آرتين لتعليم اللغات :: *** الموضة ***

آرتين لتعليم اللغات https://forum.art-en.com/

* الموضة * https://forum.art-en.com/viewtopic.php?t=17370	صفحة 1 من 2

الكاتب:	سيرين [ الثلاثاء يوليو 07, 2009 12:13 am ]
عنوان المشاركة:	* الموضة *
" الموضة " كلمة أصبحت تتناقلها الألسن في شتى المواقف و المناسبات , حتى أصبحت العنوان البارز لأغلب الجلسات على اختلاف المواضيغ و حتى الأعمار ... فأصبح الطعام على " الوضة " و طريقة اللباس على " الموضة " و قصة الشعر و ..........إلخ كلها تندرج تحت عنوان واحد هو " الموضة " و المثير هنا أننا أصبحنا نرى الكثير الكثير من عشاق " الموضة " في وقتنا الراهن , و المثير أكتر هو " التقليد الأعمى " لهذه الموضة .. هل تناسبني هذه الموضة ؟؟ هل تنسجم مع البيئة التي أعيش فيها ؟؟ هل اتباعي لهذه الموضة قد يؤثر علي سلباً؟؟ أسئلة غابت عن ذهن شريحة لا بأس بها من الناس ممن أصبح لديهم هاجس اسمه " الوضة"" أنتم : 1-كيف تنظرون للموضة ؟؟ 2-هل أنتم مع أم ضد الموضة ؟؟ 3-و ما هي مرتبة " الموضة " في اهتماماتكم ؟؟ 4-و هل كل موضة هي موضة و تستحق منا أن نتبعها ؟؟ بانتظار مشاركاتكم و آرائكم .. *************

الكاتب:	Hiba.Sh [ الثلاثاء يوليو 07, 2009 12:41 am ]
عنوان المشاركة:	* الموضة *
سيرين, بحييكي من كل قلبي على هالفكره الجديدة و الممتعة و إلي كمان الحكي بكون شيق فيها جدا.. الموضه ما في حدا ما بيحكي عنها و الصغار قبل الكبار.. كلمه بتسحر عقول كتير عالم بغض النظر صح أم خطأ و للأسف المهم إنها موضه و بس.. انا كبنت كتير بتهمني الموضه و كتير بهتم لأمورها بس على شرط إنها تكون بتناسبني.. و ما بصير كل شي موضه إنو نعملو لإنو مو كل شي بيلبقلنا.. اقتباس: فأصبح الطعام على " الوضة " و طريقة اللباس على " الموضة " و قصة الشعر و ..........إلخ كلها تندرج تحت عنوان واحد هو " الموضة " فعلا معك حق كل شي صار عند العالم موضه و أنا متأكده إنو بنسبة 90% تقليد مو أكتر يعني شي فنانه عالميه لبست هيك فالكل بقوم يلبس متلها و بدون مراعاة للعمر أو الحجم أو البيئة الإجتماعيه أو الثقافه أو أي شي تاني.. و هادا الشي سلوك خاطئ لإنو بس بنقلد بالشكل بغض النظر ملائم أو مو ملائم كمان متل ما ذكرتي بالأكل .. لو شي حدا مشهور و أكل أكله بتلاقيها انتشرت عند كتير عالم و بقولولك هاي أكلت الموسم لإنو فلان الفلاني أكل منها و مو شرط تكون طيبه و لا لأ.. و قصة الشعر و إلي بينعمل بالشعر من ألوان كلو بحب يعمل وبوقلك موضه يعني شي وحده كبيره بالعمر بتعمل شعرها أشقر أو خصلات ملونه أو ما بعرف شو بتنفخ بحالها كرمااااااال الموضه و ما بتفكر بعقلها أبدا إنو ممكن يلبقلها أو لأ .. بيلبق لسنها لوضعها الإجتماعي لحياتها كل هالشغلات بتلغيها.. و في بنات صبايا مهووسييين كتير بالموضه و شو ما نزل بحبو يجربوه و يعملوه و هادا كلو من باب التقليد.. أنا بوجهة نظري كل شي بالعقل و بطريقة التفكير إنو بيلبق و لا لأ هون بكون أحلى .. بعدين ممكن إحنا إلي نبتكر الموضه يعني مو شرط أساسي نشوف حدا و نعمل متلو و بس.. اقتباس: كيف تنظرون للموضة ؟؟ الموضه شي حلو و عالم آفاقو كبيره بس مو دايما بتكون حلوه و بتعكس شخصيتنا الحقيقية.. الموضه يعني كل شي حلو بيلبق لسني و لوضعي الإجتماعي و لتربايتي و لحياتي.. اقتباس: هل أنتم مع أم ضد الموضة ؟؟ إذا بتناسبني مع إذا ما بتناسبني ضد.. اقتباس: 3-و ما هي مرتبة " الموضة " في اهتماماتكم ؟؟ انا الموضه بتهمني .. و كتير بحب كون عالموضه بس حسب إلي بناسبني.. اقتباس: -و هل كل موضة هي موضة و تستحق منا أن نتبعها ؟؟ لأ.. و مو ضروري كل شي جديد بكون حلو بضلها القصة شغلة أذوااق بتختلف من شخص لآخر... سيرين,شكرا كتير عالموضوع..

الكاتب:	فــلـك [ الثلاثاء يوليو 07, 2009 2:52 pm ]
عنوان المشاركة:	* الموضة *
سيرين, موضوع كتير جميل وجدير بالنقاش والاهتمام... وبتمنى تتقبلي مروري... اقتباس: 1-كيف تنظرون للموضة ؟؟ مجال واسع...واحيانا بوجع الراس... يعني التقيد الزايد فيها مو حلو ابدا... كتير احيانا بيدرج شغلات....وبتكون مو حلوة ومع هيك منلاقي الكل مطبقها... (تقليد اعمى) عفكرة.... هلأدارج الكارو ورح تلاقو نص البنات لابسين كارو اقتباس: 2-هل أنتم مع أم ضد الموضة ؟؟ مع الموضة الي بشوفها حلوة و الي بتتناسب معي كبنت متحجبة....محترمة حالها...ومحترمة دينها.... اقتباس: 3-و ما هي مرتبة " الموضة " في اهتماماتكم ؟؟ والله مابظن انو الها مرتبة بحياتي.... اكيد الموضة شي حلو.... بس انا بنت مع الاناقة... وكتير بهتم بأناقتي.... بس اناقتي ما بتجي بتطبيق الموضة فقط.... بتبع زوقي... اقتباس: 4-و هل كل موضة هي موضة و تستحق منا أن نتبعها ؟؟ طبعا لاء بالنسبة لالي بتبع الشي الي بقتنع فيه وبيعجبني..... سيرين, ومبروك الاشراف...

الكاتب:	Celina [ الأربعاء يوليو 08, 2009 1:01 am ]
عنوان المشاركة:	* الموضة *
اقتباس: -كيف تنظرون للموضة ؟؟ الموضة حلوة بس المفروض يكون إلها حدود اقتباس: -هل أنتم مع أم ضد الموضة ؟؟ لا مع ولاضد لازم تكون مناسبة اقتباس: 3-و ما هي مرتبة " الموضة " في اهتماماتكم ؟؟ ماني مهووسة بالموضة يعني الشي منو وفيه اقتباس: 4-و هل كل موضة هي موضة و تستحق منا أن نتبعها ؟؟ أكيد لا في موضة فاحشة ومو مناسبة بنوب هي ببعد عنها بس دائما في عالم بتلاحق الموضة بشكل أعمى

الكاتب:	BRADYMOODY [ الأربعاء يوليو 08, 2009 2:13 am ]
عنوان المشاركة:	* الموضة *
وين الموضة ؟؟؟؟؟؟؟

الكاتب:	خالد الهبل [ الأربعاء يوليو 08, 2009 2:34 am ]
عنوان المشاركة:	* الموضة *
هلأ أنا برأيي ما لازم يكون في شي أسمو موضة والجدير بالتفكير هوي الذوق مو ضروري أني كون ملتزم ومتابع للموضة وكل شي نزل بالسوق جديد لازم ألبس متلو أو أطبقو على حالي متل قصة الشعر ونوع البنطلون ومن هالحكي.. المهم والضروري أني كون أنيق ومحترم بشكل بحافظ فيه على عاداتنا وتقاليدنا المحافظة كمجتمع عربي شرقي سيرين, سيرين موضوع كتير مهم أننا نتناقش فيه لأنو عنجد غزتنا الموضة بشكل رهيب الله يعطيكي العافية أختي على هالكلام الحلو هاد... اقتباس: هلأدارج الكارو ورح تلاقو نص البنات لابسين كارو عندي سؤال بس لا تتضحكو!!!!! هلأ الكارو مو قصة شعر؟؟؟؟؟ يسلمو كتير عن جديد

الكاتب:	تاج [ الأربعاء يوليو 08, 2009 2:54 am ]
عنوان المشاركة:	* الموضة *
خالد الهبل, اسفة ضحكت شوي ..قصدك كاريه (هي للشعر) الكارو وبلهجة أخرى كاروهات (هي للتياب) طبعا اخي لاتاخذني عم امزح بالنسبة للضحك اقتباس: 1-كيف تنظرون للموضة ؟؟ 2-هل أنتم مع أم ضد الموضة ؟؟ 3-و ما هي مرتبة " الموضة " في اهتماماتكم ؟؟ 4-و هل كل موضة هي موضة و تستحق منا أن نتبعها ؟؟ 1- شي حلو اتباعو بس بما يليق بشكل الانسان و باعتدال دون اسراف. 2- مع 100% لانو الانطباع الأول يدوم صحي الشغلة موبس بالتياب بس ماحدا فيه ينكر انو أول شي يلفت الشكل الخارجي وبعدها التصرفات اللي عأساسها يا بينحكم عالشخص. 3- يعني ماني شاغلة نفسي فيها . 4-طبعا لاء في موضات لاتناسب مجتمعنا و ممكن تكون غير لائقة عشكل الجسم متل هيك موضات شي بشع انو الواحد يحرص عاتباعها لاتها ماحتزيد جمال بالعكس حتنقصو.. مشكورة

الكاتب:	أنس الدالي [ الأربعاء يوليو 08, 2009 5:28 am ]
عنوان المشاركة:	* الموضة *
سيرين, اقتباس: 1-كيف تنظرون للموضة ؟؟ بشكل طبيعي يعني الي بناسبني باخدو منها والي ما بناسبني وبناسب شخصيتي ما باخدو بس أكيد الي ما بناسبني رح يناسب غيري اقتباس: 2-هل أنتم مع أم ضد الموضة ؟؟ هلق الموضة تعني التجديد وبالتالي شي حلو ولذلك أنا مع بس مو مع كل الموضة يعني تقليد أعمى اقتباس: 3-و ما هي مرتبة " الموضة " في اهتماماتكم ؟؟ مالها أي ترتيب عادي جدآ اقتباس: -و هل كل موضة هي موضة و تستحق منا أن نتبعها ؟؟ طبعآ لا يعني مو بالضرورة يكون تقليد أعمى وانما الشغلة بتتبع للزوق ميرسي على هالموضوع وبانتظار جديدك

الكاتب:	سيرين [ الأربعاء يوليو 08, 2009 12:01 pm ]
عنوان المشاركة:	* الموضة *
Hiba.Sh أول شي شكراً كتير ألك هبة . تاني شي ... أنا يلي بدي حييكي على هيك إجابات رائعة لأنك عطيتي الموضوع حقو و وقفتي عند نقاط كتير حلوة و مهمة كمان ... باختصار مميزة يا هبة. " بوجهة نظري كل شي بالعقل و بطريقة التفكير إنو بيلبق و لا لأ هون بكون أحلى .. بعدين ممكن إحنا إلي نبتكر الموضه يعني مو شرط أساسي نشوف حدا و نعمل متلو و بس.." "الموضه شي حلو و عالم آفاقو كبيره بس مو دايما بتكون حلوه و بتعكس شخصيتنا الحقيقية.. الموضه يعني كل شي حلو بيلبق لسني و لوضعي الإجتماعي و لتربايتي و لحياتي.." ما شاء الله عنك ما تركتيلي شي حتى ضيفو .. نورتي و يا هلا فيكي دائماً و شكراً على مرورك.

الكاتب:	سيرين [ الأربعاء يوليو 08, 2009 12:07 pm ]
عنوان المشاركة:	* الموضة *
fofo star "موضوع كتير جميل وجدير بالنقاش والاهتمام... وبتمنى تتقبلي مروري..." تسلمي فوفو و مرورك هو الأجمل .. "مع الموضة الي بشوفها حلوة و الي بتتناسب معي كبنت متحجبة....محترمة حالها...ومحترمة دينها" إجابة كتير حلوة فوفو .. "ومبروك الاشراف..." الله يبارك فيكي ... و شكراً على مرورك و نورتي . BRADYMOODY "وين الموضة ؟؟؟" و السؤال الصحيح برأيي هو " ما هو المكان أوالزمان الذي يخلو من الموضة؟؟؟" و شكراً على مرورك أخي الكريم. Celina ذكرتي كلمة مهمة كتير و هي " الحدود " و أكيد وقت كل شخص بياخد هاد الشي بعين الاعتبار رح يبقى محافظ على كل شي سواء كان بمظهرو الخارجي أو حتى بحياتو ككل. نورتي سيلينا و يا مية هلا . خالد الهبل "المهم والضروري أني كون أنيق ومحترم بشكل بحافظ فيه على عاداتنا وتقاليدنا المحافظة كمجتمع عربي شرقي" رأيك كتير بحترمو خالد , و طالما حكيت عن الأناقة و الاحترام فأكيد ما بغيبو عنك .. شكراً كتير لمرورك خالد و نورت .. تاج "شي حلو اتباعو بس بما يليق بشكل الانسان و باعتدال دون اسراف." اللياقة , الاعتدال , عدم الإسراف برأيي كل شخص بحب الموضة لازم يحط هالأمور التلاتي قدامو و يممشي على أساسن و أكيد وقتها بتكون الموضة موضة .. نورتي يا تاج و شكراً كتير على مرورك.. أنس الدالي "بشكل طبيعي يعني الي بناسبني باخدو منها والي ما بناسبني وبناسب شخصيتي ما باخدو" و هاد هو الكلام الصح ألي ما بيختلفو عليه اتنين . ." وانما الشغلة بتتبع للزوق" كلام سليم 100بالمية . "ميرسي على هالموضوع وبانتظار جديدك" يا مية أهلا و سهلا فيك أنس و نحنا كمان بانتظار مواضيعك المميزة. و شكراً على مرورك و نورت .

صفحة 1 من 2	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/