اليوم كانت اول مادة قدمها والحمد لله انشاء الله بتطلع
الاسئلة نوعا ما سهلة (بالنسبة الي ) بس السؤال الاخير خبصت في تا دخت اما باقي الاسئلة الحمد لله الكل طلعوا عندي صح

المهم طمنوني شلون قدمتوا؟
ملاحظة : يرجى عدم ذكر سيرة الدكتورة سلوى نهائيا ليس دفاعا بس مشان مايصير متل المادة اللي قبلها

والله الاسئلة مقبولة بس حرام ما كانت شاملة
يعني شابتر ال syntax ما عطتو حقو الدكتورة
بالنسبة للسؤالين الاخيرين يعني بعتقد صار في تخبيص
بس يعني كتبنا ماشي الحال وان شاء الله بتطلع
بس متل ماقلت الاسئلة ما كانت شاملة يعني يلكي قالتو الدكتورة بالمحاضارت
اغلبو ما اجا وان شاء الله الكل برفعو المادة وبمعدل
وموفقين ببقية المواد

alayham,
انشالله بتطلع معك ومع بقية الدفعة ياااااااااااارب
ومتلها متل الطرائق مافتت عليهن بالاصل رح خالفك لانو وقت عم نجيب سيرة هالدكتورة او اي دكتور اكيد ماحدن عم يزت بلاه ويالف من عندو واللي حكاه نوار واللي حكيتو من ارض الواقع
بس اللي عم بيصير انو هالطلاب طاير عقلهن كونو عايشين بمنية الدكتورة سلوى وغيرها لما بيقولو انو والله ليكو اللي علامتو 40 و45 نحن عطيناه علامات ودفشناه
وهيك الطالب بيقول اييييييييييه هالدكتور\ة قديشن مع الطالب وعم يساعدوه
لا ياسيدي يجيبو سؤال من الكتاب مانعرف حلو احسن مايجيبو شي من برا الكتاب ومالو جواب واحد ممكن نعتمد عليه وبعدين ننطرق منية فيه
متل ماصار بمادة النثر الدكتور مزعل بيطرق الطلاب منية هالقد قدها انو والله كلشي جايب 50 ما بيستحق النجاح وانو هو دفشو دفش لينجحها
انا ماني ضد اي دكتور\ة بشكل شخصي بس ضد هاللي عم بيصير من مساخر

ولك لبيش يازلمة ما قدمتهن والله حرام عليك ع الاقل نتتعود ع اسئلتهن

alayham,
اي ليكهن اللي درسوها ليل ونهار عم يطلعو وعم بسالن شو الوضع بلاقيهم مو راسيين عبر وعم يدعو انشالله تطلع
بعدين بيني وبينك قلت السنة الجي بتكون اتغيرت انشالله من عليهن

انشاء الله خير

بالنسبة الي كنت متأملة بسؤال الفراغات بس ما بعرف ليش هيك صار، يا أما أنا نسيت كلشي يا أما السؤال فيه نكشات كتير...
السؤال التاني كان سهل وكتبت فيه منيح. أما السؤالين الأخيرين... كانو مفاجأة بالنسبة الي, لأنو المتوقع انو الدكتورة هي تجيب أمثلة لنعلق عليها. مو شرح بدو أمثلة ما بعرف منين بدنا نجيبا... بعدين كل العالم بيحفظو شعر متل الدكتورة؟! أنا ما بحفظ شعر وحتى لو بعرف كام بيت ما تذكرت شي!!
‏ الشي يلي بيزعج أكتر شي انو علامتي ما رح تتناسب مع تعبي بدراسة هالمادة, حتى اني ماني ضامنة النجاح بس ان شاء الله بنجح فيها وبينجحو كل يلي قدموها

اجا دور الترجمة... الله يستر من شي مفاجأة صاعقة

لك اااااااااااااااااااخ يا Nastia,
بالترجمة مو بس الدكتورة سلوى الا وكمان الدكتور مزعل اللي قال انو نصو رح يكون لايستهان به ويبين انو سهل بس عمليا فيه نكشات كتير كونو مارح يترجم ترجمة حرفية وانما لازمو كتير تاويل
وانشالله بتطلع معك اللغة وغيرها

أما تقديمي لهالمادة العظيمة بقا ..

السؤال الأول ---سؤال الفراغات --- نص الفراغات عندي خطأ .. أما الأسئلة التانية فكتبت بكل الأسئلة .. لكن بالإعتماد على فهمي الخاص .. و ما بعرف اذا هي بدا فهم ولا بصم ! .. و مليت أربع صفحات كاملة دون طف سطر و بخط صغير كمان هاد بدل على غزارة معلوماتي بس طبعا كلو من عندي .. يعني قعدت اتفهمن شوي ... السؤالين الأخيرين كتبت فيهن منيح .. مع اني اتفاجأت كتير كتير لأنو كان المتوقع انو تجبلنا أسئلة تطبيقة مباشرة .. يعني كانت قايلة أثناء السنة انو 90 بالمية ما رح يتغير نموذج الأسئلة بس يبدو انو هال10 بالمية أقوى من ال90

ان شاء الله تطلع معي