آرتين لتعليم اللغات :: و يبقى للذكرى مكان ......." أنا و مذكراتي "

1_ هل للذكريات مكان في قاموس كلماتكم ؟؟؟

2_ هل أنتم مع أم ضد كتابة المذكرات ؟؟ و لماذا ؟؟؟

3_ما هو الهدف الذي من أجله قد تلجؤون لكتابة يومياتكم ؟؟؟

4_هل ثمة مواقف معينة تحرصون على كتابتها دون سواها ؟؟؟ أم أن دفاتركم مفتوحة لاستقبال حتى أبسط المواقف و التفاصيل الروتينية ؟؟؟

هاد الكلام صحيح 100 بالمية .. انتوا من خلال تجربتكم بالحياة .. لما بكون عندكم سر ما أو معلومة ما .. ما بتصيروا تبحثوا عن الشخص المناسب ليشارككم فيه؟؟ أكيد أي .. لأنو مافي حدا بيستطيع يحتفظ بشئ لنفسو .. العطاء هو سمة الحياة

الكاتب:	سيرين [ الاثنين يونيو 15, 2009 10:11 pm ]
عنوان المشاركة:	و يبقى للذكرى مكان ......." أنا و مذكراتي "
* كلمات حملت في طياتها أبلغ و أصدق المعاني, حطت رحالها في مراحل متباينة من حياتنا اليومية بما تحمله من أعذب المواقف أو ربما أكثرها مرارة . * صور أبت إلا أن تكون الشاهد الصامت على مرحلة معينة و هيئة مختلفة تعود لاختلاف المراحل التي تمر بها البشرية . * مقاطع مسجلة لا تغيب عنها الحياة تحملنا إلى عالم الماضي الذي يبرز و كأنه قد حدث قبل ثوان ليس إلا . هذه هي الحياة ....... موقف , كلمة , صورة , أو ربما تسجيل يحملنا إلى لحظة معينة من حياتنا الماضية . _ بعض الناس يلجؤون إلى كتابة مذكراتهم و دافعهم في ذلك شغفهم في الكتابة و إبراز المهارات الأدبية لديهم , أو ربما رغبة منهم في أن تكون مذكراتهم الدليل الذي يهتدي به أبناؤهم و أحفادهم فيأخذوا من هذه المذكرات العبر التي قد تجلب لهم الفائدة و السعادة المستقبلية و يتركوا منها ما هم بغنى عنه . _ و منهم من يلجأ إلى كتمان مذكراتهم و حصرها بذاتهم و حجتهم في ذلك هي المحافظة على الخصوصية التامة لهذه المذكرات . _ و من الناس من غاب عنهم دفتر المذكرات شكلا و مضمونا . و الأسئلة التي تطرح نفسها هنا هي كالتالي : 1_ هل للذكريات مكان في قاموس كلماتكم ؟؟؟ 2_ هل أنتم مع أم ضد كتابة المذكرات ؟؟ و لماذا ؟؟؟ 3_ما هو الهدف الذي من أجله قد تلجؤون لكتابة يومياتكم ؟؟؟ 4_هل ثمة مواقف معينة تحرصون على كتابتها دون سواها ؟؟؟ أم أن دفاتركم مفتوحة لاستقبال حتى أبسط المواقف و التفاصيل الروتينية ؟؟؟

الكاتب:	فــلـك [ الثلاثاء يونيو 16, 2009 3:55 pm ]
عنوان المشاركة:	و يبقى للذكرى مكان ......." أنا و مذكراتي "
سيرين, الموضوع عن جد كتير حلو شكرا كتير على طرحو 1_ هل للذكريات مكان في قاموس كلماتكم ؟؟؟ طبعا مافي انسان بعيش بلا ذكريات حلوة مرة مضحكة...... _ هل أنتم مع أم ضد كتابة المذكرات ؟؟ و لماذا ؟؟؟ لا اكيد مو ضد حلو الواحد يتزكر الاشياء الي صارت معو اذا كانت مذكرات حلوة بيسترجعها وبيستمتع فيها واذا كانت مذكرات مرة بيسترجعها وبيتعلم ومنها وبشوف حالو بشو غلط وكيف كان لازم يتصرف..... 3_ما هو الهدف الذي من أجله قد تلجؤون لكتابة يومياتكم ؟؟؟ لحتى اتعلم من اخطائي اولا واسترجع الماضي ثانيا 4_هل ثمة مواقف معينة تحرصون على كتابتها دون سواها ؟؟؟ أم أن دفاتركم مفتوحة لاستقبال حتى أبسط المواقف و التفاصيل الروتينية ؟؟؟ اكيد في مواقف معينة وانا من النوع الي بحب يحتفظ بأتفه الشغلات انشاء الله محرمة اذا كانت بدها تذكرني بشي او تعطيني درس او تنبيه.....

الكاتب:	MÖØÒÕNL!GHT [ الثلاثاء يونيو 16, 2009 5:07 pm ]
عنوان المشاركة:	و يبقى للذكرى مكان ......." أنا و مذكراتي "
سيرين, موضوع كتيير حلو و حسااس الذكريات أروع شي بالحياة و أحيانا بتكون هيّ الهوا اللي بتنفسوا لنعيش المستقبل . . 1_ هل للذكريات مكان في قاموس كلماتكم ؟؟؟ مكان و كبييير كتيييير .. 2_ هل أنتم مع أم ضد كتابة المذكرات ؟؟ و لماذا ؟؟؟ يعني لا مع و لا ضد . . أحيانا الواحد مو ضروري يكتب مذكراتو على ورئة ممكن يحتفظ فيا بذاكرتوا . . بس أنا برأي انو حلو الواحد يكتب مذكراتو . . 4_هل ثمة مواقف معينة تحرصون على كتابتها دون سواها ؟؟؟ أم أن دفاتركم مفتوحة لاستقبال حتى أبسط المواقف و التفاصيل الروتينية ؟؟؟ رح جاوب ع هاد السؤال أبل سؤال 3 .. انا بكتب بس الأيام الشبسل اللي صارت بحياتي مشان ما انسى و لا تفصيل زغيير فيا . . 3_ما هو الهدف الذي من أجله قد تلجؤون لكتابة يومياتكم ؟؟؟ مشان هيك جاوبت ع السؤال 4 أبل لانو نفس الجواب . . ** نصيحة : ديروا بالكن كتييير منيح ع يومياتكن و احتفظوا فيا بمكان آمن يعني الجني الأزرق ما يعرف وينا اييييييييييه اسئلو مجرب هع

الكاتب:	سيرين [ الثلاثاء يونيو 16, 2009 6:39 pm ]
عنوان المشاركة:	و يبقى للذكرى مكان ......." أنا و مذكراتي "
حاولت كتير أني أكتب مذكراتي بس كنت وقت أصل لنص الصفحة خزقها و ارجع حاول مرة تاني بس متل ما صار بالمرة الأولى كان يصير بالمرة التاني . و السبب بيرجع لأنو كتابة المذكرات , خلينا نقول بالنسبة ألي , تسجيل و توثيق الأحداث البارزة سواء كانت تحمل طابع الفرح أم طابع الحزن . و كتابة المذكرات الحزينة كانت كتير تدايقني , تدايقني بشكل كبير وقت تصير معي و ترجع كمان تدايقني أكتر وقت حاول أني ضمها لدفتر مذكراتي . و يمكن يكون هاد واحد من الأسباب ألي خزق الورقة بسببها . أنا من النوع يلي بميل كتير للخصوصية , يعني المواقف يلي بتصير معي سواء كانت سعيدة أو حزينة بحب أحتفظ فيها لحالي بس هاد ما بيعني أني أبدا ما بشارك حدا بالأشياء يلي عم تصير معي و هاد الشي أكيد بيتبع طبيعة الموقف , إذا خرج أحكيه أو لا , و مدى علاقتي بالشخص يلي ممكن فكر أني أحكيلو . و هاد السبب الرئيسي يلي بخليني ما أكتب مذكراتي لأنو هالمذكرات رح يجي يوم و يقراها شخص ما و هيك بتروح خصوصيتها . و غير هيك يمكن هالمذكرات تسبب الألم للناس يلي رح يقرؤوها إذا كانت بتحمل طابع حزين و أنا أبدا ما بحب هاد الشي . المواقف يلي بتصير معي أغلبها بدايقني لسبب أو آخر و أكيد متل ما كانت سبب بتعكيري رح تكون كمان السبب بتعكير الناس يلي جنبي . و أكيد ما حدا ناقصو هم فوق همو . يعني بالمختصر : إما أن أكتب كل شيء أو لا أكتب على الإطلاق . و الحياة أكيد فيها الحلو وفيها المر و خلينا نفرح للمواقف الحلوة وقت بتصير معنا و وقت منتذكرها و أكيد نحنا بغنى عن تذكر المواقف يلي كانت مصدر للألم في لحظة من اللحظات . و بتبقى ذاكرتنا أوسع دفتر لكل ذكرياتنا .

الكاتب:	z-r-11 [ الأربعاء يونيو 17, 2009 12:48 am ]
عنوان المشاركة:	و يبقى للذكرى مكان ......." أنا و مذكراتي "
سيرين, اقتباس: 1_ هل للذكريات مكان في قاموس كلماتكم ؟؟؟ مو بس مجرد مكان بقاموس حياتنا... ذكرياتنا عبارة عن قاموس بيشرح و بفسر اهم كلمات و لحظات مرت معنا بحياتنا.. اقتباس: 2_ هل أنتم مع أم ضد كتابة المذكرات ؟؟ و لماذا ؟؟؟ بعتقادي انو الذكريات و خصوصي الحلوة بتنحفر بالقلب و بالروح و مستحيل تنتسى..يعني ما رح تفرق اذا سجلناها على ورق و دفاتر.. اقتباس: 3_ما هو الهدف الذي من أجله قد تلجؤون لكتابة يومياتكم ؟؟؟ انو فرجيها لشي شخص بيوم من الايام.. اقتباس: 4_هل ثمة مواقف معينة تحرصون على كتابتها دون سواها ؟؟؟ أم أن دفاتركم مفتوحة لاستقبال حتى أبسط المواقف و التفاصيل الروتينية ؟؟؟ اكيد بس اللحظات المميزة مع الاشخاص الي منحبن و الي منحرص انو يكونوا هنن و ذكرياتن موجودين بكل مكان و بكل تفصيل من حياتنا قد ما كان بسيط سواء كانت ذاكرتن بقلوبنا او حتى دفاترنا...

آرتين لتعليم اللغات https://forum.art-en.com/

و يبقى للذكرى مكان ......." أنا و مذكراتي " https://forum.art-en.com/viewtopic.php?t=17101	صفحة 1 من 2

الكاتب:	Odysseus [ الأربعاء يونيو 17, 2009 9:17 am ]
عنوان المشاركة:	و يبقى للذكرى مكان ......." أنا و مذكراتي "
سيرين, كالعادة .. مواضيع استثنائية الذكرى و المذكرات .. ! أعتقد بأن البشر ابتكروا هاتين الكلمتين للتعويض عن نقص ما .. فجميعنا يعلم أنه لا يمكن ايقاف الزمن .. فرأى البعض حلا بديلا لإيقاف الزمن .. ألا وهو اختزان أجزاء بسيطة من الزمن .. فنحن عندما نأخذ صورة ما .. نحن عمليا نختزن تلك اللحظة بالذات من الزمن .. أي أنه - على سبيل المثال - من الممكن أن تكون الصورة في يوم 12 من الشهر الرابع في سنة 1980 في الساعة الرابعة عصرا و الدقيقة العشرون و الثانية الواحدة والثلاثون و الجزء 48 من الثانية .. فنحن عمليا استطعنا أن نختزن هذه اللحظة من الزمن .. تقول أحلام مستغانمي في روايتها الشهيرة "ذاكرة الجسد" .. تقول : "توقف أيها الزمن ما أجملك!" كان ندائها نتيجة لمعرفتها أن الزمن لا يتوقف .. دائما للأمام .. هذه هي الصورة .. أما المذكرات .. فهي طريقة أخرى أقل موثوقية و دقة في المعلومات لإختزان الزمن .. يقول المثل الشعبي .. "خط ردئ أفضل من ذاكرة متقدة . ." من هنا رأى البعض أن يقوموا بكتابة مذكراتهم .. و الدافع معلوم و معرف .. فلا أعتقد أن شخصا ما يكتب مذكراته فقط لنفسه .. لا .. إنه بالواقع يكتبها ليقرأها شخص ما عاجلا أم آجلا .. بقصده أو دون قصده .. فهذه هي الطبيع البشرية .. الإنسان بطبعه غير قادر على الإحتفاظ "بسر " لنفسه .. لابد من وجود شخص ما يبوح اليه مافي قرارة نفسه .. هناك بضع كلمات قالتها شخصية مول فلاندرز برواية دانييل ديفو "مول فلاندرز" .. تقل مول : "[. . .] a secret of moment should always have a confidant, a bosom friend to whom we may communicate the joy of it, or the grief of it, be it which it will, or it will be a double weight upon the spirits and perhaps become even insupporable in itself; and this I appeal to human testimony for the truth of." هي بالعربي للزملاء من الأقسام غير الإنكليزي .. " ... يجب على الدوام أن يكون هناك شخص موثوق به على سر اللحظة, صديق حميم نستطيع أن نشاركه فرحتنا أو أسانا, و مهما كان, وإلا سيكون ذلك ذو وزن مضاعف على أرواحنا ومن المحتمل أن يصبح غير محتمل بذاته: و أنا أحتكم بمصداقية هذا الشئ إلى الدليل البشري." هاد الكلام صحيح 100 بالمية .. انتوا من خلال تجربتكم بالحياة .. لما بكون عندكم سر ما أو معلومة ما .. ما بتصيروا تبحثوا عن الشخص المناسب ليشارككم فيه؟؟ أكيد أي .. لأنو مافي حدا بيستطيع يحتفظ بشئ لنفسو .. العطاء هو سمة الحياة .. على العموم .. بعض الأشخاص ما بتلاقي حدا موثوق يعطوه السر (عن حياتون) .. لذلك بيلجأو لكتابة المذكرا .. و أكيد مافي حدا بيكتب شي بس للكتابة .. بكتبوا المذكرات لتقرأ عاجلا أم آجلا .. في حياتهم أو بعد موتهم .. و هيك بكونوا شاركوا الآخرين بأسرار حياتون شكرا مرة تانية على الموضوع سيرين

الكاتب:	سيرين [ الأربعاء يونيو 17, 2009 10:36 pm ]
عنوان المشاركة:	و يبقى للذكرى مكان ......." أنا و مذكراتي "
fofo star Moooonlight z-r-11 آراء ما فيني ألا أحترمها و احترم أصحابها , و كانت كلماتكن أحلى ذكرى في دفتري و دفتركن و دفتر كل آرتيني " آرتين قمة القمم " و من قلبي بتمنالكن أنو تكون الحياة بالنسبة لألكن أجمل مكان يحتضن في ثناياه أروع الذكريات و أطيب المنى ... و شكرا على مروركن و مني لألكن أحلى باقة أزهار علاء تسلم يا رب .... هاد من ذوقك الاستثنائي متل عادتك كانت الفلسفة حاضرة بشكل كبير من خلال ردك بس فلسفة حلوة و بمكانها أكيد . و بالنسبة للعطاء ... وجود العطاء مرتبط بمن نقدم لهم العطاء إن كانو أهلا للعطاء , كنا خير أهل لتقديم العطاء .... شكرا و يا هلا فيك دائما

الكاتب:	بانة [ الخميس يونيو 18, 2009 12:41 am ]
عنوان المشاركة:	و يبقى للذكرى مكان ......." أنا و مذكراتي "
بشكل عام , انا ما عندي دفتر مذكرات أو أوراق بتحتوي على هالشي بس كنت أكتب الأحداث المهمة بـ"الحافظة السرية" بجوالي , وكان في كتير أحداث مترختها وكاتبة عالأقل تلميحات بترجعني إلها ... بس للأســـــــــــــف جوالي انسرق وانسرقت معه كل هالذكريات ومن جهة تانية , أنا بحب بالحدث اللي لازم يتسجل كذكرى لا تمحى إني إحتفظ بشيء " مادي " مرتبط بهالحدث , مثلا عندي حجرة ومحاية إلهم ذكرى , وعندي منديل بيرتبط بآخر يوم كان بالمدرسة , وعندي قطعة من جريدة مرتبطة بحدث , وغير هيك كتير شغلات ... تعودنا عمواضيعك الحوارية الحلوة , وبانتظار المزيد

الكاتب:	A..R..W..A [ الخميس يونيو 18, 2009 1:49 am ]
عنوان المشاركة:	و يبقى للذكرى مكان ......." أنا و مذكراتي "
سيرين, ما بعرف ليش و أنا عم أقرأ موضوعك اتذكرت فصل الشتا ... ع كل الموضوع مميز كتير بالنسبة لإلي الذكريات ما بتحتل مكان كبير من حياتي .. و بحس الشخص اللي بضل عايش على الذكريات شخص بحاول الهروب من واقع عايش فيه ضد كتابة المذكرات ...... ما بكتب يومياتي أبداً.. مع اني ما بكتب مذكرات بس هاد ما بيعني انو ذاكرتي مابتحتفظ بكتير قصص سواء كانت تافهة أو مهمة .. لما بكون الحدث بيعنيني ما بنسا أبداً و بضل خالد بذاكرتي أكتر من لما بكتبو شكراً لك

الكاتب:	عاشقة العربية [ الخميس يونيو 18, 2009 2:48 am ]
عنوان المشاركة:	و يبقى للذكرى مكان ......." أنا و مذكراتي "
سيرين, موضوعك كتير رومانسي .. خصوصي انو دخلنا بالذكرى والذكريات بالنسبة إلي أنا بكتب مذكراتي .. بس بتديق اخلاقي من التفاصيل اليومية المكررة فبكتب باختصار وبركز ع حدث معين دايقني او جديد صار معي هلأ السبب بالكتابة عندي كتير بسيطة أنو بحب بالسنة الجاي بنفس الوقت شوف حالي شو كنت عم اعمل وخصوصي بأيام الجامعة اللي عم تنتهي انو لما افتح هالدفاتر بعدين شوف كيف كنت قضي يومي بالحضور والركيض ورا المحاضرات والقاعات يعني هيك شغلات لما بتتسجل ولو برؤوس أقلام وبقراها بتذكر كل تفاصيلا بالمكان والناس اللي كانو معي أهلي او رفقاتي وعندي وقت محدد للكتابة يعني قبل مانام .. شي نص ساعة كتابة بس طبعا ما كتابة أدبية بكتفي بشغلات وأحداث سريعة ولو شي حدث مهم بفصّل عنو أكتر وبعمل متل بانة بحتفظ بشغلات مادية وبحطا مع نفس النهار اللي صارت فيه ولما يكون بالموضوع شي أدبي .. فهون بفردلو مكان لحالو بدفتر خاص وعلى دفاااتر بس فعلا المشكلة الأكبر لما بتنكشف هي الدفاتر متل ما قالت مون لايت لأنو بتنكشف شخصية الواحد ورأيو وأفكارو اللي بحب يحتفظ فيا لنفسو بس يمكن وصي شي حدا يحرقلي اياهن لما بموت لأنو ما عاد إلن أهمية لشخص غيري . Ala' Al-Ibrahim اقتباس: هاد الكلام صحيح 100 بالمية .. انتوا من خلال تجربتكم بالحياة .. لما بكون عندكم سر ما أو معلومة ما .. ما بتصيروا تبحثوا عن الشخص المناسب ليشارككم فيه؟؟ أكيد أي .. لأنو مافي حدا بيستطيع يحتفظ بشئ لنفسو .. العطاء هو سمة الحياة صح .. ولو ما لقينا هالشخص فالقلم والورقة هني اجمل صديق وأكتر صديق ممكن يسمع مننا تحليلك كتير عجبني علاء سيرين, موضوعك لامسني جدا .. شكرا كتير إلك عزيزتي

صفحة 1 من 2	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/