حـــــــب الريـــــــــــف .....................

سليمان الحسن · **مرسل:** الأربعاء يونيو 10, 2009 8:31 pm

حب الريف

البلبل يعزف ألحان شتى
فتطير يمامة ويتغير المكان
وعلى درب الياسمين ترانيم
قد جالت بهدوء فوق البستان

نغم من فم فلاح
يطرب القلوب بإتقان
الشمس تلتحف بومض دافئ
وسنابل قمح تملأ المكان

وخرير مياه النبع ترقص
من قصة ريف مليئ بالحنان
وهناك الأغنام ترعى
بحمى راعيها وحمى الرب المنان

جوقة عصافير تصدح
فوق شجر الدراق والرمان
تحضنها أوراق ندية
وتحملها بهدوء أغصان

أشواق تتطاير من همس الغروب
تفرز فوق الحقول الصفراء عبقها الفتان
تعزف من إيقاعها نغما
يطرب الدنيا بأرق الألحان

حكايا في حضن الريف
سردها بهدوء طيران
قدحطا بألق على غصن
شبه صورة من إحدى الجنان

وصوت العود من يدالجار
تصنع ذكرى ممشوقة بحنان
تشرح الصدور اليائسة
تفرح من به الأحزان

في الريف أساطير سحر
حقيقة مكتوبة في الأجفان
وعيون فتاة في الحقل تعمل
ملاك أسطوري بهيأة إنسان

شعرها الأشقر فيه سحرقديم
من قدم اللؤلؤ والمرجان
والوجه الأبيض تلفحه شمس
وفي أسفله تتكلم شفتان

في الريف معاني قدسية
حكم إنجيل وتراتيل قرآن
وعلى طول الدرب أزهار
وأشجار تتمايل بالطول الفتان

من دعوة الفجر الباكر يبدأ سحر
يتلو ما طاب من كلم ومعان
يتوضأ من قطر ندى
من رحيق بنفسج وإقحوان

وبعد الظهيرة تختبأ السنونو
من صوت ركض الغزلان
تلتحم أمواج محبة
من أفواه فتيات وشبان

تروي بين كروم العنب حكايات
من جوف الماضي وقدم الزمان
تعلن وقت العودة
إلى أكواخ بسيطة البنيان

تدع لليل البهي دوره
في عناق الصمت بحنان
تدع للقمر البديع مهمته
في عناق الأرض بهذيان

وحوله نجوم راقدة بهدوء
تضفي سحرها على المكان
تراهن الليل سهرا حتى الصباح
وأظنها لن تخسر الرهان

تلك حكاية ريف اختصرتها
وطن من أرقى الأوطان

سليمان الحسن

Safwat · **مرسل:** الخميس يونيو 11, 2009 1:32 am

sleman alhasan,

كيف حسيت فيا ؟؟؟؟؟؟؟؟؟؟؟؟

نظما حلو ......بس ما فهمتا و لا أثرت في كتيييييييير

سليمان الحسن · **مرسل:** الخميس يونيو 11, 2009 1:58 am

حسب الشعور اخي
بجوز لانك ابن مدينة

شكرا اخي عرايك

عدنان حاج برهان · **مرسل:** الخميس يونيو 11, 2009 2:55 pm

الله يعطيك العافية وكالعادة انا اللي بحبن بعطيهن رأي بصراحة وما بجامل

أخي انت عم تكتب حلو بس الفكرة مووووووووووووو كتير
حاول تدور على فكرة تأثر بالأغلبية والريف يعني بصراحة ما بعرف يمكن ما بشد الناس ولازم تدور على فكرة أقوى وهي قريبة من قصص طلاب الإبتدائي
وهاي نصيحة أخ
السلام منالله عليكم ورحمة من لدنه وبركات

العمر رحلة والتجارب رحايل

سليمان الحسن · **مرسل:** الخميس يونيو 11, 2009 3:04 pm

عدنان حاج برهان,

اقتباس:

وهي قريبة من قصص طلاب الإبتدائي

*ممم كلنا مبتدئون في مدرسة الشعر

اقتباس:

حاول تدور على فكرة تأثر بالأغلبية والريف يعني بصراحة ما بعرف يمكن ما بشد الناس

بالنسبة الك بجوز ما بشد الناس
انا كتبت الجو اللي العايشو انا مكان معيشتي مو بالضرورة يشدك اخي بجوز ما عندك ميول للريف واجوائو ومهما كتبنا ما منوصل للجمال الاسطوري للريف

تسلم بمرورك

Safwat · **مرسل:** الخميس يونيو 11, 2009 4:35 pm

sleman alhasan,

بتعرف ......حقك علي .هلق بعدما عرفت انو وطنك .فهمتا و دخلت قلبي كتييييييييير

و فعلا انت ناقا صولا كتييييييير حلوة
[quote]
في الريف معاني قدسية
حكم إنجيل وتراتيل قرآن
[/quote]
[quote]
وحوله نجوم راقدة بهدوء
تضفي سحرها على المكان
تراهن الليل سهرا حتى الصباح
وأظنها لن تخسر الرهان
[/quote]

بتعرف سليمان .نيالك ...الريف غالبا احلى من كتيير مناطق بالمدينة اذا في خير و خضار و مي و رزق ..........
اسمحلي قلك ............صورها حلوة كتير و نظمها ممتاز ..........

عرفنا ع منطقتك يا سليمان

Mohammed · **مرسل:** الجمعة يونيو 12, 2009 5:09 pm

حكاية حلوة أو فينانقول لوحة جميلة مليئة بالالوان من طبيعة أريافنا الغنية ..والمنسية

سليمان الحسن · **مرسل:** الجمعة يونيو 12, 2009 11:26 pm

Safwat,
شكرا لك اخي الكريم
وخلينا نكسبك بشي زيارة بلكي منكتب شي قصدة مشتركة عالريف انا وانت

تقبل تحياتي

mohammed,
اهلا بك اخي
حكاية مقتبسة من احضان الطبيعة
بس ليش منسية
بجوز بس للبعض منسية

Mohammed · **مرسل:** السبت يونيو 13, 2009 2:30 am

منسية من القائمين عليها
عم قلك هيك كمان لان انا ابن الريف وشايف قديش ريفنا وغيرو من الارياف مهمل ولو بيلقا الاهتمام من الدولة كيف رح يكون جنة وتنفس رائع لاهل الرف نفسو وللغريب

سليمان الحسن · **مرسل:** السبت يونيو 13, 2009 1:33 pm

mohammed,
عفوا اخي ظننت بانها منسية بمعنى آخر

طبعا هي منسية من المعنيين وهناك اماكن في ريف حمص وغيره تصبح منتزهات واماكن عالمية اذا تم الاهتمام بها وتحسينها وتخديمها سياحيا وخدميا
وكما نرى الأرياف الاوربية والتركية تكون اجمل من المدن بالف مرة تحرك المشاعر وتشوق الانفس للعيش باجوائها والتنعم بهمس سحرها

شكرا اخي على مرورك ورايك اللي بمحلو..
تقبل تحياتي
يلا ما بدنا نتحول عن الموضوع هلأ بسكرونا الموضوع

اخوك سليمان

LATEST_POSTS

قوانين المنتدى

حـــــــب الريـــــــــــف .....................

الموجودون الآن