آرتين لتعليم اللغات :: الإفراط في تدليل الأطفال

سيرين,

موضوع مميز شكرآ لك

اقتباس:

1 * ما الذي يحمل الآباء على تدليل أطفالهم ؟؟؟

بالطبع حبهم لهم وتعلقهم بأطفالهم الزائد عن الحدود

اقتباس:

* لماذا نجعل من عاطفتنا الزائدة مصدرا لفساد أطفالنا ؟؟؟

حركة لا ارادية وفعل لا ارادي مافينا نتحكم في وبمشاعرنا

اقتباس:

* ما هي الآثار التي يمكن أن يسببها الإفراط في تدليل الأطفال ؟؟؟

في كتير أشيا وأهمها بظن هو عدم استطاعة الطفل في الاعتماد على نفسه مع تقدم عمره فهو تعلم وتعود على الاستناد على أهله ولم يتعلم الاعتماد على اللذات وبالتالي عند وقوعه بأي مشكلة سيكون عليه عبئآ كبيرآ بالتصرف

اقتباس:

* ما الأساليب المنتقاة و التي يمكن أن تسهم في تربية الأطفال تربية
سليمة اجتماعيا ؟؟؟

ما بعرف بس كأب لازم الواحد يعتمد اسلوب انو يخلي الطفل يعتمد على نفسو بكتير أشيا مع وجود العقاب ان أخطأ نفس الخطأ مرتين

اقتباس:

* هل أنتم مع أم ضد الدلال بصورة عامة ؟؟؟

مع وضد بنفس الوقت بما يعني خير الأمور الوسط بس الافراط أكيد ضد
سلمت يداكي وتقبلي مني

الكاتب:	سيرين [ الأحد يونيو 21, 2009 8:08 pm ]
عنوان المشاركة:	الإفراط في تدليل الأطفال
قالوا فيهم : " عصافير الجنة , ملائكة الأرض " . و قالوا أيضا : " فلذات أكبادنا تمشي على الأرض " . من نعم الخالق عز وجل على عباده أن مدهم بنعمة تحفظ لهم نسلهم و تحمل الناس على ذكرهم حتى بعد مماتهم . " الأطفال " قرة عين آبائهم ..... و قلبهم النابض ...... و نور عيونهم و لا نبالغ إذا قلنا بأن ذكر كلمة " أطفال " أصبح مقرونا بظاهرة متفشية نوعا ما في وقتنا الحالي و بدرجة كبيرة إن صح التقديرو هذه الظاهرة المسماة " الدلال المفرط " قد تكون السبب في جعل هذه النعمة بمثابة النقمة التي تجلب لأصحابها القلق و عدم الاستقرار . لن أتعمق كثيرا في سردي لهذا الموضوع لكي أترك الباب مفتوحا لآرائكم و وجهات نظركم علنا جميعا نصل إلى العلاج الأمثل لهذه الظاهرة . و في هذا الصدد أود طرح بعض الأسئلة ذات الصلة و هي كالتالي : 1 * ما الذي يحمل الآباء على تدليل أطفالهم ؟؟؟ 2* لماذا نجعل من عاطفتنا الزائدة مصدرا لفساد أطفالنا ؟؟؟ 3 * ما هي الآثار التي يمكن أن يسببها الإفراط في تدليل الأطفال ؟؟؟ 4* ما الأساليب المنتقاة و التي يمكن أن تسهم في تربية الأطفال تربية سليمة اجتماعيا ؟؟؟ 5 * هل أنتم مع أم ضد الدلال بصورة عامة ؟؟؟ و يبقى أن أذكر أن ثمة دراسة تؤكد أن الأطفال ربما يتأخر تطورهم ( نموهم ) إذا أفرط الآباء و المربيات في العناية بهم . * لنعمل على ألا تكون محبتنا الزائدة أو دلالنا المفرط عنوانا لفشل أبنائنا *

الكاتب:	فــلـك [ الأحد يونيو 21, 2009 11:08 pm ]
عنوان المشاركة:	الإفراط في تدليل الأطفال
سيرين, الموضوع جميل كتير ...وبتمنى تقبلي مروري... مع اني لسة طالبة جامعة وماعندي اولاد اقتباس: ما الذي يحمل الآباء على تدليل أطفالهم ؟؟؟ بظن الحب هو الي بخلي الاباء ادلل اطفالها بس كل شي الو حدود طبعا.... بس مع القنوات التلفزيونية وبرامج الاطفال والدعايااات الي مابتخلص والي عم تأثر على عقول الاطفال صارت طلبات الاطفال كتيرة وللأسف كتير من الاهالي بيسمعو لولادهم وبيشترولهم الي بدو ياه..... مو مشان شي بس لما الاب بشوف كل الاطفال عندهم لعبة ما اكيد رح يجيب لابنو من هاللعبة مشان مايصير عندو عقدة نقص...او يحس حالو اقل من رفقاتو... يعني اكيد شفتو من فترة كيف انتشرة لعبة اليويو بسبب برنامج تلفزيوني ومعد بقى ولد الا واشترى يويو....لولا العيب انا بنزل وبشتري.... اقتباس: 2* لماذا نجعل من عاطفتنا الزائدة مصدرا لفساد أطفالنا ؟؟؟ اكيد الاهل مابحسو لما بدللو اطفالهم انو عاطفتهم زيادة ...ومابيتخيلو انو هالعاطفة رح اتأثر سلبا عالاطفال.... اقتباس: 3 * ما هي الآثار التي يمكن أن يسببها الإفراط في تدليل الأطفال ؟؟؟ انا بحس انو الولد بيطلع مايع وغليظ ....وبأغلب الاحيان وقح وماعندو حدى كبير وبظن انو مابقدر يتعامل مع الحياة لما يكبر اقتباس: 4* ما الأساليب المنتقاة و التي يمكن أن تسهم في تربية الأطفال تربية سليمة اجتماعيا ؟؟؟ الاعتدال في التربية والوضوح والصراحة في التعامل معهم واهم الشي الحواااار.. يعني مانعتبرهم صغار.... نحاول نتعامل معهم على اساس انو كبار يعني اذا سأل الطفل امو شي سؤال اكبر من عمرو ماضروري تخترعلو قصص وحكايا ......او تضربو ....او تقلو انت مادخلك ...لسة صغير.... لازم تحاول تلاقي جواب على قد مستوى وقد سنو ويكون في شي من الصحة.... اقتباس: 5 * هل أنتم مع أم ضد الدلال بصورة عامة ؟؟؟ مع الاعتدال بالدلال .....انا بظن انو بالعيلة لازم يكون في حدا يشد وحدا يرخي....

الكاتب:	صمت الكلام [ الاثنين يونيو 22, 2009 12:01 am ]
عنوان المشاركة:	الإفراط في تدليل الأطفال
والله متل ما قالت الامورة فوفو الاعتدال لان الدلال بيجيب الفساد والضياع بس هاد ما معناه انو ما نهتم بالطفل ولا ندللو يعني نص نص

الكاتب:	A..R..W..A [ الاثنين يونيو 22, 2009 12:45 am ]
عنوان المشاركة:	الإفراط في تدليل الأطفال
أنا باختصار شديد أؤمن بمبدأ الثواب و العقاب في تربية الأطفال بس يعملوا شي منيح منكافئن عليه و بس يغلطوا منحاول نعاقبن بس بهدف التربية و مو بهدف الاقتصاص أو فش الخلق و بظن انو هالطريقة هيي الأنسب في التربية سيرين, شكراً على طرحك مواضيع اجتماعية و مفيدة

الكاتب:	سيرين [ الاثنين يونيو 22, 2009 11:14 pm ]
عنوان المشاركة:	الإفراط في تدليل الأطفال
fofo star يا أهلين فيكي متل ما سبق و قلت أنو ما لازم نخلي محبتنا لأطفالنا سبب لفشلن بالحياة بالعكس تماما و بحب ركز على شغلة و هي لازم نعلم الطفل أنو الأشياء أبدا ما ممكن نحصل عليها بسهولة و لازم يعرف أنو لكل شيء ثمن و مو كل شي بدو إياه ممكن يحصل عليه ... لأنو الحياة قدامو طويلة لازم يعرف كتير منيح قوانين الحياة لحتى ما يتفاجأ فيها وقت بيكبر. بدي أشكرك فوفو على مشاركتك و نور الموضوع صمت الكلام كمان لازم اهتمامنا بأطفالنا يكون مدروس كتير منيح و بدنا نركز على كلمة " اهتمام " و ليس دلال مفرط و أكيد كل الناس بيهتمو بأطفالن بس بدرجات متفاوتة و هي بتتبع طريقة و نمط حيات الأشخاص . شكرا على مرورك و يا هلا فيكي A..R..W..A أنا معك بالشي يلي ذكرتيه 100 بالمية لأنو هاد الصح و على هاد المبدأ قائمة حياتنا كلها . نورتي و يا مية أهلا و سهلا فيكي و شكرا على مرورك

آرتين لتعليم اللغات https://forum.art-en.com/

الإفراط في تدليل الأطفال https://forum.art-en.com/viewtopic.php?t=17171	صفحة 1 من 2

الكاتب:	عاشقة العربية [ الثلاثاء يونيو 23, 2009 3:21 am ]
عنوان المشاركة:	الإفراط في تدليل الأطفال
سيرين, موضوعك مميز جدا .. خصوصي انو ياما منشوف هيك اولاد وكتير بتدايق من هيك نوعية لأنو الولد المدلل بيحرج اهلو وبيحطن بمواقف مزعجة هلأ السبب الأول للدلال هو الفهم الخطأ لمفهوم الحب .. يعني خطا لو بحب ابني او اخي اسمحلو بكل شي وخليه يحكي ويخبص اللي بدو اياه لأنو هون بكون عم ضرو كمان في سبب غريب .. وهو المرض يعني بيمرض الطفل لمدة بيقومو بردو الأهل عليه لما بيبكي ولما بيطلب وطفل بهالحالة بيصير مايع وبيتعدى الحدود بس لأنو مريض .. وبس إن طاب ما عاد يقدرو يسيطرو عليه هلأ تدليل الطفل معناها المحافظة على اخلاقو وحكيو وتربايتو ترباي صح، ومعاقبتو لما بيضطر الأمر ولو بالضرب .. لأنو الضرب لازم بترباية الطفل اكيد بالإضافة للحرمان .. وهيك بكون عم دلل الطفل لحتى خليه يطلع غنسان عاقل وواعي بالمجتمع كتير احيان الدلال المفرط للطفل بيأدي لمشاكل كبيرة .. يعني تسلط الطفل ع اللي حواليه، من ناحية التصرفات او حتى الحكي عدم إحساسو بالمسؤولية وإحراجو لأهلو قدام الناس، وبيقدو الأهل قيمتن قدام اللي حاوليهن بسبب هالدلال .. وأكيد ما منحرم الطفل من لعبة او حضن دافي او حتى بوسة .. بس كلو بوقتو حلو وانا مع أروى بموضوع الثواب والعقاب وقد ما كان الطفل وحيد ومدلل وووو فهاد ما بيعني أفسدلو تربايتو .. يعني لما بيقول الأب كلمة بحق الولد .. الأم بتوافقو عليا لحتى ما يتعلم الطفل العناد ويعرف انو هو غلطان وما في يا امي ارحمني بعرف فصلت شوي .. بس لأنو هالموضوع فعلا بيزعجني وبتدايق منو لشوف بكرا كيف بدي ربي اولادي سيرين,

الكاتب:	alayham [ الثلاثاء يونيو 23, 2009 4:32 am ]
عنوان المشاركة:	الإفراط في تدليل الأطفال
اقتباس: هل أنتم مع أم ضد الدلال بصورة عامة خد وعين او التواب والعقاب

الكاتب:	سيرين [ الثلاثاء يونيو 23, 2009 11:50 pm ]
عنوان المشاركة:	الإفراط في تدليل الأطفال
أكيد كل الأهل بحبو أولادن , و بحبو يشوفون أحسن من كل الناس و ناجحين بحياتن و على جميع الأصعدة . يعني وقت الأهل بيلجؤوا لسياسة الحرمان و يمكن حتى الضرب هاد مو معناه أنن ما بحبو أولادن بالعكس تماما .. لأنو أنا وقت بحب ابني هاد معناه أني فهمو كيف يكون على مستوى هالمحبة يعني ما لازم ارخيلو الحبل على الآخر لحتى عبرلو عن محبتي ألو و أكيد بس يكبر الطفل رح يعرف و يفهم الأسلوب الصح ألي رح يكون دليلو بالمستقبل وقت هوي بدورو بصير أب . شكرا كتير ألك هدى على حضورك المميز و تفصيلك كان بمكانو و متل ما هاد الشي بيزعجك أكيد بيزعج ناس غيرك كتير .. و الانسان وقت بشوف شي غلط و مو بمكانو أكيد رح يحاول جهدو أنو يتخطاه مستقبلا وقت بلاقي حالو بنفس الموقف .. و متل مو الحياة مدرسة , خلونا نكون نحنا الطلاب و المدرسين فيها بنفس الوقت , نتعلم و نعلم . مرة تاني شكرا و نورتي الأيهم تعودنا عليك و على مواضيعك بعد كل مادة .... بدي قلك مشكور على مرورك و أهلا و سهلا فيك دائما .

الكاتب:	Hiba.Sh [ الاثنين يونيو 29, 2009 4:20 pm ]
عنوان المشاركة:	الإفراط في تدليل الأطفال
سيرين, لي عوده عزيزتي أشكرك على طرحك المميز.. مثبت..

الكاتب:	أنس الدالي [ الثلاثاء يونيو 30, 2009 12:30 am ]
عنوان المشاركة:	الإفراط في تدليل الأطفال
سيرين, موضوع مميز شكرآ لك اقتباس: 1 * ما الذي يحمل الآباء على تدليل أطفالهم ؟؟؟ بالطبع حبهم لهم وتعلقهم بأطفالهم الزائد عن الحدود اقتباس: * لماذا نجعل من عاطفتنا الزائدة مصدرا لفساد أطفالنا ؟؟؟ حركة لا ارادية وفعل لا ارادي مافينا نتحكم في وبمشاعرنا اقتباس: * ما هي الآثار التي يمكن أن يسببها الإفراط في تدليل الأطفال ؟؟؟ في كتير أشيا وأهمها بظن هو عدم استطاعة الطفل في الاعتماد على نفسه مع تقدم عمره فهو تعلم وتعود على الاستناد على أهله ولم يتعلم الاعتماد على اللذات وبالتالي عند وقوعه بأي مشكلة سيكون عليه عبئآ كبيرآ بالتصرف اقتباس: * ما الأساليب المنتقاة و التي يمكن أن تسهم في تربية الأطفال تربية سليمة اجتماعيا ؟؟؟ ما بعرف بس كأب لازم الواحد يعتمد اسلوب انو يخلي الطفل يعتمد على نفسو بكتير أشيا مع وجود العقاب ان أخطأ نفس الخطأ مرتين اقتباس: * هل أنتم مع أم ضد الدلال بصورة عامة ؟؟؟ مع وضد بنفس الوقت بما يعني خير الأمور الوسط بس الافراط أكيد ضد سلمت يداكي وتقبلي مني

صفحة 1 من 2	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/