طبعآ غير منقوووووووووووول

أنس الدالي,

موضوع بيستاهل إنو الواحد يحكي فيه كتيييييير..

اول شي مثبت


مميز يا أنس..

انا يرايي انو حرام الاهل يمنعوا البنت اذا كان الشخص مناسب وانا معها بها التصرف

تاني شي..

هالموضوع إلو جوانب كتيره و أسباب كتيره بتختلف من فتاة لأخرى..
أد ما أكون متعاطفه معها لكن ضد لعدة أسباب أولا لا أخلاقي و لا ديني بيسمحلي بعدين كيف بدو يهون عليا أهلي و تربايتهم لإلي.. بوجهة نظري كل شي بالعقل و الحكي و التفاهم و الصبر بينحل.. بعدين مو معقول ب هالعصر في بنات بيتزوجو غصب و بالإكراه هاي من العادات و التقاليد الخطأ إلي كانت سائده بالمجتمع الشرقي..

بعدين حرااام والله حرام تيجي بنت فجأة تسمع إنو أهلها زوجوها لفلان الفلاني ..

من جهة تانية.. ليه الأهل ليرفضو هالشب إلي بريدها .. في كتير بس لإنو بريدو بعض بيوقفو على هالشغله و بيعتبروها جريمه و إنو لا يمكن وووووو....
يمكن على صعيدها الشخصي تكون مبسوطه بس الإنبساط من غير الأهل بلى منو شو الفائده إني كون مبسوطه و أهلي لأ و أصلا ما بتحلى الفرحه غير بالأهل..
مستقبل الأهل إمممممم في أهل ممكن يسلموو و خصوصا لما يلاقو بنتهم فرحانه و مبسوطه بحياتها و في أهل لا يمكن يعرفولها طريقو بيقطعوها و بيعتبروها خرجت عن المله و ما بيعترفو فيها.. ليه لإنها أخدت واحد يا إما دون المستوى أو مو مهندس أو دكتور أو واحد مو هاي كلاس.. يعني مثلا في إمهات لا يمكن يزوجو بناتهم إلا يا مهندس أو دكتور و غير هيك لأ.. و هاي الشغلات أنا بكرها في الأهل.. يعني بلكي هالمهندس عقلو مو راكب على عقلها و يمكن ما قواسم مشتركه بينهم هون الأهل راح يفرحو و يشوفو حالهم بين الناس بس البنت الله أعلم بحالها.. ما يا ما أهل ظلمو بناتهم بهادا الشي.. و درجة التعليم مو مقياس لنحكم على شباب كتير قصدين خير و كتير مربيين و محترمين..
ليك إذا الواحد بدو يمشي ورا وجهات نظر المجتمع بعمرو ما راح يعيش و يشق طريقو بالحياه.. المجتمع ما بيرحم حدا إذا عملت هيك أو هيك لا يمكن تسلم من المجتمع خصوصا مجتمعنا العربي إلي عطول بينظر للأمور إنها غلط و إنها جريمه كبيره و ما بهمهم الشخص إلي بعاني من شي مشكله مجتمع شغلتو الحكي إلي ما إلو أي لازمه..

و ما حدا يفهم قصدي إنو ما لازم نحط حدود لقيمنا و مجتمعنا بس كمان لازم مجتمعنا يراعي ظروف كتير عالم..
بتعرف من خلال ناس شفتهم و سمعت قصصهم كتير بكونو حابين البنت و كتير بحبوها و بقدرو إنها تعبت و خسرت كرمال ابنهم..

بعدين ليه الأهل ليكبروها كتير و يعقدوها مو هما عطول بقولو بهمنا سعادتكم طيب ليه ليجبروها..
انا مع الأهل بحاله وحده إذا هالبنت اختارت الشب إلي ما بناسبها من ناحية الدين و الأخلاق..
يعني مثلا شي بنت راحت تتزوج شي واحد بلا دين و لا أخلاق هون الغلط و هون لازم الأهل يردعو البنت لإنهم أكيد على خبره و علم بطبيعة الناس و أخلاقهم و لازم يقعدو معها و ينصحوها و إنو كيف بدك تبني حياتك مع شخص بلا دين أو أخلاق..

أما مثلا شب خلوق و محترم ومتدين و بس مشكلتو إنو لسه بأول طريقو وإنو كتير حابب البنت ورايدها بالخير وبيحترمها ليه هون الأهل يرفضو؟؟؟

بس بدي أأكد على شغلة من ناحية الشرع حتى لو راحت تتزوج من غير موافقة أهلها زواجها غير سليم لإنو متل ما درسنا لازم موافقة الأهل..

انا بابا بالإمارات و انا هون بغزة ووقت ما انخطبت المحكمه طلبت ورقة موافقه ولي الأمر وفعلا بابا بعتها تاني نهار و مشي الموضوع و الحمد لله.. يعني موافقة الأهل شرط من شروط النكاح السليم..

أنس الدالي,
بتشكرك كمان مره..

مواضيع متل هيك ما بينهرب منها..
بس انا سبقتك بالرد

فعلا الموضوع مميز و بيستاهل التثبيت .. مشكور أنس الدالي, على طرحو

الزواج هوي علاقة بين شخصين اثنين بس هي العلاقة ما بتوقف عند هالشخصين و بس و انما برأيي الزواج الحقيقي ما بيكتمل إلا بوجود "بموافقة أهل الطرفين" و خصوصاً أهل البنت

و أنا بستغرب من البنت اللي بتكافئ أهلها اللي ربوها و كبروها و علموها بهالطريقة و هيي الزواج بدون الموافقة .. و بالنهاية ما في حدا بيخسر غير هيي و الأمثلة من واقعنا كتيرة منشوف بنات تزوجوا من دون موافقة الأهل و ندموا أشد الندم و هالشي للأسباب هيي: ممكن تعيش كم شهر سعيدة معو بس للأسف مارح تلاقي أخ أو أب تلجألن وقت المحن أو وقت الخلاف مع زوجها يعني رح تعيش متل الانسان الكسير و تداري أي شي لأنها إذا صار معها أي شي ما حتلاقي حدا تلجألوا غير ربها .. طبعاً بعد الفضيحة في أهل بيتبروا من بنتن و في أهل بسامحوا .. و الأفضل انو يسامحوا لأنو بالنهاية بنتن .. و يمكن لو هن ما رفضوا هالشب ما كانت اضطرت تساوي هيك و بصراحة بهيك حالات أنا بلوم الأهل كتير .. طبعا الكل رح يعملوا حالن شرفاء عليا .. مع انو ما حدا خاااالي بس للأسف الناس بتشوف و بتحاسب ع أغلاط غيرا و بتنسى أغلاطا و متل ما بيقولوا الجمل ما بيشوف حردبتو حتى لو كان الشب منيح و أهلو مناح ما رح يعاملوا هالبنت متل وحدة تانية طلعت من بيت أهلها بزواج شرعي و عادي .. يعني ببساطة رح يستقلوا فيها
الموضوع فيو حكي كتير و النقاش فيو مفتوح لأني حاسة ماخلصت حكي مشان هيك لي عودة انشاء الله