| آرتين لتعليم اللغات https://forum.art-en.com/ |
|
| عقدة جديدة _الموبايل_ !!! https://forum.art-en.com/viewtopic.php?t=16995 |
صفحة 1 من 3 |
| الكاتب: | nanno [ الاثنين يونيو 08, 2009 11:24 am ] |
| عنوان المشاركة: | عقدة جديدة _الموبايل_ !!! |
يا عمي بدكم تديروا بالكم من العقدة الجديدة و التي أصابت دكتورتنا العزيزة سلوى وهي عقدة الموبايل بالفصل الأول مسجات  و بالفصل التاني سندريلا مع موبايل حلو كتير  شو منشوف بكرة كمان ؟؟؟؟ هاملت مع مسدس و إم سكستين على كل إنشالله تكونوا كتبتبوا منيح و إستفدتوا من إختراع العصر ألا وهو - الموبايل - 
|
|
| الكاتب: | LILAC [ الاثنين يونيو 08, 2009 12:10 pm ] |
| عنوان المشاركة: | عقدة جديدة _الموبايل_ !!! |
والله اول ماشفت عنوان موضوعك علشريط عرفت انو الموضوع الو علاقة بالدكتورة سلوى شوقصة الموبايل شو صار معكن انا مارحت علمادة شو مخترعتلكن هلمرة  طمنونا متل علم اللغة ولا اسهل 
|
|
| الكاتب: | Nastia [ الاثنين يونيو 08, 2009 1:50 pm ] |
| عنوان المشاركة: | عقدة جديدة _الموبايل_ !!! |
اقتباس:
طمنونا متل علم اللغة ولا اسهل
لا والله أصعب بكتييير.. صحي أنا ما قدمت علم اللغة الفصل الماضي بس شفت الأسئلة، يعني تنكيش سنان قدام أسئلة اليوم..  صحي شو هي سندريلا وبدنا نألف نهاية لقصة الموبايل.. أنا خيالي مو كتير واسع لهيك ضليت شوي منيحة فكر شو بدي اكتب  .... وكل هالأسئلة شرح شرح ما عدا السؤال الأول فراغات وحتى هاد في نكشات.. 
|
|
| الكاتب: | alayham [ الاثنين يونيو 08, 2009 2:39 pm ] |
| عنوان المشاركة: | عقدة جديدة _الموبايل_ !!! |
احسنين بكرى باللغة شو بدا تجيب |
|
| الكاتب: | سنا [ الاثنين يونيو 08, 2009 3:03 pm ] |
| عنوان المشاركة: | عقدة جديدة _الموبايل_ !!! |
يا جماعة والله شهيتوني شوف النص.. نزلونا ياه بقسم الترجمة .. 
|
|
| الكاتب: | Odysseus [ الثلاثاء يونيو 09, 2009 5:47 am ] |
| عنوان المشاركة: | عقدة جديدة _الموبايل_ !!! |
nanno,  في موضوع تاني بخصوص مادة طرائق التدريس .. فلشو هاد الموضوع؟؟؟ بعدين هاد الموبايل يلي عم تحكي عنو ممكن يكون سبب نجاحك بالمادة! شبنا ولووو؟؟ خلي الواحد يكون موضوعي شوي بحياتو مو عالرايحة والجاي ينتقد ... كلو عندكم نقد بنقد بنقد؟؟؟؟ يعني فعلا شي بحير ايمتا ممكت تعجبكن الأسئلة ؟؟ سؤال الموبايل بالتحديد كان سؤال ابداعي .. وبدو خيال .. والا يعني لازم نتم نحفظ بصم؟؟؟؟ روحوا اشكروا ربكم انو جابتنا هيك أسئلة ! اقتباس:
شو مخترعتلكن هلمرة
طمنونا متل علم اللغة ولا اسهل  .. هالمرة مخترعتلنا شي كل الطلاب حبوه .. باستثناء أعداد قليلة من الي ما بحبو يشغوا خيالون .. والأسئلة أسهل بكتييييير من علم اللغة ..
اقتباس:
يعني تنكيش سنان قدام أسئلة اليوم..
 انتي أول وحدة بتقول هالحكي هاد .. اذا انتي السباقة  بالله عم تحكي جد انو هي أصعب ولا عم تمزحي؟؟؟؟ اقتباس:
صحي شو هي سندريلا وبدنا نألف نهاية لقصة الموبايل
السؤال كان واضح جدا .. واضح وضوح عين البقة بس اتخيلي انو وقع من سندريلا موبايل بدل من فردة حذاء .. شو كان رح يصير ؟ شلون الأمير رح يلاقي الأميرة؟؟ أنا أبدعت بهاد السؤال موفقين كلكون ان شاء الله يا رب .. وان شاء الله الكل بطالع هي المادة و كل المواد 
|
|
| الكاتب: | Kiefer [ الثلاثاء يونيو 09, 2009 7:59 am ] |
| عنوان المشاركة: | عقدة جديدة _الموبايل_ !!! |
اقتباس: في موضوع تاني بخصوص مادة طرائق التدريس .. فلشو هاد الموضوع؟؟؟ بعدين هاد الموبايل يلي عم تحكي عنو ممكن يكون سبب نجاحك بالمادة! شبنا ولووو؟؟ خلي الواحد يكون موضوعي شوي بحياتو مو عالرايحة والجاي ينتقد ... كلو عندكم نقد بنقد بنقد؟؟؟؟ يعني فعلا شي بحير ايمتا ممكت تعجبكن الأسئلة ؟؟ سؤال الموبايل بالتحديد كان سؤال ابداعي .. وبدو خيال .. والا يعني لازم نتم نحفظ بصم؟؟؟؟ روحوا اشكروا ربكم انو جابتنا هيك أسئلة ! .مو كتاب ب 120 صفحة صغيرة بينعطى ب 150 صفحة محاضرات, أي شو هاد؟!! شي مو طبيعي بالمرة, و لا لأنو نحنا ساكتين و ما بنحكي عن هالكم الهائل اللي عم ينعطى عنا بالجامعة سواءً بمواد الدكتورة سلوى أو ببقية المواد, هادا غير عن هالبرنامج اللي بينم عن ذكاء كتير و حكمة بمواعيد المواد , وبرجع بقول أسئلة الطرائق (مع أني مارح انجح فيها) كانت أسئلة جداً تقليدية و ما فيها أي شي جديد, بس لازم على الطالب أنو يكون مغطى كل المعلومات اللي إلها داعي و لا لأ لحتى يجاوب, و بالنهاية لا تعليق على سؤال سندريلا.على كل حال نشكر الله و إنشاء الله بتخلص هالسنة الصعبة على الكل بخير و بتخرجوا كلكم
|
|
| الكاتب: | Odysseus [ الثلاثاء يونيو 09, 2009 8:48 am ] |
| عنوان المشاركة: | عقدة جديدة _الموبايل_ !!! |
Kiefer, أول شي بشكرك لمشاركتك و أكيد رأيك مهم  هدفنا النقاش أولا و أخيرا .. بس يا Kiefer النقد لحتى يكون موضوعي ما لازم يعتمد على مصالح شخصية .. وأنا مو متل ماقلتي انو ما بنقد .. بالعكس تماما .. لما بشوف في شي غلط .. بس غلط عام مو شخصي .. وقتا بنقد .. شخصيا ... كل شي شفتون بعد المادة كانوا عم يقولوا الأسئلة سهلة و عادية بس اتداخلت المعلومات ببعضا من كثافة المنهاج .. وأنا معون 100 بالمية بهالنقطة .. الدكتورة سلوى معروفة بكثافة مناهجا وهي معاناتنا معاها بس .. على كل مافي شي اسمو رأي صائب و رأي خاطئ .. كل واحد الو رأيو الخاص .. ولازم نتقبل آراء بعض بروح رياضية .. لأنو الحياة هي مو بس شخص واحد .. الحياة هي مجموع الأشخاص الي عايشين بالدنيا .. و أكيد هدول الأشخاص ما بيشبهوا بعض ولحتى ييحسنوا يعيشوا سوا لازم يتقبلوا رأي بعض برحابة صدر اقتباس:
هالبرنامج اللي بينم عن ذكاء كتير و حكمة بمواعيد المواد
أنا من أكتر الأشخاص الي تضرروا من هالبرنامج الخطير هاد .. والي حطو ما بيفهم بالمرة .. ما رح قول أكتر من هيك .. ما بيفهم وبس واحد كان مجرد من الفهم ما بيتآخذ ... قلبوا البرنامج الي رفعوا الهيئة الإدارية فوقاني تحتاني وكلو من شان يحاولو يرسبو الطلاب .. جامعات آخر زمن .. بالجامعات الأخرى الجامعة بتحاول قدر ما فيها من شان تخلي الطلاب يفهوا وبالنتيجة ينجحوا من شان يرتفع من اسمون انن خرجوا طلاب على مستويات .. أما بجامعتنا الموقرة فبعتبروا انو اذا رسبو الطلاب أكتر معناها الجامعة أقوى لأنو اذا نجحوا الطلاب معناها الجامعة مافيها تعليم صحيح بجد هيك بفكروا بجامعتنا ما تفكروني عم امزح .. و بالأخير بتمنى التوفيق للجميع ان شاء الله .. من أعجبته الأسئلة ومن لم تعجبه
|
|
| الكاتب: | nanno [ الثلاثاء يونيو 09, 2009 12:34 pm ] |
| عنوان المشاركة: | عقدة جديدة _الموبايل_ !!! |
1- أخ علاء شكراً على تعطيرك صفحتي 2- موضوعي عن طرائق التدريس نزل قبل الموضوع ياللي عم تحكي عنو حضرتك و مو ذنبي إذا إنتي ما إنتبهت لهادا الشي و ماعندي مشكلة إذا بتحذف موضوعي من الأصل 3- نحنا هون عم نعطي رأي مو خربت الدنيا يعني  ومتل ما حضرتك تفضلت كل شخص إلو رأي - على أساس - |
|
| الكاتب: | Odysseus [ الثلاثاء يونيو 09, 2009 12:38 pm ] |
| عنوان المشاركة: | عقدة جديدة _الموبايل_ !!! |
nanno, لك والله انت مافي منك و أنا كتير بحب الأشخاص الي بيحترموا آراء الآخرين و انت أكيد منن موفق
|
|
| صفحة 1 من 3 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|