أحيانا بصير معي هيك لما بكون مقدم مادة مو منيح فيها او الاسئلة كانت صعبة
او هيك شي
لا هيك كتير
الحمد لله ما مريت بهيك حالة ابدا
ومن يتق الله يجعل مخرجا ويرزقه من حيث لا يحتسب كلامك درر والله وفعلا الجلوس والانتظار لا يولد الا مثله
ومن يركب البحر لا يخشى من الغرق_
والصبر مفتاح الفرج
ومن سهر اليالي نال المعالي التفاؤل اهم شيئ في هذه الحياة لكي يحمينا من ظلام اليأس الذي يرفرف في سماء حياتنا
واكيد تقسيمك للعلامة كان بمحلو
والا بذكر الله تطمئن القلوب

شكرا لك اختي الملاك على طرحك لهذا الموضوع في هذه الأيام العصيبة

شكرا وتقبلي احترامي وتقديري

الملاك, اي والله بتصير كتيير
ثـــائـــر, كلام كتير منطقي...وعلمي...
بس هالحكي بدو ارادة قوية

الموضوع كتير جميل

نعم نعم ما بحذف شي , إذا مازاد معي وقت بيبقى كل شي للإطلاع , منشان إبقى أترك مجال للتأليف أنا بضل للحظة اللي قبل ما أدخل فيها عالقاعة متفائلة كل هدول مع بعض وفوقهم أشياء تانية

أولا مشكورة عموضوعك يعني هو واضح تماما إنه من صلب الواقع , ومو بس خطرلك هالموضوع من شكاوينا نحنا الطلاب ونقنا , لأنك كنتي ويمكن مازلتي طالبة وبتعرفي بالضبط شو عم نحس وكيف منفكر

في جملة مشهورة بتقول :
" ليس أدعى إلى النجاح من الشعور بالنجاح "
لأنك وقت بتحسي إنك عملتي إنجاز , بتسعي لأعلى منه وانتي متفائلة ..

بس لما بتكوني عنجد تعبانة بالمادة وغير هيك حرق أعصاب , وبتفوتي عالمادة اللي مو دارس طالع أحسن منك "إنتي اللي درستي وممكن ترسب معك المادة " لأنه ما تعب حاله بالإضافه إلى انه الحظ حالفه بقى هون بتحبطي , وبتكرهي تمسكي شي إسمه مادة تانية وتدوري عالنجاح
أما عدا هيك وقت بكون التقصير مني فأكيد مارح أنكر وحط الحق على غيري ..

وبالنهاية مشكورين نحن كمان إننا شاركنا بموضوعك

بانة,
شو هالنفسية المتفائلة اللي رديتي فيا عالموضوع برغم أنو مافي شي سلبي أنا ذكرتو إلا بتعمليه لأ وبتزودي علين كمان

وشكراً لاقتباسك لمقولة بتأيد فكرتي....ترى أنا بحب كلمات الأذكياء اللي مروا بهالدنيا قبلي

fofo star,
أي بما أنو بتصير معك فليكي عطيناكي أول طريق الحل أنا وثائر
فبلشي

ثـــائـــر,
شكراً لكلامك اللي دعم فكرتي....بس ليش ما فهمت جملتك الأولى
عم تحكي كلام بأيدني وكاتب " بس"
عم تناقض اما عم تأيد؟

وأنت طبعاً طرحت أعظم فكرة...البرمجة الايجابية للتفكير...لأنو أفكارنا رح تتحول لأفعال...فالأفضل نحول أفكار ايجابية لأفعال ايجابية

Safwat,
آمين يارب
انشالله بتنجح وبمعدل....وبتحصل عأرقى المناصب العلمية

sleman alhasan,
واضح انك من الطلاب المجتهدين اللي بيعرفو ينظمو وقتن ودراستن
بتمنالك التوفيق من قلبي

الملاك,

تسلمي

الملاك,

موضوع حلو كتير . . وبوقتو
شو بقولو كمان
كلامك بدل عن فهم جيد للواقع .. و أكيد عن تجربة مو عن عبث
حاولت دور على شي شغلة بهالموضوع انقدا ما لقيت

بس يمكن بختلف شوي معك بالتقسم بنهاية الموضوع:
أنا ممكن قسم ال100 علامة الى :
40 علامة الصلاة والتوكل على الله (بعد عمل الي علينا)
50 علامة دراسة
5 علامات تفاؤل
5 علامات نوم ..


بالله شلون هالتقسيم هاد

مهما قلنا بتم الدراسة هي الأساس .. شو بدي استفيد من التفاؤل اذا ما كان عندي شي اكتبو بالإمتحان
و شو بدي استفيد من قرايتي اذا مافي توفيق من الله؟
النوم عادي بالنسبة الي ... كتير أيام بروح بلا ولا ساعة نوم .. و بيمشي الحال
التفاؤل كمان عادي .. يعني برأي بساعد بس بقدر 5 بس

شكرا أغين للموضوع الحلو