Brian,

للأسف مو موجودة غير Women in Love عندي هلق .. قلب الظلام عايرا لرفيقي .. بس رح قلك على تعاليق نساء في الحب ..

التعليق الأول صدمني وقتا لأنو الدكتور على أساس حذفلنا الفصل الخامس بس جاب منو تعليق و أكيد ماحدا جاوب عليه وقتا .. وهو بالصفحة 55

التعليق التاني بالصفحة 363

لو عندي قلب الظلام كنت قلتلك وين التعاليق بالظبط .. بس في واحد منن هاد الي ببلش ب "By Heavens!" هاد على بقولو مارلو لما بوصل للCentral Station دور عليه هون بتلاقيه .. بالفصل التاني يعني .. لما بكونو "الرحالة" عم ينمو و يحكو على بعض ..

بالتوفيق !

هادا الكوتشين لسا ما لقيتو

اما كوتيشن
i always went--------------by crook
هادا بتلاقيه صفحة 9 السطر العاشر
اذا كان كتابك نسخة york press
اما اذا كان كتابك قديم بتلاقيه صفحة 12 السطر 22
يا جماعة هلمادة رح تعملي انزواط بالعقل وخلل بالعيون

خاصة قلب الظلام قولكن ممكن يكرر المقاطع لي جابها

انا مارح لحق ادرس غير قلب الظلام
مع قراءة محاضرات نساء في الحب
قولكن بتكفي لانجح

LILAC, اي طبعاً بتكفي وخاصة اذا ماكان عندك وقت كافي بس لازم تركزي منيح عقلب الظلام مشان ما تفوتي بالحيط بتعرفي والله انا ما قريت السنة الماضية نساء في الحب والأحلى من هيك انو بعد ما قدمت المادة اكتشفت اني ما كان عندي الكتاب بالأصل بس الحمدلله طلعت
بالتوفيييييق

Raghad,


اي تمام اذا هيك .. لعما أنا تميت ادرس نثر شهرين بطولون و بالأخير علامتي 61 بس

أحد رفقاتي ما بيعرف شو في بالروايات اطلاقا .. و كان الصبح عم يسألني على أسماء الشخصيات .. تخيلو نجح بالمادة !!!!

اذا بستنتج انو الدكتور مزعل ما بهمو الأفكار .. تكون اللغة سليمة و بتنجحو
طبعا هادا شي لصالح الطلاب و مو لصالحون بنفس الوقت ..
لصالح هدول الي مادرسو المادة ..
و مو لصالح هدول الي متلي .. درست المادة شهرين و بالأخير علامتي بتزيد عن علامات الكل ب 5 درجات بس مو ظلم برأيكن؟؟؟؟

موفقين ان شاء الله

Ala' Al-Ibrahim
يسلمو كتير منيح دليتني عليون لانو مو ملحق شي بهالمادة
LILAC, اي ولا يهمك انا لقيتو
الصفحة 34
السطر 15
وهالحكي بنسخة الـ york press النسخة التانية ماعندي ياها
وبالتوفيق للجميع ... مع انو حاسس حالي ما رح اتوفق بهالمادة

شيت انو مافي وقت (مافي وقت) شيت انو فوت بالحيط (فتت بميت حيط) لاني عم اشهق ماعم الحق طمنتيني
والله الرويات حلوين كتير
بس المشكلة فين بلاوي افكار
انشالله ركز بالفحص ماتفوت الافكار ببعضا
شكرا الك

انا بحب تصحيح الدكتور مزعل كتير
والحمد لله ولامرة حملت مادة عندو
هي اول مرة رح قدم فيها النثر لاني كنت حاذفتا الفصل الماضي
وكتير ندماني لاني ما درستا خلال هلفصل
الله يستر من بكرة مابعرف انا مافيني قلك ظلم ولا لاء
بس يمكن يكون عندك اخطاء املائية او قواعدية وهو بيروح كتير علامات عهدول

وبتذكر مرة قلنا انو هو كتير بيدقق على لغة السنة الرابعة
ومرة رسب طالب لانو كاتب بموضوعو him بدل her
مع انو كانت افكارو صح ولغتو سليمة للولا هالخطا
وقال كان ممكن يمرقلو ياها لو انو ما كررها اكتر من مرة بالموضوع

لذلك نحن طلاب الرابعة لازم ناخد بعين الاعتبار انو خلص ماعاد في تساهل بالتصحيح
شكرا
موفقين

LILAC,



قولتك عندي أخطاء املائية مو

الحمد لله راجعت الورقة اكتر من 3 مرات .. والشي الي متأكد منو انو ماا عندي اخطاء املائية .. على كل .. مارح يحس بالظلم غير الي انظلم .. اما البقية فبيقعدو يلاقو مبررات و أخطاء للي اتعرض للظلم بالتصحيح

الله يوفقكن يا رب وان شاء الله بحن قلبو شوي على هالطلاب و تصير أعلى علامة عندو 70 بدل 65 وتكون الك كمان

يمكن عم لاقي مبررات لاني عنجد بحترم الدكتور مزعل كتير
يعني مافيني مادافع عنو
بس والله علاء عند الدكتور مزعل او غيرو
بالفحص الواحد بيكون مستعجل وممكن هوي وعم يعيد الاجوبة يمر علخطا وما ينتبه عليه جرب شي مرة كتبلك شي موضوع كاتبو بالفحص على ورقة الاسئلة اذا ضل عندك وقت بالفحص من دون ما ينتبهوا المراقبين عليك
وصححو بالبيت وشوف اذا بيطلع عندك اخطاء ولا لاء

انا دائما بعمل هيك
لذلك مابقول انو في ظلم ودائما بشك بكتابتي قبل ماشك بنزاهة الدكتور
وطبعا ما الكل في دكاترة ما فيك تحترم طريقة اعطائن لتحترم تصحيحن
وبلا ذكر امثلة وهني الحمد لله اقلية

بعدين نسيت قلك علاء
يعني دايقت اني اتهمت بالاخطاء الاملائية
بدك تقنعني انو ولا مرة تفشكلت بشي كلمة
بيجوز
والله احيانا بنسى اتفه الكلمات من اللبكة
بعدين جل من لا يخطا
مرة نسيت كيف منكتب كلمة before
واحترت اذا بدها e بالاخير ولا لاء
بدك اتفه من هيك كلمة

موفق