الفحوصات الطبية ماقبل الزواج....

فــلـك · **مرسل:** الأربعاء يوليو 22, 2009 12:06 am

هالموضوع كتير ترددت قبل ما نزلو....
بس اخر شي تشجعت....
انا بشوف انو كتير مهم... وخصوصا بهالايام

الفحوصات الطبية ماقبل الزواج

اقامة الفحص الطبي ماقبل الزواج بساهم مساهمة فعالة بتأمين صحة وسلامة الاسرة
ومع هيك...نسبة الناس الي بقومو بهي الخطوة كتير قليلة....
وكتير قليل انو نشوف تنين متفاهين ورايحين يعملو فحص طبي قبل الزواج...
احيانا الشب بيرفض.....
واحيانا البنت بترفض....
واحيانا بصير مشاكل وفسخ خطوبة في حال طلب احد الاطراف هالطلب....

ما هو الفحص قبل الزواج؟

1- تحليل فصيلة الدم

2- الكشف عن التهاب الكبد الوبائي و الإيدز (الله ينجينا وينجيكم منو و يجي أمة محمد صلى الله عليه وسلم)

3- تحليل الهرمونات

4- عمل أشعة للصدر

5- الكشف الطبي العام

6- تحليل العامل الريزسي

1-مارأيكم بهذه الخطوة؟؟وهل انتم مع او ضد ؟؟
2-اذا كنتم مع....وطلبتم من الطرف الاخر اجارء فحوصات....وتم الرفض....ماذا ستفعل؟؟؟

بتمنى كون عم فيدكم بهالمعلومات...
وبتمنى كمان تشاركوني برأيكم وتنفيدوني

فــلـك · **مرسل:** الأربعاء يوليو 22, 2009 12:16 am

اقتباس:

1-مارأيكم بهذه الخطوة؟؟وهل انتم مع او ضد ؟؟

انا مع هي الخطوة و100% وخصوصا بعد هالامراض الكتيرة الي عم نسمع فيها هي اولا....
وتانيا كتير احيانا منسمع انو تنين تزوجو وماجابو ولاد لانو زمر دمهم مو متطابقة....
يعني لو عاملين فحص ماكان صار هالشي...
اكيد بالاخر هاد قضاء وقدر...
بس اعقل وتوكل....
وتالتا في امراض وراثية عم تنتقل للاطفال.....
في حال تم الفحص رح نتجنب كل هاد

اقتباس:

2-اذا كنتم مع....وطلبتم من الطرف الاخر اجارء فحوصات....وتم الرفض....ماذا ستفعل؟؟؟

انشاء الله رح ابقى عند موقفي.....
واذا تم الرفض انا مستعدة للانفصال....

بانة · **مرسل:** الأربعاء يوليو 22, 2009 1:59 am

بالفعل موضوع حلو وجدير بالنقاش , وكالعادة تغني بمواضيعك " ساحة حوار "

اقتباس:

1-مارأيكم بهذه الخطوة؟؟وهل انتم مع او ضد ؟؟

ما بخفيكي صراحة إني لقبل ما إقرأ الفحوصات المطلوبة حسب ما إنتي كاتبتيها بالموضوع كنت ضد الفحص والكشف ...كانت عندي الفكرة شبه معتمة كونه فيها روحة على أطباء ومشافي وتحاليل وكل هي الأمور إلها رهبة ...
بس حابة إشرح شو هو " العامل الريزوسي " لأني متأكدة إنه يمكن في نسبة منيحة ما بتعرف شو هو العامل الرايزوسي هو :
عدم توافق الدم بين الأم الحامل والجنين .
ويعد من أسباب حدوث الإعاقة العقلية ،الدراسات على أن 86 % من البشر يحتوي دمهم على هذا المكون ويرمز إليه + RH و 14 % لايحتوي دمهم هذا المكون ويرمز له – RH ، فإذا حدث مصادفة أن تزوج رجل يمتلك هذا المكون بامرأة لاتمتلك هذا المكون في دمها، وأخذ الطفل دم أبيه لأنه سائد ، يقوم دم الأم حينئذ بإنتاج أجسام مضادة تنتقل إلى إلى دم الطفل ، وإذا حدث ذلك فإن كريات الدم الحمراء تتلف لدى الطفل وينتج عن ذلك فقر دم واصفرار وتلف دماغي وغير ذلك .

اقتباس:

-اذا كنتم مع....وطلبتم من الطرف الاخر اجارء فحوصات....وتم الرفض....ماذا ستفعل؟؟؟

ما رح أعمل شي أبدا ...

Python · **مرسل:** الأربعاء يوليو 22, 2009 2:24 am

fofo star,
والله موضوع أكتر من مهم
بس بسبب الجهل ما حدا بيعملوا
وبالأخص في حالة الزواج بين الأقارب (( الأمراض الوراثية بتكون اكثر عرضة للظهور ))

اقتباس:

2-اذا كنتم مع....وطلبتم من الطرف الاخر اجارء فحوصات....وتم الرفض....ماذا ستفعل؟؟؟

بقتلها... بشحطها... شحط

بمصع رقبتها
شو ترفض ما ترفض

Safwat · **مرسل:** الأربعاء يوليو 22, 2009 10:35 am

fofo star,
انتي يا صايرة بخيلة يا كسلانة ......انا بتمنى كل يوم اقرا مواضيعك الحوارية اللي احلى من برامج الTvو الراديو

هالمضوع كتير مهم و حلو
[quote]
مارأيكم بهذه الخطوة؟؟وهل انتم مع او ضد ؟؟
[/quote]

عم اطلع ع كلمة انتم .......براوفو انك عم تسألي الجنسين
اذا انا و الطرف التاني موافقة .منعمل........مع
[quote]
2-اذا كنتم مع....وطلبتم من الطرف الاخر اجارء فحوصات....وتم الرفض....ماذا ستفعل؟؟؟
[/quote]
هلق هي تياسير من الله .......و ادة المخطوبين بحسوا عبعض من الشغلات المنيحة او لاء .....متل التلبك المعوي من شي اكلة ..الحساية من السكر الزايد او.....او..........
[quote]
انشاء الله رح ابقى عند موقفي.....
واذا تم الرفض انا مستعدة للانفصال....
[/quote]
ممكن تنفصلي اذا ما بتحبي .انا اذا حبيت ما بنفصل .....لان شو ما كان المرض الحمد لله في انظمة و ادوية .....
من ناحيتي ..ما بنفصل اذا حبيتا

أنس الدالي · **اشترك في:** السبت مارس 22, 2008 5:47 am

fofo star,

بالبداية بحب أشكرك على هالموضوع الرائع والهداف بشكل كبير سلمت يداكي
وهلق منجاوب على أسئلتك ...

اقتباس:

-مارأيكم بهذه الخطوة؟؟وهل انتم مع او ضد ؟؟

طبعآ أنا مع هالخطوة مية بالمية ولازم كل اتنين قبل الزواج يقوموا فيها
لأنو بالنهاية هالخطوة مجرد انها تؤمن الطمأنينة وراحة البال وتذهب الشك والخوف
من المستقبل وان كان هناك أي مرض له حل عن طريق الأدوية والطب فما ستقوم به التحاليل يكشف هذا ويهيأ الشخصين لهذا الأمر قبل وقوع المصيبة

اقتباس:

اذا كنتم مع....وطلبتم من الطرف الاخر اجارء فحوصات....وتم الرفض....ماذا ستفعل؟؟؟

هلأ حسب نوع الرفض أو مصدروا أو سببوا فاذا كان الرفض مجرد الخوف من هيك أشيا ودخول المشافي فممكن الواحد يتقبل الفكرة ويحاول يحلها
أما اذا كان في شك من قبل الطرف الآخر بكون هون الانفصال هو أفضل الحلول ولازم يكون أسرعها
تقبلي مروري وتقبلي مني

سيرين · **مرسل:** الأربعاء يوليو 22, 2009 7:14 pm

fofo star,

موضوع يجسد المثل القائل " قبل أن تقع الفأس بالرأس " خير تجسيد .

لا أحد ينكر أن مثل هذه الفحوصات قد أصبحت ضرورة ملحة في أيامنا أكثر مما مضى و هذا مرده إلى تغير الزمان الذي ترافق مع انتشار كم هائل من الأمراض و معظمها أمراض معدية مع الأسف .

من الملاحظ رفض الأغلبية لإجراء التحاليل اللازمة قبل الزواج , و حجة البعض في ذلك هي أن إجراء هذه التحاليل يتعارض مع العادات و التقاليد المتبعة ضمن العائلة , طبعاً هذا كلام يتعارض مع الفكر السليم و الناضج و لا سيما في وقتنا هذا .

و هنا أريد أن أذكر أن أخطر الأمراض التي يجب تجنبها في الفحص المبكر هي الأمراض المنقولة مثل : الإيدز , و الزهري , و السيلان , و الأمراض الوراثية مثل : فقر الدم , و التلاسيميا , و مرض نقص الخميرة , و العمى .

و يجدر الإشارة إلى أنه رغم الأهمية الكبيرة لإجراء تلك الفحوصات إلا أنها و مع الأسف الشديد غير الزامية , و لا يوجد قانون يشترط على الراغبين بالزواجإجراء كشف طبي إلزامي للتأكد من سلامة الزوجين من أية أمراض قد تسبب لأطفالهما تشوهاً خلقياً أو مرضاً عضوياً . و لهذا مازال التقرير الطبي الذي يعتبر حلقة ضمن سلسلة الإجراءات المسبقة لعقد القران ليس أكثر من إجراء شكلي لا يتم التقيد به .

الفحوصات الطبية قبل الزواج = عائلة سعيدة + أولاد أصحاء

مشكورة كتير فوفو على الطرح المهم

و الموضوع مثبت

فــلـك · **مرسل:** الأربعاء يوليو 22, 2009 10:59 pm

بانة,
شكرا كتير لمرورك بانة وبتمنى تشاركيني دايما بردودك.....

وشكرا كتير عالمعلومة اللي ضفتيها واللي انا كنت منقصتها....
بس نحنا هون لنكمل بعض....

Python,

اقتباس:

بقتلها... بشحطها... شحط بمصع رقبتها
شو ترفض ما ترفض

يا امي....شو هاد

الله يعينها

شكرا كتير لمرورك اللطيف وبتمنى تشاركني دايما....
Safwat,

اقتباس:

انتي يا صايرة بخيلة يا كسلانة ......انا بتمنى كل يوم اقرا مواضيعك الحوارية اللي احلى من برامج الTvو الراديو

شايف انت....بس انت اكيد كنت شايف وضع ارتين وكيف كان......
الله وكيل جنني

عن جد كلك زوق خجلتني والله....

اقتباس:

ممكن تنفصلي اذا ما بتحبي .اما اذا حبيت ما بنفصل .....لان شو ما كان المرض الحمد لله في انظمة و ادوية .....

يمكن بهي معك حق....
شكرا كتير اخي صفوة على مشاركتك الدائمة بمواضيعي....

أنس الدالي,

اقتباس:

ويهيأ الشخصين لهذا الأمر قبل وقوع المصيبة

انا هي النقطة الي بدي وصلها...
شكرا كتير لمرورك....
ناطرين موضوع جديد منك...

.

سيرين,
اهلين بمشرفتا الغالية...

عن جد فرحت بمشاركتك...
وشكرا كتير عالمعلومات الي ضفتيها والي زادت من اهمية الموضوع ومن فحواه....

اقتباس:

الفحوصات الطبية قبل الزواج = عائلة سعيدة + أولاد أصحاء

هالجملة خرج شي دعاية...

اقتباس:

و الموضوع مثبت

ميرسي...

.

A..R..W..A · **مرسل:** الخميس يوليو 23, 2009 12:22 am

الفحوصات الطبية قبل الزواج كتير ضرورية بس في مشكلة و هي انو اذا طلع أحد الطرفين مريض مرض معدي او خطير ..... يعني صحيح الأفضل المعرفة قبل الزواج بس هيك علاقة رح تتدمر أكيد .. أنا برأي متل هيك خطوة لازم يعملوا الناس بأول الخطبة و قبل ما يتعلق الطرفين ببعضن و يقرب موعد الزواج و إذا طلع أحدن عندو مرض صعب الأفضل الانفصال....
مشكورة فوفو ستر على مواضيعك اللي نورت منتدانا

فــلـك · **مرسل:** الخميس يوليو 23, 2009 9:56 pm

A..R..W..A,
شكرا كتير على مرورك اروى....
وبتمنى تشاركيني بردودك دايما....

اقتباس:

أنا برأي متل هيك خطوة لازم يعملوا الناس بأول الخطبة و قبل ما يتعلق الطرفين ببعضن و يقرب موعد الزواج و إذا طلع أحدن عندو مرض صعب الأفضل الانفصال....

كلام سليم 100%

LATEST_POSTS

قوانين المنتدى

الفحوصات الطبية ماقبل الزواج....

الموجودون الآن