أنا برأيي مهما كانت الظروف اللي عم تحكم المرأة فما لازم تتخلى عن مبادئها ولا شي مهما كان قاسي ممكن يكون مبرر لسقوط المرأة وبالنهاية في كتيرين بيمرو بهالظروف كاختبار من الله لهيك بعود وبكرر إنو ما في مبرر للمرأة مهما كانت ظروفها
مشكور
| آرتين لتعليم اللغات https://forum.art-en.com/ |
|
| سقوط المرأة في مجتمع فاسد https://forum.art-en.com/viewtopic.php?t=17392 |
صفحة 1 من 2 |
| الكاتب: | أنس الدالي [ الأربعاء يوليو 08, 2009 12:11 am ] |
| عنوان المشاركة: | سقوط المرأة في مجتمع فاسد |
يقول الدكتور خليل موسى في كتاباته عن تهاوت المرأة وسقوطها وأسباب هذا السقوط..
(( اذا سقطت المرأة فانها تسقط بسبب العوز والتشرد وقوانين المجتمع القديمة ولكنها تظل في داخلها طاهرة )) .... .... جميعنا يسمع بالمقاهي الليلية والفتيات اللواتي يبعن أرواحهن الطاهرة والمبادىء القيمة من أجل ثمن بخيث من المال .. وأسئلتي لكم هي 1- هل أنت مع قول هذا الدكتور أم لا ترى في كلامه أية حقيقة ..؟ 2- هل ترى بأن المجتمع واحتياجاته هو سببآ لهذا السقوط ..؟ 3- برأيك هل تمتلك هذه المرأة داخل طاهر لا يكتشفه الا من يعمق في دراسة حياتها الشخصية ..؟ |
|
| الكاتب: | Celina [ الأربعاء يوليو 08, 2009 12:50 am ] |
| عنوان المشاركة: | سقوط المرأة في مجتمع فاسد |
أنا برأيي مهما كانت الظروف اللي عم تحكم المرأة فما لازم تتخلى عن مبادئها ولا شي مهما كان قاسي ممكن يكون مبرر لسقوط المرأة وبالنهاية في كتيرين بيمرو بهالظروف كاختبار من الله لهيك بعود وبكرر إنو ما في مبرر للمرأة مهما كانت ظروفها مشكور
|
|
| الكاتب: | Widad [ الأربعاء يوليو 08, 2009 1:10 am ] |
| عنوان المشاركة: | سقوط المرأة في مجتمع فاسد |
اقتباس:
(( اذا سقطت المرأة فانها تسقط بسبب العوز والتشرد وقوانين المجتمع القديمة ولكنها تظل في داخلها طاهرة ))
في وجهة نظر بس مو كافي أبداً في نساء بصير ردة افعل معن عكسية كلما اشتد الفقر والعوز كلما حافظت على شرفها أكتر وإلاا راح يصير فينا متل روسيا أيام الشيوعية وتتوزع النساء على الطرقات ونقول بسبب الفقر طبعن هو ممكن يكون سبب بس عند المرأة الضعيفة بالأساس لأنو حتى الغنى ممكن يكون سبب للنساء حتى يقعوا في فخ الفاحشة يعني برجع بقول هادا شي تابع لنفسية المرأة بالأساس باستثناء حالات خاصة متل الفتيات يلي بيبعوهن أهليهن بسبب الفقر هون هي ماعاد إلها ذنب وإنما صارت ضحية المجتمع بكل معنى الكلمة أما بالنسبة لأنو قلوبن طاهرة مابعرف هلئ هيك أحيانا بفرجونا بالأفلام بس بالنهاية مافي إنسان شرير بكل معنى الكلمة إلا ما يحافظ على شي من الفطرة السليمة عنده أنس الدالي, شكرا كتير إلك في الحقيقة موضوع بيستحق النقاش
|
|
| الكاتب: | عااشق الغروب [ الأربعاء يوليو 08, 2009 1:27 am ] |
| عنوان المشاركة: | سقوط المرأة في مجتمع فاسد |
اول شي بحب قدملك شكر انس الدالي على موضوعك وبالفعل موضوع بيستاهل النقاش 1- هل أنت مع قول هذا الدكتور أم لا ترى في كلامه أية حقيقة ..؟ صديقي العزيز انا مو مع رأي هالدكتور لان المرأة بعد ماتسقط بالفساد اكيد مارح يتبقى عندها اي ضوابط اخلاقية تمنعها عن فعل اي شي مخل للقوانين والعادات الاخلاقية 2- هل ترى بأن المجتمع واحتياجاته هو سببآ لهذا السقوط ..؟ كمان انا مو مع هالرأي لان لو احتياجات المجتمع ومتطلاتو بدها تودي للفساد كنا شفنا نسة كبيرة من نساء مجتمعنا نخرطوا بواقع الفساد الاخلاقي 3- برأيك هل تمتلك هذه المرأة داخل طاهر لا يكتشفه الا من يعمق في دراسة حياتها الشخصية ..؟ هلء احتمال يكون عندها داخل طاهر بس اكيد ماحدا رح يكتشفو لان ماحدا بيقدم على دراسة هيك مرأة الا اللي متلها ومتل ما بيقول المتل(ان الطيور على اشكالها تقع) بس السبب اللي انا رجحو لفساد المرأة بمجتمعنا انعدام الضوابط الاخلاقية من الاهل والفضائيات |
|
| الكاتب: | فــلـك [ الأربعاء يوليو 08, 2009 2:02 am ] |
| عنوان المشاركة: | سقوط المرأة في مجتمع فاسد |
أنس الدالي, كالعادة...مواضيعك بتلفت انتباهي.... الموضوع كتير قوي وجريء.... وبيستحق النقاش.... 
اقتباس:
1- هل أنت مع قول هذا الدكتور أم لا ترى في كلامه أية حقيقة ..؟
ضد 1000%ومافي شي من الصح او الحقيقة .... اقتباس:
2- هل ترى بأن المجتمع واحتياجاته هو سببآ لهذا السقوط ..؟
ياخ...لك مافي شي بالعالم وبالدنيا كلها بخلي البنت تصير هيك.... وين الدين وين الاخلاق.... بعدين شو هي الاحتياجات؟؟(موبايل-سيارة-لبس-.........الخ) اغلبهم هيك احتياجاتهم.... لانو لو كانت احتياجاتهم اكل او شرب... في 100 شغلة بيقدروا يعملوها غير هالشغلة لتلبي حاجاتهم... اقتباس:
3- برأيك هل تمتلك هذه المرأة داخل طاهر لا يكتشفه الا من يعمق في دراسة حياتها الشخصية ..؟
لا....مافيها شي من الطهارة...  انا كتير حازمة بهالموضوع.... اكيد بين من ردي أنس الدالي, شكرا كتير.... وعم استنى موضوعك الجديد....
|
|
| الكاتب: | أنس الدالي [ الأربعاء يوليو 08, 2009 2:16 am ] |
| عنوان المشاركة: | سقوط المرأة في مجتمع فاسد |
Celina,
اقتباس:
ما في مبرر للمرأة مهما كانت ظروفها
كلام صحيح بس ممكن تكون منسجمة بمجتمع فاسد وهو الي قادها لهالشيأشكر مرورك وتقبلي مني Widad,
اقتباس:
في وجهة نظر بس مو كافي أبداً في نساء بصير ردة افعل معن عكسية كلما اشتد الفقر والعوز كلما حافظت على شرفها أكتر
يعني فينا نعطي المجتمع نسبة ولو خمسين بالمئة من سبب سقوطهامو هيك اقتباس:
الفتيات يلي بيبعوهن أهليهن بسبب الفقر هون هي ماعاد إلها ذنب وإنما صارت ضحية المجتمع بكل معنى الكلمة
هنا لب الموضوع وهنا يكمن فساد المجتمع وهذا ما أردت التحدث والنقاش فيه
اقتباس:
هيك أحيانا بفرجونا بالأفلام بس بالنهاية مافي إنسان شرير بكل معنى الكلمة إلا ما يحافظ على شي من الفطرة السليمة عنده
بس يا ترى الي بتبيع أغلى ما تملك هل يبقى جزء من الفطرة السليمة عندها ولو كان هالجزء صغير كتيرأشكر مرورك ومناقشتك الرائعة تقبلي مني عااشق الغروب, اقتباس:
اول شي بحب قدملك شكر انس الدالي على موضوعك وبالفعل موضوع بيستاهل النقاش
تسلم هاد من زوقك يا غالياقتباس:
كمان انا مو مع هالرأي لان لو احتياجات المجتمع ومتطلاتو بدها تودي للفساد كنا شفنا نسة كبيرة من نساء مجتمعنا نخرطوا بواقع الفساد الاخلاقي
بس بالحقيقة في نسبة كبيرة جدآ من الي عم يسقطني بالهاوية ولا أحدد اللواتي بالنوادي الليلية
اقتباس:
احتمال يكون عندها داخل طاهر بس اكيد ماحدا رح يكتشفو لان ماحدا بيقدم على دراسة هيك مرأة الا اللي متلها
مو شرط وليس بالضرورةوممكن يكون متلها بس ممكن يكون سبب في بداية الطريق لهدايتها
اقتباس:
بس السبب اللي انا رجحو لفساد المرأة بمجتمعنا انعدام الضوابط الاخلاقية من الاهل والفضائيات
كأنو ارجعنا لأنو السبب المجتمع وعاداتوا بس بدون ما نشعر  أشكر مرورك ومناقشتك للموضوع يا غالي وتقبل مني |
|
| الكاتب: | أنس الدالي [ الأربعاء يوليو 08, 2009 2:31 am ] |
| عنوان المشاركة: | سقوط المرأة في مجتمع فاسد |
fofo star,
اقتباس:
كالعادة...مواضيعك بتلفت انتباهي....
تسلمي هاد من زوئك والموضوع صحيح جريء حتى اني أترددت بتنزيلوا
الموضوع كتير قوي وجريء.... وبيستحق النقاش.... اقتباس:
لك مافي شي بالعالم وبالدنيا كلها بخلي البنت تصير هيك....
صحيح بس اذا كانت وسط مجتمع فاسد مثلآ فمن الطبيعي أنو ينفرض عليها هيك شيعم تسأليني وين القيم والدين والأخلاق ما بعرف اقتباس:
بعدين شو هي الاحتياجات؟؟(موبايل-سيارة-لبس-.........الخ)
أي وليكن هنو صاروا يطلبوا هالاحتياجات من مبدأ الغيرة من الي بوسط مجتمعهناغلبهم هيك احتياجاتهم.... اقتباس:
لا....
مافيها شي من الطهارة...  يالطيف شو حاقدة عليهن حرام أطلعي للموضوع من كل جوانبوا هو أنا صحيح ضد مليون بالمية بس عم حاول لاقيلهن سبب أشكر مرورك وأشكر نقاشك لمواضيعي لأني بصراحة بحب ناقشك كتير بس ما بعرف ليش وتقبلي مني |
|
| الكاتب: | تاج [ الأربعاء يوليو 08, 2009 2:37 am ] |
| عنوان المشاركة: | سقوط المرأة في مجتمع فاسد |
هلأ أول شي وقبل مااحكي شي بدي اشكرك كتير و لازم نوه لموهبتك بطرح الأسئلة(الصعبة) لانها طريقة فريدة وبتخلي الواحد يفكر ألف مرة بالجواب بئا لازم تصير مذيع  :وبما نو الموضوع شيق كتير بدك تتحمل كركرتي مافي حل تاني   منرجع لموضوعنا : انا بؤمن بشغلة انو مافي حدن بالكون شرير صرف ..كل انسان بداخلو طفل بريء بغض النظر عن أي شي بيعملو .. بس أبدا ماني مع فكرة انو التشرد أو العوز بيأدي لسقوط المرأة خاصة والناس عامة ..لانك بتشوف نماذج كتيرة عايشة من قلة الموت بس عايشة بشرفها . السبب الرئيسي و الأشمل هو ضعف بالنفس لا اكثر ولا أقل ..وترى ممكن بحالات تسأل عنها تلاقي انها بسبب ضغط أب عواطلي مثلا متل مامنشوف بالمسلسلات بس برجع بقول لو ما البنت عندها لو واحد بالمية قابلية ماحدا بالكون فيه يجبرها عشي ..يعني نفس هالبنت لوتضغط عليها بمجال تاني (يعني تخليها تقبل بعريس معين مثلا )لتطربق الدنيا فوق راس أهلها صح ولاتؤ؟ يعني محصلحة حكيي انو ماحدا بيعمل شي مامقتنع فيه ولو تصنعو انو مغلوب عأمرهم  بالنسبة لسؤالك الأخير فأنا برجع بقول انو أكيد رح يكون بداخلها انسان طاهر لو كان الظاهر متلطخ بالسواد بس مابظن انو حدن بمجتمعنا يتجرىء يسلم عليهم أول لحتى يجي يسأل عن حياتهم الشخصية ..طبعا بحكم نظرتنا للظاهر فقط . بتمنى ماكون كركرت كتير .. بانتظار ابداع اخر
|
|
| الكاتب: | خالد الهبل [ الأربعاء يوليو 08, 2009 2:51 am ] |
| عنوان المشاركة: | سقوط المرأة في مجتمع فاسد |
أنس الدالي, بعد شكري غلك أخ أنس على هالموضوع اللي عامل كارثة بمجتمعاتنا بدي احكي بس كلمتين تلخص رأيي بهالموضوع... برأيي يا أخي أنو ما في اي مبرر بالدنيا كلها ممكن يسمح للبنت أنها تنخرط بهاي الفئة من المجتمع وهل صحيح هيي فئة موجودة وعم تزيد للأسف بس من واجب المجتمع أنو يحاربها لا الفقر ولا الحاجة ولا المجتمع ولا الأهل ولا أي سبب بالدنيا ممكن يبرر هالشي واللي تنخرط بهالفئة يمكن كان عندها داخل شريف طاهر أو تكون زمان كانت انسانة عفيفة وشريفة بس هلأ بعد ما صارت....... أكيد ما فيها جنس الشرف أو الاخلاق أو العفة ولو تظاهرت بهالشي الله يسلم إيديك أخ أنس والله يعطيك العافية بجد موضوع حلو ومهم
|
|
| الكاتب: | Hidding Rose [ الأربعاء يوليو 08, 2009 3:54 am ] |
| عنوان المشاركة: | سقوط المرأة في مجتمع فاسد |
أنس الدالي, ياأخي راااااااااااااائع ومواضيعك حساسيتا عالية يعني حساسة بتعرف عنوان موضوعك بشو زكرني ... برواية مرت معنا بالسنة التالتة اسمها "مول فلاندرز" اقتباس:
(( اذا سقطت المرأة فانها تسقط بسبب العوز والتشرد وقوانين المجتمع القديمة ولكنها تظل في داخلها طاهرة ))
مممم ممكن نادرا  ......... وبعد شوي رح قلك ليش قلت "ممكن " اول شي بمجتمعاتنا مابظن انو في مبررر ابدا ابدا لأي بنت انها تتصرف هيك او تبيع كرامتا وشرفا لأي سبب كان لا فقر و تشرد ولاااااااااا شي من هالحكي الفاضي بصراحة انا ما بظن انو في هيك دوافع بمجتمعنا تخلي البنت تتاجر بجسدها لانو الناس الفقرا بدن يعيشوا حياة كريمة ومن ورا اي عمل شريف بسيط ... بس ممكن البنت المنحرفة تعمل الفقر والحاجة ذريعة لعملتا اما انو تعمل البنت هيك بسبب احتياجات المجتمع ... فهي انسانة لا تبت للطهارة ولا للعفة بصلة اقتباس:
3- برأيك هل تمتلك هذه المرأة داخل طاهر لا يكتشفه الا من يعمق في دراسة حياتها الشخصية ..؟
جواب هاد السؤال رح تشمل تفسيري لكلمة "ممكن اللي استخدمتا ببداية ردي. لما قلت ممكن كنت عم فكر بوضع البنات ببعض الدول متل اندونيسيا ...عم فكر ببرنامج مرة شفتو عالجزيرة كان عم يعرض وضع البنات باندونيسيا .... عن جد شي مأساوي ... هدول البنات فيني قول انو الفقر هوي سبب فسادن و عن جد فين شي طاهر من جوا ... فين براءة  يمكن لانو كشفوا عن حياتن الشخصية وبعض تفاصيلا قدرنا نشوف الطهارة ورفضن لوضعنالبنت من وهي زغيري (طفلة) ابوها بسبب الفقر ببيعها لرجل غني او لشي ملهى ليلي ..وبس تكبر شوي بتحس البنت بالمأساة اللي هيي فيها ... بهاد البرنامج كانوا البنات اغلبن عم يبكوا على وضعن ..بدن اي شي يخلصن من اللي هنن فيه ...عن جد في براءة جواتن وهدول فينا نقول انو المجتمع والفقر و و و خلاهن يصيروا هيك  البنت هون ماهيي اللي اختارت السقوط بهالشي لاء .. المجتمع و الظروف اللي اسقطوها وفي نموذج تاني كمان ... السرلانكيات او الاندونيسيات بتلاقي الزوج قاعد بالبيت لاشغلة ولا عملة وهيي لازم تجبلوا مصاري  حتى لما تكون عند اهلها نفس الشي حاسة النقاش ما بيخلص بهيك موضوع يسلموووووووو مسيو انس
|
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|