبخدامة حبيبي صبري... الزوجةوبكل سرور) مو لهلدرجة حبيبي.. الزوج :لهلدرجة ونص عالقليلة بهالفترة لازم تكوني على اكمل وجه من الرياحة ((((بعد مرور عدة أشهر))))) الزوجعميجلي الجليات)...حبيبتي ما صار لازم نروح عالدكتورة مشان نطمن ونشوف الجنين.. الزوجة : اي والله ناطف قلبي لأعرف الجنين على جهاز الايكو... الزوج: بكرة جهزي حالك (((بعد مرور يوم))) الزوج : جاهزة حبيبتي؟؟؟ الزوجة: يالله تقبرني جاهزة... ((((في غرفة الانتظار)))) الممرضة: تفضلو اجا دوركن (((((داخل العيادة..)))) الدكتورة: أهلا وسهلا فيكن..تفضلي مدام على جهاز الايكو؟؟ الزوج(حالة من التوتر..لمعرفة جنس المولود)) على الايكوو...ظهر المولود الزوج: طمنينا دكتورة الدكتورة: مبروك بنوتة حلوة..تعال شوفها شلون عمتتحرك الزوجمصدوم)... الزوجة: تسلملي ليك حبيبي غعمتترحك شوف شو حلوة... الزوج: يالله خلينا نمشي..تطمنا على المولود..أنا داق خلقي ((((طريق العودة للبيت)))) الزوجة: شو في حبيبي ليش تغير لونك لما سمعت بنت... الزوج ::مافي شي أبدا بس داق خلقي بالعيادة الزوجة: الحمد لله تطمنا ورح سمي البنوتة خولة..بحب هالاسم كتير.. الزوج: (صامت لا من تمو ولا من كمو) (((((في المنزل)))) الزوج :حبيبتي ضبي غراضك الزوجة: ليش حبيبي بدنا نعمل سياحة؟؟؟؟؟ الزوج : لا حبيبتي..ضبي غراضك ويالله على بيت أهلك الزوجة: شو رأيكم بهالظاهرة يلي بتقضي بعدم الرضى بجنس المولود .. ويلي بتأدي لمشاكل إلها أول وما الها تالي.. يلي بتسبب الطلاق لحد ما؟؟؟؟[/size][/color]

الكاتب:	همس الشوق [ السبت يوليو 11, 2009 3:33 am ]
عنوان المشاركة:	ضبّـــــي غراضــــك ويلا علــــى بــــــيت أهلــــــك!!!!!
أحمد الدالي, ,والله أنو موضوع حلو كتير وبلامس حالات التخلف الي بمجتمعنا وهاي الحالات كتيره مو قليله اقتباس: الزوج: هدا أحلى خبر بسمعمو ...ان شاء الله يكون صبي وهاد التخلف وقلة العقل بينتج عن الأهل لأنو الزوجه بس حملت وطلع المولود بنت بصيروا الأهل بدن يجوزوه على أساس أنو المرأه الها علاقه بتحديد جنس المولود أخيرا بحب أشكرك أخي أحمد الدالي على هالموضوع الجميل وتقبل مروري وتقبل مني :

الكاتب:	سنا [ السبت يوليو 11, 2009 11:29 am ]
عنوان المشاركة:	ضبّـــــي غراضــــك ويلا علــــى بــــــيت أهلــــــك!!!!!
بصراحة هالظاهرة منشوفها بالمسلسلات القديمة ... وبايام زمان .. مافيي أييد أو كون ضد لأن ما شفت شي واقعي بيحكي عن هالقصة بعصرنا الحالي .. لأن الطب اتطور والناس صارت أوعى وصاروا يعرفوا انو الأنثى مالها علاقة بتحديد جنس المولود .. شكرا كتير عالموضوع ونحنا كمان اشتئنا لمواضيعك..

الكاتب:	Safa alaasi [ السبت يوليو 11, 2009 11:46 am ]
عنوان المشاركة:	ضبّـــــي غراضــــك ويلا علــــى بــــــيت أهلــــــك!!!!!
أحمد الدالي, موضوعك حلو لانو بيناقش شي موجود... بس يمكن في مبالغة بالطرح .. و يمكن انت عملت هيك لحتى اتوصل الفكرة أسرع ... بس ازا بدك الحقيقة انا ولامرة اسمعت عن حدا طلق مرتو لانو معا بنت .. الي بيصير بمعظم الحالات انو بعد ما بتجيب المرة شي 4 بنات ببلش الزوج يهدد بالزواج التاني ... بس الحمدلله بمعظم الحالات الي اشهدا من الناس الي الله رزقن ببنات كتيير ( يعني أكتر من 5 مع عدم وجود صبي ) كانو الأزواج متفهمين و رضيانين بقسمة الله ... و في أزواج بيطير عقلن بالبنت ... و بعرف كتير أزواج بيدعو لربن الله يرزقن ببنت .. و بالنتيجة الي بعمل هيك بيكون انسان ما عندو ايمان وقناعة بالي قسمو الله ... يعني ممكن يجيه 4 صبيان و يروحو كلن بحادث .. أو متلا الصبيان بيروح كل واحد بحال سبيلو وبيتجوزو وبيصير كل واحد لمرتو وولادو و بتبقا بنت بالبيت بتشيل كبرة أهلا ... يعني ما بيعرف الواحد وين الخير ...

الكاتب:	Nastia [ السبت يوليو 11, 2009 2:14 pm ]
عنوان المشاركة:	ضبّـــــي غراضــــك ويلا علــــى بــــــيت أهلــــــك!!!!!
ظاهرة منتشرة بمجتمعنا برغم التطور الكبير.. بس مهما تطورنا أصعب شي هوي تطور عقول البشر ،، صحي انو خفت هالظاهرة بس في كتير حالات موجودة ما منشوفا... متل ما قالت صفا مو شرط انو يطلقا لأنو بتجيب بنات.... بس الجاهلية والتخلف بتبين بطريقة تفكير بعض الرجال يللي ما بيعتبرو حالون جابو ولاد إلا اذا اجا صبي حتى لو كان عندو 10 بنات !!! وأنا سمعت هالحكي من البعض والمصيبة انو حتى المرأة أحياناً بتفكر بنفس الطريقة

آرتين لتعليم اللغات https://forum.art-en.com/

ضبّـــــي غراضــــك ويلا علــــى بــــــيت أهلــــــك!!!!! https://forum.art-en.com/viewtopic.php?t=17411	صفحة 1 من 1

الكاتب:	فــلـك [ السبت يوليو 11, 2009 5:24 pm ]
عنوان المشاركة:	ضبّـــــي غراضــــك ويلا علــــى بــــــيت أهلــــــك!!!!!
أحمد الدالي, والله الموضوع مميز... ووقت قريت العنوان ضحكت لانو هالموضوع كان ببالي وبدي نزلو بس سبقتني.... بالنسبة لهي الظاهرة بظن انو كاانت موجودة.... بس هلأ معد لهالدرجة... بظن انها موجودة بس بالمجتمعات المتخلفة....... والي بكون فيها الرجل مانو عرفان و جاهل..... يعني مابيعرف انو الرجل هو المسؤول عن تحديد جنس المولود .... وانو المرأة مالها علاقة..... بتمنى تتقبل مروري سلمت يداك

الكاتب:	أنس الدالي [ الأحد يوليو 12, 2009 1:29 pm ]
عنوان المشاركة:	ضبّـــــي غراضــــك ويلا علــــى بــــــيت أهلــــــك!!!!!
أحمد الدالي, هلق قبل ما أحكي عن هاي المشكلة وناقش فيها بحب قول انك بجد عطيت الموضوع سلاسة غريبة بالنسبة لهاد الموضوع ما بظن أنو في حدا بقي بهالتخلف العقلي هاد بس ممكن الرجال اذا كان من الي بيحملوا نص عقل واللي بأمنوا بالحظ ممكن يصير هيك شي بس بالتعداد يعني مثلا تولد المرأة أربع بنات ورا بعض هون الرجال بولع وبقلها أنا بكرا حتجوز عليكي وممكن يأدي هاد الشي للطلاق بس أنو من أول مرة ما بظن في بشر هيك الا المتخلفين واللي مو سمعانين أبدآ بالطب وبالنسبة لموضوع عدم الرضا فما شرط تكون قناعتهن صحيحة والحمد لله صرنا بزمن أنو الأهل بيتعذبوا على الشب وبعلموا وبزوجوا بالنهاية شو بيعطوا لبيت الأحمي مقدم جاهز وبالمقابل البنت بتجبلهن ابن جديد بضموا للعيلة الكريمة يعني يمكن صارت البنت أفضل من الولد بهيك مجتمع .. بس المشكلة بولادة البنت هو حمل همها للمات والخوف عليها والقلق الدائم ولهيك الأزواج معظمهن بفضلوا الولد على البنت موضوع جميل سلمت يداك وهدول كلهن عشانك

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/