كتير منشوف بنت وشب بحبو بعض هاد شي طبيعي بس ممكن يكون في شب بحب بنت من بعيد لبعيد بهي الحالة يمكن ما بيكون عنده الجرأة انو يصارحا بحبه حتى ممكن يكون زميل بنفس الجامعة أو معها بالشغل .. الأصعب... ممكن توقع البنت بهالمشكلة يعني يعجبا شب وما تقدر تصارحه بأي شي بسبب الكبرياء – الخجل – عادات وتقاليد .. برأيكن لازم المبادرة تكون من قبل الشب ويا ترى إذا البنت صرحت رح تنزل من عين الشب وبهالحالة رح تضل خجلانة منه دائماً إذا ما كان معجب فيا أو إذا كان مرتبط بعلاقة تانية ولاّ رح يستوعبا ويعتذر منا بطريقة لطيفة .. أو .. رح يعجب بقوة شخصيتا وثقتها الكبيرة بنفسا ..
في بنات مشان يحفظو خط الرجعة بفضلو ما يعترفو للشب ويضل الحب ساكن بالقلب للعمر .. ومنلاقي بنات بيلمحو للشب عن طريق كلمة حلوة أو بتصرف ما.. يمكن وقتا يكتشف الشب انو هالبنت معجبة فيه ووقتا إذا كان الشب بيحمل نفس المشاعر ممكن ياخد زمام المبادرة
بس السؤال اللي كثر الحديث عنه والتساؤلات
هل تستطيع الفتاة أن تصرح بحبها لإنسان أعجبها ؟؟
هل من الصعب كتمان هذا الحب ؟؟
ماذا لو أدرك الشاب أن فتاة ما معجبة به ؟
إذا كان هناك علاقة بين اثنين أخذت الفتاة فيا زمام المبادرة كيف من الممكن أن يكون مجرى العلاقة ؟ كأي علاقة أمْ...
ياترى هل سينظر لها بنفس الطريقة بعد علمه بحبها؟؟
بتمنى نناقش هالموضوع سوى لان حابه أعرف رأيكن بهالمسألة يمكن تتعدد الآراء بس عاداتنا الشرقية بتحتم علينا أمور ممكن تأثر على عواطفنا وعلى حياتنا..